للاعضاء الحقووووووني

[شلشكو]

عندي سيارة سفاري (باترول)موديل 92 شاريه اتهبد به في هالبران المشكله بعد شهرين جيم كمبرسر المكيف التشاليح على 700 ميه ريال اللي يخبر كهربائي بطران يولف او محل يبيع باسعار معقوله الله لا يهينه يدلني

[عاشق السيل]

مشكلة الكمبروسر إذا خرب غالبا يحتاج تغيير ،،

لكن أنا من رايي إنك ماتستعجل عليه لأن الشتاء جاي وأنت شاري السيارة للبر بس ،، اصبر حتى يجيك الحر وبعدين روق عليه واسأل عن كم ورشة وأنصحك تروح للصناعية القديمة إذا كنت بالرياض ومر على كم فني وبعدين اتخذ القرار اللي يناسبك ،،

عارف إنك مااستفدت مني شي لكن حبيت أشارك وانتظر غيري إن شاء الله يفيدك وتقبل مروري يالغالي ....




.

[Black VTC]

رأيي من رأي اخوي عاشق السيل الشتاء جاي و ماتحتاج للمكيف و تبي تلقى فنيين التكييف على قفا من يشيل فاضين ما عندهم شغل ولا مشغلة وكل يوم لهم صنعة اللين يجي صيفنا اللي يحمس الكبد ...

[الثويرات]

http://www.mekshat.com/pix/upload/images39/mk55341_zaz.gif

شف رح لم ورش السيارات الديزل الي يرهمون الديزل للباترول ورايح تلقى عندهم كثير مررره الكمبرسر لانه يجي مع المكينه الديزل حقت الباترول 24 فلذالك يجدعونهن رح انت وخذ واحد ورايح تلقاه رخيص مرره وبعدين لاخته فك الكلتش حقه لانه 24 وركبله كلتش الكمبرسر الي معك وترى مافيه فرق بينهن الى الكلتش فقط لاغير.

[بواسامه]

عطاك العلم عاشق

[رجل كريم]

عندي سيارة سفاري (باترول)موديل 92 شاريه اتهبد به في هالبران المشكله بعد شهرين جيم كمبرسر المكيف التشاليح على 700 ميه ريال اللي يخبر كهربائي بطران يولف او محل يبيع باسعار معقوله الله لا يهينه يدلني



اخي الكريم / شلشكو

اذا كان تقصد بكلتش الكمبروسر القاعدة النحاسية .. فالأمر سهل جدا وميسر ..

لاتغير الكمبروسر ولا شي .. وتقدر تبدله مثل المصنع واحسن ..وبسعر معقول جدا ..

اتمنى سرعة الرد لاني مسافر مساء هذا اليوم ان شاء الله ..

تحياتي ..