تعلواااااااااااااااااااا شوفو فظيحة وكالة نيسان بالسعودية " الحمراني"

[السديراوي2003]

اليوم بتاريخ 25/9/1428هـ ذهبت بسيارتي الى شركة الحمراني الواقعه عللى طريق خريص "مخرج 13 من الدائري الشرقي " طبعا انا رايح اسوي لسيارتي صيانة الـ1000 كم طبعا الي تعودنا عليه من اي وكاله في العالم ان الصيانة الاولية تكون شامله ما تدفع ولا ريال
المهم ما اطول عليكم كان مهندس الاستقبال سوداني اسمه جعفر دخلت وجلست انتظره الين ماجا وبعد ذالك حظر وجلس يسلم على با قي المهندسين قلنا امنا بالله تأخير 10دقائق مايضر طبعا عطله ولا عندي مشكله وطبعا اخر اسبوع في دوام شركة الحمراني يعني قلت لازم يصير فيه تراخي شوي المهم ما اطول عليكم علمت المهندس جعفر انها صيانه اوليه وبعد ذلك طبعا كان عندي حذفه في السيارة قلت للمهندس جعفر ان فيه حذفه قالي ما نصلح الحذفه الى بعد العيد قلت ما فيه مشكله البلا مني انا جاي متاخر المهم خذ المعلومات وبعد قالي تراى الزيت والسيفون عليك رديت وقلت ليش قالي دفتر الصيانه ما ختم عليه ختم الحمراني طبعا انا ماخذ سيارتي من الفلاح حولت معه قالي هذا نظام جديد ولا نقدر نسوي شي طبعا رديت وقلت وش تسون في صيانة الـ1000 غير انكم تغيرون الزيت طبعا هذا الكلام علشان ابيه يرد ويقول لا احنا نوي ونسوي ونسوي لكن كان رده ايه بس نغير الزيت ما فيه تشييك ابد فقط الزيت المهم حولت اطلع منهم بشي وقلت غسيل السيارة قالي السوداني ارجع للمعرض وخذ منه كرت غسيل . وبعد الكلام هذا كله غسلت يدي من شركة الحمراني مع ان كل سياراتي نسان والله ثم واللله عقب الهكلام صارة وكالة الحمراني مهزله ما بعدها مهزله.

عندي استفسار بسيط هل فيه احد منكم قالوله ترى الزيت والسيفون عليك او لا ارجوا الرد

وسوف انقل لكم التفصيل عند استلا السيارة طبعا هذا ان صار قبل العيد.

[kaaaatm]

يا اخوي فيه شيء اسمه ادخل على المدير

[nhar]

اليوم بتاريخ 25/9/1428هـ ذهبت بسيارتي الى شركة الحمراني الواقعه عللى طريق خريص "مخرج 13 من الدائري الشرقي " طبعا انا رايح اسوي لسيارتي صيانة الـ1000 كم طبعا الي تعودنا عليه من اي وكاله في العالم ان الصيانة الاولية تكون شامله ما تدفع ولا ريال
المهم ما اطول عليكم كان مهندس الاستقبال سوداني اسمه جعفر دخلت وجلست انتظره الين ماجا وبعد ذالك حظر وجلس يسلم على با قي المهندسين قلنا امنا بالله تأخير 10دقائق مايضر طبعا عطله ولا عندي مشكله وطبعا اخر اسبوع في دوام شركة الحمراني يعني قلت لازم يصير فيه تراخي شوي المهم ما اطول عليكم علمت المهندس جعفر انها صيانه اوليه وبعد ذلك طبعا كان عندي حذفه في السيارة قلت للمهندس جعفر ان فيه حذفه قالي ما نصلح الحذفه الى بعد العيد قلت ما فيه مشكله البلا مني انا جاي متاخر المهم خذ المعلومات وبعد قالي تراى الزيت والسيفون عليك رديت وقلت ليش قالي دفتر الصيانه ما ختم عليه ختم الحمراني طبعا انا ماخذ سيارتي من الفلاح حولت معه قالي هذا نظام جديد ولا نقدر نسوي شي طبعا رديت وقلت وش تسون في صيانة الـ1000 غير انكم تغيرون الزيت طبعا هذا الكلام علشان ابيه يرد ويقول لا احنا نوي ونسوي ونسوي لكن كان رده ايه بس نغير الزيت ما فيه تشييك ابد فقط الزيت المهم حولت اطلع منهم بشي وقلت غسيل السيارة قالي السوداني ارجع للمعرض وخذ منه كرت غسيل . وبعد الكلام هذا كله غسلت يدي من شركة الحمراني مع ان كل سياراتي نسان والله ثم واللله عقب الهكلام صارة وكالة الحمراني مهزله ما بعدها مهزله.

عندي استفسار بسيط هل فيه احد منكم قالوله ترى الزيت والسيفون عليك او لا ارجوا الرد

وسوف انقل لكم التفصيل عند استلا السيارة طبعا هذا ان صار قبل العيد.





للاسف الشديد ما فيه رقيب ولا حسيب

الحبل على الغارب



وزارة التجارة

لا حياة لمن تنادي



ما نقول الا

حسبنا الله ونعم الوكيل

[B.A]

اسمع يااخ سديراوي2003 من طلعت شي اسمه وكاله بالسعوديه وهم ياخذون قيمة الزيت والسيفون مافيه وكاله تركب زيت وسيفون مجانا وبعدين انت تقول جميع سياراتك نيسان هل سبق ان اخذو قيمة الزيت والسيفون منك اما انه المره الاولى (وبالنسبه لي انا مطلع كامري من ابو جميل ورحت اشيك ال1000 كيلو اخذو مني قيمة الزيت والسيفون واغلاء من السوق) بس وش نسوي علشان الضمان الله يفكنا من هالدجالين

[خيال البويضا]

حسبي الله ونعم الوكيل

ندفع مئات الاف فى هالسيارات واخرها يجيك زول والا مصري يكرهك بالسياره ويضيع حقك عيني عينك
وهم خابرين ما وراهم احد لا ادراه توقف مع الزبون ولا تجاره ولا رقابه , وحنا شعب طيب , ما نعرف نطلع حقنا من عيونهم, بحلالك ومتجملين عليك .



ياخوي سو لهم مشكله وخلها تكبر وتجي الشرطه والتجاره وعيال الحاره

وافضحهم بالنت بالاسم والعنوان

[رحال7]

حرام سيارات منافسه وعمليه ومرغوبه لكن كرهناها من كثر ما نسمع عن الصيانه والاهتمام..ولكن اخاف القضيه عاطفيه من عرفنا تويوتا من سنين عديده وهم يدفعوننا كل شى من زيت الى فلتر الى اخره وكذلك من اجل مشكله صغيره احيانا تتاخر السياره اسبوع او اكثر بدعوى الزحمه وقطع الغيار و و و ...

كذلك جربنا فورد هم نفس القضيه
كذلك مازدا قطع غيار عاليه السعر
..

احيانا ما نعرف قيمة الوكيل الا عندما تجرب غيره

لكن ابى اسأل واتمنى ما حد يبخل علينا ما هو الفرق بين نيسان وتويوتا لانى اشوف ان جميل يتميز بالاتى:

-انتشار الفروع
-توفر القطع وخصم 20 الى 25% عليها
-مراكز صيانه مجهزه وعدد كافى من المهندسين واستقبال مميز

حقيقه احس انهم يستغلون الزبون بالتغييرات البسيطه ولا يصلحون الا المشاكل الظاهره وياخذون حقهم وافى!! وكثير من ىالاحيان ياخرونك وتستاجر سياره!

[الصاقول]

موضوع غريب ...

حنا عندنا مستحيل ياخذون منك أول تشييك ... والحين طالعين بشغله أنهم يعطونك 6 او 8 او حتى 9 تشييكات ببلاش بغرض المنافسه مع الوكالات الثانيه

الله المستعان

[راع الكرم]

الله المستعااان

[M.A.N]

عادي جدا ولا هوب غريب على الحمراني هالاشياء انا صار لي نفس الشي وعقبه ما عاد شافوا موتري

[الهاشمي1]

يا حليلكم مازال عندكم رجاء الحمد لله حمراني وجميل وعيسائي وعبدالله هاشم وانت رايح مين يحاسبهم ؟؟؟؟؟ إللي قال كلوا شعير

[ع العمرو]

الله يعينك ويعين كل مسلم ليته اذا جت على الزيت وبس كان الدنيا بخير ماقول الاالصبر ويفرجها الله من عنده اخوكم ع العمرو ابوسليمان

[دكتورمكشات]

ياخوي وسع صدرك ما تسوى المسألة انك اتضيق صدرك

على هالنصابين ووكل امرك لله.............

مادام ان مافي رقابة من وزارة التجارة فوسع

صدرك.........

لاتنسى انك منتب اول واحد ولا آخر واحد تصيرلك هالمواقف

مع وكالاتنا الفاااااااااااااشلة........

[M.A.N]

انا اخوي معه باترول انقطع سير المكيف وهو توه ما مشى 20 الف
وما طا عوا يغيرونه على الضمان

[غضنفر]

لا نصير عاد عاطفيين ونبدى نغلط على الناس
اذا السيارة مشتراه من الحمراني
يكون تغيير الزيت و السيفون عليهم ويعتبرونها خدمة لزبائنهم
اما اذا السيارة مشتراه من غير الحمراني من الجبر او غيره
الحمراني يضمن السيارة
لكن تغيير الزيت والسيفون عليك
والسلام

[Black VTC]

يا رجل زين ما قالو لك خذ موعد للصيانة ؟؟!!..

[ابو نوف 200029]

حسبي الله ونعم الوكيل

[ابوقتيبه]

السلام عليكم

انا مشتري سيارتي من معرض نجد يعني موب من الحمراني وسولي الصيانه الــ1000 مجاناً

وقالولي خذ موعد اخذت موعد وتاخرت عن الموعد شوي تقريبا ربع ساعه او اقل قالو راح الموعد مع ان

الموعد كان بعد 4 ايام وانا وياهم قلت يالله انا غلان تاخرت واخذت موعد ثاني وجيتهم بنفس الوقت مستانس

جايب دفتر الصيانه قالي الموضف حقهم موعدك ملغي ؟؟؟

لــــــيه؟؟

قالي المدير قال السيارات العاديه اول والشاحنات بعدين <<<<سيارتي ددسن دبل

دخلت على المدير وصرا صياح وهرج واجد وقلت والله ادخل سيارتي الحين ودخلوها ولله الحمد ولاكن بعد وش

بعد رفعة الضغط والقهر والتحسر على انك شريت سياره نيسان بسبب الوكيل الفاشل

الحمراني لازم يقهرك بشي اذا الصيانه بلاش اجل الله يعينك بالمواعيد اذا المواعيد تمام الله يعينك يسعر السيفون

وزيت واذا كلهن تمام اجل يبون يخربون شي بسياره هههههههههههه

والسلام عليكم

[راعي المقانيص]

سيارتي تويوتا ياغالي وتشييك الالف كلم غيار الزيت والسيفون علي انا وليس على الشركة

[menadi]

والله مشكلة هالوكالات
ان سويت صيانة دورية عندهم نهبوك ودفعوك عشان عامل يناظر تحت السيارة ويحط لك الختم على الضمان
وان ما سويت الصيانة عندهم وجا السيارة شي قالو الضمان لاغي.
والمشتري دائما هوالضحية

[مساير الليل]

عندي استفسار بسيط هل فيه احد منكم قالوله ترى الزيت والسيفون عليك او لا ارجوا الرد



أنا صارة لي نفس المشكله معي ددسن دفرنسين ومطلعه من معرض الحزيمي

وكان في السيارهـ حذفه بسيطه ودخلته الوكاله

غيرو الزيت على حسابي

والحذفه صلحوها أهم على حسابهم

[.أبوعبدالرحمن]

ههههههههههههههههههههههههههه


شيء بسيط اللي سووه معك


واللي يقول فيه شي اسمه مدير والله ما فيه اي فايدة مع الموظفين والمدير بكبره


واذا جيت تتكلم مع اي واحد يكلمونك كنك ورع

ما يعطونك خبر ويلعبون فيك وفي حسبتك بالمواعيد والله لونهم مستشفى اسنان


وبعدين شركة كبيرة ومعروفة وبعدين مساكة وكالة شركة عريقة ومعروفة نيسان


ما عندهم الا مركزين صيانة في الرياض !!!!!!!!!!!!!!


هل هذا يعقل

ولو بتكلم لاطال بنا الحديث


اقول الله يعينك


اذا كانت سيارتك من النوع اللي دارج مع الناس


شف لك ورشة ممتازة وشغل نظيف احسن لك

[قرناس نجد]

اخوي بالنسبة ان دفتر الضمان مش مختم هذا صارت معي لما شريت سيارتي ولا خدم المعرض جفتر الضمان ورجعت للمعرض وختم الدفتر وبعدها دخلت السيارة الوكالة وتم الشيك بالكامل بس الوكالة ابو جميل

[الكايف2]

ياالربع هذا اسمه الحرامي مهوب الحمراني جيت اشيك الخمسه الاف يوم جيت اطلع السياره قال 800ريال ليش قال والله شيكناها وشحمنا الكبوت والباب قلت طيب و800ريال ليه قال والله هذا السعرقلت الشكواعلي الله ام بالنسبه 1000كلم مريت الجبرفي الدمام ولاقصروامع العلم ان السياره من الحمراني
ولكن لاتستغربون اذاماوراهم احد يحاسبهم ماهنا الامثل ذا واردا لكن الله يفرجها من عنده
تحياتي للجميع000000

[عشانا]

هههههههههههههههههه
والله يهالوكالات لاعبين على بعض الناس
الحين السيارة وكالة على ايش يعمل لها صيانة
السيارة الجديدة تحتاج لاكثر من خمس سنوات حتى تطلب صيانة
ياليت يطبق عندنا النظام الامريكي او اليباني كان ناخذ حقنا من اصحاب الوكالات من عيونهم مع طلب التعويض

[طحنون]

نصيحه مني لكم ومجربه لاتدخل ألا والشر
متفقع من عيونك وخلك جاف في تعاملك معهم ولاتتكلم مع الموظف العادي رح الى المسؤل على طول
وخل الغلط يجي منهم علشان تلعن ابو الطيب مافيهم لان هاذول ليس اوادم هاذا لاشي حقيرين الى ابعدحد
(أستغفرالله العظيم ) لاني انفعلت ونا قاعد اكتب الرد
وصدقوني الطيبه واللطف ماتنفع ابد ادخل وحتى ولا تسلم عليهم كلا..................................
جربناهم كلهم فورد
وتويتا ونيسان
والجميح كلهم مثل بعض كلا............................................... ..............
حسبي الله عليهم الله لايوفقهم ياربوالله لايربحهم
.................................................. .................................................. ....


الحين تم تفرغ الشحنه لاتلومنوي لاني من الضحايا السابقين والله لاتلوموني تكفون
خل العين حمراء ولا راح تندم

.................................................. .............
أخرموتر شريته الباترول 2005 وشريته من معرض واول ماوصل الاف كيلواالاول وعلى طول على وكاله الجبر وغيرو الزيت والسيفون ومادفعت ولاريال وديت السياره الساعه 8 الصبح واستلمتها السا11عه صباحا
وبدون اي مشاكل لاني دخلت على ولد صحاب الحلال وقلتله وش ذالزحمه علشان اشيك موتري الاف امسك سراء ساعه ليه ونا صرت نصاب مثلهم علشان تمشي الامورلان هم تعاملهم معك بنذاله خلك نذل علشان تمشي امورك

[ساقان]

جرب تسوي صيانه لسيارتك في اي وكاله من الوكالات في دولة الامارات بعد استلامك للسياره بساعه يتصل عليك خدمة العملاء ويطلب منك تقييم جودة الخدمه من حيث استقبال الفني ورضاك عن الخدمه ومستوى الاسعار وأي ملاحظات ... اما عندنا ....... اه وبس .. طبعا العتب ماهو على الوكلاء طالما مافي نظام يلزمهم العتب على لائحة وزارة التحاره المنظمه للوكالات التجارية الصادره عام .........1379!!!! ولم تحدث إلى الآن وأغلب عباراتها مطاطه ..

[googl11]

عااااااااااااااااااااااااااااااادي جدا جدا وياما راح نشوف اذا بتل الوضع على كذا واهمال وزاره التجاره بالتلاعب بالاسعار
اخوي اتوقع بعد فتره تقسط كيس رز بس الله الله لايغشونك ويبيعونك رز مصري على انه مزه ترى وزارة التجاره ماتسمح باسترجاع الكيس اذا فتحته والحق مع التاجر ياحظرة المستكهلك الراضخ

[a.الخثلان]

ليش أغلب الي ماسكين الصيانة بالوكالات سودانيين

[أبوطلال2007]

شف وأنا أخوك إذا صار لك حاجه عند الك.........قول ياسيدي .،،،

[الوهلان]

:no2: ولا تهون شركة الجميح
:D ترى الفقع حول الرزه
;) يعني الماطر واد
:j يعني بالعربي (( يامن بلي وصبر ))

[مروض الطير]

حسبي الله ونعم الوكيل
الله يعينك
قال تعالى(إن الله مع الصابرين)

[السديراوي2003]

ابشركم رحت للوكالة وخذت السيارة ولا سوو فيها اي شي غير تغير الزيت بس المشكله هاذي تهون.
ابقولكم مشكله ثانيه الا وهي ان عندي سفاري بدا يهرب زيت وهذا الكلام قبل حوالي اربع اسابيع قبل بدايت رمضان المهم دقيت على الوكالة خذت موعد طبعا كانت مع نفس السوداني ورحنا في نفس الموعد واخذو السيارة وقعدت عندهم ما يقارب الاسبوع وبعد كذا قالو ان التهريب من صوف قير الدبل قلت امنت بالله مع ان السيارة مديلها 2003 المهم غيرو الصوف وبعد كذا خذت السيارة قبل اسبوع ونص المهم صبرت السيارة اربع او خمس ايام وبدة تهرب من جديد قلت السيارة توها طالعه وتهرب ابوديه الوكاله مره ثاني طبعا كانت روحتي في يوم 26/9/1428 وهو نفس اليوم علشان استلم السيارة الثانية طبعا ولقيت مهندس وقلت ان الزيت رجع مره ثانيه قالي كلم المهندس الي دخلتها عنده وصار المهندس ما يدوم الااا في الصباح بس قلت هالمره ابشوف رئيس المهندسن طبعا طلع مصري ما يدري وين الله حاطه قالي اما اقدر اسوي شي لمن يجي المهندس الي الستلم السيارة طبعا المهندس نفسه الاول الي اسمه جفر من الجنسية السودانية قلت وش الحل قال تعل بعد العيد ونشوف لك حل هل بالله هذا رد على عميل عندهم وصلحوا سيارته بعد بالخطء لاني ماظنه من صوف القير لكن حسبي الله عليهم ونعم الوكيل

ووسوف انقل لكم معانتي معهم بعد العيد مع السيارتين وما اقول الى جعل الدراهم الي خذوها بغير وجه حق الا نارا في بطونهم اللهم امين

[SilverSniper]

أنا مدري وش حادكم على هالوكالات الخايسة.. والسيارات الأخيس ( الياباني )
موتري شفروليه تاهو 2007.. من الجميح.. قالوا لي مافيه شي اسمة تشييك ألف... إذا مشى موترك خمسة آلاف تعال... وامش بالموتر عادي مره بس لا تستخدم الدبل قبل ألف كيلو قلت خلاص..
مشى الموتر 5000 كيلو ورحت لهم استقبلوني في الخدمة السريعة.. غرفة مكيفة وكنبات.. وشاهي وقهوة وتلفزيون على إم بي سي.. وساعة وحدة وهم جايبين لي المفتاح ويقول تفضل يا طويل العمر وأي خدمات أخرى احنى مستعدين.. طبعاً من الغرفة اللي انت فيها تشوفهم يشتغلون في سيارتك ويشيكون على الفرامل والقير والدفرنس والمرابط والشيالات والأنوار والبرمجة وكل شي.. مع غيار الزيت والفلتر... وكل هذا ولا دفعت ولا ريال.. قلت لهم فيه الاضاءة الليليه الأتوماتيك ماهو شغال.. قال استريح.. وجاب لي شاهي وقهوة ثانية وخذوا السيارة للمركز بأنفسهم وصلحوه ورجعوها وأنا في مكاني.. وبرضه ولا ريال..
هذولا الوكلاء صح.. وحسب ما سمعت ان خدمات العيسى لشيفروليه أفضل بعد...
ورايحين تدورون جميلوه والحمراني وخمام الياباني...


..ما عقب الشفر موتر..

تحياتي.. :)

[رحال7]

أنا مدري وش حادكم على هالوكالات الخايسة.. والسيارات الأخيس ( الياباني )
موتري شفروليه تاهو 2007.. من الجميح.. قالوا لي مافيه شي اسمة تشييك ألف... إذا مشى موترك خمسة آلاف تعال... وامش بالموتر عادي مره بس لا تستخدم الدبل قبل ألف كيلو قلت خلاص..
مشى الموتر 5000 كيلو ورحت لهم استقبلوني في الخدمة السريعة.. غرفة مكيفة وكنبات.. وشاهي وقهوة وتلفزيون على إم بي سي.. وساعة وحدة وهم جايبين لي المفتاح ويقول تفضل يا طويل العمر وأي خدمات أخرى احنى مستعدين.. طبعاً من الغرفة اللي انت فيها تشوفهم يشتغلون في سيارتك ويشيكون على الفرامل والقير والدفرنس والمرابط والشيالات والأنوار والبرمجة وكل شي.. مع غيار الزيت والفلتر... وكل هذا ولا دفعت ولا ريال.. قلت لهم فيه الاضاءة الليليه الأتوماتيك ماهو شغال.. قال استريح.. وجاب لي شاهي وقهوة ثانية وخذوا السيارة للمركز بأنفسهم وصلحوه ورجعوها وأنا في مكاني.. وبرضه ولا ريال..
هذولا الوكلاء صح.. وحسب ما سمعت ان خدمات العيسى لشيفروليه أفضل بعد...
ورايحين تدورون جميلوه والحمراني وخمام الياباني...


..ما عقب الشفر موتر..

تحياتي.. :)

اخوى انت تتحدث من تجربه وانت مسؤول امام الله عن كلامك ولكن لاثراء الموضوع انا لم اتعامل مع الجميح لكن سمعت اناس يقولون عكس ما تقول ويذمون صيانة الجميح! ..اكيد سياره ما شاء الله جديده وليس بها مشاكل لا تعتبر تجربه حقيقيه..والله اعلم

[shaheenshah]

ما جبت جديد وكالة الحمراني من اخيس الوكالات مع ان كل الوكالات للأسف مخيسه ولكن بدرجات نوعاً ما متفاوته والشرهه على اللي نايمه في العسل وزارة التجارة والضحيه الضعيف المسيكين المواطن

[طحنون]

رحال 7
انا عمري 33سنه ماعمري سمعت واحد يمدح وكاله مثلك وعمري صغير على تجاربي الكثيره للوكالات
والسيارات
لاني شريت في حياتي 7سيارات جديده والباقي مستعمل ماعمري شفت مدح مثل مدحك لهم سبحان مغيرالاحوال
ووزواره التجاره حسبي الله عليهم وعليهم من الله مايستحقون
وزاره التجاره مثل مجلس الشورى دائما ضدالمواطن ومعها وزاره التجاره عيال عم
طبعا وزيزرالتجاره لوراتبه 4000 او1500 كان تغير الوضع وزيرالتجاره ماعمره راح لسوق الخضار
وشرى صندوق طماطم 25ريال واعاضاء مجلس الشورى كلهم تجار وموظفين كبارسابقين
يعني ماهي مشكل عنده صندوق الطماطم 100ريال (قلبنا الدعوه طماطم ) اللله يعين