المساعد الشخصي الرقمي

مشاهدة النسخة كاملة : الجنوط الصينية ( التجارية ) , لباث فايندر 2005


yaserx
07/10/2007, 10:37 PM
السلام عليكم ورحمة الله وبركاته................ ياجماعة الخير


عندي باث فايندر 2005 , ومواصفاته عادي واللي جنوطه مقاس 16 حديد ( عادية ) فحبيت أشتري جنوط ونصحت من بعض الربع إني أركب جنوط تجارية ( صينية) مقاس 16 .

لكن مع ذلك حذرني بعض الاخوان من الصيني وقال إنها حظوظ , لأنها غالبا تصير فيها رجة ومرات قليلة ما تصير بها رجة بعد ماتركبها .

وبعدها رحت لمحلات الجنوط والكفرات , قالوا لي مانضمنها لك , لكن أنت ركب وإذا فيها رجة روح لمحلات الترصيص وهم يضبطونها لك بترصيص ليزر و ثاني قالي بترصيص أرضي !! ( إيه .... هين )

فهل كلامهم صحيح ؟ وأتوكل على الله وأركب جنوط صينية وأروح أرصصها ؟

أو أنتظر و أدور على أصلي ؟؟

أتمنا الفزعة أهل الخبرة والشباب؟ لأني مستعجل ؟

وبارك الله فيكم ............
winchester
07/10/2007, 10:53 PM
يقال بأنها تسبب رجه لردائت صنعها و أذا قدر الله ضرب عليك كفر يتكسر الجنط لضعف خامة الجنط مما يسبب الانقلاب والله يحمانا بستره

دمـت بود
yaserx
07/10/2007, 11:49 PM
تسلم على الرد , أخوي: ونشستر

لكن أبي معلومات مؤكدة من واقع تجارب إن حصل , من غير وكالة يقال أو يقولون

لك كل الود مني
ابوعبدالله220
08/10/2007, 03:36 AM
موتري اخو موترك وركبت له جنوط من الغرابي مقاس 17 وسعر الجنوط 1400 عدد 4
لها شهر الآن وما شفت منها شر ولا فيها رجه ابد

والجنوط مقاس 16 بـ 1100
yaserx
08/10/2007, 04:21 AM
وش صناعتهن الله يسلمك أبوعبدالله ومن أي محل في الغرابي ؟

وهل جربتهن على سرعات مختلفة بموترك ؟

وشكراً لتجاوبك ........
ابوعبدالله220
08/10/2007, 06:23 PM
والله وانا اخوك مدري وش صناعتهن
اذكر اني قلبتهن وما لقيت مكتوب عليهن شي

مشيت عليها 180 ولا فيها رجه ولله الحمد

شريتهن من اول بنشر يجي على يسارك أظنه مقابل للعليان
وبالماريه جنبه محل جديد توه ما كمل
yaserx
09/10/2007, 02:22 AM
تسلم يالغالي , أعرف أشغلتك !!!
yaserx
09/10/2007, 02:25 AM
أبو عبدالله , هل شرطت على المحل عدم وجود رجة في الجنوط بعد التركيب , لأن عندنا رفض المحل إنه يضمنهن ؟

وهل عندك رقم تلفون المحل , من الفاتورة مثلاً ؟؟
ابو؟؟؟
09/10/2007, 08:45 AM
حاول تاخذ لك ياباني
مـدحـدر
09/10/2007, 09:38 AM
لا تخاطر بنفسك

ولا تتسبب على من معك

عشان توفر كم ريال

خذلك ياباني اصلي مضمون
yaserx
09/10/2007, 10:14 PM
أخواني : تدرون بكم سعر الطقم الياباني الأصلي ؟؟؟

بـــ 8000 ريال !!!!!

والتجاري بــ 1100 ريال


ودورت في التشاليح أصلي مستعمل ومالقيت , وقالوا لي لاتدور لأن من يوم يجي باثفايندر للتشليح القطع حقته تطير بسرعة !!! فما بالك بالجنوط !!
ابوعبدالله220
10/10/2007, 12:04 AM
هذا رقم المحل 014054078
ورفض يضمنها لي

بعض البناشر يجي عندهم جنوط مستعمله يقولون انها حقت الوكاله كانهم صادقين لقيت طقم بـ 2000

أي استفسار انا تحت الخدمه
yaserx
10/10/2007, 10:53 AM
أخوي أبو عبدالله 220 الله يعطيك العافية , تسلم والله يجعلك ذخرٍ لعينٍ ترجيك !!
خلفهم
10/10/2007, 12:46 PM
هلا أخوي ..

يا زين حقين الباث ..

أخوي أنا معي باث ومركب عليه .. جنوط 16 كروم .. شريتهن بــ 1200 لي حوالي .. خمس شهور ..
والحمد لله . ما شيات معي .. توب ..
شريتهن .. من المحل .. إلي قبال العليان ..بجنب صراف الراجحي بالغرابي .. لأني حسب ما سمعت هو الموزع للسوق .. والحمد لله لا رجه ولا يحزنون ..

أرجو إني خدمتك ..


..
yaserx
10/10/2007, 11:32 PM
هلا أخوي ..

يا زين حقين الباث ..

أخوي أنا معي باث ومركب عليه .. جنوط 16 كروم .. شريتهن بــ 1200 لي حوالي .. خمس شهور ..
والحمد لله . ما شيات معي .. توب ..
شريتهن .. من المحل .. إلي قبال العليان ..بجنب صراف الراجحي بالغرابي .. لأني حسب ما سمعت هو الموزع للسوق .. والحمد لله لا رجه ولا يحزنون ..

أرجو إني خدمتك ..


..

ويازينك أنت بعد ... هههههه

تسلم يا خلفهم جعل عمرك طويل ....

عز الله إنك كفيت و وفيت , ولا يهونون الأخوان .....!!

لكن لأني من خارج الرياض ممكن تعطيني رقمهم , فيمكن تحصله من فاتورة عطوك إياها أو شئ من هذا القبيل ؟؟

وبارك الله فيك وفي مالك وحلالك.......
yaserx
11/10/2007, 10:32 PM
وينك ....... يا خلفهم