المساعد الشخصي الرقمي

مشاهدة النسخة كاملة : مشكله بشفره المفتاح - نيسان 2002 سوبر سفاري


حطاااااب
08/10/2007, 07:52 AM
السلام عليكم ورحمة الله وبركاته
صباح الخير ياوجيه الخير
عندي مشكله غريبه اول مره اسمع فيها
السياره ماتشتغل ؟
يقول شفره المفتاح يبيلها برمجه:eek:
المهم رحت لمحل مفاتيح وجبته وجبت جهازه معه وحاول
اخرتها يقول مارضي يبرمج
قلت مالنا الا الله ثم غثاثت وكاله نيسان
جيت يمهم قالوا تو الناس تعال بعد العيد
قلت غير بدل مانفع معهم زحمه طبعا ماني مصري ولا سوداني
يتوسطون لهم ( عزام ولا مجاهد )
طبعا معروفه الاسماء هذي بالجبر
الدمام
المهم قلت مالنا الا المكشاتيه يمكن مرتهم الحاله هذي ولهم حل
توضيح السياره ماتوصل كهرباء الى الطرمبه
لان الامان = السكيورتي
يعني مبرمج على السلامه والامان
اذا فتحت السلف النور حق الامان اللي بالطبلون المفروض يطفي
هذا معلق
وجزاكم الله خير
ق ب م 632
08/10/2007, 08:01 AM
صباح النور


ماادرى يالغالي المفتاح اللي ما يشغل السياره هو جديد او مستعمل ؟؟


اقصد ان المفتاح توك قاصه او انه كان عندك من زمان وكان شغال معك 00 1 %
حطاااااب
08/10/2007, 08:07 AM
السلام عليكم ورحمة الله وبركاته
هلا وغلا بالفزاع
كنك طمنت قلبي شوي
المفتاح الاصلي حق الوكاله
لان ماتقدر تقص عليه تقليد
وفني المفاتيح اللي جبته هو وجهازه
جهاز برمجه شفرات مفاتيح
يعطيك العافيه
المميـز
08/10/2007, 08:19 AM
انا مره صارت لي نفس الحاله

ولكن ولله الحمد عندي اسبير

ولفيت على محلات المفاتيح بالمدينه كلهم

وكلهم عجزوا عنه

وقالوا كالك الا الوكاله

ورحت للوكاله والكهربائي حقهم سعوي ومن الزملاء ولله الحمد

ودخل الموتر عندهم وانا جلست عندهم ربع ساعه وخلصه

وقالوا 200 ريال وانا وياهم الى 150 ريال


والله يعينك على مصيبتك
حطاااااب
08/10/2007, 08:32 AM
السلام عليكم ورحمة الله وبركاته
هلا فيك
اخوي المميز
ماعندي مشكله 200 او غيرها
المشكله
يقول بعد العيد
وانت تعرف ماودك الواحد يترك موتره كل المده هذي
على العموم
انا عندي مفتاحين السبير والاصلي وكلهم اخوات بعض
بس المشكله الشفره نفس المفتاح يترجم = يعاد شفرته
مافي جهاز الا بالوكاله على قولت صاحب محل المفاتيح
نفس المفتاح يجي من تحت مربع صغير ازرق انا على بالي انه زينه
طلع له شفره تترجم مع الكمبيوتر داخل السياره لسلامه من السرقه
ويقطع الكهرب اللي يروح لطرمبه
اشكرك على مرورك
عابد
08/10/2007, 10:37 AM
الأخ الفاضل حطااااب
السلام عليكم ورحمة الله وبركاته

اخوي جرب روح للعامودي اللي بشارع فيصل خلف مبنى العقارية مقابل محل المنقور لمواد البناء إذا كنت في الدمام طبعاً خابر عنده جهاز برمجة لأني سبق احتجت لبرمجة مفتاح كابرس سواه لي بحدود 150 ريال
حطاااااب
08/10/2007, 04:46 PM
السلام عليكم ورحمة الله وبركاته
يعطيك العافيه
عابد
ومشكور على مرورك
ق ب م 632
08/10/2007, 05:06 PM
اجل دام الوضع كذا وانت عندك اسبير وش يمنع انك تصبر الى بعد العيد



وان كانك مستعجل وتبيه قبل العيد اجل تعال للمجمعه عندنا محل يبرمج المفاتيح اذا تبيني أسأله لك ابشر




العبدلي
حطاااااب
09/10/2007, 07:16 AM
السلام عليكم ورحمة الله وبركاته
صباح الخير
ق ب م 632
بالاول حتى وانا مستعجل
ماهو كلام اشيل الموتر على سطحه
وكم تكلفتها وكم وكم واخرتها يقول ماقدرنا نبرمج الشفره
اذا للحين الليب عليهم الكلام واحد بالثقبه والثاني بالدمام ماقدرو
تبي احمل على سطحه واجي للمجمعه
اكيد انت فهمت الموضوع غير
الاصلي = الاسبير
نفس بعض
والشفره تقفلت من نفس الكمبيوتر والمفاتيح
يعني لازم تبرمجها
والثاني
يعطيك العافيه على فزعتك
تحياتي لك
ابو؟؟؟
09/10/2007, 08:41 AM
انا اقول افصل البطارية لمدة ساعة
يقوم الكمبيوتر يعيد البرمجة يمكن ينفع معك
شايب الصمان
09/10/2007, 08:50 AM
رح للعامودي اللي بشارع اللمك سعود قبل تويوتا على اليمين وأنت متجه شرق ولاتشيل هم وعلى طول بأذن الله يصلحلك الخراب وعن تجربه
حطاااااب
09/10/2007, 11:04 AM
السلام عليكم ورحمة الله وبركاته
صباح الخير
ابو ؟ ؟ ؟
لاهنت على مرورك
لاكن فصلت البطاريه
يوم كامل
بس مايعطيك الا فرصه وحده
يشتغل بس اول ماتطفي السياره يقفل ثاني مره
يعني اذا بغيت تشغله ثاني مره تفصل البطاريه
وتعطيه اكثر من 6 ساعات
ويشتغل مره وتعيد الخطوات اذا بغيت تشغله
0
0
شباب الصمان
يعطيك العافيه
على تجاوبك
وهذا اظنه الحل ان شاءلله
بروح للعمودي وبعطيك خبر بس
بشوف شغله
واحد تزهل يدخل السياره بالوكاله
لان يقولون زحمه ومافي فرصه الا بعد العيد
خل اشوف الرجال اللي تزهل
وان شاءلله خير
اذا ماقدر
مالي الا الله ثم العامودي
لا هنتم
الدحبول
09/10/2007, 08:47 PM
أقراء دليل المالك
الجموس من 2000 وانت طالع مشقر بس تقدر تصور واحد ب 5 و تبرمجه على السيارة
راجع دليل المالك
اكيد نيسان مثل جمس