المساعد الشخصي الرقمي

مشاهدة النسخة كاملة : وش الحل مع الطقطقة في مكينة الباثفيندر 2004


المستوي 1
09/10/2007, 03:30 AM
هل فيكم
قبل اسبوعين طلع صوت خفيف جاي من المكينة ولكن لا اعرف مصدرة بالضبط
اليوم زاد الصوت و صار الصوت مزعج شوي تقول ان المكينة ديزل من قو الطقطقة
فية مكانيكي يقول نفك المكينة و نشوف يمكن توضيب !!!! السيارة جديدة ماشية 120 الف فقط
مكانيكي ثاني يقول هاذي مشكلة الثلاجة تحتاج الى تغير المسامير !!!!!
و ثالث يقول هذا ممكن ككهرب !!!!!


المهم انا محتار في القرار و في الحقيقة السيارة جديدة وحرام اتجرب في هالنصابين في الورش الذي هدفهم الاول و الاخير الدراهم


اذا تقدرون تساعدوني في الحل اذا هذا العرض حدث لمن يستخدم الباثفيندر او تدلوني على ورش بالرياض فاهم في هذه السيارات اكون لكم ششششششششششششششششششاكر


بسرعة ،،،، نبي نتعيد فيه :)
غضنفر
09/10/2007, 03:34 AM
فيه موضوع هنا بالمنتدى
يتكلم عن نفس مشكلتك
اذ كانت فعلا نفس المشكلة
صوت طقطقة في المكينة
بسبب سقوط مسامير الثلاجة في البساتم
ابحث عنه وستجد مرادك
ابو؟؟؟
09/10/2007, 08:05 AM
مدري بس شيك علي السبايك يمكن منها
المستوي 1
09/10/2007, 10:30 AM
اشكر لكم مروركم و التعليق على الموضوع
وين احصل افضل ورشة يشتغلون مكانيكا الباثفيندر
الساهر2003
09/10/2007, 11:56 AM
اخوي الصوت مستمر ولا مع التدعيس
المستوي 1
09/10/2007, 01:01 PM
اخوي الصوت مستمر ولا مع التدعيس

مستمر و يزود مع سرعة دوران المكينة

على فكرة ماهي الصاجة حقة الكناسة
الصوت جاي من المكينة
فهد666
09/10/2007, 01:08 PM
اخوي الله يعينك على صؤف الدراهم




غير البانزين من 91 الى 95 وراح يهجد كل شي باذن الله

صارت معي الطقطقة وابشرك راحت
عبدالرحمن السالم
09/10/2007, 01:13 PM
غير البنزين يالغالي

زي ماقال لك أخوي فهد 666

وان شاء الله انه يروح
رقبة حاشي
09/10/2007, 01:16 PM
اخوي الله يعينك على صرف الدراهم




غير البانزين من 91 الى 95 وراح يهجد كل شي باذن الله

صارت معي الطقطقة وابشرك راحت


ماشا ءالله عليك اخوي فهد 666
أؤيد هذا الاقتراح ....... والله غاب عن بالي مع اني سمعت هالكلام من مندوب ارامكو وتكلم عن الطقطقه من ال 91 .
جرب وبالتوفيق
الساهر2003
09/10/2007, 07:31 PM
خوي الصوت حديد يطق بعضه ولا خرفشه تجي مع التدعيس
اذا حديد مع بعض فظبط عمرك مع الوكاله او ورشه مظبوطه واذا الصوت خرفشه مع التدعيس فقد طلع عندي وغيرة البانزين وتحسن كثير وبصراحة ماقدرة استوعب مسامير الثلاجة تدخل للمكينه لان الشباب تكلمو عنها كثير في المنتدى واذا مسامير الثلاجة فرح للوكالة وحاول انهم يصلحونه مجان لان واحد من الشباب في المنتدى ظغط عليهم وصلحوه بالمجان وموتره ماشي 90000 كيلو
واي استفسار احنا حاضرين
والسلام
ذئب اليل
09/10/2007, 08:37 PM
اخوي فية ورشة بصنعيت النسيم تخصاصة سيارات 4+4 اسمه الموتر إذماني قلطان مر عليهم ون شالله بيفيدونك
المستوي 1
09/10/2007, 09:18 PM
انا استعمل بنزين 95 من زمان ولم استخدم 91 ابدا
و الصوت صوت حديد و ليس لكلكة على قولتة المكانيكية
اخوي الساهر 2003 تقدر تفيدني ب عنوان ورشة مضبوطة لات الوكالة رافضة و اذا ممكن عنوان الرابط الخاص بموضوع الثلاجة و مساميرها لانة بالصناعية اغلب المكانيكية يجتمعون على انه مسامير الثلاجة من سابق تجارب و لكن انا مو مقتنع

و الشكر للجميع
براري القصيم
09/10/2007, 10:28 PM
مثل ماقال أخي غضنفر (بسبب سقوط مسامير الثلاجة في البساتم )
واحد من زملائي حدثت معه نفس المشكلة وخبطت سيارته بسبب عدم مبادرته بإصلاحها
الساهر2003
10/10/2007, 04:36 AM
اخوي الوكاله يضبطونها ب 1500 ريال مع الضمان والورشه اخبر ورشه لكن عهدي بها قديم وهي السعيد على تقاطع طريق الملك عبدالله مع طريق الملك عبد العزيز وجهك شرق وانت تمشي في طريق الملك عبد الله تجيك على اليمين
وشب في الوكاله وقلهم خطء مصنعي لان واحد من الشباب في المنتدى صلحها مجانا وهو ماشي 90000 لان الوكاله عارفين الشغله وعارفين الخطء
كيف ربطو المسامير وهو من داخل؟ سيارات جديده عجيبه نعرف دداسن وجموس واضحه بشكل كبير الله يخلف علينا حمر العلابي خواجه لعبو فينا
اخوي نصيحة مهمه جدا باذات لاصحاب السيارت الجديدة والمعقدة اذا بتصلح موترك فرغ نفسك من كل شغل حتى من اشغال الاهل وخذ معك كرسي وكل قبل ماتمشي للورشة وخذ براد شاهي ورح للورشه واقعد فوق روسهم وخلك حول الموتر صحيح انهم بيحقدون وبيحترون فرصه تغيب فيها وبيسبونك وبيحشونك بلغتهم طبعن لكن حاجتك اهم منهم وراح تشوف الشغل مظبوط واستفهم عليهم شوي حسسهم انك فاهم ويطلع موترك وكاله باذن الله
واسف على الاطاله
وبالطريقه هذي نحميي حلالنا
الفائدة للجميع
m1m
10/10/2007, 05:53 AM
سيضل الأمر تخمينا :)

لن يفيدك الا من يطلع فقط أو حاول تسجل الصوت وتحطه هنا يمكن نعطيك تقريبي .. غيره يضل تخمين

إذا أردت ميكانيكي أمين وممتاز .. لو يعطيك العلم فقط راسلني على الخاص

لا أريد أن أخمن ولكن رح أي واحد ميكانيكي وقله يتأكد من مسامير البلوف

لا بد من فك الغطاء وهو أمر طبيعي لكن لا تشتغل توضيب أو تركيب قطع الا عند شخص تثق فيه
بدوي جنوبي
10/10/2007, 06:06 AM
السلام عليكم

اخي الكريم

اولا لا تفكر تصلح سيارتك قبل العيد لان المشكله اذا كانت فك مكينه انسي انها تخلص قبل العيد

حتي لو خلصوها لك قبل العيد اعرف ان شغلهم مشي حالك

ثانيا لا تستعجل السياره ماشيه 120 بس وهذا ممشي قليل وانت شكلك محافظ

ان شاء الله الخراب بسيط ،،،

اقترح عليك تستأجر سياره فتره العيد وتوقف سيارتك

واكشف عليها بعد العيد علي رواقة وبسعر ممتاز

اتمني لك التوفيق
ابوقاسم
10/10/2007, 06:22 AM
هل الزيت مطول ونت ما غيرته
كم مشيت على الزيت اللي في المكينة
ق ب م 632
10/10/2007, 01:16 PM
اتوقع البساتم عندك تبي وزن والله اعلم