المساعد الشخصي الرقمي

مشاهدة النسخة كاملة : سؤال .. عن إضافة تانكي ثان لباثفايندر 2004 ..


kamalxp
09/10/2007, 10:28 PM
السلام عليكم .. وتقبل الله طاعتكم

زميلي يسأل عن سيارته باثفايندر 2004 :

هل بإمكانه أن يضيف (تانكي) خزان وقود إضافي ؟
نظرا لاحتياجه للسفرات الطويلة ..
بشرط أن يكون الخزان موضوع بطريقة ( آمنة - وبشكل جيد) ..



آمل ان أجد الإجابة من أصحاب الخبرة .. تشكرات لكم ..
kamalxp
13/10/2007, 02:49 AM
مافي إيجابة ؟؟؟

على الأقل كيفية تكبير أو توسيع الخزان ؟
أبوناصر
13/10/2007, 06:36 AM
والله على حد علمي ما فيه موقع لاضافة تانكي تحت لأن كل شي فل



لكن لو تحط داخل السيارة ويثبت بطريقة فنية ويوصل للتانكي ممكن يجي
ذئب اليل
13/10/2007, 07:08 AM
كان مع واحد من الشباب بترول 86 ومرهملة تانكي إضافي اسفل السيارة حق مازدة قديم وقص الشكمان وطلعة من جنب السيارة علشان يكون فية مجال اوسع التانكي ووصله بتانكي الصلي وركبلة طرمبت بنزين مازدة على شان يعبي اتنكي الرائيسي ويشقلة بزر من داخل السيارة ملاحضة الجيب ربع وبسراحة مئعرف كيف طريقة الي ركبة فيها وناشالله وحد من الخوان يعرف ويفيدك :confused:
خلفهم
13/10/2007, 04:06 PM
والله العالم ما فيه مكان تحت السياره .. يكفي للتانكي .. إلا إنك تحطه داخل ..
بواسامه
14/10/2007, 01:44 PM
نصيحه لله
خل الموتر شد بلده واترك عنك الترهيم
لانه اي خلل في الشغل ممكن يؤدي بحياتك وحياة من يركب معك
واكلمك من سابق تجربة لاحد زملائي فكه الله ولا بغي يطير مع التانكي المرهم
الله يكتب لك الخير
واخطر منه وضعه داخل الموتر بيخنقك من ريحته واي شراره تروح فيها

السلامة لا يعدلها شي وانا اخوك
وخلك مثل خلق الله اذا فضى عب من المحطه وبس
salehhd
18/10/2007, 05:06 AM
السلام عليكم
ما اعتقد ان فيه طريقة امانة لتوصيل تانيك مباشرة

لاكن في جراكل حديد خاصة للبنزين بنظام سيفتي ممكن يعبيها وقت الحاجة
وترى الشغلة 3 دقايق يوقف عند محطة البنزين علشان يعبي سيارة افضل من الخساير والمغامرة
والله يعينه
متعب القويعي
18/10/2007, 10:18 AM
أما لو يحصل طريقة تحط لك تانكي ماء تحت ,,,,, أما البنزين مايحتاج لة تانكي أضافي ,,
zzz714
18/10/2007, 04:43 PM
اعتقد فيه طريقة لترهيم تانكي إضافي للبنزين وهي تحطه مكان الاستبنه والاستبنه ترهمها مثل الشروكي داخل السيارة
بن محفوظ
18/10/2007, 05:09 PM
8
8
8
8
طريقة ممتازة بس لا تغامر بالبنزين
.أبوعبدالرحمن
19/10/2007, 04:57 AM
وانا اخوك البنزين ما يلعب معه


تراه خطير بشكل ما يتصوره الواحد وغدااااااااار



وبعدين السيارة يازينها اذا جت شد بلد

والصراحة 3 دقايق ما تاخذ من وقتك عند محطة البنزين تعبي
جيب ربع
19/10/2007, 05:39 AM
أخوي أذكر واحد اشترى باترول من الإمارات وكان مغير التانكي حقه بواحد أكبر من شد البلد وكان مصلح في الإمارات... وطبعاً راكب من أحسن مايكون في مكانه الطبيعي....
kamalxp
26/10/2007, 01:41 PM
اشكر لكل من اجاب على استفساري .. برأي او اقتراح أو نصيحة ..
ولكم مني ألف تحية ..

:)
ابوقاسم
26/10/2007, 05:40 PM
ياليت تعلمونا عن المحل اللي يفصل توانك البنزين
او عن صفحته على الانترنت
او رقم تلفونه