طلب من اصحاب الخبره عن اليوكن الجديد 2007

[OTHMAN65]

لو سمحتو ابغا اعرف من افضل ناس تركب شاشه وار ضيه بلاستك وتلبيسه جلد وتظليله في كول الي ظد الشمس واذا فيه مجال تركيب تانكي ماويه او اي شي يحتاجه الموتر في مدينه الرياض مع الشكر

[OTHMAN65]

ياجماعه ماهو معقول ثمانيه وخمسين يدخلون ولا واحد يشارك حرام عليكم

[جبل حبشي]

ياجماعه ماهو معقول ثمانيه وخمسين يدخلون ولا واحد يشارك حرام عليكم
يا أخوان يا أهل الرياض ماهي عادتكم أنكم تطنشون ..خابركم راعين فزعات ,ساعدوا الرجال ..

[ابو فرح1]

السلام عليكم ورحمة الله وبركاته .

عذرا ما شفت موضوعك الا اليوم .

بالنسبة لموضوع التظليل فاعتقد ان في كول ممتاز والترا سف ممتاز
للعلم المشكلة مو في العزل المشكلة بخبرة اللى يركب لك التظليل

اما التلبيسة الارضيه فما انصح فيها لانه لازم يفك المراتب وفك وتركيب المراتب يخلخلها
لبسة الوطايات تكفيك

وتقبل عذري

[الهدد...؟]

السلام عليكم رح الغرابي فيه محلات واجد رح واناظر
مع التحيه

[OTHMAN65]

جبل حبشي ابو فرح 1 الهدد تسلمون جميعا

[سعد777]

انا معي فورد اكسبدشن 2007 ولبست ارضيته بلاستيك وهو اهم شي التلبيسه لأنك اذ ما لبستها تقعد تصايح على الورعان ودايم نظرك لهم لا تكبون مويه العصير لا تفكه الكيك لا تاكله وحالتك حاله معهم همهم وألخ....
المهم لبسته 300 ريال 5 ملم اصلي
ولا اخذ وقت ساعه الا ربع الا وهو جاهز ومرتاح منهم هم الورعان لو يكبون ترمس فيمتوا كله واحد
الشاشات والتلبيس ارضي في الغرابي سعر على كيفك المحل والله ما اقدر اوصفه لك مضيعه بس محلات واجد وتلابيسه المراتب كذالك الغرابي على قفى من يشيل ول تركب نور زنن ماهيب شينه

التضليله في كول ممتازه او زيبارت

[احب البرواهله]

معي تاهو لبست ارضيته عند السليماني مع تلبيسة الفرشات شد البلد مع شراء فرشات جديده 420 ريال والشاشه أنصحك تركبها عند الوكاله وبمعرفتهم لأنهم متعاقدين مع شركه بهذا الخصوص لأن شغلها حساس شوي وإذا ركبتها بالغرابي ممكن يتعبثون بسيارتك وفي الأخير تبلش معهم وأنا ركبتها عن طريق الوكاله قبل أستلام السياره بحوالي 2000 وعلى الضمان

[أبو LAMeS]

العليان على طريق خريص بعد أشارة نيسان وأنت متجه شرق على اليمين طبعا راح تلقى عندهم كل طلباتك وأسعارهم معقولة نوعا ما
وأذكر عندهم عرض على الشاشات وافضل إنك تركب الشاشة في الوكالة علشان الضمان
تحياتي

[برق4]

لو سمحتو ابغا اعرف من افضل ناس تركب شاشه وار ضيه بلاستك وتلبيسه جلد وتظليله في كول الي ظد الشمس واذا فيه مجال تركيب تانكي ماويه او اي شي يحتاجه الموتر في مدينه الرياض مع الشكر
اخي العزيز / عثمان
اسعد الله صباحك بكل خير او مسأك
بالنسبه لسؤالك عن تلبيس الأرضيات لليوكن 2007 وشاشة الدي في دي والتنجيد فابشر بعزك ....
انا عندي يوكن 2007 وركبت ارضية بلاستيك وهي ضرورية لمثل هذه الأنواع من السيارات من عند محل السماعيل لزينة السيارات هم مشهورين على مستوى الرياض وشغلهم لا يعلى عليه واسعارهم جدا ممتازه ولا يمنع انك تكاسرهم حقيقه السيارات عندهم بالكوم يركبون واغلبها جديده يعني هم اصحاب خبره وانا عارفهم زين وصفهم بالغرابي وانت جاي من الصناعية من عند شارع الريل بعد ما تعدى محلات بيع الكفرات الخط راح يلف فيك اجباري يمين راح تلاحظ محطه بانزين على يدك اليمين ومسجد بالزويه تعدهم وبعدهم احسب ثلاثة محلاات هو الرابع على اليمين لوحته واضحه يفكون لك كل شي من مراتب وغيره ويرجعونها شد بلد لا تخاف انا مجرب ...
بالنسبه للشاشة فيه محلات الحوشاني لمسجلات السيارات وتركيب الدي في دي عندهم عماله فنيه فلبين انا مركب من عندهم شاشة دي في دي ستجد عندهم انواع من الشاشات اختر ما يناسبك وتوكل على الله هم جيدين ولا فيه مشاكل ولا يحزنون واسعارهم لا باس بها وصفهم بالغرابي بعد ما تعدى محل السماعيل اللي وصفته لك تروح على طول الين تجيك اشاره شفهم بالزاويه على اليمين ....
بالنسبه لتنجيد السيارة عند السماعيل عندهم تنجيد وشغلهم زين ....
بالنسبه للتضليل الفي كول حقيقه انا ما انصح فيه لأنه غالي وبعدين يقال انه يعزل استقبال الجي بي اس القارمن وبأمكانك الأستغناء عنه بالتضليل العادي الرخيص ومتى ما طقت سبدك منه اقشعه ولا غيره وكل راس ماله مية ريال لأن فيه انواع والبعض منه بثلاثين ريال ...
ارجو اني اكون كفيت ووفيت ولا يهونون الجماعة وتقبل تحياتي ،،،

[الدحبول]

معي تاهو لبست ارضيته عند السليماني مع تلبيسة الفرشات شد البلد مع شراء فرشات جديده 420 ريال والشاشه أنصحك تركبها عند الوكاله وبمعرفتهم لأنهم متعاقدين مع شركه بهذا الخصوص لأن شغلها حساس شوي وإذا ركبتها بالغرابي ممكن يتعبثون بسيارتك وفي الأخير تبلش معهم وأنا ركبتها عن طريق الوكاله قبل أستلام السياره بحوالي 2000 وعلى الضمان


الجميح أم العيسى أم التوكيلات ؟؟؟

وكم ضمانه ؟؟

وهل وجهتك مشاكل في الكهرباء السيارة أو الشاشات ؟؟


تحياتي

[ali123_sa]

أخي الفاضل : برق 4

الله يرضى عليك

انا عندي يوكن 2007 الطويل وابي انجد المراتب والارضية
بكم ياخي الفاضل كلفتك ....انت ماقصرت وصفت لنا المحل الزين وهو اسماعيل وانا اليوم بعد سمعت عن اسماعيل هذا.
وفيه من الاخوان من يقول يكلفك التنجيد الارض والمراتب ( 1000) صحيح
وهل لازم ياخذون مقاس السيارة واليوم اثاني يلبسون ولا على طول .

وشكرا لك فانت من سبقنا لهذا فلا تبخل علينا .
ودمت بكل خير

[احب البرواهله]

أخوي الدحبول الشاشه ركبوها لي الجميح لاني شريت Ltzتاهو بدون شاشه وقالي مدير الفرع إذا تبي تركب الجهاز احسنك لك ركبه عن طريقنا ونضيف القيمة على سعر السياره وحتى لا يسقط الضمان حق السياره لو صار فيها مشكله كهربائية والجهاز يركب عندنا وتحت أشرافنا وحسب مواصفاتنا وضمان الجهاز سنه كامله والحمدالله مافيه أي مشاكل حتى الجهاز لونه ماتفرقه عن لون داخلي السياره وأذكر أني جلست بساحة التجهيز عند الجميح وهم يركبون الجهاز كان هناك مندوب من الجميح واقف معهم يراقب عملهم وهم يفكون ديكور فتحة السقف وتشبيك الجهاز مع المسجل من عند المرايه العلويه وترى الدعوه فيها أسلاك واجد

[OTHMAN65]

برق 4 تسلم على المعلوما ت وتراني اخذت بشورك وركبتهم من عند السماعيل بس وشرايك في الانوار الزنون تتوقع انها ماتأثر على الكهرب وبعدين هل فيه مكان تحت افصل فيه تانكي صغير وتقبل تحياتي ياعسل

[ali123_sa]

وينك يابرق