Gmc وانيت [الأرشيف] - منتديات مكشات

مشاهدة النسخة كاملة : Gmc وانيت

الوفد000

10/10/2007, 10:28 PM

السلام عليكم ورحمة الله وبركاته

مساكم الله بالخير . ياجماعة لخير بغيت انشدكم عن وانيت GMC ابو دبل ويش هو من لحيه يصلح للقنص والطرد وخصوصا المنطقة اللي احنا فيها جبال واراضي وعرة تكفون انتظركم على احر من الجمر تكفون ياهل الخبرة

ذئب اليل

10/10/2007, 11:25 PM

وشو الموديل

صقار البكيرية

11/10/2007, 12:41 AM

ابعد عن الامريكي

(مجرد راي)

متيح

11/10/2007, 07:15 AM

ابو شجاع

11/10/2007, 07:41 AM

السلام عليكم ورحمة الله وبركاته:

هلابك اخوى الوفد

مافى شيء اسمه ينفع او ماينفع حاجتك هى اللي تحدد ماينفعلك
مثال الجمس انا انظر له نظرة افضل من 1000 شاص من ناحية الراحة فى المركب وسع الغمارة وسع الحوض صرف المحروقات من بنزين او زيت قطع استهلاكية صيانة وامور
كثيرة وموديل السيارة يحدد الاستخدام مثلا......

انت تقول منطقة وعرة وجهة نظرى انصحك بقطع 10

من موديل 80 الى 88 قير عادى ومواصفات اخرى

كثيرة لمثل هذى الاراضي...............:what:
ارجو منك قبول ردى المتواضع

شحبار

11/10/2007, 02:37 PM

انا عندي وانيت شفر 91 جير عادي وعندي برادو98
ما يطربني بالبر الا الوانيت يطربك بالغرازه فحل يعجبك اذا غرز احد بس اذا غرز يقولون صعب بالطلعه انا الحمد لله ماغرز معاي اخليه يحفر لين يدك البككس ولمن اشغل البدل احبه اكثر والله موتر بس اخذ جير عادي اذا تبي الوناسه

ناوي نيه

11/10/2007, 05:54 PM

طيب وشرايكم شباب بونيت فورد f150

maftoon

11/10/2007, 07:44 PM

الموتر الجمس حلو مره وكان معاي واحد بس عيبه يطلب كثير تصليحات عقب كل طلعه لازم ورشه

الوفد000

11/10/2007, 08:43 PM

اخواني مشكوريين كل اشكر على تفاعلكم مع الموضوع اما بالنسبه للموديل فالحقيقة انا ماعندي خيارات كثيره اللي اشوفه باشتريه وسؤالي عن التحمل في المناطق الوعرة لان كان معي (ربع) امهزيني في الجبال والحرات والان بغيت اغير لسياره .انتظر المزيد من من الاراء لاهنتم.

SilverSniper

12/10/2007, 02:17 AM

خذ جمس ولا تسأل.. دور قطع عشرة.. ولو 454 يكون أحسن..

ابعد عن الامريكي
:mad: أبعد عن الياباني ألف كيلو ولا تقرب منه :mad:

(مجرد رأي)

escape_man

12/10/2007, 02:30 AM

حط كلامي بين عيونك

اذا انت راعي صيانة ورجال واعي ونبيه فخذ جمس اذا هذا مطلبك وتشوف انه شهوة بنفسك

واذا انت منت رايق للصيانة ومو رغبتك الجمس للجمس نفسه فاشوف ان الياباني انسب لك.

الجمس موتر لكن يبي صيانة وطولة بال وعندي قطع 10 مابقى جرف ولا وعر ولا نفد

الا ووصله ويتحدى تحدي..

غالي

12/10/2007, 02:52 PM

والله حكم تجربه لاحد اخواني
كان عنده 2001 غماره ونص 454 ماشاء الله تبارك الرحمن
والله ثم والله ثم والله اني بعض المرات اخذه ان بغيت اتمشى بالرمال والثمامه
ولا اخذ الاندكروزر حقي
طبعا كان قير عادي قير ارضي الدبل
ماشاء الله تبارك الرحمن والله يوفق من شراه
والي يخبر لي واحد للبيع بشرط يكون مكينته 454 وقير عادي يعطيني خبر تراني بعون الله شراي
اما البنزين الي يقولك 454 يصرف
عندي صرفيته اخف من الاندكروزر او مثله
طبعا الي معه كان مدبله المساعدات الخلفيه والمطابات ماتحس بها ابدا ابد

راعي العود

13/10/2007, 05:35 AM

وانا اخوك الجمس اذا كان قطع عشره قير عادي دبل ارضي طبعا شي خيال ولا تشاور فيه ابد اما من ناحية المكينه خذ اللي يناسبك وما راح تندم بإذن الله انا جربت الجمس قطع عشره والله انه موتر في الخط وفي الرمل وفي كل محل توكل على الله ودور لك شي نظيف وانصحك الموديل يكون من التسعينات وطالع وبالتوفيق إن شاء الله