استفسار لاهل الجيوب (الشمعات)

[البدر2]

السلام عليكم ورحمة الله وبركاته
وكل عام والجميع بخير

اخواني هل للشمعات الامامية للجيب اللاند كروزر 2006 طريقة لوزن الانوار وتنزيلها فانا قسم بالله من يوم شريت هالموتر ما اقدر اشغل النور لانه مرتفع والناس تحسبي مولع العالي وكل شوي حادني واحد ولا مولع الفلشر ولا مفرمل بوجهي :d واعتمادي على الكشافات اللي تحت حتى بالسفر

فزعتكم تكفون واذا لازم ورشة وين اروح

[الدحبول]

أي شمعات ؟؟
كشافات الصدام يمكن له وزن
شماعة الوطي له وزن
الشمعة العالي له وزن
يبغاله وزن أي كهربائي يسويه
أو حتى انت
كله مسامير ورى الشمعة حركة إلى ان تضبط
تحياتي
وكل عام وانت بالف خير
ومن العيدين

[بدوي جنوبي]

عليكم السلام ورحمة الله وبركاته


هلا وغلا يا البدر ومن العايدين

تكفا يا البدر لازم تصلحه بسرعه ترا الناس تدعي عليك وانت ما تقصد

الشغله ترا بسيطه وانت بنفسك تقدر تسويها بكل بساطه

وقف سيارتك قدام جدار ويكون بينك وبين الجدار تقريبا 5 متر وشغل النور

افتح الكبوت في الجهه العليا من الشمعات تلقي مسمار طويل خذ مفك مربع شد علي المسمار

او ارخي عليه لين تشوف النور يطلع وينزل في الجدار وبها الطريقة تقدر تنزل فيه

بالتوفيق اخي

[البدر2]

بيض الله وجيهكم يا النشامى ما قصرتوا

[ابوجعفر]

انه معي gxr2006زينت وزن النور عند الوكالة.

[اسد نجد]

اقرب كهربائي سيارات يوزن لك النور بــ 10 رياااااااال

[ابوفهوود]

على فكره وزن الانوار من الداخل في الطبلون ياشباب الي عنده 2006 وطالع

[hamo0o0ody]

انا معي gxr 2006 احس ان النور مافيه شي
عادي ولا قد اشتكى منه احد بالعكس فيه ناس يقولون انه نازل