اسهل طريقة لتنظيف اي تانكي ماء مثبت بالسياره

[googl11]

اخواني الحل بسيط جدا ومجرب وانا ساكن بجدة بعد يعني الصداء على كيف كيفك ( وبالنسبة للكشات الصح هو اللي يقتصد في اي شي ولو كان مقتدر لان هذا الطبع يعود الشخص على الاقتصاد في حاله الاحتياج للاقتصاد ) والطريقه بعد الكشته وانت راجع للدار وقبل ماتدخل الديره بشوي جنب عند اطرف شحنة رمل وفض التانكي من الماء الين يبقا نصفه تقريبا وحط شوي رمل بالتانكي يعني تقريبا 10% من التانكي وادخل الديره مع ذكر الدعاء واتركه لمدة 3 ايام( ادوران )وبعدين اغسل تانكيك واتركه مكشوف لين ينشف همن صكه باحكام( واللي وده يحط شوي فيري ماهنا مانع )

[./عنيزاوي./]

جزك الله الف خير على المعلومه

[مقدور]

الله يعطيك العافيه بس عاد فايدة الرمل انه يسفى التانكي والى وش فايدته ؟

[راعي الخطوط]

والله إني شايل هم التنظيم من زمان
جزاك الله خير على الم
وكل عام وأنتم بخير

[أمجد]

أما الفيري اسمح لي عاد
تراه ما يروح من التانكي ابد ويصير الما به طعم
(وأنا مجرب)

[Black VTC]

الله يعطيك العافية على الوصفة :)

[بدون لوحات]

احسن منضف لتانكى الماء هو شاهى ليبتون علبه صغيره بنصف التا نكى ماء ولمدة يومبن ولمنع الصداء وكل عام وانتم بخير

[desertman777]

يا أخي الكريم من زمان وانا اعاني عند تنظيف التانكي..!!
وذلك لسبب ان التانكي تحت الموتر..
وكنت موسميا انزل التانكي وانظفه بالبيت على الرواقه..!!
طبعا التانكي ستيل وثقيل..والسيارة باترول تقريبا 60 لتر فقط!!
والان مليت من هالشغلة :no: ..!!


وصرت اذا كنت بالديرة اعبيه ماء هماج (فيه ملوحة)
لا حظت انه يكون ترسبات على جدار التانكي..!!
مما يمنع الصدأ بأذن الله..
طبعا يجلس الهماج فيه تقريبا اسبوعين..
ثم يتم تفريغه تفريغ جيد، وتعبئته بالماء العذب وسترى الفرق..
اتمنى اني اضفت شئ يفيدكم واسف على الاطالة..


اخوكم/ desertman777

[googl11]

أما الفيري اسمح لي عاد
تراه ما يروح من التانكي ابد ويصير الما به طعم
(وأنا مجرب)

معلومتك صحيحه وانا اخوك بس اذا كان فيري وماء فقط اما مع الرمل فلا لان الرمل يزيل الماده التل تلتصق من الفيري على اي جسم دون الدعك وهذي الطريقه استعملها في نظارت الغوص البحري اذا جيت ابي اغوص احط شوي فيري من داخل النظاره واقوم بفركه بدون ماء الى ان اغطي النظاره بالكامل من الداخل ثم اقوم بغسلها بالماء دون فركها الى ان يزول الفيري وتبقى الماده العازله للضباب اثناء الغطس وشكرا لمرورك والسبب انه

[عبرووود]

الله يعطيك العافية على الوصفة

[غياض حائل]

ياسلام على الموضوع

[القصب ديرتي]

عندك ملح الليمون و بيكاربونات الصوديم تنظف التانكي صح

[Obu-Nasser]

صب قار في التانكي+خل ابيض+ظ¨ حبات بيض بلدي+ربع ملعقة عسل وفحط بالسيارة حتى تتسبك الخلطة ثم اغسل التانكي ب ديزل

[هاوي الجكس]

صب قار في التانكي+خل ابيض+ظ¨ حبات بيض بلدي+ربع ملعقة عسل وفحط بالسيارة حتى تتسبك الخلطة ثم اغسل التانكي ب ديزل
ولاتنسى البهارات :D

[ابو نايوفيتش]

خذلك حديد جلفن او مجلفن وانسى شيء اسمه صدأ

بس غالي

[خرمان ربيع]

لا حول ولا قوة إلا بالله ... يأخوان تجنبوا الأطعمة والمأكولات لغرض التنظيف خوفاً من العقوبة

[ساريا]

مرحبا كلامك صحيح ماعنده سالفه لأحد يحط فيري والله مايطلع