المشوره يالطيبين (ونيت جمس 2008 غمارتين اوتوماتك)

[Mohammad]

ابى المشوره الصادقه بعيد عن العاطفه فكل انسان يحب موتره ...اخوتى احب الونيتات بشكل عام واعلم ان تويوتا ونيسان سيارات متينه وقويه ومعتبره ولكن لى رغبه بونيت جديد لكل الاغراض وللعائله وللبر وللجبال والسوق والعمل والكـــــــــــــــــــــــــشخه!

الشاص عادى وضيق وقاسى جدا..ما ابيه ابدا

ولكنى قلق من الامريكى من تجربه قريبه خاصه وكذلك ..هناك من يشتكى من خرابات السوبر الجديد جى ام سى حساسات واصوات ومشاكل اصلاحات وهو نفس المكينة والقيرالى بالونيت

[مكـiiiـات]

الونيت الإمريكي مريح وواسع وقوي وكن سعره بعد الاستخدام البسيط ينهار جدا إلى حوالي النصف

[الوعب]

السلام عليكم ورحمه الله و بركاته

لاماعليه كلام ,, ولكن خذ غمارتين دبل يكون الحوض قصير ,, اذا هو طويل تراه بلشه في المواقف و اللفات
وفيه شي ابيك تتاكد منه

طبعا السنه هذي تغير شكل الجمس ,, قبل كان يجي رفرف او يجي ستيك ,, اما في الموديلات الجديده صار شكله واحد ستيك ولكن فيه بروز شوي عند الرفرف
طيب الي ابيك تروح تنشد عنه الله يسلمك اني قبل كم يوم شفت عندنا في الدوحه تاهو جديد ,, الله يسلمك كان عليه رفارف ,, طبعا اول مره اشوف الشكل الجديد و تجي عليه رفارف صغيره
اتمنى اني عرفت اوصل لك الوصف عدل,,, السياره الي شفتها بصراحه قمه قمه في الروعه ,, تخيل هو اصلا الشكل الجديد بديه على الجنب مستقيم اللهم فيه بروز شوي فوق التواير ,, تخيل راكل عليه فرفر صغير
انصحك فيه هذا اتوقع اذا جا على الوانيت يكون شكله احلى بعد من التاهو .
لاتقول الفرق بسيط و رفرف صغير مايغير شي,, والله انه كان الموتر الي شفته مميز جدا الله يستر على راعيه و يبارك له

[خادم الإسلام]

بسم الله الرحمن الرحيم


أولاً كل عام وانت بخير


شف وانا أخوك في لي مهندس سألته عنه فقال إن كان مكينته 1500 لا تقربه ابداً


وإن كان 2500 توكل على الله طبعاً هذا للدفع الرباعي . واما اخوك\ما عنده خبره


وقبل كل شي عليك بصلاة الإستخارة .


وشف هالموقع ينفعك في هذا فهو خاص بالسيارات







تم حذف الموقع من قبل المشرف يمنع وضع عناوين منتديات
أقرا شروط الكنابه

[طارق الحربي]

اخوي عزيز

الونيت الرفرف وقفوه من 2005

اللي عندنا الشكل الجديد كله مصفح ماعاد يجي رفرف


اخوي محمد

السيارة جديده وشكلها رااااائع

خصوصا اذا اخذت حوض قصير وغماره وحده فاضمن لك انك تبي تحب الموتر

ابعد عن الطويل لا تقربه

وابعد عن السياحي بعد


اخوي خادم الاسلام

مافيه شي اسمه مكينة 1500 او 2500

هذي مقدرة السيارة على تحمل الحمل بالارطال

وفيه بعد 3500 رطل

اما مكينة قطع 10 اللي هو 1500 رطل فهي 5.3 ليتر
اما 2500 رطل فهي 6 ليتر

مكائن هائلة وقوية
لك تحياتي

[ذئب اليل]

الجمس القديم اقو ويتحمل بشكل رهيب وعزم معلية كلام خاصة 454 مجرد رئي

[SilverSniper]

ونيت الجمس ممتاز.. وزي ما قال أخوي طارق الحربي فإن مكينة 1500هي 5.3 لتر أما مكينة 2500 هي 6.2 لتر وكلا المكينتين قويات جداً.. بالنسبة للـ 3500 فهذا يجي مثل جموس أرامكو.. كفر خلفي مدبول مثل الدينا والستيك بدي.. وهذي صورة له..
http://z.about.com/d/alternativefuels/1/7/D/1/-/-/07_GMC_3500HD3_4front.jpg
مع نسيبي واحد مثله موديل 2005 ممتاز والله وقوي ويروح لأي مكان.. ويمدحه.. وأنا لقيته مره بمعارض النسيم موديل 2002 مسيوم بخمس وستين..
أما بالنسبة لاستفسار اخوي عزيز عن التاهو أبو رفرف.. فهذا تاهو Z71.. معد ومجهز للبر.. يختلف عن التاهو العادي في التعليق ونسب القير.. وبرمجة كمبيوتر المكينة.. وأنا جربته وتحسفت اني استعجلت خصوصاً ان فرق السعر كان بسيط.. بحدود الخمسة ألاف.. :(.. بس الحمدلله..

[طارق الحربي]

اخوي انا معي جمس حوض غماره رفرف z71 2004

ماشالله عليه مافيه احسن منه

[الوعب]

السلام عليكم

اخوي طارق الحربي بس لو مركز شوي بمداخلتي
انا ادري ان الجمس رفرف وقف من 2005 وبعده جا ستيك ,,, الي اقصده انه الجديد الي هو ستيك جا راكب عليه رفرف صغير,,, مثل رفرف الباترول الي يجي على الباترول كامل المواصفات ,, يمكن للحين مانزل عند الجميح او انه نزل بس ما انتشر بالشوارع
الوكاد ان شكله لايعلا عليه ,, و ان شفت موتر من الجدد عليه رفرف في الشارع بصوره و احطه في الموضوع هذا عشان تلاحظون الفرق في الشكل

[طارق الحربي]

اعذرني اني فهمت غلط

انا شفت عند الوكاله مصفح z71 غماره رووووووعه

اما اللي تتكلم عليه ماشفته

وان شاء الله تحط له صوره :)

[الوعب]

الاخ سلفر سنايبر ,,,, مافهمت شوي ,, يعني انت تقصد التاهو الي فيه رف ررف ارخص و معد للبر ,, اذا هذا قصدك ,, فانا اخالفك الراي تماما
الي شفته عليه رفرف شكله افخم بكثير من النوع الي موجود حاليا كاني اقولك الفرق بين اليوكن و اليوكن دينالي
الي انا شفته اقدر اشبهه لك بالدينالي بس في الشفر ,, فخم حتى جنوطه غير اكبر و اكشخ

[الوعب]

وايضا اسمحلي بمداخله ثانيه
انا جربت الدبل تاير (مع احد الاصدقاء),, فيه كذا عيب بالنسبه لي
1- المكينه كبيره زياده عن اللزوم و فيها شوي صرفيه بانزين
2- وعر وعر وعر ويناقز في البر وخصوصا في الرمله بشكل غير عادي
3- لو تسافر فيه لدوله عن طريق البر راح يعتبرونه شاحنه او تريله و راح تدخل مراكز الحدود مع التريلات (المعلومه هذي سمعت فيها ماحصلت معاي او مع شخص اعرفه والله اعلم عن صحه المعلومه)

[عقرب رمل]

الجمس مثل ماقالو الاخوان ماعليه كلام وسياره قويه بس ليش
ماتاخذ غماره ونص بيكون أقصر وأحلى وموب ضيقه من ورا


تاهو Z71.. معد ومجهز للبر.. يختلف عن التاهو العادي في التعليق ونسب القير.. وبرمجة كمبيوتر المكينة

هل تنطبق مواصفات z71 على الجمس من ناحيه البرمجه والتعليق ونسب القير مثل التاهو

الأخ Aaziz شكلك تقصد هالشكل
http://www.arb-up.com/files/arb-up-Oct2/tnG66676.jpg (http://www.arb-up.com/)
http://www.arb-up.com/files/arb-up-Oct2/bGT66805.jpg (http://www.arb-up.com/)
http://www.arb-up.com/files/arb-up-Oct2/SNE66992.jpg (http://www.arb-up.com/)
http://www.arb-up.com/files/arb-up-Oct2/2Ud66988.jpg (http://www.arb-up.com/)

[عقرب رمل]

وهذا التاهوz71 وأنا مره شفت تا هو عليه جنوط كبيره وفيه نيكل أعتقد انه اللي تقصده
http://www.arb-up.com/files/arb-up-Oct2/UEi70466.jpg (http://www.arb-up.com/)
http://www.arb-up.com/files/arb-up-Oct2/eCN70636.jpg (http://www.arb-up.com/)
http://www.arb-up.com/files/arb-up-Oct2/yS170680.jpg (http://www.arb-up.com/)

[الوعب]

شفتو الابيض الي حاطه قرب رمل ,,, مثله ولكن اضف عليه رفرف صغير
واعتقد الجنوط غير هذي ,, و ايضا اعتقد الدواسه غير الي تحت البيبان :)
الظاهر المواصفات بين دول الخليج تختلف كثير
مره التقيت مع واحد من ربعي القداما و كان عنده جمس مثل الي حاطه قرب رمل ,,, لونه اسود و تخيلو انه دينالي ؟؟
اول مره اشوف جمس ونيت دينالي ,,, سالته قالي هذا طلبيه من امريكا
والله شركه Gm كل مالها و بزود
مشكورين يالمكشاتيه جميعا

[الوعب]

يا محمد وشرايط اشور عليك شور ان شالله ان فيه مصلحتك
ادخل قوقل و ابحث عن سياره نيسان تيتان
اذا شفت السياره و دخلت مزاجك ,,, انشد عن الي تبي في هالسياره و انا بجاوبك تراها سياره تصفطها لخوك ,, غمارتين و حوض وثمانيه سلندر مكينه 5.6 لتر, مافيه مقارنه بينها و بين الجمس بصراحه احلى من الجمس بكثير من الجوانب
اذا صلحت لك خبرني بس
هذي صورتها

http://www.vistagroupusa.com/4titan_gal_lrg07.jpg

[عقرب رمل]

شفتو الابيض الي حاطه قرب رمل ,,, مثله ولكن اضف عليه رفرف صغير
واعتقد الجنوط غير هذي ,, و ايضا اعتقد الدواسه غير الي تحت البيبان :)
الظاهر المواصفات بين دول الخليج تختلف كثير
مره التقيت مع واحد من ربعي القداما و كان عنده جمس مثل الي حاطه قرب رمل ,,, لونه اسود و تخيلو انه دينالي ؟؟
اول مره اشوف جمس ونيت دينالي ,,, سالته قالي هذا طلبيه من امريكا
والله شركه Gm كل مالها و بزود
مشكورين يالمكشاتيه جميعا
خخخخ وش فيك مضيع أول حرف من أسمي حرف العين:)
أنا عرفت التاهو اللي تقصده لكن للأسف ماعندي صورماشفته
الا في الشارع
وبالنسبه للدينالي ماأعتقد ينزل عندنا وعندي له صوره كله نيكل في نيكل
فخم ولاكنه بيك أب وان شاء الله أنزلها قريب

[Mohammad]

الله يجزاكم خير على التداخل وودى اشكر كل واحد فيكم ياالنشاما الطيبين...تكفون اذا تعرفون عيب فى هذه السيارات لا تبخلون!

[عقرب رمل]

أخوي وش السيارات اللي تقصدها؟؟؟؟
وهاذي صور الدينالي
http://www.arb-up.com/files/arb-up-Oct2/2LO58506.jpg (http://www.arb-up.com/)
http://www.arb-up.com/files/arb-up-Oct2/vfq58519.jpg (http://www.arb-up.com/)

[باثفندر]

http://www.mekshat.com/pix/upload/sign/images/mk41765.gif

خذ لك ونيت وماعليك تراه لك وللزمن وماعليك

ربعنا عندهم مخلفات ارامكو لها سنتين وثلاث من البر والمشاوير والكرف ماقالت شي

بس الله يعينك اللي في الوكاله كلها محجوزة.

[Mohammad]

بيض هالوجيه الغانمه ... تنصحونا افضل وكاله للصيانه والتعامل والاسعار وبعد هل الفرق كبير بين غمارتين وغماره

[Mohammad]

يا محمد وشرايط اشور عليك شور ان شالله ان فيه مصلحتك
ادخل قوقل و ابحث عن سياره نيسان تيتان
اذا شفت السياره و دخلت مزاجك ,,, انشد عن الي تبي في هالسياره و انا بجاوبك تراها سياره تصفطها لخوك ,, غمارتين و حوض وثمانيه سلندر مكينه 5.6 لتر, مافيه مقارنه بينها و بين الجمس بصراحه احلى من الجمس بكثير من الجوانب
اذا صلحت لك خبرني بس
هذي صورتها

http://www.vistagroupusa.com/4titan_gal_lrg07.jpg
اخوى عزيز ما قصرت وبارك الله فيك وفى الجميع ..سياره ما عليها كلام لكن وش تقصد اذا صلحت لى وهى غير متوفره بالسعوديه .

[الدحبول]

ابى المشوره الصادقه بعيد عن العاطفه فكل انسان يحب موتره ...اخوتى احب الونيتات بشكل عام واعلم ان تويوتا ونيسان سيارات متينه وقويه ومعتبره ولكن لى رغبه بونيت جديد لكل الاغراض وللعائله وللبر وللجبال والسوق والعمل والكـــــــــــــــــــــــــشخه!

الشاص عادى وضيق وقاسى جدا..ما ابيه ابدا

ولكنى قلق من الامريكى من تجربه قريبه خاصه وكذلك ..هناك من يشتكى من خرابات السوبر الجديد جى ام سى حساسات واصوات ومشاكل اصلاحات وهو نفس المكينة والقيرالى بالونيت

المرغوب في السوق الغمارة والغمارة ونص
الغمارتين زبونه نادر في حال إعادة البيع
2007 مافيه أي مشاكل وحتى القديم
مستخدم 2000 يوكن دبل على مستعمل خفيف بعنها ولا قطين والاريال أستخدام سنة
2003 سوبر دفرنش واحد وكالة جلس 4 سنوات والاغيرنا فيه إلا الكفرات والزيوت والفلاتر
والسيور طبيعة قطع إستهلاكية إشتريناها أصفار بعنه ماشي 185 الاف كم
2007 سوبر شفر وكالة
إلى الان ماوجهتنا مشاكل
الجمس والشفر سيارات تقدر تعتمد عليه
انصحك تاخذ غمارة ونص صندوق قصير دبل أوتومتيك أو عادي كلهم مرغوبات أو 15 أو 25
الفرق بين 10 و 15 و 25 و 35
فقط في التحميل و قوة السحب والجر
يعني والكرونة والدفرنش والستت
أختار حسب حاجتك
عملي وتقدرتعتمد عليه
الجمس يستخدم بنزين 91
جميع قطع الغيار متوفرة
وأسعارها رخيصة
واقتصادية في الستهلاك الوقود

[Mohammad]

المرغوب في السوق الغمارة والغمارة ونص
الغمارتين زبونه نادر في حال إعادة البيع
2007 مافيه أي مشاكل وحتى القديم
مستخدم 2000 يوكن دبل على مستعمل خفيف بعنها ولا قطين والاريال أستخدام سنة
2003 سوبر دفرنش واحد وكالة جلس 4 سنوات والاغيرنا فيه إلا الكفرات والزيوت والفلاتر
والسيور طبيعة قطع إستهلاكية إشتريناها أصفار بعنه ماشي 185 الاف كم
2007 سوبر شفر وكالة
إلى الان ماوجهتنا مشاكل
الجمس والشفر سيارات تقدر تعتمد عليه
انصحك تاخذ غمارة ونص صندوق قصير دبل أوتومتيك أو عادي كلهم مرغوبات أو 15 أو 25
الفرق بين 10 و 15 و 25 و 35
فقط في التحميل و قوة السحب والجر
يعني والكرونة والدفرنش والستت
أختار حسب حاجتك
عملي وتقدرتعتمد عليه
الجمس يستخدم بنزين 91
جميع قطع الغيار متوفرة
وأسعارها رخيصة
واقتصادية في الستهلاك الوقود
ربنا يحفظك يا الدحبول ويبارك فيك وجميع من يقرأ الموضوع..اخى صحح اذا امكن اعتقد لا يوجد شىء اسمه مقاس 10..عملت بعض القرأه ووجدت 1500 و2500 و3500 وهى مقاسات الصندوق وطول السياره وكذلك مكينه 6 لتر الكبيره لا تأتى الا على 2500 و3500؟ هل هذا صحيح؟

[عقرب رمل]

بالنسبه لقطع 10 صراحه ماأدري شالفرق بينه وبين قطع 15 وهل هو فعلا موجود بحاول أجيب الخبراليقين
بالنسبه 1500و2500و3500 رموز لقدرة جر السياره اذاماكنت غلطان والمحرك 6لترماينزل الا2500و3500 مثل ماقلت وفيه 8.1 بس مانزلت على الحوض عندنا في السعوديه بس على الصالون وانقطعت سنه 2005

[طارق الحربي]

اخوي عقرب رمل

انا اعرف واحد معه 2500hd غماره 2002 مكينة 8100 سي سي

من ارامكو

لك تحياتي

[سالم45]

السلام عليكم ورحمة الله وبركاته
اخوي وشرايك بالونيت فوردغمارة ونصف F150تره من ابدع مايكون قوة مكينة وراحة و جمال سيارة وأنا مجرب سيارات فورد من عشر سنوات المشلكة في الامريكي أنه يطيح قيمة لاكن بعد الاسعار الجديدة لتويوتا 2008ماضنتي يطيح سعرة نصيحة عليك بالجديد مهما كان ؟؟؟؟؟؟؟؟؟؟؟؟؟

[الدحبول]

ربنا يحفظك يا الدحبول ويبارك فيك وجميع من يقرأ الموضوع..اخى صحح اذا امكن اعتقد لا يوجد شىء اسمه مقاس 10..عملت بعض القرأه ووجدت 1500 و2500 و3500 وهى مقاسات الصندوق وطول السياره وكذلك مكينه 6 لتر الكبيره لا تأتى الا على 2500 و3500؟ هل هذا صحيح؟
حجم 10 = 1500 اللختلاف 10 يجي 6 سرندل و 8 سرندل
6 سرندل مكينة بليزر و إنفوي 4.3 لتر
8 سرندل 4.8
أم 1500 يجي مكينة 8 سرندل
4.8 لتر
و 5.3 مكينة السوبر 1500 واليوكن
2500 و 3500
مكينة 8 سرندل
5.3
6.2
كان يجي 8.1 بس الاسف انقطعت

[الدحبول]

الموقع ذا رح يفيدك
اسم السيارة
سييرا
http://www.gmcarabia.com

الفرد ونعم
ان و ولد عمي شترينا واحد عام 1997 موديل 1996 أصفار قير أوتومتيك شاصي طويل ب 32500 ريال
F150
لان ماشي 220 الاف
حمل عليه كرفه كرف
تصدق السيارة محتاجه تربيط ولا ربطه له سنة كاملة والكفرات على حسب الوضع كفرات له سنتين
الفلتر القير وكالة وفيه نتعة بين الثاني و الثالث
الزيت على حسب يمكن له 50 الاف ماغير
عيبه قطع الغيار غير متوفرة إلا الوكالة
الجمس والا تبعد عنه

[بو بندر]

يا محمد وشرايط اشور عليك شور ان شالله ان فيه مصلحتك
ادخل قوقل و ابحث عن سياره نيسان تيتان
اذا شفت السياره و دخلت مزاجك ,,, انشد عن الي تبي في هالسياره و انا بجاوبك تراها سياره تصفطها لخوك ,, غمارتين و حوض وثمانيه سلندر مكينه 5.6 لتر, مافيه مقارنه بينها و بين الجمس بصراحه احلى من الجمس بكثير من الجوانب
اذا صلحت لك خبرني بس
هذي صورتها

http://www.vistagroupusa.com/4titan_gal_lrg07.jpg
الجمس ابرك منه وارخص وقطع الغيار متوفر وارخص

[بو بندر]

شوف لشفر في هذا الرابط
http://www.topspeed.com/cars/car-news/gm-reducing-pick-up-suv-production-ar42091.html

[عقرب رمل]

حجم 10 = 1500 اللختلاف 10 يجي 6 سرندل و 8 سرندل
6 سرندل مكينة بليزر و إنفوي 4.3 لتر
8 سرندل 4.8
أم 1500 يجي مكينة 8 سرندل
4.8 لتر
و 5.3 مكينة السوبر 1500 واليوكن
2500 و 3500
مكينة 8 سرندل
5.3
6.2
كان يجي 8.1 بس الاسف انقطعت

الأخ الدحبول
كلامك سليم بس المكينه ال6سلندرسعتها 4.2 مو4.3
وقطع 25 عندنا ماتنزل عليه 5.3 بس 6لتر
بالنسبه لموديلات 2007 نزلو المكينه 6.2بس ماأدري ان كانو حطوها على الجمس
والموقع اللي حاطه أنت مب دقيق لأنهم حاطين ال5.3و4.8 نفس القوه والعزم وهذا
مستحيل يصيروحاطين المكينه 4.3 8سرندل وهي6سرندل وأنا خبري فيها 4.2 وماأدري ان كانوغيروها



اخوي عقرب رمل

انا اعرف واحد معه 2500hd غماره 2002 مكينة 8100 سي سي

من ارامكو

لك تحياتي

الأخ طارق الحربي
طبعا أرامكوأكيدبتطلب المواصفات اللي تبيها وراح يوفرونها غيرالناس العاديه وأنا شفت عندنا مره قطع 25 8100 بس تصديرأعتقد انه ينزل في باقي دول الخليج الا احنا لاوالجيرالعادي اذا اذا اني مو متوهم يجي 6نمر

[الدحبول]

الأخ الدحبول
كلامك سليم بس المكينه ال6سلندرسعتها 4.2 مو4.3
وقطع 25 عندنا ماتنزل عليه 5.3 بس 6لتر
بالنسبه لموديلات 2007 نزلو المكينه 6.2بس ماأدري ان كانو حطوها على الجمس
والموقع اللي حاطه أنت مب دقيق لأنهم حاطين ال5.3و4.8 نفس القوه والعزم وهذا
مستحيل يصيروحاطين المكينه 4.3 8سرندل وهي6سرندل وأنا خبري فيها 4.2 وماأدري ان كانوغيروها
مشكور على تصحيح
بس كاني قريها من موقع Gmc عربي

[عقرب رمل]

شوف لشفر في هذا الرابط
http://www.topspeed.com/cars/car-news/gm-reducing-pick-up-suv-production-ar42091.html
موكأن هالسياره تويوتا تاكوما بعلامة شيفروليه!!!!!!!

[الدحبول]

إقتباس من موقع جي إم سي عربي
المحرك V8


http://www.gmcarabia.com/content_data/LAAM/ME/ar/GBPME/012/images/spacer.gif
Vortec 4.3 L V8
http://www.gmcarabia.com/content_data/LAAM/ME/ar/GBPME/012/images/spacer.gif
Vortec 4.8 L V8
Vortec 5.3 L V8
القوة الحصانية الإجمالية / عند د.د.


http://www.gmcarabia.com/content_data/LAAM/ME/ar/GBPME/012/images/spacer.gif
195 @ 4600
http://www.gmcarabia.com/content_data/LAAM/ME/ar/GBPME/012/images/spacer.gif
376 @ 5200
376 @ 5200

[Mohammad]

شوف لشفر في هذا الرابط
http://www.topspeed.com/cars/car-news/gm-reducing-pick-up-suv-production-ar42091.html

ما قصرت يالحبيب ولكن وين نشتري وكيف..اى وكاله؟
اللى فى الوكاله متخلفين! تعبونا ما يعرفون شى!

[عقرب رمل]

مشكور على تصحيح
بس كاني قريها من موقع Gmc عربي

شوف بالنسبه لسعه ال6سلندر جايز انهم غيروها الى 4.3 بس لوفتحت الموقع اللي انت حاطه
بتشوف انه غير دقيق والسبب مثل ماذكرته في مشاركتي اللي فوق
وأي واحد عنده معلومه او تصحيح للمعلومات لايبخل علينا

[الدحبول]

أعتقد
المكينة الاول ل حجم 10 وهي 6 سرندل بس الموقع ملخبط الاساسية
المكينة الثاني ل حجم 10 إختيارية و أساسية ل 15
المكينة الثالثة ل 10 إختيارية و إساسية ل 2500
المكينة 6.0 مكينة 2500 إختيارية
الونيت دينالي طلبيه مكينة 6.2 نفس حق اليوكن دينالي
الموقع العربي مشكوك في المصداقية رح اروح موقع إنجليزي www.gmc.com (http://www.gmc.com)

[الدحبول]

أخوي عقرب رمل
أرجو الدخول على الرابط التالي
فيه تصحيح لبعض معلوماتك ومعلوماتي
الرابط موثوق فيه 100 لانه حق الشركة الام الصانعة
http://www.gmc.com/sierra/index.jsp

[عقرب رمل]

إقتباس من موقع جي إم سي عربي
المحرك V8


http://www.gmcarabia.com/content_data/LAAM/ME/ar/GBPME/012/images/spacer.gif
Vortec 4.3 L V8

http://www.gmcarabia.com/content_data/LAAM/ME/ar/GBPME/012/images/spacer.gif
Vortec 4.8 L V8

Vortec 5.3 L V8
القوة الحصانية الإجمالية / عند د.د.


http://www.gmcarabia.com/content_data/LAAM/ME/ar/GBPME/012/images/spacer.gif
195 @ 4600

http://www.gmcarabia.com/content_data/LAAM/ME/ar/GBPME/012/images/spacer.gif
376 @ 5200


376 @ 5200



هل من المعقول ان تكون قوة 5.3 مثل قوة4.8
ولو قلنا نفس القوة العزم يختلف أكيد وبيكون من صالح 5.3
والموقع كاتب انهم نفس القوه والعزم وهاذي ماتدخل العقل
معروف ان المحرك كل مازادت سعته زاد العزم حت لو تساوت القوه الحصانيه
العزم بيكون من صالح المحرك الأكبر

[الدحبول]

الحجم 10
فورتوك 6 أسطونات 4.3 لتر
فورتك 8 أسطونات 4.8 لتر
@@@@@@@@@@@@@@@@@
الحجم 15
فورتك 8 أسطونات 5.3 لتر
فورتوك 8 أسطونات 6.0 لتر
@@@@@@@@@@@@@@@@@
الحجم 25 و 35 نفس المحركات
فورتوك 8 أسطونات 6.0 لتر
ديزل 8 أسطونات 6.6 لتر مزود بتوربو
@@@@@@@@@@@@@@@@@@
الدينالي
فورتك 8 أسطونات 6.2

[عقرب رمل]

الحجم 10
فورتوك 6 أسطونات 4.3 لتر
فورتك 8 أسطونات 4.8 لتر
@@@@@@@@@@@@@@@@@
الحجم 15
فورتك 8 أسطونات 5.3 لتر
فورتوك 8 أسطونات 6.0 لتر
@@@@@@@@@@@@@@@@@
الحجم 25 و 35 نفس المحركات
فورتوك 8 أسطونات 6.0 لتر
ديزل 8 أسطونات 6.6 لتر مزود بتوربو
@@@@@@@@@@@@@@@@@@
الدينالي
فورتك 8 أسطونات 6.2
^^^^^^^^^
هذا الكلام السليم 100% مع بعض الملاحظات الاضافيه:
أنا ماشفت في الموقع الا1500و2500و3500 ومعناتهم مثل ماأنتو عارفين 15و25و35
كلمة قطعه عشره ماأدري مين اللي مخترعها لأن الموقع ماذكر عنها شي شكلها من تأليفنا.
على حسب الموقع السياره حاصله على 5 نجوم في التصادم الأمامي ومكتوبه اذافتحت على 1500
تحت الصوره تجي كأنها اعلان والسياره تشتغل على 4 سلندر في السرعات المنخفضه وعلى 8سلندر
على السرعات العاليه مما يقلل الصرفيه مع قوة 300حصان للمحرك 5.3
وفي الأخير شكرايالدحبول على الموقع والمعلومات
والموقع العربي ماعنده سالفه

[مـدحـدر]

يا اخوان يا كرام

ما شاء الله كفيتوا وفيتوا


بس الاسعار كم وخصوصاً غماره ونص 1500

والفورد غماره ونص اف 150

وش معنى z71 يجي دبل والا لا مثل اللي مع الاخ طارق الحربي

من يفيدنا مشكور ومأجور

[عقرب رمل]

يا اخوان يا كرام




ما شاء الله كفيتوا وفيتوا



بس الاسعار كم وخصوصاً غماره ونص 1500



والفورد غماره ونص اف 150



وش معنى z71 يجي دبل والا لا مثل اللي مع الاخ طارق الحربي



من يفيدنا مشكور ومأجور




بالنسبه للأسعارماعندي خبره عنها

z71 تعني نوع رياضي بالنسبه للتاهو z71 فيه أختلاف عن العادي بنظام التعليق والبرمجه ونسب الجير

على حسب ماقال الأخ silver sniper لكن هل ينطبق هالشي على الجمسz71 صراحه ماأعرف وبالعادهz71 مايجي سياحي على الجمس يعني امانص فل أو فل كامل ويجي هالنوع بدبل



واسمحلي بالنسبه للفورد صراحه ماأعرف عنه شي الا المكينه سعتها 5.4غير كذاماأعرف

[الوعب]

السلام عليكم ورحمه الله

اخوي محمد اولا اسمحلي على التاخر بالرد

بالنسبه للسياره موجوده و تقدر تحصل عليها بكل سهوله ,, هي قبل كانو يجيبونها معارض في الامارات و خذاها واحد من اعز ربعي وبشكل شبه يومي اشوف السياره و اركبها و سافرت عليها اكثر من مره
الحلو في الموضوع انه وكيل شركه النيسان في الامارات ,, ورد هذي السياره بمواصفات الخليج
بالنسبه لقطع غيار السياره هي عباره عن قطع غيار ارمادا 100% من الصدام للصدام
و هي اقوى من الجمس في العزم و الخط و ارسى وحاصله على جائزه اوسع كابينه سياره من فئتها
استعمال السياره جدا ممتاز بصراحه
وفيها كماليات ممتازه بالهبل
هذا اذا غيرت رايك عن الجمس ,, و الجمس ماينعاف وشهادتي فيه مجروحه
اذا خذيت جمس الله يبارك لك فيه و يطرح فيه البركه ,, و اذا نويت على التايتان بلغني برساله خاصه و ان شالله بصور لك جميع مميزات السياره
موفق خير بالي يقسمه لك رب العالمين

[Mohammad]

السلام عليكم ورحمه الله

اخوي محمد اولا اسمحلي على التاخر بالرد

بالنسبه للسياره موجوده و تقدر تحصل عليها بكل سهوله ,, هي قبل كانو يجيبونها معارض في الامارات و خذاها واحد من اعز ربعي وبشكل شبه يومي اشوف السياره و اركبها و سافرت عليها اكثر من مره
الحلو في الموضوع انه وكيل شركه النيسان في الامارات ,, ورد هذي السياره بمواصفات الخليج
بالنسبه لقطع غيار السياره هي عباره عن قطع غيار ارمادا 100% من الصدام للصدام
و هي اقوى من الجمس في العزم و الخط و ارسى وحاصله على جائزه اوسع كابينه سياره من فئتها
استعمال السياره جدا ممتاز بصراحه
وفيها كماليات ممتازه بالهبل
هذا اذا غيرت رايك عن الجمس ,, و الجمس ماينعاف وشهادتي فيه مجروحه
اذا خذيت جمس الله يبارك لك فيه و يطرح فيه البركه ,, و اذا نويت على التايتان بلغني برساله خاصه و ان شالله بصور لك جميع مميزات السياره
موفق خير بالي يقسمه لك رب العالمين

ما جا منكم الا كل خير وكلامكم مابه شك ان هذه السياره محترمه ولكن مثلك عارف هالوكاله التعبانه تطلع الشيب بالراس والسياره من عندهم فكيف بسياره من الخارج ونادره بالبلد! ...اخى ردكم علينا مثير وجديد واحب اعرف اذا تكرمت هل تقصد ان السياره اللى مع صاحبك فى السعوديه؟

[الوعب]

السلام عليكم

لا اخوي انا من قطر والسياره في قطر
انا سافرت على السياره السعوديه ولا قد شفت مثلها في الشارع بصراحه لكن عندنا في قطر و في الامارات منتشرة.

[Mohammad]

السلام عليكم

لا اخوي انا من قطر والسياره في قطر
انا سافرت على السياره السعوديه ولا قد شفت مثلها في الشارع بصراحه لكن عندنا في قطر و في الامارات منتشرة.

طيب عندى سؤالين:
-هل تباع السياره عندكم فى قطر عن طريق الوكاله؟ ولها ضمان وصيانه؟
-كم الاسعار والمواصفات؟

وحزاكم الله خيرا

[الوعب]

السلام عليكم


هلا محمد ,,, السياره ماتبيعها الشركه عندنا في قطر حتى الان
ولكن انا على ثقه انها قريب راح تنباع في جميع دول الخليج و اول دوله بدت توريدها بمواصفات الخليج هي الامارات ,, قبل كان يوردها معرض واحد في ابو ظبي وهو معرض الاميره وهو الي شرينا السياره منه و كانت قيمتها 145 الف ,, ولكن بعد ان وردها وكيل النيسان في الامارات انباعت بسعرها الطبيعي وهو 140 الف وارد الخليج.
بالنسبه للضمان , اي سياره تشتريها من امريكا اكيد ماراح يقبل الوكيل بالضمان او يقبل صيانتها (ببلاش)
بمعنى ان صاحبي هذا اخذها من الامارات وارد امريكا و راح للوكيل عندنا و قال ما اقبل تسويلها صيانه عندي الاتفتح لها ملف واعتقد قتح الملف يمكن 3 الاف (جشع وكلاء السيارات في كل دول الخليج + الاختكار) ,, ولكن بالصدفه ولحسن حظ صاحبنها كانت شركه نيسان فاتحه فرع صيانه صغير في احد محطات البانزين و الفني قال لازم افتح لها ملف قبل لااغير لك الزيت ,, وراح و فتح ملف ببلاش وهو لايعلم ان فتح الملف بفلوس :)
وقبل كم يوم الرجال مطلعها من شركه النيسان عندنا صيانه كامله , اتمنى تستخلص بعض الامور من القصه هذي

طيب سالتني عن الاسعار و المواصفات
في البدايه انت اكيد الي تجي بدون دبل مالك فيها
يعني تسئل عن الدفع الرباعي وهنا شوي المسميات تختلف ومحتاجه شوي تركيز
فيه نوعين Se ونوع ثاني Le
في كلا النوعين يوجد مايسمى (بكج ون ) ما ادري كيف تكتب بالانجليزي ,, ولكن المقصود فيها ان صح التعبير طقم 1
و الثاني (بكج تو) طقم 2
يعني تجيد الانواع كذا
1 - Se بكج ون
2 - Se بكج 2
3 - Le بكج ون
4 - Le بكج تو
ايش الفرق بين بكج ون و بكج تو : بكج ون يجي دفع رباعي ولكن مخصصه اكثر للمدينه والاختلاف في حجم الجنط حيث بكج ون يجي 16 و بكج تو 17
الاختلاف الثاني و هذا مهم ,, الكارونه ,, ما اعرف ايش تسميتها عندكم في السعوديه هي الي تجي بين التواير الي واصل فيها عمود الشفت في بكج ون تكون صغيره و بكج تو لانها سياره معده للبر فا تجي اكبر
المرايات الجانبيه في بكج ون تجي صغيره و في بكج تو تجي اكبر
في بكج تو تجي فيه زياده بعض الامور مثل دواسه نيكل تحت البيبان و في الحوض ورى تجي قطعه قمه في الذكاء و عمليه جدا ,, وهي عباره عن مواصيه مقوسه على شكل تقريبا نص دائره لها تثبيت في البلاستك الاسود الي في الحوض و هي تتحرك ,, يعني وظيفتها انك مثلا بتحمل اغراض و الحوض مايكفي
تاخر الحديده هذي وتفتح باب الحوض و تلف الحديده هذي و تصير امتداد للحوض
اتمنى تكون فهمتني
وايضا في بكج تو فيه تحت الصدام توصيلات كهربا و قطعه حديد مجهزه للقلص
طيب ايش الفرق بين Se و Le
النوع الاول وهو المفضل عندي و هو نفسه الي عند صاحبي وهو Se يجي مخمل بدون فتحه وريموت و درايش كهرب وحساسات ,, يعني المواضفات العمليه
النوع الثاني Le يجي جلد و فتحه و في بعض الانواع شاشه و ايضا شاشه دي في دي في السقف
خلاصه الموضوع النوع العملي و الجيد هو Se بكج تو وهذا سعره 140 الف
وللعلم سافرت بالسياره عائله و ماشالله تبارك الرحمن ,, كان عددنا خمسه بالاضافه الى طفلين,, و الاطفال نامو بين الكرسي الخلفي و الامامي عند الرجلين بكل ماتحمليه كلمه اتساع من معنى
و في المره الجايه راح اصور لك السياره من جميه النواحي

بالتوفيق