هل هو كفؤ للنيسان ... " رايك مطلوب"

[laith]

السلام عليكم ورحمة الله وبركاته .........

يقول المثل من سال ما ضل وقالو ايضا من شاور ماخاب..:D

الاخ الكريم لااريد مالا ولاجاها .. فقط "راي ومشوره" .. وكان هم ماعندك .. اقدم لك شكري وامتناني على زيارتك..:heart:

"اخوكم" ياجماعة مكشات عنده موتر نيسان موديل91 باب واحد والحقيقه ماعليه زود في جميع الطلعات ولكن ضيق المساحه وصرفية البنزين هو العذروب .........

عاد فكر خويكم في " بليزر" او "جمس قطع 35." ..... هل تعتقدون بانه سيسد ثغرة النيسان ..

هذا مااود معرفته .. بارك الله فيكم....:heart:

اخوكم ليث

[عاشق النحم]

السلام عليكم ورحمة الله وبركاته

هلا والله وغلا أخوي ليث

بانسبه للبليزر قوه غير طبيعيه بس حرام تحربه وتكسره بالنوفود والحصى
والمراقى

يعني يسد من جميع النواحي بس حرام تخربه
وهذ صوره للتريل

http://www.mekshat.com/pix/upload/images2/S-BLAZ26.jpg

نسعد بمشاركتكم

[al-nashmi]

. اخونا ليث صبحك الله بالخير.....

اخي مايخدم بخيل لازم تدفع:D ..... تبي شور بلاش مايصير يبه:cool: :cool:

اخي غالي والطلب رخيص.....

انا برائي ان نوعيه الموتر تتحدد حسب استخدامك له ..مثلا اهل انت صاحب طلعات كثيره للبر وتروح لمناطق
وعره وتقطع مسافات كثيره عبر طرق غير معبده او غير ممهده ....... اذا كنت كذالك فنصيحتي لك

خذ باترول من النوع الجديد تراه يعتمد عليه بعد الله ..... لان البليزر مثل ما قال اخونا ( عاشق النحم) موتر ناعم زياده عن اللزوم وحرام تكسره وتبهذل المسكين وهو ماهو حق بهذله
:D :D :D :

لان هالنوع من السيارات يصلح اللكرنيش واللي حواليه:p مايصلح للصمان وحزوم الحتيفه:D :D

أمل ان اكون افدتك بشوري المتواضع... وتقبل تحيات اخوك

النشمي

[المري]

مرحبا اخوي ليث وحياك الله يالغالي


بالنسبة للنيسان تراه ا برك من البليزر اذا بارك الله فيه.. بالنسبة للبانزين صرفية


البليزر اكثر من النيسان ومايتحمل مثل النيسان والاندكروزر..


هذا راي يابعدي


اخوك / المري

[laith]

اخي الغالي " عاشق النحم " .....:heart:

وعليكم السلام .. انا قصدي يالغالي بليزر قديم من موديل 80 الى 90 واكثر استخدامي للموتر بالنفوذ ..
حيث ان استخدام الموتر مقتصر على الطلعات فقط ..
حفظك الله ورعاك ......:D

اخي الفاضل " al-nashmi" الله يصبحك بالخير....:heart:

انت تامر ياعم .. بس اطلب وتمن وانا خوك.. :D
اما السياره المطلوبه فهي من الموديلات القديمه.. واستخدامها لمسافات طويله .. وتحميل بعد ..
وتقبل من تحياتي اعبق شذى..;)

استاذي القدير " المري " ...:heart:

اكن كل التقدير والاحترام لشورك يالغالي .. لاسيما والراي راي صقار وقناص ..
لكن النقطه هو ان النيسان بعد التحميل يتغير .. لاقوه ولاعزم.. والبلا اعتقد انه من موتري او غشامتي..
سلمت ودمت يابعدهم..:)

[Bader-M]

تبي
رايي
ما فيه زي الياباني ( في الدفع الرياعي )
وخاصه في ديرتنا
تقبل تحياتي

[القماري]

أخونا ليث والجميع تحية طيبة أولا ، ثانيا أنت تسأل عن سيارات قديمة نوعا ما (11 سنة) وتسأل عن الأفضل في تلك السيارات القديمة.
الجواب كل ماذكرت من تلك السيارات (باترول، بليزر وجمس في موديلات 91 -92) جميعهم لديه عيب متقارب في صرف البنزين ، لكن الأفضل فيهم بحسب ما أعتقد والأصلح والأوسع هو جمس قطع 35
http://img.epinions.com/images/newworld/4378/160999-auto-resized200.gif
طبعا من عيوبه كبر حجمه وثقله وتفككه ( يمكن أن يكون بعد هذه المدة مفكك خالص) مع صرف البنزين
أما البليزر 91
http://img.epinions.com/images/newworld/2560/161010-auto-resized200.gif
فهو يحمل تقريبا نفس محرك الجمس لكن يفرق عنه بصغر الحجم وخفة الدم وهو مطلوب أكثر لأصحاب البراري والعاشقين للموديلات القديمة (يوجد منه نوع بـ 6 سلندر) بالتأكيد سيارة قوية ومعروفة وتستخدم ولا تزال عند الكثير من الأجانب ( الأمريكيين خصوصا بالشرقية) من عيوبها أيضا مشابهة للجمس في الصرف مع الوزن.
الباترول 91
http://img.drive.com.au/drive_images/CasualAds_images/1285464_.jpg
بالتأكيد فيه نوعين ( بابين أو أربعة أبواب) ومعروف عنه وعن إستخدامه وعن خفة روحة ويفرق عن السابقين بأنه صنع ياباني ويعيبه صرف البنزين والخلخلة وأضيق من السابقين (عرضا).
هذا فيما أعتقد ولك الرأي وإذا كانت السيولة تمكنك من شراء الجديد فعليك بالباترول أو اللاندكروزر
وبالتوفيق

[laith]

اخوي " طاير بالعجه" .....:heart:

الا اسمحلي اقول ان كلك ثقل وركاده:D .... لاعدمتك ......... وكلامك صحيح يامشرفنا.

اخي " القماري" وليت الليالي كلها قماري:D ...... زادك الله من نوره....:heart:

شرح وافي من وافي .... بارك الله فيك .. وشكلي راح ازبط هالسفاري الماخوذ اللي عندي رضوخا لنصايح الشباب.. واقعد على مجنونك لايجيك اللي اجن منه..

شكرا لكم جميعا ........

[اعقاب]

النيسان ياخوي مافيه مثله
النيسان اخف من البليزر بالعربي مايسرك الاالنيسان
البليزر اذا كثرت عليه المراويح والمساريح خرخرت زيوته
وبعد ماهنا قل صرفيه
مايزبن الا الي الربع يذكرون لك
البليزر جربته غثيث ومطابه قشر
الله يدلك على الصواب

[Y&Y_4X4]

اخي الكريم

الامريكي بجميع اشكاله وموديلاته مع احترامي لمحبية لا يعتمد علية البتة

يعني مثلا انت في البر وصلت مناطق المهالك يبيلك موتر تعتمد علية بعد الله علشان ترجع بأذن الله سالم

فأنصحك في المجرب والمعروف وغير الياباني لا تدور ,,,,,, انتهى كلامه رحمه الله

[laith]

الاخوه الكرام " اعقاب " & " Y&Y_4X4" ......

احترامي وتقديري لارائكم السديده والنصيحه الرشيده لاعدمتكم ..

[عبدالله الصالح]

تبي رايي خلك على موترك تراك تبي تنسى الخف ...
والا اشتر شــــــــــاص....

[اعقاب]

حياك الله يا اخوي ليث

[laith]

اخي " القصمنجي" الراي رايك ...... وصار;)
اخي "اعقاب" الله يحييك ..:)

[صقر]

اخوي ليث

السلا م عليكم ورحمة الله وبركاته

يبدو ان عندك مشكلتين الاولى صغر مساحة السيارة

والثانية صرفية البنزين

نصيحتي لك لا تتعدى النيسان لانه مريح ورخيص بنفس الوقت

انصحك بشراء باترول اربعة ابواب لانه واسع واريح

اما بالنسبة للصرفية

راجع هذان الرابطان واكيد انك بتطلع بنتيجة بس علمني وش صفيت عليه:

شرح ترهيم مكائن الديزل (http://www.mekshat.com/vb/showthread.php?threadid=11317)

كانت لي هذه التجربة مع النيسان باترول (بقلم العضو الجزوم) (http://www.mekshat.com/vb/showthread.php?threadid=10680)

[^eid^]

السلام عليكم ورحمة الله وبركاته واللة .
أخوي السيارة ماتستاهل الي يكسرها في البر خاصتن أن الطلعات للبر للصيد يعني للاطرد والصعور والنزل السريع والبطي والرمال واهذي سياره مشاء الله جديدة للعائلة.

[laith]

اخوي "صقر" اسعدني مرورك وابداء رايك .. وبيني وبينك ماراح اتعدى عن النيسان ...

مشكور اخوي" عيد" والمقصود الموديل القديم كما اسلفنا .. وعموما عندي سياره للعائله( يوكون 2002...4X4) .......