فزعتك ياشباب حول زيت القير للجيب

[قناص متقاعد]

السلام عليكم ورحمه الله وبركاته

كيف حالكم والعيد عليكم مبارك وكل عام وانتم بخير

يشباب عندي موتري جيب سفاري قير تماتيك 2003 . وبعد مافكيت الاديتر نزل شي بسيط من زيت القير اللي موصل للاديتر علشان التبريد .

والمشكله اني فكيت الاديتر ثلاث مرات . وكل مره يفكون الاديتر ينزل منه شوي زيت من زيت القير اللي في الليات .

وبغيت اعاير زيت القير ولكني لم استطع فكل الورش والبناشر يقولون ماله عيار لذلك راجع الوكاله .

(والوكاله ما شاء الله عليهم الله لايضرهم فاتحين 24 ساعه واحسن تعامل يتعاملونه معك ) .

المهم جيت الوكاله قبل العيد يعني يوم الاحد قالوا لازم تاخذ لك موعد ( براجع في مستشفى انا ) . قلت الشكوى لله . اخذت الموعد وقالو ترى الوكاله بتسكر يوم الاربعاء ولا يمكن انك تكشف على سيارتك .

قلت لهم ياناس بس ابغى تعايرون زيت القير . قالو الرياض مافيه الا وكاله وحده فاتحه لان المقر الرئيسي اللي على طريق خريص مسكر بعد حادث الحريق ولم يفتح الى لان .

يعني الله يعينك تنتظر بعد العيد .

والمشكله خايف اني اروح على الموتر منطقه بعيده ويخرب القير . وها العيديه ماكل هواء

وسؤالي هو .

هل احد منكم يعرف ورشه في الرياض يعايرون زيت السفاري ؟

او ماهو الحل الله لايهينكم .

[مرقاب]

اخوي قناص بالنسبه لخروج زيت القير عند فك الاديتر هذا شي طبيعي وبما انه خرج الزيت فلابد انه يعاير ويزود بالوكاله -اللتر حدود 90 ريال- والزيت نوع خاص عندهم والله يعينك ونقصان الزيت يسبب كتمه فوق 120

[قناص متقاعد]

يعني لو سافرت عليه ومشيت 120 مايضره ؟؟؟

[بدوي جنوبي]

يعني لو سافرت عليه ومشيت 120 مايضره ؟؟؟

بأذن الله ما يضر لكن بشرط ان هذه الاعطال لم تظهر معك وهي

* اذا عشقت في ال D وتأخر في التعشيق وحتي ال R .

*اذا احسست ان القير تعشيقاته غير منتظمه

* او عند طلب زيادة في السرعه ولم يتجاوب القير

او اضف كمية زيت انت قدرها من عندك عن الشكه مثل ما يقولون :)
اخي الكريم ما عندك اي مشكله نقص الزيت لا يأخرك عن سفر او غيره

تحياتي لك :D

[قناص متقاعد]

شكرا لك اخوي بدوي جنوبي

والله يعطيك العافية

[بدوي جنوبي]

شكرا لك اخوي بدوي جنوبي

والله يعطيك العافية

العفو اخي متقاعد وسفرا سعيدا ان شاء الله

[سعد777]

بأذن الله ما يضر لكن بشرط ان هذه الاعطال لم تظهر معك وهي

* اذا عشقت في ال D وتأخر في التعشيق وحتي ال R .

*اذا احسست ان القير تعشيقاته غير منتظمه

* او عند طلب زيادة في السرعه ولم يتجاوب القير

او اضف كمية زيت انت قدرها من عندك عن الشكه مثل ما يقولون :)
اخي الكريم ما عندك اي مشكله نقص الزيت لا يأخرك عن سفر او غيره

تحياتي لك :D

كيف تجي اخوي بدوي جنوبي ماله محل تصب الزيت ولا عيار يعني ماله الا الوكاله او شخص عنده عيار وزيت القير الخاص والحقيقه مشكله يعني لآزم اروح للوكاله عشان اعاير زيت القير ولا بعد مايتوفر الا عند الوكاله
طبعاً كلامي هذا عن تجربه مريره الين رحت للو كاله

[Waleed1]

السلام عليكم ورحمة اللة

قوى قلبك وأنا أخوك، فقدان شوى زيت مثل مقدار قوطى صلصة لايؤثر البتة، وأنت خلك ذيب قدر وزيد ولاتقعد تتهول طول اليل والله يعينك ياأخوك. وبعدين غريبة سيارة تماتيك مالها معيار زيت. بس فية حاجة غير مطمنة ألا وهى فك الرديتر مرات كثيرة يدل على أن عندك شغلة حاولت تتلفقها علشان غلاء تغير رديتر أو طحت فى باكستانى رايح فيها الله يوفق الجميع وموترك باقى مديلة جديد.

وشكراً

[Black VTC]

اخوي قناص متقاعد مساء سعيد و كل عام وانت بخير ...

اخوي قناص انا دخت السبع دوخات و نزلت موضوع هنا بالمنتدى ابحث عن تجارب الشباب و كان فيه اراء متفاوته و بالاخير رضخت للامر الواقع و اخذت موعد من ابو الشباب الحمراني و رحت لهم وجلس الموتر عندهم من الساعة 8.5 مساء الى 1.5 صباحاً (دوام رمضان) وكان قيمة الكشف فقط 50 ريال و خذ الرابط للاستفادة و دمت بخير وصحة وعافية ...

http://www.mekshat.com/vb/showthread.php?t=105258

[قناص متقاعد]

كيف تجي اخوي بدوي جنوبي ماله محل تصب الزيت ولا عيار يعني ماله الا الوكاله او شخص عنده عيار وزيت القير الخاص والحقيقه مشكله يعني لآزم اروح للوكاله عشان اعاير زيت القير ولا بعد مايتوفر الا عند الوكاله
طبعاً كلامي هذا عن تجربه مريره الين رحت للو كاله


اخوي سعد .

فيه محل للزيت وللعيار وهو ورى العيار حق زيت المكينه . بس المشكله مافيه عيار ولا تقدر توزنه لان عياره في الوكاله فقط . وشكلي بسرقه منهم علشان اقص عليه وارجعه لهم .

[قناص متقاعد]

السلام عليكم ورحمة اللة

قوى قلبك وأنا أخوك، فقدان شوى زيت مثل مقدار قوطى صلصة لايؤثر البتة، وأنت خلك ذيب قدر وزيد ولاتقعد تتهول طول اليل والله يعينك ياأخوك. وبعدين غريبة سيارة تماتيك مالها معيار زيت. بس فية حاجة غير مطمنة ألا وهى فك الرديتر مرات كثيرة يدل على أن عندك شغلة حاولت تتلفقها علشان غلاء تغير رديتر أو طحت فى باكستانى رايح فيها الله يوفق الجميع وموترك باقى مديلة جديد.

وشكراً


ابشرك وانا اخوك سافرت عليه وياربي لك الحمد ومشيت عليه نص الخط بسرعه 140كم ثم زدت السرعه بعدها الى سرعه 180كم تقريباً ساعه كامله . والحمد لله قلت ان صار له شي شريت له قير وانتهينا .

اما على مشكله الرديتر فهي قد انكسر علي البلاستيك اللي فوق الاديتر ( الطبله العلويه ) وانا عند حي السفارات بالرياض ثم قلت اقرب شي لي صناعية ام الحمام ثم شريت طبله جديدة من الوكاله وركبوها ناس يتعلمون ( وهذا حالنا مع الزيود ) وصار يهرب الاديتر من فوق بعد ما يحتمي الموتر ثم رحت للصناعيه القديمه والحال من بعضه صلحوه ناس بس انه يهرب على خفيف ثم رحت به للبركات في الصناعيه القديمه وضبطوه ضبطه بنت كلب اكرمكم الله وعلى كذا انك الاديتر ثلاث مرات .

[قناص متقاعد]

اخوي قناص متقاعد مساء سعيد و كل عام وانت بخير ...

اخوي قناص انا دخت السبع دوخات و نزلت موضوع هنا بالمنتدى ابحث عن تجارب الشباب و كان فيه اراء متفاوته و بالاخير رضخت للامر الواقع و اخذت موعد من ابو الشباب الحمراني و رحت لهم وجلس الموتر عندهم من الساعة 8.5 مساء الى 1.5 صباحاً (دوام رمضان) وكان قيمة الكشف فقط 50 ريال و خذ الرابط للاستفادة و دمت بخير وصحة وعافية ...

http://www.mekshat.com/vb/showthread.php?t=105258



الله يسعد ايامك يالغالي

ومشكور وماقصرت انت والشباب كلهم