رائحة زيت داخل السيارة .. سيارتي باث فايندر 2004

[راعي النيسان]

http://www.zyzoom.net/my_smile/51.gif
http://www.2mr2.com/up/uploads/b28a056a0e.gif


اخواني لدي سيارة باث فايندر 2004 ..
واشتم رائحة زيت داخل السيارة ... فماهو السبب ؟؟؟؟
رائحة الزيت طلعت بعد ان سمعت صوت في مروحة المكيف التي عند رجول الراكب ( اكرمكم الله )
فهل هذه الرائحة من المروحة ؟؟؟


وما هي طريقة اصلاح المروحة لأن صوتها بداء يرتفع
وكل عام وانتم بخير
تحياتي

[Black VTC]

اخوي راعي نيسان شيك على فلاتر المكيف خلف الدرج اللي عند الراكب الامامي يمكن الفلاتر تحتاج تغيير ...

[راعي النيسان]

مشكوووووور اخي على سرعة الرد ...

هل الفلاتر لها علاقة بالمروحة .. ام برائحة الزيت

تحياتي

[طناف]

شيك على زيوت السيارة باالكامل
لأن الرائحة ماتجي الأمن زيت حار
وليس للمكيف دخل برائحة الزيت

وسلامتك

[Black VTC]

اخوي راعي نيسان .. فلتر المكيف له علاقة بالمروحة واكيد المروحة خلف الدرج متسخة وتحتاج تنظيف ... ربما تلقى حل للزيت او ما شابه بسبب الحرارة الناتجة عن احتكاك المروحة المعطوبة ومنها خرجت رائحة الزيت .....وربما تحتاج تغير فلاتر المكيف ... الله يسهل امرك .,,

[راعي النيسان]

مشكووووووور اخوي طناف .. وان شاء الله غدا اشيك على الزيوت

مشكوووووووور اخي Black VTC غدا ان شاء الله اشيك عليها ....

يعني غدا يوم الصيانة .....

وتحياتي لكم

[Black VTC]

ننتظر بكرا منك تقرير عن الصيانة :):) تبي فزعة حاضرين ..

[.أبوعبدالرحمن]

شيك على جميع اغطية الزيوت


يمكن تكون احد الاغطية على وشك انها تبي تنفتح


شف زيت الفرامل

وزيت الدركسون

وغيرها من زيوت

[zzz714]

المروحة تجي كامله في التشليح من 150 إلى 250 ريال أنت وشطارتك
أما في الوكاله الريشه بس ب170 ريال طبعا إذا بغيت تاخذها لاتاخذها مفكوكة انت إلي فكها لأن الغبار يخربه

[بن محفوظ]

اي شي فيه زيت شيك على الاشياء التالية /1- الغطى2- الصوف والوجيه3- الليات الصغيرة مثل لي زيت الفرامل وغيرها

[alyos13]

تاكد من ربلت عصا القير وشكرا

[winchester]

فعـلاً أخوي alyos13

ربـلت عصى القير أو الصوف الدفرنش والقير والريحه مستحيل أنها من المكينه

لان رائحة الزيت الكريهه تخرج من الزيوت الثقيله عيار 140 أو 90

دمـت بود

[راعي النيسان]

مشكووووووووووورين اخواني على الردود ...

اولا غيرت الزيت .. ومن بعدها رحت الى كهربائي تركي وشاف المروحة وسمع الصوت وقال عندي وانا التركي .. قلت كفو ...
وقام فكك المروحة وصله وصله الى ان بقي قلب المروحة وهو على شكل دنمو ونفخه بالهواء ووضع زيت على الجلب .. وقال الصوت هذا من الجلب نشف الزيت اللي قيها ..
ورجع ركبها .. والحمد لله الصوت راح والآن لي يومين ما هناك صوت .. ونقول عسى المشكله انحلت ولا يرجع الصوت مرة اخرى

اما ريحة الزيت ما عاد اشم ريحه وان شاء الله يكون من احنكاك المروحه هو السبب ؟؟

المهم التركي اخذ مني 50 ريال ... مو مثل البنقاليه كل ما اروح لوحد يقول غير مروحة


هذا العلم وسلامتكم


تحياتي

[Black VTC]

اخوي راعي نيسان تقصد مروحة فلاتر المكيف اللي تحت الدرج زي ما قلت لك في الرد السابق ..


اخوي راعي نيسان .. فلتر المكيف له علاقة بالمروحة واكيد المروحة خلف الدرج متسخة وتحتاج تنظيف ... ربما تلقى حل للزيت او ما شابه بسبب الحرارة الناتجة عن احتكاك المروحة المعطوبة ومنها خرجت رائحة الزيت .....وربما تحتاج تغير فلاتر المكيف ... الله يسهل امرك .,,



ان كان هذا اللي تقصده ارجو ان توصف لي محل التركي ان كانه ناصح لان واحد من الشباب موتره مثل موترك و اذا طامر بالنفود او ما يرجع يقعد موتره يومين فيه صوت احتكاك المروحة :) في انتظار ردك ..

[راعي النيسان]

نعم اخوي المروحه اللي تحت الدرج .. يوم فك المروحه اول شي فك الدرج فيما بعد فك المروحة

اولا قبل اعطيك مكان الميكانيكي ..

اما المكان فأعتقد طالما فيها مطامر نفود فالمسافة بعيده بيني وبينك ...

انا من ينبع


تحياتي

[Black VTC]

:) اخليه يجيكم في ينبع بعدين فيه في ينبع نفد :) اذكر في الصيف الماضي كنت جاي من الشمال على الطريق الساحلي و شفت نفد بين املج و ينبع على الساحل نخلي الرجال يجي يصلح موتره عندكم و يطامر بالنفد ذيك و يستمتع بسواحل الغربية الجميلة :)

عموماً الحمد لله على سلامة موترك وان شاء الله اخر الخربات :)

[راعي النيسان]

الله يحيك انت وخويك .. وقت ما تجوا ينبع عطني خبر وابشر بعزك

لكن قول لي انت وخويك مالكم هوا في القميري .. او الصقور .. اكيد هي اللي بتجيبكم عندنا


تحياتي

[Black VTC]

الله يبارك فيك اخوي راعي نيسان ذيب ما شاء الله عليك ما تقصر واعتبرنا اكلنا القميري في الشعبان حولكم ... اخاف احاتسيك عن القميري و نقلب الموضوع و بالاخير يتم نقل الموضوع الى خيمة الصيد وتضيع الفائدة :):)


تحياتي لك يالذيب ...