نداء للأخ قرناس نجد

[أبو مها]

السلام عليكم ورحمة الله وبركاته وبعد




قدر الله على وشريت الكمرة الكنون 950 المشكلة عندي ان التاريخ لايظهر على الصورة


وعندما ادخل على اعدادات اجد عبارة اظهار الوقت والتاريخ على الصورة على وضع ايقاف احاول احطه

على تشغيل ولكنها تكون غير نشطه يعني لايمكن اغير الوضع ، الكمرة لها معي شهر ماخليت فيها شي الا جربتة








واعلم انك تملك نفس الكمرة ولا يوجد من يفيدني غيرك اخي قرناس نجد الله يوفقك

[ابوفهد36]

السلام عليكم

هذا الخيار غير مدعوم في الكمره ال 950 كانون الكمره عندي وما خليت شي الأخير طلعت الكمره ما تطبع التاريخ على الصوره بس ترى الكمره ممتازه جدا انا شريته اول ما نزلت ولا اروع من تصويرها
لا ترخص عليك بس

[أبو مها]

مشكور اخوي فهد36
بس وانا اخوك كمرات تعبانة فيها خاصية طباعة التاريخ وهذي الخاصية مهمة عندي لاني كثير الكشتات
وتخبر الواحد ودة بالخاصية هذي انا والله لم اتوقع ذلك لابد ان هناك طريقة لاظهارة في الصورة واتوقع
والله اعلم ان اخونا قرناس نجد عنده الحل لأنه شرى نفس الكمرة
اكرر شكري لك على الافادة وننتظر القرم قرناس نجد

[قرناس نجد]

ابشر بسعدك جبتها وانا ابو خالد اخوي على اي وضع انت تبيه يدوي اوتو اي وضع بس الي لازم تسويه انك تدخل على الزر الصغير المكتوب عليه FUNCSET اذا دخلت تحصل قائمتين على اليسار والثانيه تحت تروح للي تحت وتختار الصورة تكون على وضعيه بطاقة بريديه في الحاله ذي تكون سويت التنشيط للتاريخ ترجع للقائمة منيو وتروح لطباعة التاريخ اما التاريخ والوقت او التاريخ واذا صار معاك شي عطني خبر والي تبي فيه انا حاضر

[أبو مها]

كفيت ووفيت ورحم الله والديك
والله اني توقعت وما نخيت الا انت
الا إنك راعي نخوة ولاعدمناك

[قرناس نجد]

نسلم ما سوينا الا الواجب