هل يوجد حباري للبيع ...؟

[ابوحماد]

السلام عليكم ورحمة الله وبركاته

يا أخوان

جعلكم سالمين من كل شر

أنا عندي الوالد الله يطول بعمره فوق 90 سنه ويوم العيد

يطري الحباري ويبي يشرب المرقه وخبره فيها من 28 سنه

وحطيت في بالي اني أجيبها له ويتمرقها على خبز البر مفاجئه

بس خابرين الدوامات قريبه وفوقها أنا راعي أبل وهذا وقت الضراب

والواحد مايهمل الابل عند الراعي

أذا فيه حباري للبيع وين الواحد يحصها

لا احد يقول سوق الحمام فر راسي وكل يوم عندهم وجتني حساسيه من السوق أنواع العطاس

هنااااااااااااااااااااااااااا

[الــنــداوي]

السلام عليكم

مرحبا بك أخوي و حياك الله وبياك

الحبارى و انا اخوك غاليه ألحين

لكن يقنصونها الصقاقير في خط المطار ..

على كل يوم تقريبا يصيدون ..

و فيه حبارى قبل كم يوم مصيوده و معروضه للبيع

بـ 3000 ريآل

موجوده في محل المقناص ( الشرافي ) في الدمام مخطط 91

و هاذا رقم تلفونه

038211043

و انشد الصقاقير كان فيه حبارى للبيع

و سلامتكـ

[المري]

وعليكم السلام .. وحياك الله يابو حماد...

أبشر بالحبارى طال عمرك.

قبل كم يوم صدت حبارى وعشيت الطير على وحده من ثناديها ,, والحبارى عندي في الثلاجة ..

كان انها تنفعك تراها على حساااااااابك .. واسمح لنا على القصور..كان ودنا انها كاملة بس الجود من الموجود.

اخوك - المري

[راعي دهام]

.



كفو والله يا بو معيض وبيض الله وجهك ..


الله يرزقك على قد نيتك ..



وانت يا بو حماد الله يجزاك خير على اهتمامك بالوالد الله يحفظه ..



.

[ابوحماد]

بيض الله وجيهكم يالقروم

وجعلك سالم يا المري

والله أنكم جاي على البال

عند كتابت الموضوع أمس

وبيض الله وجهك

وجعلها مهابيط العفى يالقرم

أن كان فيه حي للبيع بفرح قلب الشايب فيها

بشتريها

[مدرب الطير]

ابو حماد بسوق الطيور بالرياض يباعن حباري
والسعر والله ما اعلم عنه