المساعد الشخصي الرقمي

مشاهدة النسخة كاملة : ابي ورشة تربيط في الرياض غير بن مرضاح


yazeed999
18/10/2007, 06:31 PM
السلام عليكم ورحمة الله وبركاتة
الحقيقه عندي جيب2003لاند كروزر والمراتب والديكور والقزاز تسولف معي في البر;) بس مشكلتهم كلامهم ما يتغير ومليت منهم فأبغى ورشة تربطهم ويفكنا من سواليفهم (صح اني بفقدهم بس الشكوى لله كلها فتره ويرجعون مع الربيع وطلعت البر):d
آل علي
18/10/2007, 06:46 PM
وعليك السلام ورحمة الله وبركاته

أخي الكريم / Y

توجد ورشة في الصناعية القديمة جيدة وأسعارهم معقولة جدا ووصف المكان بعد متعدى تابوتا ة ثاني لفة على اليمين وهي ثاني ورشه على اليمين ورشة ألعيسي


لا تنسانا من الدعاء وعطنا رأيك في ألورشه بعد أتمتم العمل
jomran
18/10/2007, 08:37 PM
وعليكم السلام ورحمة الله وبركاته


اخوي في ورشه في الصناعيه القديمه اسمها ورشة النويصر. وسامحني على القصور.




مع تحيات jomran
روافد
20/10/2007, 03:39 PM
مرحبا
مثل ماقال الاخ ورشة النويصر ممتازة
وسيـع البـنايد
20/10/2007, 07:16 PM
ورشة النويصر .. الوصف يا الي تعرفون الورشة
نبي وصف واضح
اول الخير
20/10/2007, 09:51 PM
وعليكم السلام ورحمة الله وبركاته

دمك عسل يايزيد
أول مرة أسمع إن ال GXR يقرقع وخاصة إنه موديل 2003
ياجماعة 00
مارأت عيناي أغلى من النويصر وعلى غير سنع
أنا معي Gxr وأخوي يوكون وكلنا رحنا للنويصر
وياخسارة دراهمنا
أخوي ربط ولايزال يشتكي وأنا وضع لي ليات بالأبواب وحاس موتري
ورجعت لمه لأكثر من 3 مرات ومافيه فايده لأني أسمع صوت هواء مزعج
وبالأخير طلعت مشكلتي من عدم تطابق ربلات النافذة مع بعض
والله العظيم إني غير الربلات كاملة للموتر وخسرت قرابة 2000 ريال
وإذا تبي نصيحتي لاتتعدى إبن مرضاح وعجل قبل ماينزحم
NissaN 1990
20/10/2007, 10:06 PM
ورشة النويصر زينين أنا ربطت عندهم موتري نيسان باترول تربيط داخلي السياره فقط مع وزن البيبان وحشوها ليات ب 700 ريال شغل يد
وتراهم ما يفكون شي مثل المراتب والطبلون أو أي شي داخل السياره يربطون المسامير اللي ظاهره أمامهم فقط وهذي تقدر تسويها أنت ما يبيلها شي حتى المراتب عندي فيها رجه ما ربطوها..
أما عن الوصف يالي طلبت الوصف تروح بأتجاه الغرب مع مخرج 17 إذا جتك بداية الصناعية الأشارة الأولى تعداها الأشاره الثانية لف يسار بأتجاه الجنوب يجيك دخله على اليمين لف معها باتجاه الغرب ثم يجيك أول دخله يسار رح مره ثانيه باتجاه الجنوب ثم أول لفه يمين باتجاه الغرب تجيك الورشه على اليمين بعد المسجد...وبالله التوفيق
خلفهم
22/10/2007, 02:38 PM
يا جماعه كم توقعون يكلف تربيط الباث .. داخلي وخارجي ..
مساير الليل
22/10/2007, 08:22 PM
ورشة عبدالله النويصر

014480233
0505232097
NissaN 1990
22/10/2007, 08:32 PM
ياخلفهم أسعد الله مساك بكل خير وجميع الأعضاء بالمنتدى أما عن تربيط الباث أتوقع أنه من 1800ريال تحت هذا شغل أيديهم وهم بالأساس يفحصون السياره ويشوفون بيابنها ويشوفونها من تحت ويحددون كم السعر على حسب الشغل..
أما عني أنا ربطته عند ورشة من تحت تربيط كامل مع تركيب جلب ترهيم أقوى من جلب الوكاله أسمه جلب (خنزير) من عند نفس الورشه كلها مع الجلب ب 400 ريال فقط ووديته عند النويصر وربطوه من داخل فقط مع وزن البيبان ب 700 ريال علماً بأن سيارتي باترول ..
وبكيذا وفرت ولا صرت أسمع صوت أو قرقعه وشغل نضيف وتوفير...
السارحي
23/10/2007, 02:57 AM
السلام عليكم ورحمة الله وبركاته

شحالكم يالربع ......

جذبني الموضوع وحبيت انطل عليكم كم استفسار بدل ان افتح موضوع جديد ......

شريت GXR 98 وابتلشت بالقرقعه .....

فيا ليت توصفون لي ورشه محترمه في الشرقيه يكون افضل ....

وانا محتاج تربيط كامل من الى لاني شريت الموتر من واحد راعي مقناص ولاعب في حسبة السياره

وكم ظنكم يكلف وكم يوم .....

وشكرا