قصيدتي : الوسم قرب يالصبيحي نصيفه .....بصوت المنشد ابو عبد المجيد ..أرجو أن تعجبكم .

[خالد الوقيت]

وهي قصيدة من ضمن شريط هبوب الشمال وكنت أنوي أن أضعها مع القصيدة المكتوبة ولكن التحميل ماطاع ..
ويوم نزلتها كتابة .. مشى التحميل فقلت أنزلها دامني نويت ..
آمل انها تعجبكم مع بداية الوسم ..
والله يغيثنا وينصر أمتنا .
آميــــــــــــــــــــــــن


وهذا رابط القصيدة ..
http://7doood.net/up/download.php?filename=d19661a4a3.mp3


وسلامتكم .
.
.

[برق السما]

روعه ..

لاعدمناك يالذيب , وبلغ سلامي للغالي أبو عبدالمجيد .. :)

[barq]

تسلم يا خالد

قصيده جميله وصوت جميل

[صلهامه]

الوسـم قـرّب يالصبيحـي نصيفـه
والجـو خبـرك والمراميـث يبّـاس

واذنوبنـا غطّـت بيـاض الصحيفـه
لو تنحسب ياصاحبـي مالـه اقيـاس

يـارب لاتجعـل خطـانـا نكيـفـه
ياواحـدٍ عدلـه للانسـان نـبـراس

يـا الله بمـزنٍ هايـلٍ فـي صفيفـه
لاشافـه الشايـف تبشّـر بالاونـاس

برقـه يشـوق المستخيـل برفيفـه
ورواعده ترزم مثل صوت الاجـراس

اسبـوع مـا ياقـف علينـا وكيفـه
يودع مساهيب الخلا كلهـا اوطـاس

من عقبه الاوطـان تصبـح مريفـه
وتلبس من صنوف الحيا زين الالباس

غرضـك خـوّة كـل نفـسٍ شريفـه
اهل الشكاله والجمالـه مـن النـاس

لاجـوّا فـي دِعْـبٍ نظيـفٍ غريفـه
والورد باطرافه مـن النـود مِيّـاس

ثم اضرمـوا بالرمـث نـارٍ كثيفـه
وداروا حواليها علـى الـزل جِـلاّس

وصفّوا بهـا صفـر الـدلال الهديفـه
اللـي مباهرهـا تعايـط بالانـفـاس

فنجالهـا يبـرد غليـلـك رشيـفـه
عقب الغثا ويصحْصحك عقب الاعماس

وسوالـفٍ فـي كـل فـنٍّ طريـفـه
ماهي سوالف كـل غـاوي وهـلاّس

هـم ذكرونـي فـي ليـال النشيفـه
واخذي بها من سجّة العمر مـرواس

ايـام ربـعـي للمـطـارد لهيـفـه
تضرب على التأخير باخماس واسداس

تال الشهر والجيـب تسمـع وحيفـه
يم الحزيـم ويـم نـزّاح الارمـاس

اديار لـو هـي يالصبيحـي مخيفـه
لاهل الولع خابـر تباسيـط واونـاس

ذكـرى لهـا عينـي تهامـل ذريفـه
والقلب يسبح في بحر كـل هوجـاس

http://www.arabsys.net/pic/zkarf/8.gif
ان شاءالله قصيده خالده على اسم راعيها


لا عدمناك يا غلاى


صح لسانك


وبيض الله وجهك يوم القيامه

واعذرنا على القصور وانا اخوك

[مقدور]

صح لسانك وقصيده جزله والصور الى فيها اكثر من رائعه

وعسى الله يرحمنا برحمتها ولا يتكلنا على اعمالنا

[الدبل الثقيل]

جزاك الله خير .....

أنا أسف ياراعي الموضوع وايضا جميع الاخوة ... انا غلطان ...

[ثعل البرد]

جزاك الله خير .....

أنا أسف ياراعي الموضوع وايضا جميع الاخوة ... انا غلطان ...




جزاك الله خير


بيّض الله وجهك على اقرارك بما كان

وهذا نحسبه إن شاء الله من صفاوة قلبك وسلامته

[خالد الوقيت]

روعه ..

لاعدمناك يالذيب , وبلغ سلامي للغالي أبو عبدالمجيد .. :)
.

برق السما : حياك الله

مرورك دائما شرف لي

[ناصر96]

قصيده جميله و الصوووت احلا ..................

[ابراهيم2008]

الله يعطيك العافية
جاري التحميل

[عينسين]

تسلم أخي خالد وصح لسانك، وكل عام وأنت بخير

[راعي الشبات]

يعطيك العافية يا أستاذ خالد وصح لسانك
والله يعافي الأخ / أبو عبدالمجيد على هذا الصوت والأداء الرائع
جعل الله هذا العمل في ميزان حسناتكما
(( تقبل تحياتي وسلامي من أخوك راعي الشبات))

[فهد الصبيحي]

صح السانك اخوي خالد

والله يعافي ابو عبدالمجيد على الصوت الجمييل (( ما شاء الله ))

وجزاكم الله خيير

[ورد وشوك]

مشكوووووووووووووووور

[الفزعه]

صح لسانك
بس منهو الصبيحي

[عبد الله التميمي]

شكراً لك أخي خالداً

كل عام وأنت إلى الله أقرب وأتقى

عيدك وعيد الجميع مبارك

تقبل الله من الجميع الصيام والقيام وسائر الأعمال الصالحة



وألف ألف شكر ع الأنشودة الأكثر من رااااائعة لمنشد أثبت وجوده وإبداعه وتميزه

بالتوفيق للجميع

تقبل مروري

أخوك / عبد الله التميمي

[yazeed_9009]

تسلم اخوي ..

[أبوعبدالمحسن.]

سلمت وصح لسان الشاعر

[غمازة]

يعطيك العااافية اخوي خااااااالد اخووووك سمؤ الفقير ابو الجوري ان شاء الله تكوووون عارفني زين

[عبدالله الصالح]

صح السانك والله يالقصيده وانشاده لها في قلبي اثر كبير

[محمد البيشي]

رائعه تسلم ولاقصرت

[اديب بن صالح]

الف شكر لك يالغالي وان شاء الله بشتري الشريط جدا رائع ومشكور والله يجيب الخير

[النووي 2009]

القصيدة ماهي كاااااااااااملة

[Ahamad]

صح لسانك يالطيب