xXXx البـواجـي والحــقـيـقـة الـغـريـبـة الـغـائـبـة [[ تجربة مصورة ]] xXXx

[شروكي ربع]

بسم الله الرحمن الرحيم



حيا الله اعضاء هالمنتدى الشامخ ..



ارحب بكم أولا في موضوعي المتواضع ,



والذي نشأ بسؤال بسيط سألته نفسي متى غير بواجي سيارتي الشروكي ؟؟



واكتشفت اني ما قد غيرت البواجي من شريت سيارتي , ولكن قلت الحمد لله مافي تفتفه فالموضوع سليم ..



ولكن من باب التطفل قلت خل اشتري بواجي واشوف اذا هي تستاهل التغيير غيرتها والا خليها لما تخرب ..



فعلا مريت الوكالة وشريت 6 بواجي بمبلغ ( 50 ) ريال ( للمعلوميه التجاري بـ 40 يعني مافي فرق )



http://pix.nofrag.com/3/8/d/a0b9af9062c10a41b8fab5b503934.jpg




وقلت بمر الورشه ثم هونت قلت ليش !! اغيرها انا واحفظ قروشي ؟؟



طيب يبيلنا مفك , مريت محل قطع الغيار وقلت عطنا مفك بواجي وعطاني ذا بـ ( 10 ) ريال






http://pix.nofrag.com/7/7/3/d0a7411eddc02f8f6a94eb06e442a.jpg




والله واروح للبيت و افتح الكبوت وادور اسلاك البواجي عند المكينة





http://pix.nofrag.com/b/2/6/f082d9b328d0c25bce77c7f56fff8.jpg



زي ما انتو شايفين لونها احمر ..





http://pix.nofrag.com/5/c/2/dfb2d115e2014080ed0ea4b836316.jpg




والله وادخل يدي واسحب واحد من الاسلاك حتى اشوف البوجي ..




http://pix.nofrag.com/4/5/e/5540d49e6a3f4bc281632142247a0.jpg



ويوم شفت البوجي جبت المفك و افكه




http://pix.nofrag.com/8/8/4/45789b0b666b6f444520f1516f060.jpg




وبعد ما فكيته ما صدقت اللي اشوف ..



http://pix.nofrag.com/5/f/6/e3f376be85a5d09c6610f70979c7c.jpg



معقوله البوجي صاير كذا ؟؟



وفكيت الثاني والقاه أردى من الأول (( مصدي ))





http://pix.nofrag.com/1/d/f/0d0a1fc22780fd0d2e2d66cb4f7dc.jpg






وهذا المصدي وجمبه خويه ..





http://pix.nofrag.com/f/7/c/09c8aee04cd621a1353f9c612acad.jpg






صورة للبوجي الجديد ..






http://pix.nofrag.com/a/8/5/dbd7386709364fb4d657eefa087c9.jpg






يتبع

7
7

[شروكي ربع]

وهذا البوجي القديم والجديد [[ انتم ملاحظين ان الفرق بسيط ]]









http://pix.nofrag.com/3/1/4/74fa181dd9debcd691fbf38ec8857.jpg







شوفوا راسي البواجي ( الشرار ) شلون صاير ..






http://pix.nofrag.com/5/9/3/429b46a18a1534702ffe578255cf0.jpg










بعد اخراج جميع البواجي وصورة مع كرتون الجديدة ..





http://pix.nofrag.com/3/5/f/139887816db02b5d83622b57f3a10.jpg







وبكذا أكون انا واياك قد غيرنا البواجي بانفسنا وبمدة لا تتجاوز الـ 10 دقائق ..



أتمنى أن أكون وفقت في الطرح بطريقة جديدة ومشوقه ..



راجيا من الله ان تعم الفائدة للجميع ..



وختاما لا يسعني الا ان اشكرك اخي الغالي على متابعتك لموضوعي ..



ولا تنساني من صالح دعائك ..



والسلام عليكم ورحمة الله وبركاته ,,

[الصاقول]

والله انك ذيب .. بدل ما تروح الكراج وتغرم لك 50 ريال .. بدلتها لوحدك .. ويالتنا كلنا نسوي مثلك .. بس فالحين أكل ونوم

بالتوفيق

[gusoon]

والله انك مخطيء ! ليش ماغيرت معك اسلاك البواجي فهي المهمه والا شكل بواجيك سليمه . جرب ! جرب ....مع تحياتي

[شروكي ربع]

والله انك ذيب .. بدل ما تروح الكراج وتغرم لك 50 ريال .. بدلتها لوحدك .. ويالتنا كلنا نسوي مثلك .. بس فالحين أكل ونوم





بالتوفيق





حياك الله يالغالي ..



يا ا لله شد حيلك وس زينا ..



كلنا نتكاسل ولكن لازم نغير هالطبيعة الغير مرغوب فيها ..

[شروكي ربع]

والله انك مخطيء ! ليش ماغيرت معك اسلاك البواجي فهي المهمه والا شكل بواجيك سليمه . جرب ! جرب ....مع تحياتي


والله يالغالي رحت باشتري وانا ماجزمت اصلا ..


وقالوا لي ما تحتاج تغيير اذا مافي تفتفه ..


والاسلاك توصليها جيد ,


انا ما اعرف وش ادري هي انتهت والا لا ؟؟

[الساهر2003]

الله يجزاك الف خير اخوي وماقصرت
طريقه واضحه وسهله ومشكور على التصوير وراح اكثر وقت تغيير البواجي في التصوير على شان اعضاء مكشات يستاهلون ولو كان مافيه تصوير كان اقصر في الوقت لكن فالحين في الاكل والنوم وتضييع الوقت في غير المفيد الله يهدينا
والف شكر للجميع

[جساس1]

يعطيك العافية
لاكن مهم تغيير اسلاك البواجي لانها مع الوقت تقل نسبة نقل الكهرباء فيها ويوجد على الاسلاك تاريخ الصناعة ضروري يكون جديد

[شروكي ربع]

الله يجزاك الف خير اخوي وماقصرت
طريقه واضحه وسهله ومشكور على التصوير وراح اكثر وقت تغيير البواجي في التصوير على شان اعضاء مكشات يستاهلون ولو كان مافيه تصوير كان اقصر في الوقت لكن فالحين في الاكل والنوم وتضييع الوقت في غير المفيد الله يهدينا
والف شكر للجميع


ههههههههه


والله يستاهلون الاعضاء ..


ومشكور على الرد ..

[شروكي ربع]

يعطيك العافية




لاكن مهم تغيير اسلاك البواجي لانها مع الوقت تقل نسبة نقل الكهرباء فيها ويوجد على الاسلاك تاريخ الصناعة ضروري يكون جديد






بس هل بتفرق واجد عن الحالية ؟؟



انا اشوف ان الاسلاك الحالية حليوه بس انت وش رايك ؟؟؟



اذا فرق بسيط باخليها على حالتها ..

[السرب]

مشاء الله عليك مشكور على الصور

[بدوي جنوبي]

يا سلام عليك
تعجبني والله
تستاهل التقييم والتثبيت

تحياتي لك والي الامام

[راس الرعيلة]

ما قصرت يالغالي

لكن حبيت أسألك :

هل فرقت عليك السيارة بعد التغيير؟؟

[ق ص ك]

موضوعك مفيييد ولو يدرون الناس ان بعض الخرابات الخفيفه يمديك تصلحها بالبيت والله ماعاد تحتاج انك توقف سيارتك بالورشه ساعتين او نص يوم
ويعطيك العافيه يا شروكي ربع

[ثعل البرد]

ما شاء الله عليك ... لكن فيه نقطة أحب أنبه عليها ألا وهي إذا أردت أن تفك البواجي لتغييره لا تفكه والمكينة حارة ... أترك السيارة حتى تبرد ثم ابدأ بالفك ... لأن الفك مع الحرارة يخرب علينا سنة البواجي لأن الحديد أو المعدن اللي فيه السِنة تكون لينة من شدة الحرارة

[ابودوس]

صراحه انت ماذكرت مدة البواجي كم استخدماً في سيارتك
ونا التوقع انك ا ستعجلت في تغيير هن

[واطي الجمرة]

البواجي غيرها كل اربعين او خمسين الف وريح راسك

[الدحبول]

مشاء الله عليك
مبدع
تغير البواجي شيء بسيط بس كثير من الناس يستصعبه أو يكسل

تحياتي

[البديوي 2]

تسلم يمينك أخوي

[الأيقونة]

يعطيك العافية

[راعي تميم]

والله ياجماعة الخير هذا الكلام حصل معي بعد ماغيرت البواجي واسلاكه معه 0عزم الموتر احسن وكمية البنزين بالصرف قلت واحرصوا على التغيير0شكرا لك اخي على هذا التنبيه

[برق4]

والله من خلاال الصورة البواجي شكلها مابها خلاف لأن راسها موجود واموره زينه لا كن ان كان عندك تفتفه او رجه بالمكينة فهو مثل ما قال الزملاء لا بد من تشييك اسلاك البواجي والأحسن تغييرها بعد 80000 الف او حولها اضمن لمترك وعزمه ولا يهون صفاي البانزين ... تقبل تحياتي

[المموه]

ماقمت به من عمل اقصد شراء البواجي ومفتاح وتغييرها بنفسك اعتبره هو زبدة الموضوع واهم مافيه . واني اهنيك على ذلك .
الى متى ونحن في كل صغيره وكبيره بالسياره نوديها للورشه . يجب ان تعلم ان معظم العاملين في الورش كانوا لايفقهون شيئا عن السيارات ففي بلدانهم يستخدمون السياكل او الحيوانات للتنقل وما تعلموا الا عندنا وبسيارتنا . ولاحظ انهم مايحقرون انفسهم لو جيت معك ( ماي باخ ) اللي قيمتها مليونين قالوا دخل السياره ناوين يصلحونها .يجب علينا ان نتعلم بل بالعكس من الضروري انك تتعلم خاصة وانك راعي رحلات كيف تعمل صيانه لسيارتك .احيانا يحصل عطل بسيط يحيرك واذا رحت للورشه بسطحه او سحب والا الشغله كلها سلك .
صدقنى ان الشغله بسيطه وابسط مما تتصور كل مايلزمك عده جيده وتشغيل مخك . فقط طالع القطعه بالسياره بتركيز وراح تغيرها بكل سهوله . ولا تنسى في الامور البسيطه ( سيور . بوجي . طرمبات .ليات . فحمات . قماشات . تربيط . مساعدات . تغيير زيت . تغيير مسامير هوب . فلاتر .كهرباء بسيطه اذا ما حصل ووديتها للورشه انك تطالع كيف يتم عملها لتتعلم لاتحط السياره وتروح .
وللأسف اننا نصرف مبالغ نحن اولى بها من عمالة الورش .ولا نكلف انفسنا بجهد بسيط ونعتمد على انفسنا في صيانة سياراتنا . انا مع الجميع اذا كنت لا تعرف رح للورشه ولكن اكرر لا تترك السياره وتروح طالع وركز كيف يتم اصلاح العطل تعلم . اعطال السياره ليست كثيره وبأمكانك مع الوقت تفهمها وتقوم بها بنفسك .الى متى وانت تحتاج لهذه العماله التي تنصب عليك وتهول لك الموضوع واذا رحت الشغله ما تاخذ معهم دقايق . لا وياليتهم فاهمين يغيرون لك عدة قطع بالسياره ويمكن يصيبون العطل او مايصيبون .ثم انك راعي بران وسفر ليس على كل حال تحصل ورشه . يجب ان تتعلم وتعتمد على نفسك .
مع تمنياتي للجميع بالتوفيق والسداد

[shaheenshah]

موضوع ممتاز وشيق ومفيد جداً
الكثير منا يستصعب انه يصلح سيارته بنفسه مع ان العملية كلها سهلة جدا جدا جداً بس حنا اللي نصعبها ونتخوف منها يمكن نخرب السيارة او...او...
حبيت اضيف نقطه على كلامك
عند تغير البواجي لا تفك اسلاك البواجي كلها مع بعض عشان ما يتلخبط ترقيمها
يعني تفك سلك واحد وتغير البوجي وترجع السلك مكانه بعدين تفك الثاني وهكذا

يعطيكم العافية

[ارتست]

الله يعطيك العافية حقيقة حمستني اني اجرب
ومشكورين الأعضاء على إضافاتهم المبنية على الخبرة المتيزة

<لاكن المشكلة تكمن في عدم جرئتنا بعض الأحيان في القيام بمثل هذ الإصلاحات خوف من وقوع الخطاء وكذلك نوعية السيارة ففي بعض السيارات تكون العملية أكثر تعقيد بسبب وجود قطع تحتاج الفك للوصول للبواجي

<ممكن تفيدوني كيف اعرف إن أسلاك البواجي ازالت جيدة
لأني الاحظ اصحاب الورش لهم طريقة في إبعاد السلك عن البوجي قليلاً لمشاهدة الشرارة او الطقطقة بين السلك والبوجي فبها يتوصلون لمدا قدرة الاسلاك وجودتها
<<<< ياليت احد الإخوان يزودنا بخبرته من هالناحية

[شروكي ربع]

أشكر الجميع على الردود اللي تثلج الصدر فعلا ً ..


صراحة كنت ادور موضوعي ومادريت انه مثبت :cool:


وأشكر الاشراف على التثبيت ..


اما بالنسبة هل فرق الموتر ؟


انا اقول انه فرق ولكن بالنسبة لي فرق عادي ..


الاسلاك لم اغيرها ولا اعلم متى اغيرها ..


بمعنى اصح : كيف اعرف انها انتهت ؟؟


اي اسئلة عن التجربة انا حاضر يالغالين ..


بانتظار بقية الاعضاء ..

[هاه..؟]

الموضوع مميز
وممايزيده تميزا إن السيارة شيروكي
ومما يزيده ويزيده تميزا الاخ شيروكي ربع
...
.
.
.
.
سؤال:
كيف نعرف صلاحية أسلاك البواجي ؟؟؟؟

[hisham202]

اخوي شروكي ربع اشكرك على الدرس المفيد (10 من 10 ايها الطالب المجتهد:))
بس المشكله ان فيه مواتر يبيلها فك الثلاجه علشان توصل للبواجي مثل الباثفندر3.5 والالتيما وغيرها:(

[بارود برنو]

بارك الله فيك
لاكن ماعلمتنا كيف صار العزم

[Bader-M]

السلام عليكم ورحمة الله وبركاتة

.................
الاضرار الناتجه عن عدم تغير البواجي
1- تقطيع المحرك
2- ارتفاع استهلاك الوقود
3- قصر عمر المحرك


...........
موضوع اكثر من رائع

تحياتي اليك

[ادريس]

الف شكر وهل من متبع خطوه جريئه منك:j

[شروكي ربع]

الف شكر وهل من متبع خطوه جريئه منك:j


هاه..؟


hisham202


بارود برنو


طايربالعجه

ادريس




مشكورين على المرور الغالي يا احباب ..


مروركم اسعدني كثيرا ..


وبانتظار البقية ..

[أبومنال]

جزاك الله خير على الموضوع الجميل والمهم والمرتب واسمحلي
اذكر موفق مر علي ... كان عندي جمس من القديمات الظاهر ان مكينتة
مكينة دركتر ... إذا دست له علشان اريحه (الرابع) يطلع منه صوت
تقول صوت انفجار!! ويطلع لهبه من الشكمان يعني اللي بجنبي من السيارات
تطيح قلوبهم بين رجليهم من الخوف وخاصه لاصرت رايح للعمل تخبر نصهم نوم :j
....(يقولون المشكله من البواجي).

[جاد]

شغل موفق أخوي ..

وبالمناسبة .. كم موديل الشيروكي ؟

وكيفه معك ؟

وكيف مشاكله ؟ وأسعار القطع ؟

وكيف صرفيته للبانزين ؟

والله يبارك لك فيه ؟

[شروكي ربع]

جزاك الله خير على الموضوع الجميل والمهم والمرتب واسمحلي
اذكر موفق مر علي ... كان عندي جمس من القديمات الظاهر ان مكينتة
مكينة دركتر ... إذا دست له علشان اريحه (الرابع) يطلع منه صوت
تقول صوت انفجار!! ويطلع لهبه من الشكمان يعني اللي بجنبي من السيارات
تطيح قلوبهم بين رجليهم من الخوف وخاصه لاصرت رايح للعمل تخبر نصهم نوم :j
....(يقولون المشكله من البواجي).


ههههههههههههههههه


ياخي روعت العالم بهالصبحية ..


الله يعطيك العافية على الرد الجميل ..

[شروكي ربع]

شغل موفق أخوي ..

وبالمناسبة .. كم موديل الشيروكي ؟

وكيفه معك ؟

وكيف مشاكله ؟ وأسعار القطع ؟

وكيف صرفيته للبانزين ؟

والله يبارك لك فيه ؟


98

الحمد لله

اذا شريت النظيف لن تواجه مشاكل بحول الله ..

من 400 - 450 للتناكي ( قير عادي )

وفيك يالغالي ..

[aldrawy]

مع احترامى لك ليش ما أختبرة البواجي قبل ماتغيرها وهل فحصت الأسلاك

[شروكي ربع]

مع احترامى لك ليش ما أختبرة البواجي قبل ماتغيرها وهل فحصت الأسلاك


لا ..


ياريت تفيدنا يالغالي بالطريقة للفحص و الاختبار ..

[وقيان]

يعطيك العافية.. و لو انك رايح كهربائي.. كان قالك 10 ريال...

طلع قيمة المفتاح من اول زبون :D

[شروكي ربع]

يعطيك العافية.. و لو انك رايح كهربائي.. كان قالك 10 ريال...



طلع قيمة المفتاح من اول زبون :D





كلامك سليم ..


شكلي بصير كهربائي :D

[علي الشهري]

بيض الله وجهك
تقرير مرتب ومفيد جداً

[شروكي ربع]

بيض الله وجهك
تقرير مرتب ومفيد جداً


ووجهك يالغالي ..

مرورك اسعدني كثيرا ً ..

[هوى الشرق]

طريقة سهلة وواضحه الله لا يهينك
هــــــــــــــــوى الشرق

[مجتهد***]

من جميل أن كل واحد منا يعمل ما يحب بيده فهذا أجمل

[مجتهد***]

من الجميل أن كل واحد منا يعمل ما يحب بيده فهذا أجمل

[مجتهد***]

من الجميل أن كل واحد منا يعمل ما يحب بيده فهذا أجمل

[مبارك بن لندن]

الأخ الكريم شروكي ربع (http://www.mekshat.com/vb/member.php?u=38654)

أشكرك عالموضوع ولابد لنا أن نعتمد على الله سبحانه وتعالى ثم على أنفسنا، ولنا في رسول الله صلى الله عليه وسلم أسوة حسنة فقد كان عليه الصلاة والسلام يخصف نعله ويرقع ثوبه ويحلب شاته ويقوم بكل أعماله بنفسه، مع أن صحابته رضوان الله عليهم يتفانون في خدمته وبإشارة منه عليه الصلاة والسلام، إلا أنه يقوم بأعماله صغيرها وكبيرها بنفسه.

تغيير البواجي أمر تافه جداً ولا يحتاج إلى مجهود ولا يحتاج إلى مهارة أو تعب، ولكن لا نقول إلا حسبنا الله ونعم الوكيل على من جعلنا عالة على كل شعوب الأرض.

[بخار الماء]

البواجي قلب السيارة
والمفروض تغير كل 25000كيلو
وترى الدعوة سهلة غيرها بنفسك ولا يتفلسف عليك عامل الورشة ويأخذ قروشك
تسلم على الموضوع

[شروكي ربع]

هوى الشرق


مجتهد***


مبارك بن لندن



بخار الماء



الله يعطيكم العافية على المرور الكريم ..



وعلى الردود اللي تشرح وتوسع الخاطر ..



مشكورين

[zaxs2010]

بسم الله الرحمن الرحيم

ماشاء الله عليك
بدال ماتروح للكراج 50 ريال

زينته انت


http://www.mekshat.com/pix/upload/sign/images/mk56023.gif

[ابرق العزاف]

الله يهديك مخليها تبطي 90 يوم وارميها
ولازم اصلى

[سيد النشاما..]

جزاك الله خير أخوي شروكي ربع ومشكور

[الصخَري]

الله يجزاك خير ,وبارك الله في جهدك وحرصك على اخوانك.

[1428]

جزاك الله خيــــــــــــــــــــــــــــــــــــــــــــــــ ــــــــــــــــــــر

[باترول 82]

ماشاء الله عليك نعم الشباب لازم يكونون كلهم كذا شغلات بسيطه مايحتاجلها ورش ولا غيره

مشكورين على الموضوع

[شروكي ربع]

zaxs2010


ابرق العزاف

سيد النشاما..


ولد صخر

1428


باترول 82



مشكورين على المرور أيها الاكارم ..


وعلى التعليقات الجميلة ..


كل الشكر موصول لكم ..

[راعي البرهـ]

ياليت كل واحد منا يسوي هالاشياء الروتينيه بنفسه
انا اقولك اذا تاخذ النصيحه غير اسلاك البواجي...وستلاحظ الفرق

[شروكي ربع]

ياليت كل واحد منا يسوي هالاشياء الروتينيه بنفسه
انا اقولك اذا تاخذ النصيحه غير اسلاك البواجي...وستلاحظ الفرق


صدقت في كلامك ..


ونصيحتك فوق الراس يالغالي ..


مشكور على الرد

[مقام البدر]

السلام عليكم

عندي استفسار ودي أتأكد منه ؟

بالنسبه لتغيير البواجي حسب علمي أنه يبيلها وزن عند الشد إذا بغيت تربطهن ، يعني مهوب فك وأربط وبس

صحيح هالكلام ولا لا

وسؤال ثاني عندي سياره ماشيه فوق الـ 150.000 كيلو وما لاحظت خلاف لا بالعزم ولا بصرفية البنزين .. هل يلزم تغيير البواجي وأسلاكها ؟

وشكراً للجميع

[almanai]

الشغلة بسيطة بس يبيلها سعة صدر... :)

[شروكي ربع]

السلام عليكم


عندي استفسار ودي أتأكد منه ؟

بالنسبه لتغيير البواجي حسب علمي أنه يبيلها وزن عند الشد إذا بغيت تربطهن ، يعني مهوب فك وأربط وبس

صحيح هالكلام ولا لا

وسؤال ثاني عندي سياره ماشيه فوق الـ 150.000 كيلو وما لاحظت خلاف لا بالعزم ولا بصرفية البنزين .. هل يلزم تغيير البواجي وأسلاكها ؟

وشكراً للجميع



حياك اخوي ..


بالنسبة للوزنية لا توجد وزنية بل كما بالموضوع فك واربط فقط ..


بالنسبة لسيارتك اخبر العالم تغير عند 100 الف وحولها , وانت مدامها مشت 150 غيرها ..


والاسلاك مدري متى تغير ..


والعزم فيه اخلاف بس بسيييييط ..


almanai



مشكورين على المرور يالغالين ..

[شروكي ربع]

الله يهديك مخليها تبطي 90 يوم وارميها

ولازم اصلى





ما فهمت !!




انت البواجي تغيرها كل 90 يوم ؟؟

[ابن طيبة]

بارك الله فيك طريقة سهلة وواضحة

[شروكي ربع]

بارك الله فيك طريقة سهلة وواضحة



الله يحييك ..

اهم شي الفايدة ..

[عبدالله ابو]

بيض الله وجهك

عزالله انك افدتنا

مشكور يالغالي

[.أبوعبدالرحمن]

الله يعطيك العافية اخوي شروكي ربع


وماشاء الله تبارك الله

[سرهيد]

السلام عليكم

بيض الله وجهك على الموضوع

وفعلا ترا فينا عجز والا الامر ما يستاهل

ومن المفترض التشيك كل شهر على كل شيء يحتاج تشيك من بواجي الى اديتر الماء الى غير من الاشياء السهلة

حتى الفحمات المفترض نصلحنا بانفسنا لانها سهلة

تقبل احترامي

[شروكي ربع]

عبدالله ابو

ابوعبدالرحمن الصفيّان

سرهيد الساحات العربية


مشكورين على المرور العطر والجميل من الموضوع ..


أسعدتوني كثيرا ً .

[الشيحيه]

شغل شغل ما شاء الله
تسلم يمينك والله

[شروكي ربع]

شغل شغل ما شاء الله




تسلم يمينك والله





مشكور على المرور الجميل يالغالي ..

[راعي العشــه]

يعطيك العافيه على المجهود

[سرطوقا]

مشكور ربي يوفقك ، دمت بخير

[الشاص عز لهله]

هههههههههههههه الفرق بسيط

[شروكي ربع]

راعي العشــه

ابوعبدالبارىء

الشاص عز لهله


الله يعطيكم العافية على الردود ..

ومشكور على المرور الكريم ..

[باثفندر 2005]

يعطيك العافيه وتسلم يمينك بذيب ..

[الكتراز]

والله انك حمستني بغير بواجي سيارتي بعد كم يوم بنفسي :d

[شروكي ربع]

يعطيك العافيه وتسلم يمينك بذيب ..


حياك الله يالغالي ..

ويمينك يالذيب ..

[صقر عتيبيه]

موضوع ولا احلى

[الرمحيه2008]

سلام عليكم الو سمحتم عندي مشكله في سيارتي ممكن مساعده فيه صوته عندم اجيب سرعه 140 تغير علي صوته سياره ممكن تساعدوني نوع سياره كامري 2004

[شروكي سبورت]

جزاك الله خير وما قصرت

[H I T L E R]

نصيحه مني لك
غير أسلاك البواجي مره وحده ومع الفلاتر
وتصير الامور طيبه

[Cyber]

جزاك الله خير اخوي

الاشياء الخفيفه مثل هذي المفروض الواحد يعتمد على نفسه

شكرا لك

[شروكي ربع]

هلا والله بالحبايب كلهم ;)

ترا على طاري الاسلاك غيرتها بعد البواجي بفترة بسيطة ولا تغير أي شيء ..

يعني خسارة عالفاضي ..

عالعموم مروركم جميل , وردودكم رائعة :)

[ابو نواف المطرفي]

الله يوقفك ويستر عليك ..



تقبل مروري

[العبقري 1]

أنا اوافقك في الفكرة الجميلة التغيير في المنزل عندي أساسي .

[ونش]

كنت ابي اكتب ردي على تغيير البواجي وبقول انه ماله داعي تغيير الاسلاك لانها وكاله ولاتخرب عندي سياره نيسان لها 20 سنه واسلاك البواجي ما تغيرت لاكن الي غير الاسلاك الله يعينه على الخساره كذالك الله يستر لا يتوهق بسلاك تجاريه وهم شي في تغيير البواجي هي سنه البوجي الي في المكينه لاتبوز يجب الحذر لانها قد بازت معي وتوهقت

[faisal1111]

ياسلام جميل جدا الشرح يعطيك الف عافية

[اول 9099]

مشكووور وشكلي بغير اليوم

[ashaleell]

كنت ابي اكتب ردي على تغيير البواجي وبقول انه ماله داعي تغيير الاسلاك لانها وكاله ولاتخرب عندي سياره نيسان لها 20 سنه واسلاك البواجي ما تغيرت لاكن الي غير الاسلاك الله يعينه على الخساره كذالك الله يستر لا يتوهق بسلاك تجاريه وهم شي في تغيير البواجي هي سنه البوجي الي في المكينه لاتبوز يجب الحذر لانها قد بازت معي وتوهقت
كلامك صحيح أخوي أسلاك البواجي الوكالة ما يجي مثلها لأنها أصلية ومضمونه من الشركة وإذا ما فيها خلل واضح لا تغيير لأن اللي في السوق ويقول أنها أصليه ما تجي مثل الأصلية وراح بعد فترة تقطع وتهرب كهرباء