نشتري جيب تويوتا ولاّ نيسان للقنص و الوناسه؟

[أبو فيصل]

:looney: على طاري جيب التويوتا و النيسان تراني واصل حدي في الحيره هالأيام

مرّه أقول سفاري رقم 2 قير تريبتونيك على كيفك لا وبعد مثبت سرعه للشيبان مثلي و كارونه قدّام وأرخص من التويوتا ... بس يقولون يقرقع بسرعه و تسمع صوت الهوى لسرعت وينزل سعره بسرعه و القطع غاليه

ومرّه أقول التويوتا طبعآ gx , gxr و جاهه ولا ينزل سعره ومريح في البر ماهو كارونه (على كلامهم) وقطع غيار أرخص و متانه واعتماديّه والكل يرغبه ... بس غالي وو كيله مهوب لهناك واذا سقط في الربّاضه معاد قام لين يدوير توّه السفاري ويسحبه هههههههه

ومرّه أقول الــ vxr فخم و مثبت سرعه ووجاهه و 8 سلندر ووو ... بس غالي و غالي جدآ على قل سنع ولبغيت تبيع بعد 3 أو 5 سنين شرّايته قليل و موتر كثير على القناص اللي بلحاله يدعم الشمع والغضا و الكول من شبحه للجرّه

وشرايكم عجلو ترى قريب نشتري واحد من اللي فوق (لازم تراعي الشايب اللي بلحاله ويبي يستانس ويشتري راحة باله من حلاله).

لالالالالالالا للعواطف والتحيّز ولكن أرجو الرد على الموضوع بالصفات و النتائج المثبوته من الخبراء و خصوصآ هل الطيور اللي مقناصهم خفيف و على مزاج

مشكورين مقدمآ

[مساير الليل]

أخوي عز الله بتزيد حيرهـ في حيرهـ

الأن كل بيقولك السيارهـ ألي تصلح لهـ

لكن من وجهة نظري أنا الباترول

أفضل من كل النواحي سعر مناسب

وألي يقول يقرقع هذا كان أول

لكن تطور واصبح أفضل بواجد

وكان تقول على طيحت السعر فالناس قامت تدور الباترول وأسعارهـ في المعارض

صارة مقاربهـ للاند

ومرهـ ثانيهـ أنا أقولك خذ باترول وأنت مرتاح

ولاتنسى صلاة الأستخارهـ

[مساير الليل]

يمكن يفيدك الرابط

http://www.mekshat.com/vb/showthread.php?t=102189

[ق ب م 632]

أخوي عز الله بتزيد حيرهـ في حيرهـ

الأن كل بيقولك السيارهـ ألي تصلح لهـ

لكن من وجهة نظري أنا الباترول

أفضل من كل النواحي سعر مناسب

وألي يقول يقرقع هذا كان أول

لكن تطور واصبح أفضل بواجد

وكان تقول على طيحت السعر فالناس قامت تدور الباترول وأسعارهـ في المعارض

صارة مقاربهـ للاند

ومرهـ ثانيهـ أنا أقولك خذ باترول وأنت مرتاح

ولاتنسى صلاة الأستخارهـ


كلامك جميل جدا وبصراحه ماخليت لنا شى الله يهديك :D


لكن عندي اضافه بسيطه وبما انك يااخوي راعي بر وقنص فما اتوقع مايصلح لك غير الباترول والاسباب مثل ماذكرت ان السعر و القوه و الاعتماديه و والرساوه بالخط و الدفرنس المنفصل الامامي على عكس الاند اللي يجي فريولات اماميه وايضا افضل من ناحيه الكلتش واللي هي من اكبر عيوب التويوتا بالبر وخصوصا عند التغريز وبيني وبينك يااخوي ان الاند نغير عن اول وصار ماغير كبس في كبس والباترول تطور عن اول وصار اقل مشاكل واقل تفكك من اول وطبعا الكلام يطلو عن ذا المواتر وعسى ربك يكتب لك اللي فيه خير

[Black VTC]

ماشاء الله على الشباب ما قصروا وان بغيت رأيي عليك بالفتك وبس ...

[فورد]

تتويوتا وبس

[أبو فيصل]

يعطيكم العافية جميع وافين و علومكم طيبه يا أعضاء مكشات

مشكور أخي صديق الهم و بيض الل و جهك على الرد و الرابط
مشكور أخي ق ب م 632 على الأضافه الطيبه
مشكور أخي Black VTC وأنا ما عرفت VTC وأنت ما وضحت الأسباب. السؤال الـــ VTC هو السوبر سفاري ولاّ يطلق على السفاري بعد

مشكور أخي فورد عبارة (تويوتا و بس) أشوفها محتاجه أضافات و اقعية وليست دعائية

جزاكم الله خير

[ابوجعفر]

خذ الباتــــــــــــرول احـــــــــــــــــــــــــسن

[باترول للأبد]

لاتفكر ولاتحتار غير الباترول لاتختار واللي يقولك يتقرقع ماجرب النيسان ووصوفة

وأنت اللي يصلح لك سفاري 1 لأنك راعي بر وحرام تاخذ سفاري 2 وفي شي من عنصر الفخامة والمواصفات وتطعس فية

وبالتوفيق ان شاء الله

[عرش السفاري]

من يقول التويوتا أوجهه أنا أشوف الباترول أوجهه بوووووووووواجد

اللاند كنه بطه حتى البرامج يقولون عليه (سيارة عائلية)!!


....

[هاوي صيد]

اقول وبالله التوفيق
الباترول افضل من ناحيه المطارد والروحات والجيات اخف نفس من التايوتا وارفع ونشيط وانصحك خذ الباترول ولا تشاور فل كامل نيسان ب160الف 2007 اذا ماخاب ظني بالنسبه للتايوتا سعره مبالغ فيه ويبي له رفع وشغلته شغله وهذا الكلام من خلال تجربه 4سنوات 2003باترول مااشتكيت منه ولله الحمد والمنه



والله يوفقك

[الهدد...؟]

ياشباب الرجال يبي موتر صح مايقرقع ولا يذبحك بالخرابات وانت يالي تقول انه بطه انت ركبلي جي اكس ار اركب الهدد وشف الراحه والوناسه بلا فتك بلا دجت بنزين واخف موب إذا صار معكم بواترل تمدحونه الرجال يبي يشري انا معي فتك 2006 وسقت هدد حق واحد من العيال والله اطلق لا مناحيت خف وشكل ونشاط الصرفيه صح ياخوي رح شف وزن الفتك كبير ناظر إذا دستله مره وحده من ثقله يرتفع همن يفكر يمشي معليش ياصحبين النيسان الحق حق انا معي ومجرب انا فاك مكينته من البنزين واالله قهر
والي خبرلي هدد 2006 انا شراي

[باترول 585]

هلا اخوي

بااااااااااااااااااااااااااااااانرول الا الابد

لاوترا بعد عندي معلومه ترا الباترول ارسى من التايوتا با البر والكلام ذا عن تجربه

ولاتنسى تستخير وبا التوفيق,,,,

[أبو فيصل]

يض الله وجيهكم عز الله حيرتوني و لكن أشوف الباترول أقرب لمواصفات المقناص

ويمكن بقيمة Vxr نشتري سفاري و يوكن 2008 مهوب صح

[عـhddـاشق]

ياشباب الرجال يبي موتر صح مايقرقع ولا يذبحك بالخرابات وانت يالي تقول انه بطه انت ركبلي جي اكس ار اركب الهدد وشف الراحه والوناسه بلا فتك بلا دجت بنزين واخف موب إذا صار معكم بواترل تمدحونه الرجال يبي يشري انا معي فتك 2006 وسقت هدد حق واحد من العيال والله اطلق لا مناحيت خف وشكل ونشاط الصرفيه صح ياخوي رح شف وزن الفتك كبير ناظر إذا دستله مره وحده من ثقله يرتفع همن يفكر يمشي معليش ياصحبين النيسان الحق حق انا معي ومجرب انا فاك مكينته من البنزين واالله قهر
والي خبرلي هدد 2006 انا شراي



كلام جميـــل


اخوي بلا فتك بلا خرابيط


الفتك هالوقت كثر مع المبزره


ويصرف بنزين وعزم فيه بروده ويتفكك بسرعه


والهواء يدخل مع البيبان


وصار مثل الامريكي هالحين يقعد سنتين ويقرقع


وخذلك هدد ولا تفكر بـــ 150 الف

صح بيصير غالي شوي لكن شيك عند البيع

ويصبر ويتحمل

ومواصفاته قريبه لم الفكسار والجكسار

دف لك وتخشيبه وونش وثلاجه ومكيفين

ونشاط واقل صرفيه من الباترول

ولا به خرابات ولا يقرقع

وهو الموتر المناسب للقنص

واسأل حقين الكروزرات

وبالتوفيق .,.,.,

[مساير الليل]

تقول انه بطه انت ركبلي جي اكس ار اركب الهدد وشف الراحه

أبيع ماوراي ودوني وأعرف وش فرق الجي أكس ار عن الهدد

كلها واحد شال الأزياق وقال أخف

وإذا كنت تقول الأند ماهو خرابات أسأل ألي مطلعين روحهـ شف وش يشتكون منهـ دفرنسهـ زفت على طول يخرب

ومعنا واحد 98 ماقد دخل البر مع شايب وأنواع القرقعهـ

وأخوي عليك برايك أنا بمدح لك الباترول وأهل الاند بيمدحون الأند يعني بتروح فيها ووبتضيع بينهم

وصلاة الأستخارهـ لاتنساها

[Black VTC]

مشكور أخي Black VTC وأنا ما عرفت VTC وأنت ما وضحت الأسباب. السؤال الـــ VTC هو السوبر سفاري ولاّ يطلق على السفاري بعد


جزاكم الله خير

اخوي أبو فيصل الباترول الــGL V و السفاري 1 والسفاري 2 و السوبر سفاري كلهن مكاينهن 4800vtc ماكينة جبارة اكبر ماكينة 6 اسطوانات كبيرة جدا ًو عملية وأقل صرفيه للبنزين من الباترول السابق والمعلومات التالية بالخط الاحمر والصور من موقع نيسان ..

محرك 4800 في تي سي
القوى القصوى : 280 حصاناً / 4800 دورة في الدقيقة (إجمالي اس أيه إي)
عزم الدوران الأقصى : 46.0 كلغ-م/3600 دورةفي الدقيقة إجمالي اس أيه إي

http://www.nissan.com.sa/arabic/vehicles/patrol/images/patrol_per_lineup.jpg

محرك TB48 DE 4800 مجهز بنظام التحكم بتوقيت الصمام ونظام نيسان للتحكم بالتحريض ليوفر قوة وعزم دوران أكبر، وليمنح باترول أداءا استثنائيا على الطرق الوعرة وسرعات عالية على الطرقات السريعة.

http://www.nissan.com.sa/arabic/vehicles/patrol/images/patrol_per_vtc.jpg

يؤمن نظام التحكم بتوقيت عمل الصمامات ( VTC ) وبالتعاون مع نظام نيسان للتحكم بمآخذ السحب ( NICS ) مزيداً من القوة والعزم عبر زيادة وقت إغلاق الصمامات على السرعات المنخفضة والمتوسطة للمحرك وعبر تأخير إغلاق الصمامات على دوران مرتفع للمحرك.

انتهى النقل ــــــــــ


اما ان بغيت نصيحتي وان كنت راعي بر وقنص فلا يفوتك الــ Vxr خلفية عادية و استبنة علاق الناس اللي يحبون القنص و الكشتات يفضلون هالنوع لسهولة تنزيل الاستبنة والاستفادة من بطن الموتر للتوانك وعدم تعلق القشاش و الطعوس في مؤخرة الموتر ..

او عليك بالباترول سفاري 2 جيد جداً وزين لراعي القنص .. وخرابيطه اقل من غيره ..

[rayes3]

السلام عليكم
اخوي ابوفيصل
اشور عليك بالنيسان معي موديل 98ومرتاح معه
والله يكتب اللي فيه خير

[محسن اليامي]

ابوفيصل الله يوفقك

أنا معي 2003 ومرتاح آآآآآآآآخر راحه والحمدلله رب العالمين

فشور عليك بالنيسان ترها مبروكات

[الهدد...؟]

انا ابرد على الي يقول ان الجي اكس ار نفس الهدد رح للوكاله وانظر وزنه إذا منت امصدق
شكلك مافيه امل تقتنع رح وشف وردلي وبعدي الهدد اخف من النيسان والدليل ناظر الباترل
4500 وطب من شينه تمشي رجل احسن معليش ياحقين النيسان انا مع اخوي ثمان وتسعين السراحه بايخ
احسن شي بالباترل السبع وتسعين وبس والا الجديد ابعد عنه والهدد هو الموتر
الفتك ثقيل طينه وصوت مدري وش يبي حنه وصرفيه وتفكك وباب ورا يشغلك بالوزن
والقير التوماتيك حساس مره والخطه تنسيم هوا من البيبان مثل الامريكي الهدد فيه مشكله وحده ولها حد انه ينزل مع ورا بس والحل كعكه ثلالث سم ويظبط واسف لراعين النيسان

[عـhddـاشق]

وإذا كنت تقول الأند ماهو خرابات أسأل ألي مطلعين روحهـ شف وش يشتكون منهـ دفرنسهـ زفت على طول يخرب





أخوي من قالك انا الاند خربات

واحد من اقرباي معه 98 ما خل محل ماجاه ومكشات 24 ساعه


ومكسر الجيب تكسر ولا قال ولا كلمه :good:


بعكس الباترول اركب 2005 ولا 2006 واقل وتمتع بسماع الاصوات المزعجه :D


يبي تطربيط بعد كل كشته :mad:

وبالتوفيق .....

[ابو ليان]

سفاري افضل ماصنع اليابان

[.أبوعبدالرحمن]

وانا اخوك لا تبعد عن الهدد ( gx )


تراه هو اللي بيطربك

[أبو فيصل]

مشكورين و بيض الله وجيهكم

أنا معاكم أن الهدد موتر بس أنا دواي مثبت السرعه ما قلت لكم شايب و مثبت السرعه بس في الـــ Vxr لو يحصل هدد كارونه قدام و مثبت سرعه وقير تريبتونيك .... يا سلام

أو سفاري ما تقرقع بيبانه ولا يدخله الهوا على سرعة عاليه الى 160 كم/ساعه لكن ميزاته ما قصر في ذكرها صديق الهم لكنه صادق ما بعد صليت صلاة الأستخاره يمكن بكره في المقناص مع صلاة الضحى

موفقين جميعآ

[VXR.2007]

تتويوتا وبس

[m1m]

كل بضاعة لها شراي

عيب النيسان الأكبر .. هو الوكيل ..

الأمر الثاني .. قبل ما تشتري وتحتار ..

رح مراكز تأجير السيارات واستاجر هذا يوم وهذا يوم .. وانت الحكم :)

[شقردي تو]

تويوتا وبس .........................

[mr.salih]

^^^^
متحمس مع الموضوع..

بس جد ودي اعرف صاحب الموضوع وش شراء وش صار معه!!

[ابونبيل]

عليك بالتايوتا وانا اخوك وكلاءه واجد وقطعه في كل مكان

النيسان حاليا يمر بأزمه لا قطع غيار ولا رخص غلا اعوذ بالله والقطع طلبيه التايوتا ماخلا سعره مرتفع الا لانه يريح الراس لا قرقعه ولا وجع راس

[Abusliman]

اذا كنت بتاخذ قير عادي خذ GX ( هدد ) فل كامل 6 سلندر او 8 اذا كنت تبي طيارهـ
واذا بتاخذ توماتيك خذ GX فل كامل 8 سلندر سعرهـ 205 الف او خذ جكسار 8 سلندر
باختصار اذا ناوي توماتيك ابعد عن الـ 6 سلندر وخذ 8 بس اذا عادي فالـ 6 تدي وبقوووهـ
تويوتا عند البيع منت خسران باذن الله ويكد معك 10 سنين وقطع غيار متوفرهـ وبسعر معقول ولا تنسى ان الباترول اسعار قطع غيارهـ فلكيه .. اعرف واحد من محبين نيسان كرهـ النيسان بسبة ارتفاع سعر القطع
وهالشي مكرهني بالهوندا بعد
تويوتا ما فيها الا عيب واحد فقط وهي انهم قعيطين بالمواصفات شوي بس اشوف ان الهدد فل كامل مواصفاته حلووهـ بس الاسعار مررتفه للاسف بس شييييك
وبالتوفيق يا رب ولا تنسى الاستخارة

[لهذام]

الله يصلحكم ، الموضوع من 2007 من اربع سنين وينكم غادين هههههههههههه

[هبوب الشمااال]

الهدد بحااااااااااله
الله اعلمم

[sgl2002]

اخوي

انا كان معي شاص 2009

ثم بعته وخذيت باترول ربع98

اقسم بالله اني ماعرفت معنى جيب الا منه

خصوصا اذا دخلت مكان تحلف مايمشي معه وماتدري غير معديك اياه كانك بزفلت

والا اذا غرزت تغريز شين اقول مستحيل اطلع الا بحراثة وتلقاه يفز ويطلع

وانا صراحة بعد الباترول ماعاد بغير موتر

[عبدالله //]

ارجو من الاداره اغلاق الموضوع . وابشركم السنين القادمه نيسانيه وبكل قوه ان شاءالله بيننا الايام ماعاد ينفع يكفيك انه تويوتا ولا لاند هههه الناس جربت وتشوف الفروق .

[أبو فيصل]

مشكورين جميع على التواصل المستمر هههههههههه

لمن رغب معرفة ما شريت هو كالتالي:

شريت جي أكس هدد 2007 نظيييييييييف و فتحه ووو ولكن بعته في خلال أسبوع لسببين الأول ما جاز لي (قير عادي ولا فيه مثبت سرعه و صوت المكينه مزعج خصوصآ عند التشغيل)

بعده بفتره شريت 2007 في أكس آر ليميتد ما شاء الله (أذكروا الله) و الصراحه لقيت ضالتي الله يعطينا من خيره و يكفينا شره قولو آمين مع ذكر الله.

[يريور عيمان]

الله يبارك لك في الفكسار
موتر قوي و فخم

[mr.salih]

ماشاء الله ... الله يعطيك من خيره ويكفيك شره..ويطول بعمره وعمرك.

[رشيد4]

في مثل ذلمور مايحتج تستشير تويوتا اونيسان نفس الشي موتر بر اما اذا انت تفكر في البيع لتشتري اهم شي اراحه وانت ابخص في ماليتك

[عاشق الحيسية]

مشكورين جميع على التواصل المستمر هههههههههه

لمن رغب معرفة ما شريت هو كالتالي:

شريت جي أكس هدد 2007 نظيييييييييف و فتحه ووو ولكن بعته في خلال أسبوع لسببين الأول ما جاز لي (قير عادي ولا فيه مثبت سرعه و صوت المكينه مزعج خصوصآ عند التشغيل)

بعده بفتره شريت 2007 في أكس آر ليميتد ما شاء الله (أذكروا الله) و الصراحه لقيت ضالتي الله يعطينا من خيره و يكفينا شره قولو آمين مع ذكر الله.




الله يبارك لك فيما شريت


ويعطيك خيره ويكفيك شره

[على رمشي تمشي]

عاد ماشاء الله عليكم يالصقاقير على كثر طلعاتكم وروحاتكم تعرفون وش إلى يصلح وش إلى مايصلح من ناحيه السيارات او الكفرات - زين دامك خذيت في اكس ار والا الـ G مامثله لو توقفه وتخليه لطلعاتك

[.أبوعبدالرحمن]

يغلق الموضوع

الموضوع قديم ويمنع الرد على المواضيع القديمة