(( فضيحة )) شــرينا جــنــوط بــــاث أصلي من الوكالة و اتضح انها ... (( فضيحة ))

[شروكي ربع]

بسم الله الرحمن الرحيم ..




أولا السلام عليكم ورحمة الله وبركاته وبعد ,



أحد الأحباب شرى من قرابت السنتين باث فاندر موديل 2005



وكعادة الوكالات بتزيين الامور للمشتري وتلميعها في عينه ,,



بداية من القير التماتيمك والمسجل والسي دي الى الجنوط الكروم و فتحت السقف الى شاشة القياس ......... الخ



حتى تقضي قروشك ..



الشاهد خوينا قال ابي موتر قير تماتيك وسي دي وجنوط كروم ( بدل هالحديد القبيح )



مالكم بالهرج الطويل طبعا كل شي بحقه ..



اخذوا حق القير والسي دي واخذو حول الـ 3000 ريال مقابل الجنوط ..



الرجال طلع الموتر وفرحان فيه ..



بس المشكلة بعد فترة بدت الكفرات ترج شوي ..



وكل من سأل قالوا له هذي جنوط النسيان دايم ترج مالها حل , وشار عليه واحد بالترصيص الارضي ..



الشاهد رصصها ارضي خفت كثير وبعد فترة رجعت ..




قالوا له مساعد الدركسون , شيك عليه وطلع تمام ..



قالوا له عمود الدبل يمكن يكون هو السبب ( طبعا هالكلام خلال السنتين مو عطول بعد الشراء )



قال طيب ويروح الرجال ويفك عمود الدبل , والموتر معيي يهجد ..



ما راحت الرجه ..



الرجال اقتنع ورضى بالامر الواقع وقال الله يصبرنا ( طبعا الرجه من 100 الى 130 )



الشاهد من الحديث هذا اني اخذت موتر الرجال ورحت بأغير كفراته لانها انتهت ..



يوم غيرت الكفرات صار يطلب ترصيص كبير ( رقم كبير ) قلت له ليش كذا ؟؟



قال ياخي دايم كذا جنوط النيسان وبالذات التجاري !!!!!!



قلت وش , قال التجاري !!



قعدت اضحك شوي قلت له ذي يا طويل العمر اصليات شاريها من الوكالة ..



قال لا مستحيل الاصلي ما يجي الا 17 ..



قلت يبو الشباب انا شاريها من الوكالة بفنسي ( طبعا مشوار اشرح له انه موتر خويي )



المهم اليمني ما صدق وسلك لي شوي وقال غريبه ..



يوم خلص الترصيص طالع الجنط من جوا وضحك ..



طالعت فيه : وش فيك ..



دخل يده جوا الجنط وطلع لي قطعت حديدة لاصقه في الجنط مكتوب عليها ..



( ميد ان تايون )



طالعتها انا , وانا ماني مصدق انهبلت ..



قلت شلون كذا قال لعبوا عليك الوكالة وباعوك تجاري ..



يوم علمت الرجال قام يدعي عليهم دعاء ..



*****************



وازيد من الشعر بيت قال لي اليمني تجينا لاندكروزرات من الوكالة جنوطها محفور عليها حفر :



( ميد ان شاينا ) صينيات




فانتبهوا للوكالات لا تعلب عليكم يالربع ..



وكل واحد يشيك على جنوطه ويبلغنا لاصارت تجاريه ..



هذا العلم اللي حصل واللي بغيت اني افيدكم فيه ..



والله من وراء القصد ..



والسلام عليكم ورحمة الله وبركاته ..

[مساير الليل]

هذا المشكله صارة مع واحد من الربع لكن جيب في أكس ار

طلعهـ من الوكاله جديد 190 ألف

وبعد فترهـ صار يحس برجهـ ويدخلها للوكالهـ 8 مرات ولاتروح الرجهـ

مالك بطويلهـ واحد من ربعهـ قالهـ في الغرابي محل ترصيص ماعليهـ كلام الرجال راح

وخذ اليماني الجنط يرصصهـ وقالهـ شف ترى أحتمال الترصيص مايزين الأن جنوطك ترجاريهـ

الرجال أف علامة تعجب وأستفهام فوق راسهـ وشلون ترجاريهـ وأنا فاكهـ من الوكالهـ ويقول وينقز للمستودع ويجيب لي جنوط مثلها وقال طلع الفرق وصارة أختها من أمها وأبوها يعني

صار أبوجميل يركب تجاري

والرجال طلع من قهر سيارهـ شاريها 190 ألف وتصير جنوطها تجاريهـ

لاحسيب ولا رقيب حسبي الله عليهم ونعم الوكيل

[شروكي ربع]

هذا المشكله صارة مع واحد من الربع لكن جيب في أكس ار

طلعهـ من الوكاله جديد 190 ألف

وبعد فترهـ صار يحس برجهـ ويدخلها للوكالهـ 8 مرات ولاتروح الرجهـ

مالك بطويلهـ واحد من ربعهـ قالهـ في الغرابي محل ترصيص ماعليهـ كلام الرجال راح

وخذ اليماني الجنط يرصصهـ وقالهـ شف ترى أحتمال الترصيص مايزين الأن جنوطك ترجاريهـ

الرجال أف علامة تعجب وأستفهام فوق راسهـ وشلون ترجاريهـ وأنا فاكهـ من الوكالهـ ويقول وينقز للمستودع ويجيب لي جنوط مثلها وقال طلع الفرق وصارة أختها من أمها وأبوها يعني

صار أبوجميل يركب تجاري

والرجال طلع من قهر سيارهـ شاريها 190 ألف وتصير جنوطها تجاريهـ

لاحسيب ولا رقيب حسبي الله عليهم ونعم الوكيل


مشكور على الرد السريع ..


وزي ما قلت قبل اليمني يقول هالكلام انها محفور عليها حفر بعد ( حقات اللاند )


والله قهرررررررر غش عيني عينك ,,


واعلى ما في خيلك اركبه :mad:


الله يخلف علينا بس يا رجال ..

[Black VTC]

من امن العقوبة اساء الادب ؟؟!!..

يعني من يبي يعاقب ابوجميل والا ولد الحمراني او الزاهد او ولد الجميح او العيسى او حسين على رضا او الجبر ما سبق اننا شفنا عقوبة او غرامة في هالاشكال ابداً,,, طبعاً انا ما جبت طاري الجفالي لانه الماني 100% :)

[نمر 33]

شروكي ربع (http://www.mekshat.com/vb/member.php?u=38654) http://www.mekshat.com/vb/images/statusicon/user_offline.gif

حبيت أسألك كم مقاس الجنط ؟!

[hdd4004]

الله يرحم والديك انا عندي باثفيندر 2005 اصلاً الجنوط حقت الباث

ما تحتاج ترصيص كيف انت تقول انك مرصصها صراحه الله لايهينك تأكد من الكلام ماني ادافع عن الحمراني لكن الحق احق ان يتبع والسلام عليكم

[شروكي ربع]

من امن العقوبة اساء الادب ؟؟!!..

يعني من يبي يعاقب ابوجميل والا ولد الحمراني او الزاهد او ولد الجميح او العيسى او حسين على رضا او الجبر ما سبق اننا شفنا عقوبة او غرامة في هالاشكال ابداً,,, طبعاً انا ما جبت طاري الجفالي لانه الماني 100% :)


ههههههههههه


شكل موترك يابنز والا بي ام :cool:


حركات والله ..


والله وانا اخوك لا تستبعد حتى ذولا يغشون في المواتر ..


ومشكور على الرد ..

[شروكي ربع]

شروكي ربع (http://www.mekshat.com/vb/member.php?u=38654) http://www.mekshat.com/vb/images/statusicon/user_offline.gif

حبيت أسألك كم مقاس الجنط ؟!




المقاس يالغالي ( 16 )





الله يرحم والديك انا عندي باثفيندر 2005 اصلاً الجنوط حقت الباث

ما تحتاج ترصيص كيف انت تقول انك مرصصها صراحه الله لايهينك تأكد من الكلام ماني ادافع عن الحمراني لكن الحق احق ان يتبع والسلام عليكم


هلا هلا ..


كلامك والله جديد علي يالغالي , كل الجنوط بالعالم تترصص ..


يمكن الا جنوط الباث حقتك :D


تأكد من معلوماتك , يمكن جنوطك ما طلبت ترصيص وهذا من فضل الله عليك ..


ولكن لا تقيس على البقية يالحبيب :no2:


سلامي لك

[AL-OTAIBI]

السلام عليكم ورحمة الله و بركاته
مو شرط يا خوي ان الجنط تجاري لان اغلب قطع النيسان الاصليه من تايوان اذكر مره من المرات فكيت الفلتر حق الهوا للدسن ابي انضفه والقا مكتوب عليه صنع في تايوان و انصدمت رحت على طول و اشتري واحد مكتوب عليه ميد ان يابان بعد ما ركبته خذيت الفلتر التايواني و رحت للوكاله فرع الصيانه في الميناء اللي في الخبر ودخلت على مديرهم السوداني و قطيت عليه الفلتر و قعدت اتهاوش معاه راح فتح الدرج اللي جنبه و طلعلي انواع القطع اللي عنده ووراني وش مكتوب عليها انا انصدمت كلها من تايوان قالي ان نيسان متعاونه مع مصنع يصنع القطع في تايوان قلتله و الفلتر الياباني اللي توني مركبه قالي شيله و ركب التايواني لانه هو الاصلي

[الهدد...؟]

ليته على الجنوط انا ولد عمي طلع باث 2005 طلعه من الرياض بنفس اليوم مشا الى القصيم يوم نزل مع طلعت الغاط وهو هادي ما اسرع طاح عله عمد البلوف وشاله ابصطحه الرجال حمق يقول قهررررر توي شاريه يوم طلع من الوكاله قال هذي اوله اببيع ماقعد اسبوع وباعه وشرا حوظ ومستانس يقول ماعرف الوكاله مشاءالله يقول يقول بلا راحه بلا بطيخ
الله يوفق

[نمر 33]

شروكي ربع (http://www.mekshat.com/vb/member.php?u=38654) http://www.mekshat.com/vb/images/statusicon/user_offline.gif

المقاس ( 16 ) جنط تجاري 100% بدون لمعة.

أصلاً الأصلي مايجي إلا جنط (17) و (2004و2005 جنوطه لها لمعة)(2003بدون لمعة).
بعدين للمعلومي الباث (SE) جميع جنوط الكروم مقاس (17) والحمراني مايبيع إلا مقاس (17) للجنوط الكروم فقط مايبيع (16كروم).
وللسياحي جنط حديد مقاس (16) يغيرونه أغلب الشباب من الغرابي نفس المقاس(16) كروم تجاري بدون لمعة.
مما يسبب رجه في أغلب الأحيان إلا ماندر وأعرف كثيرين يشتكون من الرجة بالتجاري.

وشكراً

[السرب]

الله يستر علينا منهم والله ما فيه امان بها لوكلات

[عاشق شاص؟؟؟]

مـــــشكـــــــــوررررر عى المعلومه.......................................... ................................

[عاشق الكنود_]

معقوله 17 مايجي تجاري؟؟؟؟؟؟؟؟؟؟؟؟ظ
؟؟؟؟

[الرهدن]

الله حسيبهم هاالوكالات
ياجماعة لاتغير أي قطعة شد بلد إلا بعد أن تتأكد 100 %
لأن القطع اللي يبيعها الوكيل تستهلك بسرعة ويصنع غالبها في غير الوكالة
وأنا والله مجرب هذا



0

[أبو أديب التميمي]

هذا يدل على طيب حماية المستهلك

اشتروا من الخليج وبس , عندنا قاموا يسممون حتى الإبل في الأعلاف

[Ry905]

المشكلة في وزارة التجارة وحماية المستهلك.

[ابوقاسم]

الجنوط مقاس 16 كانت تجي على الموديلات 98 -99-2000-2001-2002
وهي اصليات
والمشكلة مع الغش مالها حل الا المقاطعة

[alkongrs]

الغشش عيني عنك وحتى الاشياء الاخليه لسياره تجاري جبت نور من الوكاله حق الطبلون قالي اصلي رحت لمحل ثاني قالي تجاري الاصاي يجي لون الكرسي اسود وهذا لون الكرسي اخضر تجاري وديته كمين محل قالولي تجاري رجعت وغيرته وخت اصلي امانه وذمه راحت من الوكالات

[ابوياسر]

السلام عليكم
بالنسبة للبازعى هل السيارات الجيوب عندة يابانى وارد البريمى حسب مايقولة
والصيانة عندة ممتازةلان اغلب الناس يمدحون البازعى صيانة الجيوب واسعارهم مناسبة
وقطع الغيار اصلية ارجوا افادتى
وشكرا
ابوياسر

[ابو ريما ss]

والله مشكله ماعاد فيه ثقه هاليوم
حتى الوكاله صارت تغش