أخوكم من الكويت يبي فزعتكم ولا تبخلون علي

[ركاب]

أبي أسعار الجيب سفاري2008 في الوكالة بجمبع أنواعه الي هو سوبر سفاري والدرجة الثانيه والثالثه
في السعودية الريال السعودي
ولكم جزيل الشكر

[Black VTC]

تبي سعر الوكالة (جديد) ؟؟!!..

[ركاب]

أسف أخوي معلش نسيت أكتب الموديل هو 2008 من الوكاله

[Black VTC]

ابشر اخوي ركاب ما طلبت شي ..بكرا ان شاء الله اروح للوكالة واسأل عن الاسعار ان كانت نزلت اسعار 2008 ..

[ركاب]

مشكور أخوي وماقصرت وهذا العشم فيك وفي الاخوان

[ق ب م 632]

والله يااخوك اني من سدير وسدير مابها وكاله للنيسان والا كان سألتهم لك



عسى الشباب يجيبون لك العلم




والعذر والسموحه منك

[ركاب]

مشكور وماقصرت وكافي مشاركتك والشباب مو قصرين وفيهم البركه

[Black VTC]

اخوي ركاب السلام عليكم ورحمة الله وبركاته ... ولانك كويتي (ازرق )وانا هلالي (ازرق) ساكتب لك باللون المفضل لدي ولديك :D



اقدم لك اسفي واعتذاري على تأخري في تقديم لك الاسعار بسبب مشغال الحياة كفانا الله واياكم شرها و اعطانا خيرها ... الاسعار هي كالتالي :-

1 :- السوبر سفاري .. يجي 3 درجات الافضل سوبرسفاري3 ثم سوبرسفاري2 ثم سوبرسفاري1

بالنسبة لموديل 2008 :-

اولا ً : السوبر سفاري 3 : لم تصل السيارة ولم تصل اسعارها للوكيل ؟؟!!..

ثانياً : السوبر سفاري 2 : 168600 ريال سعودي (قير تبترونك ).

ثالثاً : السوبر سفاري 1 : لم تصل الاسعار ولم تصل السيارة للوكيل ؟؟!!.

ــــــــــــــــ

2:- السفاري .. يجي 2 درجة الافضل طبعا ً سفاري2 ثم سفاري1 .

بالنسبة للاسعار كالتالي :-

اولاً : سفاري 2 : 141400 ريال سعودي (قير تبترونك )

ثانياً : سفاري 1 : 131000 ريال سعودي (قير تبترونك )

ـــــــــــــــ

3 :- فئة الـــ GL V طبعا ً هذا مواصفات سياحية و زين لاهل البر و ماكينة 4800vtc بس للاسف الوكيل نزله حتى موديل 2004 بالمسمى القديم (SGL) اما من موديل 2005 وطالع ما ينزله هو اللي يجي رفارف سوداء اللون ..



**ملاحظة :- سويت شوية اكشن في صالة نيسان و عطيتهم الحامي و قلت هالحين وشلون الواحد يضبط ميزانيته لعام 2008 وهو ما يعرف اسعار سيارتكم :eek: طبعا ً مسوي اقتصادي و حمش :p فمسكني واحد من اللي في الصالة - موظف عندهم - وقال لي شف الله يسلمك بالنسبة للسوبر سفاري حنا عطينك رقم 2 و ان بغيت رقم 3 زود ما يقارب 10 الاف ريال الى 8 الاف وان بغيت سوبر سفاري 1 نقص من 8 الاف الى عشرة الاف ؟؟!!..

طبعاً بيكون الاسعار تقريباً 180000 للفئة سوبر سفاري 3 و 157000 للفئة سوبر سفاري 1 ..


تحياتي وتقديري لك ..

[أبو ياسر]

الله يجزاك خير اخوي blac vtc على هالمعلومات الجميلة

بس عندي إستفسار بخصوص السياحي

انت تقول ن اهل البر يفضلون السياحي ممكن تذكر السبب

[مـدحـدر]

الاخ بلاك فتك حط اسعار وكاله الحمراني بالرياض

و لا قصر والله يرزقه بسوبر سفاري 3 2008م

بالنسبه لوكيل المنطقه الشرقيه ( الجبر )

وكاله الجبر بحفرالباطن


ارخص

سفاري 1 130 الف موديل 2008م

سفاري 2 140 الف موديل 2008م

واتمنى نفعنا اخونا اللي يسأل من الكويت

وسلامتكم

[Black VTC]

اخوي ابخص جزاك الله خير على دعوتك والله يرزقك بـــ vxr موديل 2008 رقم 3 الافضل ابو 259000 طبعاً تبيعة وتشتري سوبر سفاري 3 وتحط الباقي بالحساب :D ..

الله يجزاك خير و واضح الفرق بين اسعار الحمراني و اسعار الجبر و ان شاء الله اخوي ركاب وصلته المعلومات....





الله يجزاك خير اخوي blac vtc على هالمعلومات الجميلة

بس عندي إستفسار بخصوص السياحي

انت تقول ن اهل البر يفضلون السياحي ممكن تذكر السبب


اخوي ابوياسر الله يجزاك خير و يسلمك ... في الموديلات 2002 و 2003 و 2004 كان ينزل موديل sGL وهو نفس GL_v يجي سياحي بس ماكينته 4800vtc وراعي البر هذا غرضه موتر ما فيه اضافات كهربائية ( مكيف لمس اسطوانات سي دي مراتب جلد و كهربائية انوار زنون فتحة ...الخ ) تكثر خرباته و تضيع عزمه و تبلشه بمدارات هالامور في البر و الصيد .. راعي البر يبي موتر يطربه في البر وماله في الاضافات اللي مالها داعي ..

سألت موظف خدمات العملاء عن الصنف هذا وافاد بانه منقطع من عام 2004 لان السياحي الحالي يجي بماكينة صغيرة عادية 4500 ..

ابوياسر اي استفسار مستعدين ..

[أبو ياسر]

الله يبيض وجهك يا black vtc

انشهد انك ماقصرت يابعدي

والظاهر اني بفكر بالباترول بسببك

لا عدمناك ياخلفهم

[الربذي]

غريبه انا ساله عن اعلى مواصفات والفل من السوبر قالى 168
الف


والارمادا قال 158 الفل

[Black VTC]

غريبه انا ساله عن اعلى مواصفات والفل من السوبر قالى 168
الف


والارمادا قال 158 الفل


اخوي الربذي شكله عطاك سعر سوبر سفاري رقم (2) وترا رقم (3) غير متوفر بسهولة ( مراتب جلد ) هذا اللي يفرقه عن رقم( 2) ان لم اكن واهم وكلهن فتحات وانوار زنون و دفلوك بس الفرق المراتب ....