نسم كفراتك بدون معيار....؟

[jomran]

بسم الله الرحمن الرحيم


انشاء الله يعجبكم الموضوع ولو انه قديم الى الموضوع:

الطريقه هذي اعتقد ان فيه كثير يعرفونها ولكن للاعاده افاده

لنفرض انك غرزت وتبي تنسم موترك وتخاف انك تفقد هوا كثير ومامعك معيار هواء

وش الدبره

الحل هو انك تشيل الابره من البلف وراح يطلع الهواء بقوه اذا بدأ الهواء بأصدار صوت تصفير

قفل البلف بسرعه وركب الابره لان الضغط الحين صار (15) كرر العمليه على كل الكفرات

الطريقه مجربه واستخدمت في مسيره سيارات الهمر في الثمامه الشتاء الماضي

تحياتي لكم

[القناص نت]

جزاك الله خير

[ق ب م 632]

معلومات جديده بالنسبه لي لكن بلاك اذا فكيت الابره وعجزت تركبها مره ثانيه


هههههههههههههههههههه




لاهنت وبيض الله وجهك

[القناص نت]

جزاك الله خير

[Black VTC]

جزاك الله خير و طريقة فعالة ...

اخوي ق ب م 632 البلاء والله اذا ضاعت الابرة ... الله يعينك على ابرة الاستبنة ...

[محمد البازعي]

هلابك اخوي

كلامك صحيح ...لكن بعض الاحيان مايصفر

صارت اكثر من مره مع اخوياي كفر يصفر والكفر الثاني لا

دمت بود

[فتى احد]

السلام عليكم ورحمة الله وبركاته ...


أفضل طريقة لتنسيم الكفرات في النفود هي طريقة المخترع / فهد حسين الكويليت ، من مدينة حائل شمال المملكة العربية السعودية حيث من ضمن أفكاره العبقرية التي دائما يتحفنا بها في النفود وفي الرحلات الخلوية لنفود حائل وجبة منها مرة قاعدين ندور على طريق جبة بقالة فيها معيار هواء فكان هو معنا فجلس يضحك تدورون معيار وابو بسام معكم واخزياه أقول أمشوا بس خلونا نشوف طعس مظبوط وصلنا إلى كيلو 50 من حائل إلى جبة وصفطنا يمين وقال أنزلو كلكم ونزلنا قلنا وش السوات قال كل واحد يقعد عند كفر وينسم ويعد حتى رقم 71 وبكذا ينزل الهواء ويصير في الكفر 17 الهواء وركبنا وطلعنا الطعس بعد حوالي نصف ساعة جاء باقي الزقرت قلنا خلنا نشوف كم الهواء بالكفرات خذنا المعيار اللي معهم وقسنا مفاجاءة :no: غير متوقعة :confused: طلع الهواء بجميع الكفرات 17 بالضبط مع أن كل واحد مايدري كيف عد خويه بطىء مرة ولا اسرع شوي فسألنا ابو بسام قال هذه مسألة حسابية معقدة مالكم بالطويلة لو اقعد اشرح الى بكرة محد فهم فيكم لكن قال أحفظوا الطريقة وهاأنا ذا أعطيكم الطريقة آمل أن تستفيدوا منها .

[نمر 33]

الله يعطيك العافية على الطريقة الحلوة

[راعي حَرمه]

طريقة ولا اروع

[السارحي]

جرمان اشكرك على الطريقه لكن انا مع طريقة فتى احد هي الافضل

وبعدين انا من عمري ما استخدمت عيار الهواء انسم واضغط على الكفر باصبعي لين احس انه مناسب اوقف

وشكرا

[بواردي الدلم]

اقول مع احترامي لطرق التنسيم خاصه الرياضيه منها واللي تنسب لعبقري حائل

ياخي لو كل واحد عد الى واحد وسبعين والكفرات مختلف عيارها من البدايه يعني واحد 40 والثاني 35 والاخر 30 وبدو في التنسيم سوى مستحيل يطلعون بنتيجه 17 خلو الخرابيط عنكم مافيه مثل عيار الهواء تراه بعشره

انا اقترح عليكم عدم تسميه هذه الامور عبقريه او اختراع سموها علوم عربيه دفينه

[ميهاف]

طريقة سهلة وسريعة الله يجزاك خير

[jomran]

شكراعلى الردود و الله يعطيكم الف عافيه .وبعدين اخوي السارحي انا اسمي جمران وليس جرمان .




مع تحيات jomran

[القبقب]

أنا عندي الاطارات لاتصدر صوت عندما كانت جديدة والان بعد مرور
أكثر من سنة أصبحت تصدر الصوت وعندما أسمع الصوت أركب الابرة وبعدين أستخدم عيار الهواء
وأخلى جميع الاطارات على 18 أذا الطريق مافيه طعوس كبيرة وربضات وسبخة أما أذا الطريق
فيه طعوس كبيرة وربضات اوسبخة أنسم لين 15 ولازم جميع الاطارات تكون على ضغط هواء
متساوى وهذا شىء مهم لانه يحافظ على الاطارات من التاكل ويعطي ثبات أكثر للسيارة
بالنسبة للعد لين رقم سبعين ما اعتقد ينفع لانه عندما توصل للرقم سبعين راح يكون ضغط الهواء صفر.

[مريقب العيفار]

اخوي جمران كلام جميل

كذلك انا الاحظ اني لما انسم بدون فك الابرة عند ضغظ معين يختلف صوت الهواء

لكني الصراحة ما حاولت اقيس الضغط اشوف عند كم

والطريقة اللي انت قلتها

لازم الواحد يكون حذر

مرة من المرات طارت الابرة مع الهواء

لكن ستر الله ولا راحت بعيد وسديت البلف بيدي وجبتها

الشي الثاني لا ينزل الهواء كثير ثم ما يكون معه ماطور بعدين يبلش

[رجل كريم]

هلابك اخوي

كلامك صحيح ...لكن بعض الاحيان مايصفر

صارت اكثر من مره مع اخوياي كفر يصفر والكفر الثاني لا

دمت بود


هذي الطريقة فعالة جدا وانا اسويها كثير بسيارتي لاواجهت رباضات قوية ..

في حال ماطلع صوت الصفير فراح تلاحظ ان صوت الهواء تغير فجأة .. في هذه الحالة ركب الابرة وبتلقى المقياس متساوي مع بقية الكفرات ان شاء الله ..

تحياتي ..

[السارحي]

شكراعلى الردود و الله يعطيكم الف عافيه .وبعدين اخوي السارحي انا اسمي جمران وليس جرمان .




مع تحيات jomran


السموحه يا اخي بس الاسم هذا دارج عندنا (( جرمان )) وغلطت فيه وعلق معي

لاهنت على التوضيح

[jomran]

شكرا على الردود والله يعطيكم الف عافيه على التفاعل .




مع تحيات jomran

[ابن طيبة]

طرقة ممتازه
شكر للجميع

[روثان]

مشكور أخوي ماقصرت الله يعطيك العافية

[.أبوعبدالرحمن]

الله يعطيك العافية


افكار رائعة