أفضـل كفـرات للجيـب .. الـكــــــزس ..

[جنتلـ]

السلام عليكم ورحمة الله وبركاته





مساكم الله بالخير اخواني




والله من زمان عن المنتدى .. ومشتاقين للوجيه السفرهـ




لكن ما اطول عليكم يالغالين



انا عندي جيب لكزس .. وحبيت اغير الكفرات .. ؟

لكن ما ادري وش افضل نوع .. اذا كنت انا راعي بر وراعي خط ؟؟

هل اركب دانلوب نفس حقات الوكالة ؟؟ ام تنصحون بغيرهم ؟؟

وهل تشوفون ان مقاس كفرات الوكالة حلو .. ولا ممكن اخذ اعرض ؟؟


انا سمعت عن المشيلان لكن قالوا انه عيبه ينفسخ اذا تنسم الكفر دايم .. وانا دايم الكفر على 25 شتاء او صيف .. لكن احس ان الدنلوب قاسي وصوته قوي !! ولا ادري عن اليوكهاما او الهانكوك .. افضل من الدنلوب او لا ؟؟


وياليت يالغالين تفيدوني باسرع وقت .. جزاكم الله خير .. بنتظاركم

[مسايف الطعس]

وعليكم السلام
هلا أخوي

ركب الدنلوب لأنها الأفضل كعملية وتحمل

وفي الرمال ممتازة

ومقاس الوكالة أفضل شي وما أعتقد فيه أعرض

وسعرها تقريبا480 للكفر الواحد مقاس17



تحياتي

[جرير]

وعليكم السلام ورحمة الله وبركاته
الله يبارك لك بجيبك
انا مجرب كفرات دنلوب الياباني الاصلي لا يعلي عليها تعيش لو تبي سنتين اذا مانت حار علي السياره
وترا ماجربت غيرها ..

[الهدد...؟]

وعليكم السلام
هلا أخوي

ركب الدنلوب لأنها الأفضل كعملية وتحمل

وفي الرمال ممتازة

ومقاس الوكالة أفضل شي وما أعتقد فيه أعرض

وسعرها تقريبا480 للكفر الواحد مقاس17



تحياتي


انا مع كلام اخوي مسايف

[أبو حـــمد]

ركب الدنلوب اللي مثل حفت الوكالة ::
و أحرص على ان تكون صناعتها جديدة !!

[سرابوه]

شوف اخوي اذا تبي نصيحه من اخوك ركب دنلوب 17 نفس حقت الوكاله
افضل كفرات للخطووط والرمال صراحه الولد معاه جيب لكزس وهو حق خطوط ما يحب يسافر بالطياره
وتشوف معاه زي الحلاوهـ واذا انتهت صلاحيتها على طول غيرها بنفسها جدد
وانا موتري هدد 2007 مركب عليه جنوط 17 وكفراات دنلوب وصراحه بالخطوووط ما احلى منها
وحلوه باللفات القويه صراحه كفرات لا يلعى عليهـــآ

[الدحبول]

ميشلان لا يعلى عليه 100% بس سعره غالي أذا عندك ركب وتوكل على الله
كانت مركب ميشلان 265 بس إنصحك ب 275
أخلي هواء 30 في الشتاء والصيف لاني كانت أطلع البر بكثر
يليه الدنلوب 275 ممتاز جدا يتحمل
يليه البرجستون

لاتبعد عنه
تحياتي

[.أبوعبدالرحمن]

وانا اخوك خذها مني


لاتبعد عن الدنلوب الصراحة قوي جدا ويتحمل وانتبه من الخليجي


لان فيه دنلوب خليجي مجدد

وفيه دنلوب ياباني اصلي

وشوري عليك خذ الكفرات من الوكالة نفسها اللي هي ( بن زقر )

[جنتلـ]

وعليكم السلام
هلا أخوي

ركب الدنلوب لأنها الأفضل كعملية وتحمل

وفي الرمال ممتازة

ومقاس الوكالة أفضل شي وما أعتقد فيه أعرض

وسعرها تقريبا480 للكفر الواحد مقاس17



تحياتي


يعطيك العافيه اخوي مسايف

اجل رايك كذا ؟

[جنتلـ]

وعليكم السلام ورحمة الله وبركاته
الله يبارك لك بجيبك
انا مجرب كفرات دنلوب الياباني الاصلي لا يعلي عليها تعيش لو تبي سنتين اذا مانت حار علي السياره
وترا ماجربت غيرها ..




يسلمو يالغلا


لكن الاصلي كيف اعرفه ؟؟

[جنتلـ]

انا مع كلام اخوي مسايف



كلامكم .. عسل ..


يعطيكم العافيه

[جنتلـ]

ركب الدنلوب اللي مثل حفت الوكالة ::
و أحرص على ان تكون صناعتها جديدة !!



جزاك الله خير


وشكلي بركب الدنلوب


رايكم وهدايه الله

[جنتلـ]

شوف اخوي اذا تبي نصيحه من اخوك ركب دنلوب 17 نفس حقت الوكاله
افضل كفرات للخطووط والرمال صراحه الولد معاه جيب لكزس وهو حق خطوط ما يحب يسافر بالطياره
وتشوف معاه زي الحلاوهـ واذا انتهت صلاحيتها على طول غيرها بنفسها جدد
وانا موتري هدد 2007 مركب عليه جنوط 17 وكفراات دنلوب وصراحه بالخطوووط ما احلى منها
وحلوه باللفات القويه صراحه كفرات لا يلعى عليهـــآ



والله .. معلومة حلوة


والدنلوب جميل .. لكن قلت يمكن فيه افضل

[جنتلـ]

ميشلان لا يعلى عليه 100% بس سعره غالي أذا عندك ركب وتوكل على الله
كانت مركب ميشلان 265 بس إنصحك ب 275
أخلي هواء 30 في الشتاء والصيف لاني كانت أطلع البر بكثر
يليه الدنلوب 275 ممتاز جدا يتحمل
يليه البرجستون

لاتبعد عنه
تحياتي



مرحبا اخوي الدحبول


لكن مشيلان .. سمعت انه مايصلح يكون الهواء فيه نازل دايم .؟؟ لانه احتمال ينفسخ


وهل مريح بالديره ؟ وصوته خفيف ؟

ياليت تفيدنا نت خلال تجربتك


وشكرا لك ..

[جنتلـ]

وانا اخوك خذها مني


لاتبعد عن الدنلوب الصراحة قوي جدا ويتحمل وانتبه من الخليجي


لان فيه دنلوب خليجي مجدد

وفيه دنلوب ياباني اصلي

وشوري عليك خذ الكفرات من الوكالة نفسها اللي هي ( بن زقر )



يعطيك العافية ابو عبدالرحمن

لكن هل وكالة تويوتا تبيع الكفر الاصلي ؟؟ وهل سعرها زين ؟؟ ووين الاقي وكاله بن زقر بالقصيم ؟؟

[جنتلـ]

اذا وكالة تويوتا .. عندها الكفرات .. وتاريخ جديد .. باخذ منهم

اتوقع احسن من بعض المحلات .. لان ماتضمن مصداقيتهم ؟؟

[جنتلـ]

؟ وش رايكم الوكالة افضل ؟

ولا من محل

[جنتلـ]

مارديتوا ؟

[النمر الأحمر]

السلام على الجميع ورحمة الله وبركاته
افضل كفرات ومن خلال تجربه خاصه دنلوب 275 /17
تتحمل وتتمتع بثبات في أوقات الأمطار والزلق.

[جنتلـ]

يعطيك العافية اخوي النمر

والله كثير من الشباب يمدحونه


لكن انا قلت ايهم افضل اشتريها من وكالة تويوتا ؟؟ او وكالة بن زقر ؟


وياليت تذطرون وين احصل الوكيل بن زقر بالرياض او القصيم ؟؟ ولكم الشكر

[.أبوعبدالرحمن]

الله يمسيك بالخير


اخوي خذ من بن زقر لانه هو الوكيل الوحيد للدنلوب


لكن مكانه والله ما اعلم وينه لكن لو تدق على 905 مايقصرون

[جنتلـ]

مشكور اخوي ابو عبدالرحمن


وهذا الي بيصير ان شاء الله

[جنتلـ]

الحمد لله .. تم شراء كفرات

من شركة دانلوب .. قيمة الكفر الواحد 480 ريال من محلات الغرابي بالرياض


وشكرا لكل من قدم نصيحة وابداء برايه ..


واي استفسار انا حاظر