للي يقول انا مخي شغال

[ملك البلوت]

سلام عليكم ورحمة الله وبركاته

مساكم الله بالخير جميعاً

كيف حالكم ان شاء الله بخير

الصراحه بخش بالموضوغ دغري

انا عندي البجيرو الله يستر عليه ودي اركب عليه تانكي ماء الصراحه مالقيت الا الي خلف المرتبه وانا مابيه لان الموتر ربع وانا اذا طلعت يعني ماخلي مكان احمل ولاكن ان الماء عقدني جراكل تشيل محل كبير وانا محتاج المحلات الي داخل الموتر وابيكم تفكرون معي وين القى له محل

وتقبلوا تحياتي

اخوكم ملك البلوت

[هدد ؟؟؟]

أخي ملك البلوت .. مع تحفظي على لفظ : البلوت - أعزك الله بطاعته .
رح لورشة المواهب وادخل على راعي الورشة تراه فاهم وبيعلمك أحسن وأنسب مكان ..
دمت بود ..

[عاشق السيل]

وعليكم السلام ورحمة الله وبركاته ،،

والله شكل البلوت ذابحك !!

وأنا مع أخوي هدد إما تروح للمواهب أو المميز وكلهم بالصناعية القديمة ،، هذا إذا كان مافيه مكان في أسفل السيارة حتى لو يشيل 50 لتر تراها تكفي ،،،


وتقبل مروري يالغالي .....





.

[جلمود الجبيرى]

ورا ماتفصل تانكى على مستوى الشنطه 10 سانتى وتحط العفش فوقه

[السارحي]

المواهب 100%100 رح لهم تراهم فاهمين

وعلمنا اذا سويت الخزان واذا ممكن صوره بعد انتهاءك منه حتى يستفيد الجميع

وشكرا

[أبومنصور]

ما شاء الله
الشباب ما قصرو
الله يوفقك اخوي

[ملك البلوت]

الله يجزاكم خير على تفاعلكم معي وانا ابي محل اورش ذي وينهي بالرياض بالقصيم وهل يوجد لها فروع
وبالنسبه لو ركبته اشروا بالصور والتركيب والتفصيل الممل

وبالنسبه اخوي على الاسم المستعار هذا المعرف الوحيد الي اعرفه في عالم النت كله من منتديات وغيرها وان شاء الله مافيه شي المعرف

ولكم مني ارق واعذب تحيه

[عاشق السيل]

المواهب والمميز بالصناعية القديمة بالرياض ،،

وفيه ورشة اليحيى بحي السلام بالرياض يفصل توانك الومنيوم ممتازة جدا وبالطريقة اللي تبيها ،،،




.

[لبيد بن ربيعة]

أوافق أخي جلمود على اقتراحه الجميل