يــــــــــــــــا أهل البليزرات + صوره

[مزاااجي300]

السلام عليكم

حبيت اسألكم سؤال فني

عندي بليزر 88 اذا شبكت الدبل الخفيف او الثقيل وتحركت قدام او ورى والدركسون على اليمين او اليسار اسمع صوت

طقطقه طق طق قي الكرونه الخلفيه تقريباً ( حسب كلام الفني )


اما بدون دبل فالوضع طبيعي جداَ

قالوا لي ان عندك اختلاف في الكرونات الخلفيه والاماميه فيه واحده اسرع من الثانيه

ما ادري هل كلامهم صحيح ام لالا

ابصراحه احترت

وياليت احد يدلني على ورشه متخصصه في البليزرات بالرياض

الف شكر اخوي

شبيه القمرهذا
http://4wheeldrive.about.com/library/uc/ucgraphics/jeffgThumb.jpg

[عاشق السيل]

وعليكم السلام ورحمة الله وبركاته ،،

أنا أبصم بالعشرة إن المشكلة عندك بالعكوس الأمامية !!

لو كانت بالكرونة الخلفية كان طلع الصوت حتى لو ماشغلت الدبل ،، أو على الأقل يطلع الصوت بدون ماتلف يمين أو يسار إذا كان على قولتهم فيه إختلاف بين تروس الكرونة الأمامية مع الخلفية !!!

لكن انتظر غيري بيفيدك أكثر وأنت لاتاخذ راي ميكانيكي واحد ،، وتقبل مروري يالغالي ....



.

[السارحي]

زي ما قال عاشق السيل

مالها شغل الكرونه الخلفيه بالصوت اللي تقوله لانك تقول اذا الدركسون يمين اويسار يعني مشكلتك اغلب الظن انها العكوس الاماميه مثل ما قال عاشق السيل

وشكرا

[البعد البؤري]

عزيزي مزاجي

تاكد ان الكفرت الأمامية والخلفية نفس المقاس ونفس النوع

لأته أحيانا يوجد على الكفرات مختلفة الصنع خصوصا الكوري مكتوب نفس المقاس لكنه يختلف في الواقع

[ذرب المعاني]

نصيحه

لاتاخذ كل شوي مشوره وتروح تغير بالسياره ,,
شف فني مختص ورح له مباشره ..

اانا عندي 2005 واذا شبكت الدبل وكسرت اقصى اليمين او اليسار على اسفلت يطلع صوت الطقطق ومدري هالشي طبيعي ولا لا ,؟؟

[escape_man]

انت تقول الطقة بالخلف

شكل البليزر تماتيك 100%

اذا كانت الكرونات مختلفة فببساطة تكتشفها ... رح للنفود . سولك تعريزة بسيطة للاربع كفرات.. عشق الدبل وتشوف الدفرنس الامامي اسرع حفر من الخلفي او العكس ..

اذا الوضع سليم ... شيك على الصليبات يمكن فيها فضاوة ..

بعد كذا خل الميكانيكي يفك الدفرنس من القير ويحركه منشان يشيك الطقة من الكرونة او من القير .. احيانا تحتاج الكرونة ضبط وزن..او تغيير.

[تيتشر]

هلا مزاجي

انشالله بخير

ماشالله المملوح للحين معاك؟؟

طيب اظن عندك رقمي .. اتصل واسنعك

[ضحية صمت]

احساسي يقول انك طايح في مويه مدري ليه .....

لكن عموما مهيب بالكرونه اتوقع بالرمان صارت لي نفس المشكله حتى لا تغير الرمان القطعه كامله

خل الميكانيكي يركب لك رمان بس الرمان اما القطعه كامله ماله داعي تكلف نفسك وتغيرها ....

واذا تبي ورشه زينه واللي قايم عليها امين مررره فترى عندك ورشة جامعة الملك سعود تلاقيها

عند مدخل الجامعه من جهة بابها الشمالي الشرقي .....تلاقيها فوق فيها سوداني شرواك طيب وامين

ولا راح يكلفك ابد .....انا عميل عنده لي سنين وما اودي سيارتي الا عنده وزياده على كذا انك تنام من

وجع الدوران على قطع الغيار هو يقوم باللازم ....انت مرها وراح ترتاح معهم لأني اول مثلك من ورشه

لورشه ولا اطلع بفايده .....الين طحت على هالسوداني اللي اسمه فيصل الله يذكره بالخير ....

وترى ارجع واقول لك ترى المشكله عندك رمان ان شاء الله اني متأكد بنسبة تسعين بالميه

[SilverSniper]

أظن والله العالم ان المشكلة عندك في الصلبان أو الكارونه تبغى وزن..
فيه ورشة في المصيف على طريق الجامعة عند محطة التسهيلات اسمها التزويد.. متخصص بليزرات واسمه مقبل.. وان كنت حول سدير ورشتي موجوده.. وحياك الله..

[تيتشر]

8
8
8
وينها فيه رابطة ملاك البليزر