مشورتكم يالربع في ونش للهايلوكس دفرنس واحد ( على دعامة المميز )

[نوماس سدير]

السلام عليكم ورحمة الله وبركاته




حي الله هالوجيه السمحه



أنا شريت لي هايلوكس غمارة وبعد شهرين أو ثلاثة بإذن الله بطيره بالسماء ( أرفعه ) وبركب له دعامة اللمميز بإذن الله ... وبما أن الدفرنس واحد ما ينومن في القطوعات من طين ولا مرابض وغيرها فودي أركب لي ونش ... طبعاً ع الدعامة



السؤال .!؟



وش النوع الونش المناسب لهايلوكس غمارة دفرنس واحد .؟


وش أسم الشركة وشكله وكم طن أفضل .؟




أتمنى الإفادة من ذوي الخبرة






وسيع صدر

[أبوخطاب]

والله مالي علم لكن أنتبة لايصرق

[الدحبول]

ألف مبروك الله يعطيك خيره ويكفيك شره
انصحك ب 2 طن ماركة وران أمريكي ممتاز يمدحونه
تحصله عن السليماني

تحياتي لك

[نوماس سدير]

أبوخطاب


يا علك تسلم .. والله مشكلة هالسرق لكن لعلي القا له حل والله يكفيناهم بما يشاء

لا هنت يالقرم




ألف مبروك الله يعطيك خيره ويكفيك شره
انصحك ب 2 طن ماركة وران أمريكي ممتاز يمدحونه
تحصله عن السليماني

تحياتي لك



اللهم آمين

والله يجزاك خير


طيب حلو .. عندي سؤالين :

1- كم وزنه .؟ يعني هل هوم ثقيل مثل الونوش القدام ولالا .؟

2- كم سعره لو تقريبي .




لا هنت يالقرم




وسيع صدر

[راس الرعيلة]

سؤال خفيف:

الموتر من الشكل الجديد 6006
ولا اللي قبله؟؟

[نوماس سدير]

صحيح 2008 الله لا يهينك

[إعصار]

الله يسر لك ..

لكن والله العالم أنه ثقيل على الموتر ..

وانت اخبر وانا اخوك لو انه دفرنسين صح ..

لكن اذا جزمت لاتركب شي وزنه كبير ..


موفق ..:)

[shaheenshah]

اتوقع ما راح تستفيد منه لان موترك دفرنس واحد
ولكن ان كنت معزم يمدحون وارن
وعشان السرقه بعد ما تركبه لحم الصواميل حقت القاعد وحقت الونش

[الساهر2003]

اخوي ثقيل وزنه مع القاعدة 30 كيلو واكثر والهايلوكس كل الحمل في الوجه
ويوجد عند برق الحيا والبرية ونش غير ثابة طن ونص او 2 طن صيني حليو ب500 او 450 ريال
واهم منها بالون هواء لرفع مثل العفريته ممتازة الاصلية تغني عن الونش
والسلام

[مجتهد***]

الله يعطيك من خيره و يكفيك شره
أما من ناحيت التوع فعليك كما قال الأخوان بـ وارن الأمريكيت
و من ناحيت السرق ممكن تلحم البلوط أو تزين له حزام حديد و تلحمه عشان مايطلع من مكانه الا إذافكيت اللحام

[بارود برنو]

انشاء الله انك تتوفق بالطيب
لاكن الفكره رائعه جدااا
تحياتي

[قصيمي محترم]

هلا بالقرم

تسد سمعت من الشباب ان فيه ونش متنقل يعني يكون بشنطة خارجية يصلح للهايلكس بحيث انك تستطيع
تنشبه ورا أو قدام أو بأي مكان بس ما أعرف التفاصيل بالضبط لان الكلام قديم وماحطيت بالي
لعل الشباب يفيدوننا
على العموم موفق