حل للمخوش

[فلر]

اخواني اعضاء مكشات الاكارم
السلام عليكم ورحمة الله وبركاته"اول مره اكتب موضوع"
سيارتي حصل في البودي مخوش (خدوش)الله لا يبلاكم با البزر الي سببها واتحفض على اسمه:mad:

ابي حل الله يجزاكم خير لاتقولون مافيه الا التلميع لان المخش عميق :no2:
لاتبخلون علينا بالردود المفيده او اقل شي رفع معنوياتي لان هذا اول
موضوع لي في هذا المنتدى الطيب وسامحونا علىالاطاله لاني ابحلل القطه.

[فلر]

;) افا مهيب هي
ولا رد وش ها التحطيم "مجامله"

[رجل كريم]

وعليكم السلام ورحمة الله وبركاته:

انا نفس الشي عندي بوية السيارة ممخشة من البزران ومن سياكل الهنود يركنونها على البدي ..

الله المستعان .. ودي اساعدك لاكن الحال من بعضه ..

ان شاء الله يجونا هل العلم ونستفيد جميع ..

الصبر وانا اخوك .. وتقبل خالص تحياتي ..

[مجتهد***]

مرأقرب محل لتلميع السيارات تجد عندهم الحل و نشاء الله الدعوه سهله
لا تستعجل و تخمن مرهم وبيفيدونك و أن شاء الله ماتحتاج ألا تلميع وصنفرة خفيفة للبدي

[بنــي زيــد]

الله يعينك
والله ودي افيدك لاكن ما لي به علم

[مسير]

والله الحل تلميع ناعم قدر الامكان مع تلقيطات بويه اللي معه من الوكالة والله يعوضك اما غيره فا ترش الموتر وهذا مانصح به ابداً

[فلر]

جزاكم الل خير على هذا التفاعل
صراحه رديتوا لي الامل

طيب وش افضل محل تلميع تنصحوني به (في الرياض)
وهل اذا لمعت التلميع الخفيف يظبط مع العلم ان احد المخوش بمنشار حديد :(
يعني من العيار الثقيل :d بس من يدين طفل
هل يفيد معه التلميع

ويعطيكم العافيه جميعا على تجاوبكم

[سعد الاحمد]

اول شي الحمد لله انها جت على مخوش من الطفل اصلحه الله وزين انه ما كسر لك اصطب والا التمثال اللي على الكبوت وهذا الشي اللي يحبونه البزران مدري ليش ..

عموما بالنسبة للتلميع فيه محل يمدحه اكثر من واحد من الشباب واسم المحل ليزر على طريق خريص مخرج 13 وجهك شرق ... انا شفت شغله بصراحه تلميع راقي ... بس الله يعينك على السعر تراه غالي مرة واغلى من محلات التلميع الثانية ...

تقبل مروري ؛؛؛

[شاهد عيان]

فيه حل نظري لكن يحتاج إلى تجربة :
وهو إنك تجيب البوية اللي تجي مع السيارة وتدهن المخوش فيها ..
ثم إذا جفت البوية تقوم بعملية التلميع علشان زوائد البوية تروح ..
بالتوفيق ...

[Black VTC]

افففففففففف بمنشر ما شاء الله على هالصغير الله يصلحه :)

اخوي سعد الاحمد لو كسر البزر اسطب او قلع تمثال كان المسألة ابسط من المخش اللي بالمنشار لان الاسطب يغير وانتهت الحكاية و التمثال يربط اذا كان البزر قلعه وحلته جنب الموتر بس مخش منشار :( ما له حل ..