نبي طريقة مجربة تخلي الشاص مطبه الين شوي

[وقيان]

السلام عليكم

كلكم عارفين ان الشاص قاسي جدا في المطب ودايم يطامر... وطبعا قساوته اكيد مهمة لرواعي الحلال اللي يبون يحملون عليه... لكن اللي مايبي يحمل عليه.... هل هناك طريقة تخلي الشاص لين شوي... نبي طريقة مجربة وتذكر بالتفصيل عشان يستفيد الجميع....

انا ناوي اخذ شاص 2003 وودي اتأكد من هالشي قبل ما اشتري...
وهل مكينة الشاص و قوته تغيرت في موديل معين.. ولا كله واحد...

وشاكرين لكم.... والله الله فينا ياخبراء الشاص...

[السبت]

السلام عليكم اخوى انا مثلك عانيت من قساوت السيارة في المطبات وغيرت مساعدات وغيرت يايات وركبت وسويت ونسمت الكفرات المهم ما في شي الا سويتة وفي الاخير ما زبط شي معي المهم مالك في الطويلة اخر شي سويتة غيرت مقعد السواق وركبت مقعد مريح جدا وبعدها ما صرت احس باي مطب ودمتم اخوكم الصغير

[رجل كريم]

وعليكم السلام ورحمة الله وبركاته:

انصحك بثلاث :

1/ ركب كفرات بالون 8 غاط

2/ شيل واحدة من السست الامامية والخلفية ..

3/ غير المقاعد الى نوع آخر ..

وباذن الله بتصير السيارة اكثر راحة من الصالون ..

تقبل تحياتي ..

[وقيان]

اخوووواني مشكورين على ردودكم...

اخوي السبت وش نوع الاسيات اللي ركبت.. وكم كلفك تغييرهم...و اذا ممكن موديل الموتر اللي عندك ؟؟

[وقيان]

للررررفع.. بانتظار مزيد من الاراء

[sultan990s]

اخي الكريم والله الشاص مايستاهل ريال واحد يحط فيه بالله ايش فيه لامنظر حلو ولا راحه فيه وغير هذا كله سيارة ترمز للتخلف انصحك تبيعه لو بريال وفية كثير بديل غيره وافضل منه
ارجو تقبل وجهة نظري بصدر رحب

[sultan990s]

اخي الكريم والله الشاص مايستاهل ريال واحد يحط فيه بالله ايش فيه لامنظر حلو ولا راحه فيه وغير هذا كله سيارة ترمز للتخلف انصحك تبيعه لو بريال وفية كثير بديل غيره وافضل منه
ارجو تقبل وجهة نظري بصدر رحب

[وقيان]

اخي الكريم والله الشاص مايستاهل ريال واحد يحط فيه بالله ايش فيه لامنظر حلو ولا راحه فيه وغير هذا كله سيارة ترمز للتخلف انصحك تبيعه لو بريال وفية كثير بديل غيره وافضل منه
ارجو تقبل وجهة نظري بصدر رحب

الله يهديك بس.. وشلون ترمز للتخلف...التخلف بالتفكير ماهو بالسيارة اللي نركبها..

[متعب القويعي]

جاك العلم ياطالب العلم الحل هو: السست الخلفيات اسحب حبتين من السستة اذا أنت يهمك شكل الجيب ولاتيبة ينزل واجد,,,,,,وأذا أنت رجال ألزم ماعليك راحتك ،،،أسحب ثلاث سسة من كل حجم وحدة وراح يصير الشاص فورد((كراون فكتوريا))مجربها انا على موديل 99 وعلىموديل2000،،،،واللة يعطيك خير الجيب ويكفيك شرة،،،، ذكرتنا أيام العزوبية ايام أبو شنب ،،،ألحين تعيي علينا( المرة) نركب شاص

[لقاط الفقع]

اسحب من السست او الاهم السسته الصغيرة ( سسته التحميل )
حط بين كل سسته واخرى جلده مثل تيوب
ركب مساعدات جبريل دبل وخلها على مستوى الوسط

[االديحاني]

نزل من السست الخلفيه اربع ويصبح العدد 7 ريش وراح يكو جي اكس ار اسئل مجرب عشرة عمر مع الشيصان

[وقيان]

بارك الله فيكم جميعا.. والحقيقة ماقصرتوا.. و ان شاء الله نجرب ونشوف النتائج الطيبة..

[sultan990s]

اغلب من يستخدم هذه السيارات تفكيرهم متخلف وانت حشى ماانت منهم ان شاء الله

[ميهاف]

اسحب خمس سستات وركب لعاب مقاس 20 يلين ويصير مثل رفعة الوكالة وبس
((مثلي))

[وقيان]

بارك الله فيك اخوي ميهاف...