الفية000الجميع مدعوا للمشاركة000

[راعي مرات]

الأخوة الأعزاء00
ما رأيكــم في طرح مشاركة عبارة عن الفية000
الكل نرحب به للمشاركة000
با التأكيد أننا بحاجة ماسة للشعراء المتميزين لدعم المواهب الجديدة من الشعراء المبتدئين000
لامانع إذا كررت الأبيات من قبل أكثر من شاعر000
سنقوم بمشيئة الله بتنسيق القصيدة حتى تأخذ طابع واحد000وفي النهاية سيتم تنسيقها كألفية واحدة ويكتب أمام كل بيت قائله000وتسلمون
إخواني المنتدى والخيمة منكم وإليكـم الكل له حق دعوة من يرى من الشعراء00لمشاركتنا في الخيمة وفي هذه الألفية000وإذا كان من الذين ليس لديهم أنترنت فيقوم العضو ( مشكوراً) بنقل البيت وكتابته بأسم قائله00
ـــــــــــــــــ
مع رجائي الحار والأخوي أن يتكرم الأخوة الذين يرغبون في المشاركة ( من غير الشعراء) وهم غير متأكدين من سلامة الأبيات أن يعرضونها قبل ذلك على أحد معارفهم من الشعراء ليجيزها لهم00حرصاً على قوة الطرح000 **** ملاحظة مع المعذرة/ سيتم تعطيل التواقيع في المشاركات على لا نستهلك صفحات كثيرة يشعر المتصفح منها بالملل0000
ـــــــــــــ
هل توافقونني على حذف المشاركة إذا كانت الأبيات لا تحمل المبنى والمعنى المطلوب00000
وسلامتكـــــــــــــــم0000
ـــــــــــــــــــــــــــ
أسمحو لي بالبداية0000( ولو أنني أعرف أن هناك من هو أفضل وأحق مني 00فليعذرني الجميع)


الألف/


الفٍ إله الكون ربي يعيني= اللي إن بدينا به تراها تزيني
نبي معاني القول درٍ ثميني= والكل منكم له تحية (بمكشات)

[راعي مرات]

حرف البا

والبا بدينا مانبي هرج جهال= ولا نبي لايم ولا شوف عذال
نبي سوالفنا توثق وتنقال= ربي يحرس الكل رب السموات

[راعي الطويلة]

مشرفنا الغالي0000راعي مرات 0000تسلم والله على هالفكرة الطيبة ...
وأستلم يالأجودي

حرف التاء



التاء تراحيب المطر من مزونه= بالقاف واللي ياعرب ينظمونه
في منتدى مكشات زانت ركونه=قلــــطت به مرة وعودت مرات



راعي الطويلة

[راعي الطويلة]

والثاء ثمر قلبي وغاية مرادي =الجيب والبــندق وطير الحمــادي
أشقر وحش يا مَزّيَنه بالهدادي=الخرّب عقبه ما يشوف المسرات


عاد الله الله يا راعي مرات يالغالي بالتنسيق ...:D


راعي الطويلة

[ميراج]

حرف الجيم



الجيم جينا فى خيام الصقاره=اللى على ماقيل فن وشطاره
هوايتى لو كان فيها خساره=كله لعين اللى تزهل بمكشات




حرف الحاء



الحا حوى مكشات بعض الرجالى=من كل ديره يوم حل المجالى
إهوايت(ن) وحده وهى شف بالى=البر والمقناص روحه وجيات

[ميراج]

صح لسانك ياراعى الطويله


حرف الخاء



الخا خويى فاالخلا فرخ شامى=فأول نبات مبكرات الوسامى
خطوا اشقر دايم اكفوفه دوامى= وللريش من مضراب كفه علامات

[ابن شارخ]

تسلم يالقرم على هالفكره الجميله

خلوها


حرف السين



السين سال السيل من عقب الامطار= وحول على الريضان مع كل معبار
واهل الابل تاتيه من كل الاقطار= امن الكويت ومن قطر والامارات



حرف الش


الشين شدوا من ورى العاذرية= يازين شوف البل وقت ضحوية
وفنجالٍ اشقر عقب وقت العشية= ما قدّمه رجلٍ يعد الريالات


تحياتي لكم
اخوكم
ابن شارخ

[راعي الطويلة]

الأخوة

ميراج
أبو عايد
شقران
أبن شارخ
صح لسانكم جميع عزالله أنكم ماقصرتوا ..
وترون صاحب الفكرة مشرفنا الغالي (((راعي مرات))) جابها يوم الله عانه وعساه دايم سالم وغانم ... كفاية أنه دوم يتحفنا بأمور قيمة وجديدة ..

ونتمنى نشوف أسماء جديدة ومشاركات جديدة ..

أخوكم

راعي الطويلة

[comnet007]

السلام .. عليكم0000الأخ .. راعي مرات
هاذي .. مشاركتي .. اتمنى انها تكون ضمن الشروط الموضوعه .. ومن وجهة نظري .. فيه كم بيت
لبعض المشاركين .. تختلف من ناحية الوزن .. بدون ذكر الأسم .. والشاعر عارف .. والعارف مايعرف .
واللي .. يبي تأكد .. يلحن الأبيات .. واعذروني .. على الصراحه .


حرف الصاد



والصاد صّرامً صرم دار صدام = يسقى عليها يوم انا جيتها العام
شرق البصيه بأشقر الريش لطام = صدنا بها زرق النحور الخريشات



حرف الضاد



والضاد ضوي بين ذيك المساييل = شبيتها وادنيت منها المعاميل
بدلال رسلان وزنّا بها الهيل = كيفٍ يسوى للوجيه الطويلات




حرف الطاء



والطاء طرالي عقب ذالكيف طاري = والطير فرعته وشاف الحباري
اقفت مع الوادي تجوب الخضاري = واقفى مطلبها يقعقع له اصوات




حرف الظاء




والظاء ظلمته يوم هدي فواتي = وقتي محل عصير عقب الصلاتي
واخفيت انا لطام يرقى اسمواتي = خل القريب ومطلبً للبعيدات







حرف العين



والعاء على مخفاه شغلت مرشال= والصوت من طيبه سمعناه بالحال
خمسة عشر كيلو بها الصوت فعّال = انا اشهد انها نعمةً ذالجهازات





حرف الغين



والغين غربلني على دورتي له= من بين وديانً كستها الجليله
متفرش صيده ومبري غليله= فرحي على شوفه وانا اغليه بالذات



نأسف على الأيطاله .. واخذ كثير من الأحرف ..


وتحيتي .. والسلام

[راعي الطويلة]

بصراحة ما قدرت أصبر علومكم تسر البال ...... وبعض الأبيات خلتني أتهيض .. مشرفنا الغالي
راعي مرات
واحد من الربع الله يجزاه خير علمني أنسق شوي ولكن ما عرفت زين .. تراي ما أستغني ...الله يحفظك


الفاء



الفاء فلاني حاسباً للمخاسير=معوضه من عند رب التياسير
ما دمني حي وعلى رجلي أسير=بادور المقناص روحه وجيات




القاف



والقاف قم يا مسندي سوء فنجال=وعده على اللي شوفته تطرب البال
رجال يسوى له ثمانين رجال=ملجاك لا ضاقت عليك الوسيعات




راعي الطويلة

[سامر]

حرف الكاف



والكاف كل في هوى البر هاوي=لاشاف هطال يجيب الشواوي
في ساعه كل يدور مخاوي=البر ماينفع بليا مخاوات

[سامر]

حرف اللام



واللام لاموني على حب لينه=وحب الفياض اللي شمال المدينه
يوم القميري فى الشعاب الطمينه=يّوْ اَ سفابه من زمان لنا فات

[راعي الأوله]

ماشاء الله عليكم تسجيل اعجاب فقط بالفكره وبالتفعال الرائع من الشعراء ...

تقبلوا تحياتي..:)

[أيمن]

رائع رائع رائع
سلمت يمينكم جميعا

[comnet007]

السلام ..عليكم

راعي .. مرات ..

ابيك .. تعذرني .. انت .. والأخوه المشاركين ..

كني .. بعد اذنكم باخذ .. الباقي .. من الأحرف ..


حرف الميم ..


والميم مروبي على دار الأجواد = باقي مثايلهم على روس الأشهاد
راحوا ولامنهم بقى غير الأحفاد = ماتوا وحّنا بعدهم كلنا اموات




حرف النون



والنون نار الله خلقها عذابه = والجنة الفردوس دار الصحابه
ماغيرك الله واحداً يلتجابه = يالله ترحمنا وتمحا الخطيات



الهاء

والهاء هواء قلبي وغايت مراده = شوف الله الواحد تتم السعاده
خير من الله للخلايق زياده = في جنة عنده بها سبع جنات




حرف الواو



والواو ودي منزلً وسط علين = وانتم معي فيها سعادا وفرحين
اخير من دارً بها حدنا البين = دنياً بها شفنا الفتن كل الاوقات



حرف الياء

والياء يقول اللي بدى القول ينهيه = خله ينضم قولنا في مبانيه
يسلم ويسلم من عطانا ونعطيه = مرات راعيها وهوشيخ مرات



واعذروني ..

والسلام .. ختام

[ابو عمر اللاحم]

صح لسان الجميع الحقيقة بناء جماعي جميل وممتع .

والله يعطيك العافية يا شاعرنا الكبير ومشرفنا راعي مرات على جهودك الموفقه بارك الله فيك.

وللجميع فائق احترامي وتقديري،،،

[شاص]

:good: :good: :good: :good: :good:
صحت ألسنتكم جميعاً ولا فضت أفواهكم ... تفاعل رائع جداً من الأعضاء والمشرفين على رأسهم مشرف الخيمة المتألق راعي مرات

[الرحّال]

الاخ العزيز راعي مرات

شكرا على جهودك الطيب المثمر

وشكرا للذين تفاعلو مع الفكره الرائعه
ا لــلــه يـعـطـيـكـم ا لـعـا فـيـه


وتقبلو تحياتي

[راعي مرات]

الأخوة الأعزاء000شكراً للجميع000

وأخص بالشكر000الأخوة الذين ساهمو في كتابة الأبيات000
لهم منا ومنكــم خالص الشكر والتقدير000

نحن الآن بصدد تنسيقها00وكتابة كل حرف00والمشاركات فيه 00وأسم من شارك00

وقد تركنا المجال للجميع000وما زالت المشاركات مفتوحة حتى يتم تنسيقها خلال اليومين القادمة0000

تسلمون00وللجميع خالص شكرنا وتقديرنا على تفاعلهم000

[ميراج]

الاخ راعى مرات حرف الدال وحرف الذال لم تدرج حتى الان



الدال دله يحمس البن فنان=من عقب ماصدنا الحبارى مسيان
فنجالها يغدىضرم كل ضرمان=فى خايع(ن)مادوجو فيه خمات

الذال ذود(ن) من خيار المغاتير=يبرى فحلها للبكار المياسير
يازينها لقادت الصبح وعصير=والله ما أغبط اللى يكيل الجنيهات

[رحــــــــال]

فكرة جديدة تستحق الإشادة
................................. حيث إن فيها من كثير الإفادة
ولو كل من شارك بها دون إعادة
................................ كان يتحقق للجميع المجارات



............... وسلامتكم

[مدور الكايد]

صح السنتكم جميعاً


اخوي رحال
صح لسانك على الابيات الحلو
واللي تحمل بداخلها اقتراح جميل
ياليت الاخوان يلتزمون فيه
لانه يتيح للجميع المشاركه

[ريف النشاما]

بصراحه روووووووووووووووووعه منك يا راعي مرات

تحيه لك وكل ألأخوان المشاركين

وتحيه خاصه لراع الطويله

[المهند]

صح السنت الجميع وبيض الله وجيهكم جميع ولاهنتوا


وانا لي مدّه مسجل بهالمنتدى العامر لاكن حالت الأنشغالات دون التواصل والله يجمعنا معاكم على طاعة الله


وبخصوص الالفيه انا اوافق اخوى الرحال بخصوص اتاحت الفرصه للجميع
وانشالله الجايات اكثر


والله يعطيكم العافيه


تقبلوا تحياتي واحترامي

[عبدالستار]

خيـــانه

السلام عليكم ورحمه الله وبركاته

هههههههههههه العنوان مشكلجي شوي

اولا صح لسانكم جميعا وفعلا فكره راااااااااائعه وتفاعل ماشاء الله

بس والله كان ودي اشارك واحصل على شرف اكمل ولو حرف واحد لكن ماحصل

بس يالله يمكن خيره

بس فعلا ماشاء الله

وصح لسان الجميع

[محاذر]

الدا دعيت الله يغفر ذنوبي
ويروف في حالي ويستر عيوبي
حيثه كريم ويقبل اللي يتوبي
يالله طلبتك تغفر اللي لنا فات

[ابو عايد]

لا هنت يا أبا عبدالله



ألــــــــــــــــــــــــــــــــــــــف شكر لكل من شارك في هذه الألفيه

وتقبل تحياتي // العاشق الولهان

[ابو عايد]

(( ا لألـفـيــه الأولـــــــــــــى ))

الفٍ إله الكون ربي يعيني= اللي إن بدينا به تراها تزيني
نبي معاني القول درٍ ثميني= والكل منكم له تحية (بمكشات)
والبا بدينا مانبي هرج جهال= ولا نبي لايم ولا شوف عذال
نبي سوالفنا توثق وتنقال= ربي يحرس الكل رب السموات
{ راعي مرات }



التاء تراحيب المطر من مزونه=بالقاف واللي ياعرب ينظمونه
في منتدى مكشات زانت ركونه=قلــــطت به مرة وعودت مرات
والثاء ثمر قلبي وغاية مرادي =الجيب والبــندق وطير الحمــادي
أشقر وحش يا مَزّيَنه بالهدادي=الخرّب عقبه ما يشوف المسرات
{ راعي الطويلة}



الجيم جينا فى خيام الصقاره=اللى على ماقيل فن وشطاره
هوايتى لو كان فيها خساره=كله لعين اللى تزهل بمكشات
الحا حوى مكشات بعض الرجالى=من كل ديره يوم حل المجالى
إهوايت(ن) وحده وهى شف بالى=البر والمقناص روحه وجيات
الخا خويى فاالخلا فرخ شامى=فأول نبات مبكرات الوسامى
خطوا اشقر دايم اكفوفه دوامى= وللريش من مضراب كفه علامات
{ ميراج }

السين سال السيل من عقب الامطار= وحول على الريضان مع كل معبار
واهل الابل تاتيه من كل الاقطار= امن الكويت ومن قطر والامارات
الشين شدوا من ورى العاذرية= يازين شوف البل وقت ضحوية
وفنجالٍ اشقر عقب وقت العشية= ما قدّمه رجلٍ يعد الريالات
{ ابن شارخ }



والصاد صّرامً صرم دار صدام = يسقى عليها يوم انا جيتها العام
شرق البصيه بأشقر الريش لطام = صدنا بها زرق النحور الخريشات
والضاد ضوي بين ذيك المساييل = شبيتها وادنيت منها المعاميل
بدلال رسلان وزنّا بها الهيل = كيفٍ يسوى للوجيه الطويلات
والطاء طرالي عقب ذالكيف طاري = والطير فرعته وشاف الحباري
اقفت مع الوادي تجوب الخضاري = واقفى مطلبها يقعقع له اصوات
والظاء ظلمته يوم هدي فواتي = وقتي محل عصير عقب الصلاتي
واخفيت انا لطام يرقى اسمواتي = خل القريب ومطلبً للبعيدات
والعاء على مخفاه شغلت مرشال= والصوت من طيبه سمعناه بالحال
خمسة عشر كيلو بها الصوت فعّال = انا اشهد انها نعمةً ذالجهازات
والغين غربلني على دورتي له= من بين وديانً كستها الجليله
متفرش صيده ومبري غليله= فرحي على شوفه وانا اغليه بالذات
{ comnet007 }



الفاء فلاني حاسباً للمخاسير=معوضه من عند رب التياسير
ما دمني حي وعلى رجلي أسير=بادور المقناص روحه وجيات
والقاف قم يا مسندي سوء فنجال=وعده على اللي شوفته تطرب البال
رجال يسوى له ثمانين رجال=ملجاك لا ضاقت عليك الوسيعات
{ راعي الطويلة}



والكاف كل في هوى البر هاوي=لاشاف هطال يجيب الشواوي
في ساعه كل يدور مخاوي=البر ماينفع بليا مخاوات
واللام لاموني على حب لينه=وحب الفياض اللي شمال المدينه
يوم القميري فى الشعاب الطمينه=يّوْ اَ سفابه من زمان لنا فات
{ سامر}

والميم مروبي على دار الأجواد = باقي مثايلهم على روس الأشهاد
راحوا ولامنهم بقى غير الأحفاد = ماتوا وحّنا بعدهم كلنا اموات
والنون نار الله خلقها عذابه = والجنة الفردوس دار الصحابه
ماغيرك الله واحداً يلتجابه = يالله ترحمنا وتمحا الخطيات
والهاء هواء قلبي وغايت مراده = شوف الله الواحد تتم السعاده
خير من الله للخلايق زياده = في جنة عنده بها سبع جنات
والواو ودي منزلً وسط علين = وانتم معي فيها سعادا وفرحين
اخير من دارً بها حدنا البين = دنياً بها شفنا الفتن كل الاوقات
والياء يقول اللي بدى القول ينهيه = خله ينضم قولنا في مبانيه
يسلم ويسلم من عطانا ونعطيه = مرات راعيها وهوشيخ مرات