موضوع يخص البليزر كل واحد عنده معلومه لايبخل علينا [الأرشيف]

مشاهدة النسخة كاملة : موضوع يخص البليزر كل واحد عنده معلومه لايبخل علينا

NissaN 1990

26/10/2007, 01:11 AM

السلام عليكم ورحمة الله وبركاته

يا أخوان عندي بعض الأسئله اللي تخص البليزر ونبي أهل العرف ما يبخلون علينا لأن أغلبنا يشوف هالسيارات ولا أحد يعرف عنها شي
1.وش الفرق بين الشفر وال G M C
2.أي النوعين أقوى وأحسن وما السبب
3.أحسن القير العادي أو التماتيك
4.بالنسبه اللمكاين والقيور والدفرنسات وش الأرقام الزينه والعمليه
5.وش المطلوب بشكل عام لهذه السياره عشان تكون جاهزه للبر وتتحمل.

المشاركه مطلوبه عشان الكل يعرف قيمة هذه السيارات وقوتها وأنا أول واحد ما أعرف عنها شي واللي محيرني زياده الفرق بين الشفر وال G M C

وشكراً لكم

سمو الصقر

27/10/2007, 02:18 AM

وعليكم السلام.....
بالنسبه للفرق بين الشفر والجمس اعتقد ماهناك فرق كبير لان المكينه والجير واحد بينما يكمن الفرق في الشكل الخارجي في العلامه والشبك الامامي وبعض الاجزاء الخارجيه....
والارقام التي تقول عنها اناسمعت عنها والكن ماعندي اي معلومه عنها...
هذي المعلومات اللي عندي وانا اضم صوتي لصوتك بان يوضحون الاعضاء الكرام هذه النقاط التي تستفسر عنها والكثير الكثير يريدمعرفة مميزات هذه السيارات الجباره التي كانت عند سواد أعظم من الناس في هذا الزمان شبه مجهوله ولذلك أهيب بكل من يعرف الكثير عن هذه السيارات وهم كثر في هذا المنتدى أن يتفاعلوا مع هذا الموضوع لأبراز الجانب الايجابي لهذه السيارات خصوصا البليزر....
وفي الختام كلي ثقه في اعضاء المنتدى ممن يمتلك أي معلومه بأنه لن يبخل علينا ،واشكر الاخ nissan 1990على هذا الموضوع المهم .....ودمتم بود.....

s3ed

27/10/2007, 02:34 AM

السلام عليكم

انا ماعندي خبرة هذاك الزود
بس خبرني واحد من الشباب يرهم سيارت ومشهور في الامارات

يقول الشفر الحوض السلفرادو قيرة يحكر افضل من الجمس السيرا

علي101

27/10/2007, 03:50 AM

1.وش الفرق بين الشفر وال G M C
ج- لا فرق جوهري فقط الديكور أنوار ...
2.أي النوعين أقوى وأحسن وما السبب
كلاها ( 2*1 )
3.أحسن القير العادي أو التماتيك
ج- حسب استخدامك للمدينة الأوتو ولعاشق البر العادي ( البليزر أوتو )
4.بالنسبه اللمكاين والقيور والدفرنسات وش الأرقام الزينه والعمليه
ج- الأكبر أقوى ( يعتمد كثير من المرهمين على مكائن Gm )
5.وش المطلوب بشكل عام لهذه السياره عشان تكون جاهزه للبر وتتحمل.
ج-رفع السيارة وكفر عريض ولا يردك شيء
هذه بعض المعلومات وننتظر المزيد

تيتشر

28/10/2007, 02:06 AM

شف يالحبيب اولا ماهنا فرق جوهري او بالمحركات بين الشفر والجمس

ولكن الغالب يحبون الشفر بحكم ان الشبك حق وجهه احلى شكل

بالنسبه للقير انا جربت الاثنين بوسط المدينه وبالرمل

وبصراحه اعجبني التماتيك وفرق كبير بينه وبين العادي

اما بالنسبه للمكاين والقيور والدفرنسات

احب اقولك نقطه مهمه .. ان المكينه لا تؤثر بعزم الموتر مثل تأثير ارقام الدفرنسات

واهم شي يتطابق القير مع الدفرنسات

انا معاي بليزر قيره تماتيك 700 ودفرنسات 40-11

وميزة الــ 11 انها تصلح للخط وللرمل

بالنسبه للمطلوب للسياره عشان تصير جاهزه للبر يعتمد على حسب نوعية طلعاتك .. هل انت راعي تطعيس ومراقى وحالتك حاله
والا رجالن تحب الروقان والطلعات الرايقه

وان كانك ناوي تشتري ركز اهم شي على الشاص حق الموتر تراه ضعيف شوي وفيه مواتر تصير شاصاتها مشعوره والا مخيوطه
انصحك بالابتعاد عنها

واذا شريت وحبيت معلومات اكثر لا يردك الا لسانك

تيتشر

28/10/2007, 02:07 AM

معلومه هامه لا يـُـ نصح بتركيب مكينة 454 على البليزر لانها ثقيله ووتشعر الشاص مع الوقت

ولا تنسى اهم شي الدفرنسات وانا مجرب هالشي

NissaN 1990

28/10/2007, 08:33 PM

شكراً للأخوه سمو الصقر وs3ed و علي101 والأخ تيتشر على هذه المعلومات المفيده وأشكركم لأنكم شرفتو الموضوع بمروركم و بمعلوماتكم المفيده واللي كانت بالنسبه لي جديده وأتمنى أن اللي عنده معلومات جديده لا يبخل علينا . لأن هذي السيارات لابد الناس يعرفون عن قوتها وخصوصاً أن البنزين رخيص.
أما بالنسبه لطلعاتي للبر فهي بركاده يعني ما ني راعي مطامر وترهيم أطلع بس بدون تطعيس وجور على السياره

SilverSniper

29/10/2007, 06:19 PM

البليزر الجمس نفس الشفر.. ما فيه فرق الا بالعلامات والشبك..
أنا من ناحيتي أفضل القير العادي.. ولا أحبذ قير التوماتيك ولا أحبه.. لأني أحس ان السيارة هي اللي تتحكم فيك مو انت اللي تتحكم فيها.. لكن القير الأوتوماتيك جيد.. يجي أنواع.. H350.. H400.. H700R4.. أفضلها وأكثرها عمليه هو H400.. قير H700R4 جيد وأربع سرعات ولكن له أعطال عديده.. بالنسبة للقير العادي فيوجد Borgwarner اللي يجي على الجموس القديمة 79.. 78.. 77... 3 سرعات ونمره ثقيله.. ممتاز ولا يخرب أبد.. وفيه الأربع نقل حق الجموس 94.. 95.. جيد أيضاً وعملي..
الدفرنس الأفضل لك ان كنت راعي بر عادي 13-40.. وان كنت راعي مطاعس ومطامر خذ 11-41.. وان كنت مجنون مثلي خذ 10-41 :)..
المكينه 350 جيدة ويعتمد عليها.. كاربريتر طبعاً.. البخاخ والحلاب موجود ولكن لوجود البرمجة والكمبيوتر لا أنصح فيه..
ممكن تركب 454 ولكن لازم تدعم الشاصي وتزود السست قدام لأن مكينة 454 ثقيلة جداً.. وممكن تحول 350 إلى 383 أو 377 ستروكر عن طريق الترهيم بس بما انك راعي طلعات عاديه تكفيك 350 وتزود..
ارفع السيارة بتقويس السست أو لفت كت وركب كفرات 33" وتوكل على الله ما عاد يردك الا الشديد القوي.. :)
وهذا بليزري..
مكينته 383 ستروكر ملغمة وقيره عادي Borgwarner ودفرنساته 10-41..
http://www.image-upload.net/files/5126/P1271840_bfr.jpg

لن أمل من العطاء

29/10/2007, 06:53 PM

ما شاء الله على الاخوان
كفووا ووفوا

ومثل ما قالوا لا هناك فرق بين الشفر والجي ام سي عدا العلامات وبعض الديكورات المختلفة قليلا اما في القطع الجوهرية من مكينه وجيربوكس ودفرنسات وكل ما يختص بها فلا هناك فرق
واريد التنبيه على ان في عام 94 تقريبا تغير تصنيف السيارات لدى جي ام جنرال موتورز بحيث اصبحت كالتالي

السيارة نوع بليزر حتى عام 93 بعدها تغير الاسم الى يوكون لدى جي ام سي وتاهو لدى شيفروليت
هناك سيارة الان موجوده بالاسواق من شيفروليه اسمها بليزر ولكنها لا تمت باي صله للمعني هنا وايضا السيارة جيمي من جي ام سي وهي ايضا غير المعروف بالتريل بليزر والانفوي

انا لدي بليزر (تاهو) 95

http://www.jeddahboys.com/upload/get-1193672663.jpg

NissaN 1990

29/10/2007, 08:19 PM

الأخ مشرف سابق ماشاء الله ما قصرت ويعطيك العافيه كفيت ووفيت والله يعطيك خير المبروك ويكفيك شره..
الأخ لن أمل من العطاء كفيت ووفيت وما شاء الله موترك وقفته زينه وشكله نظيف بس لو تغير جنوط النيسان لأنها حديد أنصحك ركب جنوط كروم بتطلع دلع ..

مرزام الغاط

29/10/2007, 09:36 PM

السلام عليكم

هذا الشفر حقي ممتاز :good: لافيه خربات
وثاني شي قطع الغيار موجوده في
كل مكان انا حاط فيه بعض التجهيزات
للبرمثل تانكين مويه كل واحد120لتر:eek:
وفيه طبق والشراع ينفتح مع الجوانب
يعني زي الجنحان:D
واما المكينه فهي 350وكاله والمكينه
قويه مافيه خلاف في البر وفي الطعوس
وهو قطع عشره ممكتوب عليه سليفردو
عليه اسم ثاني:confused:

غير الشفر لاتدور:no2:

وهاذي صورته

_atWFw9gl5R.JPG (http://www.a7bk-a-up.com/uploads/_atWFw9gl5R.JPG)

الحرك

31/10/2007, 08:57 AM

السلام عليكم ورحمة الله
اتمنى ان اكون عضو مرحب به في هذا المنتدى الرائع.
حبيت أضيف هذا الرابط المفيد عن رموز واشكال دفرنسات الجي ام (كل الموديلات تقريبا).
http://www.drivetrain.com/GMtrkratio_posidata.html
ملاحظه:رمز الدفرنس مكتوب في درج الطبلون وهو العاده يبدا بحرف الG (مثال gu4 ).

- سؤال مهم وصعب : وش انواع الديف لوك اللي تركب عل البليزر موديل 89-91 اللي عكوسه 30 سنه.

انا سمعت إن الديف لوك في الجموس من 89 إلى 99 مقاسها واحد (تركب على بعض لان العكوس في هالموديلات تجي 30 سنه ) اللي يدري يقول الله لا يهينه.

-يا مرزام الغاط : وش تحبرش تحت الموتر.....(ملاحظة ملقوف :D)

سمو الصقر

31/10/2007, 01:44 PM

اما بالنسبه للمكاين والقيور والدفرنسات

احب اقولك نقطه مهمه .. ان المكينه لا تؤثر بعزم الموتر مثل تأثير ارقام الدفرنسات

واهم شي يتطابق القير مع الدفرنسات

انا معاي بليزر قيره تماتيك 700 ودفرنسات 40-11

وميزة الــ 11 انها تصلح للخط وللرمل

أخوي تيتشر تطابق الجير مع الدفرنسات هل يعني أن الارقام التي وضعتها 40-11 تكون مكتوبه على الدفرنسات و الجير وإن كانت كذالك أحب توضح لي وللاخوه وين تكتب بالضبط على الدفرنسات والجير لأني حصلتلي بليزر 84 بس ماشريت وابي اطبق هذه الارقام عليه واشوف ويعطيك العافيه على الجهد الملموس الذي رأيناه منك ومن الاعضاء الكرام وطارح هذا الموضوع الاخnissan1990 ودمتم بحفظ الله........

NissaN 1990

31/10/2007, 11:23 PM

أخواني يعطيكم ألف عافيه ماقصرتو ماشاء الله عليك يا أخ مرازم الغاط ويعطيك خيره ويكفيك شره و إنشاء الله تنبسط بالربيع السنه هذي على هالمبروك
وأخي الحرك ماقصرت ويعطيك العافيه على هذا الرابط وتعبناك معنا وسؤال جديد وأنا أول مره أسمع عنه
وأخي سمو الصقر ما قصرت سؤال في محله ويعطيكم العافيه جميع

talb2005

01/11/2007, 01:05 AM

السلام عليكم ورحمة الله وبركاته

حبيت أسأل كم أسعار البليزر الحوض واللي شكله ربع , أنا في الرياض وين أحصل البليزر بكثرة ..

مافي مشكله مع الموديل أهم شي النظافة والأسعار التقريبية , عشان أشتري وإلا إيش رايكم

لأني ناوي على لبر يا جماعة الخير وودي أقطعه عرض

عاشق الموج

01/11/2007, 01:12 AM

تيتشر

01/11/2007, 02:28 PM

عاشق الموج

01/11/2007, 07:21 PM

اخوي بالنسبه للدف لوك ... يختلف باختلاف رقم الدفرنس

والدف لوك يجي شد بلد بالبليزر بس يجي باللي استخدام امريكي ( اغلبها)

اما السعودي ما يجي

انا سألت عن اللي يركب على موتري طلع سعره 3500

وتركيبه سهل وما ياخذ وقت ...

اتمنى اني افدتك

الله يعطيك العافية عزيزي تيتشر على معلوماتك

مدري هل جميع الموديلات يركب عليها الدف لوك يعني مثلا موتري بليزر 93

والدف لوك الي تقول سعره 3500 هل هو جديد او من التشاليح وهل بعد التركيب يكون مضبوط

يعني ما منه اي مشاكل

والعذر منك على كثر الاساله يا غالي

تحياتي

stranger

01/11/2007, 09:03 PM

السلام عليكم
أظن ما هناك شي نزيدة على الأخوان والأخ ( القناص ) ما قصر . ولكن عندي سؤال له هل الدفرنسان اللي مركبها أسعارها غالية لأني لقيت مقاس ( 13) بثلاثة آلاف ريال للواحد في تشليح الحاير أرجو انك توضح لنا الأسعار . وأعتقد أنك مجهز المكينة عن طريق الأنترنت فيما يخص قطع الغيار .......