الشور ياهل الشور تكفوووووون

[جميل جمال]

سلام عليكم ....

مسيكم بالخير يالربع .

انا باستشيركم ..

انا ودي بلاند كروزر جي اكس ار .. لكن اخاف اشتري همن ما يكمل معي سنه الا موديلات الفين وخمسه نازله ويتغير شكل اللاند كروزر وينزل شكل جديد ومواصفات احسن .....

همن يصير ماله داعي الموتر ..

وش رايكم اتوكل على الله واشتري الفين وثلاثه ولا الفين واربعه اذا نزل بعد شهر ولا ثلاث اسابيع ولا انتظر موديلات الفين وخمسه السنه الجايه انشالله ..

مع العلم ان السياره اللي معي جديده الحمد لله ونظيفه ومرتاح ولا هيب مظيقه صدري ..

لكن ابي ابيعها واشتري الجي اكس ار للديره وللبر ..

هاه وش قلتوا لا تبخلون علينا برايكم ياجماعه .

[المغترب]

شوري عليك انك تصبر وشف 2004.

انكانه تغير فشتر وانكانه ماتغير فلاتشتري .

الانك تقول انك منت مضطر له وسيارتك جديده .

بيني وبينك اذا نزل الشكل الجديد فنت تبي ترتاح اقل شي 5 الى 7 سنين وهذا بحد ذاته يستا هل الواحد يصبر.

ولا اناغلطان فكر .

[الاجودي]

حسب اهل الخبرة يقولون

ان الاند كروزر يبي يتغير عام 2007 والعمدة على الراوي

وانا منب متأكد من هالكلام

[ابوياسر 11]

ياأخوي(جميل)...
عندي لك حل إن شاء الله إنه مناسب
أدخل على موقع TAYOTAوناظر إن حصل تراسلهم أفضل...
************
إن كانك مضطر ماعليك من الناس،،
أهم شيئ مصلحتك... 000من ناظر الناس مات هم000

وإنكانك ملزم خذه وقبل نزول( 2005)، بأربع شهور بعه
************
أتمنى أن أكون أفدتك
وتقبلوتحياتي،،،
+++++++++++
محبكم : المجرووح
+++++++++++

[جميل جمال]

صبحكم بالخير ...

مشكورين الف شكر يالربع والله يعطيكم العافيه ..

عز الله ما قصرتوا ..

لكن انا شكلي باسوي ما قال اخوي المغترب وباراسل المصنع بنفس الوقت ..

عموما كثر الله الف خيركم .