شاص غمارتين

[سراي ليل]

اللي يبي يشوف شاص غمارتين يلقاه عند معرض القحطاني بمعارض النسيم بالرياض بالقرب من معرض الصقر

الموديل /2002 ( سعودي )
اللون / بيج
السعر /130.000

التقييم / ( له من القبح نصيب )

[طقهاوالحقها]

طيب واللي مهو بالرياض !

ممكن احد يزودنا بصورته ؟؟

[سراي ليل]

أخوي طقها والحقها
محاكيك غشيم بالألكترونيات يعني ماعندي كاميره ولا سكنر ولو عندي سكنر ما عرفت انزل الصور بالمنتدي
ولذلك نرجو من الأخوه أصحاب الكاميرات سرعه التواجد في المكان وموافاتنا بالصور (عبد الكريم سماره على غفله )

[الاجودي]

يالله تكفون ياهل الرياض

افزعوا و ورونا همتكم

وعطونا صور ابو غمارتين

[شمالي]

السلام عليكم
انا شفت واحد عند معرض الصقر بس شكله مولف ماهو شد بلد
بصراحه قبيح شكله
او حنا تعودنا على الشاص بغماره وحده.

[طويل الخطام]

بالنسبه للشاص ابوغمارتين مايجي شد بلده غمارتين

وفيه ورشه في الرياض في الصناعيه متخصصه في وضعه غمارتين وبصراحه يشتغلون فيه مده طويله وبالنسبه للتكلفه فأعتقد انها 19000 ريال شامله قطع الغيار

وبصراحه اعتقد ان الشاص الغمارتين ماراح يكون عملي لأنه ترهيم ..........

الورشه هذي متخصصه في قص الجيوب وتربيطها يعني ممكن تشوف عندهم جيب vxr بقراطيسه يرهمون فيه

بس السعر ناااااااااااااار!!!!!!!!!!!!!!!!!!!

[الجنوبي]

تكفون يا اصحاب الكمرات نبي صوره للشاص الغمارتين سوا كان شد بلد ولا ترهيم.....
ودمتم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[نجمة سهيل]

السلام عليكم ،



الشاص هذا عندي له صوره !

لكن !

ماهو غمارتين يجي غماره ونص ( موديل 2003)

وابحاول ان شاء الله انزل الصوره لكم بالمنتدى .

[عاشق الفـــــــيّ]

ياخوان موجود في وكالة تيوتا ( الساير ) في الكويت يجي الشاص ثلاث انواع

غمارتين وغماره ونص وغماره وربع

ولاكن تجميع أيران قطع يبانيه ومجمع في أيران وليس في اليبان

والوكيل في الكويت يعطيك كفاله مثل كفالة الشاص اليباني الي عنده

يعني ثلاث سنين( ماني متاكد من السنين) او 60000الف كيلو

وسعره ارخص من وارد اليبان تقريبنا 1500 دينار يعني حول 20000 ريال

للعلم وكالة الساير وكيل تيوتا في الشرق الاوسط

وشكرا

[عاشق الفـــــــيّ]

شفته برياض العام وعليه شعار وكالة الساير شاص غمارتين