يا أصحاب الباثفــــندر حصلت لي مشكلة كبــيره .......

[خيام الندم]

السلام عليكم ورحمه الله
أخوكم وقع في مشكلة ووقفت حائر أمــــــامها أنا وكثير من المهندسين وأنتظر فزعتكم ..........
مشكلتي أن سيارتي الباثفندر 2003 يطفــــى بعد مايتفــتف وسواها معي كثييير وفحصت بالصناعية كومبيوتر وقالو حســــاس الاكســــجين او حساس الهـــــواء وغير موجود بالمملكه والطلب علية كثير
وسؤالي لكم انا اعبي بنـــزين واحد وتسعــين وذكر لي مهنـــدس الكومبيوتر ان السيارة الباثفندر خمسة وتسعين وانا اشك ان الطفية من البنزين الواحد والتسعين ما ناسب المكينه !!
فهل اعبي خمسه وتسعين .... والحساسات اللي بالمكينه عـــــددها 6 ومايدرون اي واحد الخربان وكلها حساسات هواء وبعضها سعره 1800 وبعضها سعره 600 وغير موجوده حسبي الله ونعم الوكيل فزعتكم وانتظركم ..............

[نمر بن حثلين]

وعليكم السلام ورحمة الله وبركاته

ما اعتقد اخوي ان المشكله من البانزين

الله واعلم انه حساس الهوا

وعلشان تأكد شف هذي صورة الحساس عليه الدائرة الحمرا
http://www.mekshat.com/pix/upload/images14/mk7373_20060208031.jpg

افصل الفيش الي فوقه
ان اشتغل الموتر ولا طفى
فالظاهر انه هذا الحساس الخربان
وسعره على ما اذكر بحدود 400 ريال ودوره في محلات قطع الغيار ارخص لك من الوكاله

[التسعاوي]

اخوي خيام الندم مازود على كلام اخوي نمر شي
وانا نفس المشكله صارتلي وشريت حساس من الوكاله 380 وظبط الموتر.

[الساهر2003]

جرب فك الحساس اللي في الصورة ونضفه ويظبط ان شاء الله

[عبدالرحمن السالم]

من حساس الهواء وانا اخوك .. يمكن داخله رمل والا شى عشان كذا يطفي نظف الحساس واذا يحتاج له تغيير غيره ويضبط معك بأذن الله

وبالتوفيق ان شاء الله

[الساهر2003]

غير فلتر الهواء اصلي من الوكاله مع اصلاح الحساس

[شروكي ربع]

شيك على فلتر الهواء قبل تغيير الحساس ..


واذا اردت تغيير الحساس انقز للتشاليح ..


وخذه من اي سياره نيسان او انفنتي وسعر لا يتجاوز ( 100 - 150 ) ريال ..


وبالتوفيق

[المرحوم]

ابغى اصور واحط لك معلومات بس ما اعرف اصور واحط قلي كيف اسوي واعلمك بالخراب بالصوره

[صائد الفوائد]

غير فلتر الهواء وصفاية البنزين ثم جرب وان عادت المشكلة نظف الحساس او غيره

[jomran]

اخوي شف فيه محل بالصناعيه يبيع قطع غيار اصليه وارخص من الوكاله واسمه العامودي وانشاء الله تنحل مشكلتك.


مع تحيات jomran

[VTC]

الله يسهل امورك

[أبوناصر]

قريت في مكشات غن حق الباترول يركب عليه

[خيام الندم]

الســلام عليكم ورحمــــــة الله ..............
أبشــركم يالربـع الأمــــور طيبة والمــوتر صـــلح بتوفيق الله أولا ثم بجهود الأخـــــوة الأفاضل وأخص بالذكر
أخونا (( نمــــــر بن حــثلين )) جزاه الله خير ووفقـة وأخونا كذلك ((التســـعاوي)) ... لاحـــرمكم الله الاجـــر ,,,,
قمــت بتغـيير منــــظم الهــــواء ( الحساس ) الموضح صـــورته أعلاه من اخونا ((نمر بن حثلين)) ,,,
خيــام النــدم 18 شوال 1428 هـ

[التسعاوي]

الحمدلله...وإذا قدر الله عليك وخرب مره ثانيه رح لم التشليح ودور منظم هواء(حساس هواء) حق باترول فتك الي مكينته 4800 ترا احسن من حق الوكاله.

[السرب]

بارك الله بالجميع دائماً اللحلول مكشاتيه