الصيد في السودان...ياهل الخبره.....

[ابوقشعان]

السلام عليكم ورحمة الله وبركاته بعد التحيه
ياخوان ودي من زمان القاء واحد قد راح لسودان علشان اساله عن كل شي يخص هاذي الرحله بسالكم عن :-
1- الاجرات من السعوديه هل مطلوب تاشيره للسودان ومانوعها سياحيه ولا غير وهل يجب الاتصال بجهات معينه في السودان لاخذ الموافقه مثل موسسات الصيد هناك .
2- وش وسيلة المواصلات طياره ولا باخره وبكم التذاكر وهل اخذت معك شي من السعوديه مثل السلاح والطعام والفرش وعدت الرحله .
3- اي منطقه امنه وكل شي متوفر فيها وكم مدت رحله وكم العدد المناسب وكم الصرفيه .
ارجو منكم الاهتمام لاني ناوي اطلع اقنص بالسودان وخويك جديد تكفى لاتبقي شي..
وتحياتي لك

[الجبلاوي]

الأخ / أبو قشعان

أبشر بالخير أخوي وانشاء الله راح أفصل الموضوع ولكني الآن مسافر وأرد عليكم حالياً من محطة الإنتظار (connection) وسوف أصل الليلة انشاء الله وعلى رأسي.

[ابو نواف2007]

اي والله وانا خذ قطتي اذا جبت العلم بروح معك يا ابو قشعان ههه

[راعي المدينه]

انشالله تلقى الجواب عند الأعضاء
لكن حسب رحلتي إلى مصر سياحة رحة على السيارة والقش معي مثل القدور والدافور إلا سلاح ما أخذناة
ومشكور وترى رحنا على العبارة السريعة 3 ساعات وانت في الغردقة ( الرجال يسأل السودان وانا اقوله مصر )

[googl11]

السلام عليكم
ايه اخوي تاخذتأشيره بس خذ تاشيرة زيارة لصديق احسنلك علشان ما يغربلونبك الزوله وانطلق من ميناء جده الى ميناء سواكن انت وسيارتك ولاتنسى تشيل معك جوالين بنزين لان بنزينهم تقل ديزل مايمشي السياره زين اعني اخلط من بنزينهم شوي ومن بانزيننا شوي ولاتنسى الماء اهم شي بعدين حاول تروح شندي وتقطع النهر من هالقريه وتتجه لجبال الحسانيه صدقن راح تلقى كل خير انشاءالله من طيور وغزلان وارانب الدفنه ووبران للدفنه وهالمنطقه قله اللي يعرفه من الصيادين يعني اذا طلعت من القريه متجه لجبال الحسانيه ماراح تلقى الا جرت سيارتك فقط بس اهم شي اجهزه الملاحه والمنطقه تشبه الاراضي السعوديه وحاول تاخذ احداثيه شندي واذا طلعت من بور سودان اقضب البر واتجه لشندي تراها قريبه جدا بالنسبه للخط ومخاطره الكبيره واحذر المشي بالليل في الخطوط ترى الزوله اذا بنشر ياقف في وسط الطريق سريع والا غيره والحمد لله الله ستر علينا والا كنا نبي نروح فيها دخلنا في وايت واقف في الخط مابين بور سودان وكسلا فاحذر من المشي ليلا وبالتوفيق

[Thenayyan]

خى العزيز يازين ماخترت
السودان الامور سهلة الان تاخذتاشيرة من الرياض وتطلع بسياراتك والعزبة كاملة من السعودية ولا تنسى تاخذ جزاك اللة خير اللى ماتحتاجة من ملابسك وملابس الاطفال اللى عندك توزعها هناك ,, مقناص وتدوير اجر. اما السلاح تاخذة من من عندهم على حسب نوع الصيد اللى تطلب فى التصريح وفية مكاتب تخليص تساعدك فى انهاء الاجراءات بسرعة خاصة اذا رتبت قبل ما تروح وارسلت استمارات السيارات.
من الهام جدا الاحتياط فى الكفرات لان البناشر كثيرة وممكن تستاجر لك لورى من هناك تحط فية الماء والبنزين والكفرات الاحتياطية ويكلف تقريبا 250 ريال فى اليوم.
اما تكاليف الرحلة فتعتمد على عدد الاشخاص وعدد السيارات ولكن تقريبا 50000 تكفى 8 اشخاص على 3سيارات اكلين شاربين قانصين مع التذاكر والشرهات االزولة.
موفقين واذا بغيتو خويا لا تنسانا,,

تحياتى ابو فهد