اهم الفروقات .. بين ال vx-r ... وال gx-r

[مدور ربيع]

السلام عليكم ورحمة الله




بسب كثرة الحديث عن هاتين السيارتين .. ونظرا لتجربتي لها .. ساحاول ان اضع اهم الفروقات الجوهريه بينهما .. علما ان الجكس ار فل كامل والفكس ار رقم 1 اي بدون ونش ولافتحه ولاهدروليك ,, والمواصفات الاخرى للفكسار لم اذكرها بالمقارنه ( مثل الهيدروليك , ونظام التحكم بالسيارة vsc/trc )





المحرك :

فكس = 8 اسطوانات على شكل حرف v
جكس = 6 اسطوانات مستطيله




نظام التشغيل :

فكس = سلف الكتروني
جكس = سلف عادي




القير :

فكس = 5 غيارات
جكس = 4 غيارات



الفرامل :

فكس = جميع الهوبات اقراص
جكس = الاماميه فقط اقراص (( اغلب موديلات الخليج تأتي الهوبات الخلفيه صحون عاديه ))



التبريد :

فكس = كفأة غير عاديه بالتبريد (احيانا تكتفي بالمكيف الامامي لجميع من بالسيارة)
جكس = تكييف هزيل مع ضغط ملحوض على المحرك (خصوصا اثناء التوقف )




الاتفاع واليايات :

فكس = الخلوص عن الارض يزود 5 سم (الياي 7 لفات )
جكس = الخلوص عن الارض ينقص 5 سم (الياي 6 لفات )





الصاجات :

فكس = كامل المكينه , القير , تانكي البنزين ( تحتها صاجات حمايه )
جكس = المكينه فقط





العزل :

فكس = عازل صوتي وحراري , كامل للمكينه والكبينه
جكس = عازل حراري للمكينه فقط





التنجيد :

فكس = كامل الكبينه .. منجد بنوعيه فاخرة من الاقمشه اولجلد
جكس = تنجيد بسيط مع ظهور الحديد في اماكن كثيره بالكبينه






الاضاءه :

فكس = اضاءه متكامله داخليا وخارجيا (كل مكان هنالك لمبه )
جكس = اضاءه محدوده وخصوصا بداخل الكبينه





الصوتيات :

فكس = نظام سمعي متكامل يتكون من 8 سمعات مع نظام تحكم بالصوت حسب سرعة السيارة وتحكم كامل عن طريق المقود
جكس = نظام سمعي هزيل ومكون من 4 سمعات




المخازن :

فكس = وفرة بالدروج والرفوف في كل مكان تقريبا بالكبينه
جكس = محدوديه الادراج



__________________________________


اما بالنسبه للقيادة .. فلامجال للمقارنه ابداااااااا

فكس = قوة + تماسك + خفة مناورة + تحكم سلس
جكس = رخاوة + هرقله + ثقل طينه + تحكم مقلق


_________________________________






جميع ماذكر اعلاه هي ملاحظات شخصيه .. ولانستغني عن افادتكم

وتقبلو تحياتي

[برادو vx]

الف شكر اخوي مدور الربيع . .

مقارنة رائعة من شخص رائع . .

[jomran]

الله يعطيك العافيه على الموضوع والمقارنه وبيض الله وجهك .



مع تحيات jomran

[مدور ربيع]

هلا بالاخوان ..

اخوي برادو .. مرورك هو الرائع وتسلم اخوي ولاهنت


اخوي جمران .. يعافيك ربي ويحفظك والله يبيض وجهك دنيا واخره



تسلمون ولاهنتو على المرور والتعليق

[الكاوي1]

مشكوررررررررررر معلومات طيبه ومفيده جزاك الله الف خير

[الربذي]

مشكور اخوي تسلم ولاتنسى الصرفيه ماتفرق يعني يمكن ريالين الى ثلاثه في التانكيين
الصوت اقل في الفاكس كانك بطياره

[بدوي جنوبي]

ما شاء الله

مقارنة ممتازة

ملاحطتي علي الجكس من ناحية الهوبات الخلفية معظم دول الخليج تأتي اقراص
http://www.mekshat.com/pix/upload02/images52/mk32037_big041.jpg
واعتقد ان الفل من وارد ابو جميل يأتي صحن

http://www.mekshat.com/pix/upload02/images52/mk32037_drum-brake100.jpg


وهذا اكبر ظلم للجكس

وفقت في الموضوع ويستاهل التقييم http://www.mekshat.com/vb/images/rating/rating_5.gif

تحياتي لك :good:

[الدحبول]

مقارنة كاملة وممتازة
أنا أفضل Vxr في جميع موديلاته

[لن أمل من العطاء]

مع احترامي لملاك الجي اكس ار

فأنا لا اعتبره سيارة على الاطلاق (راي شخصي)
ولو جاني هديه فوالله الذي رفع السماء بلا عمد اني لاقبله هديه وعلى طول على المعارض ابيعه ولا يجلس يوم واحد عندي

ولكن الفي اكس ار فاني اقف احتراما له

وبعدين انا دايم اقول اللي يبغي يشوف السيارات صحيح يشوف سيارات الاميريكان والسيارات المستورده من عندهم ستجد ان الجي اكس ار غير موجود بالقائمه كلها في اكس ار

لن امل من العطاء

[فتى احد]

السلام عليكم ...


مشكور على هذا الجهد الرائع ونتمنى لك التوفيق والمزيد من العطاء وننتظر منك التقارير الجميلة .

[khaled99]

السلام عليكم..

صراحة انت طلعت الجي اكس كنه كوريلا...!

لأنه في فرق في المواصفات ..مب كل الفي اكس فل كامل..

الجي اكس الفل كامل فيه تجهيزات اكثر من الفي اكس السياحي..

وهذا شيء عادي لتخفيض التكلفة..

ولكن فيه مواصفات تعتبر جوهرية مثل المكينة والقير والعزل الصوتي ..-لا خلاف فيها -

اما البقية فهي اكسسوارات على حسب الفئة 1 2 3

وبخصوص المكيف انا لم الحظ فيه فرق..ابدا..

والسبب في انتشار الجي اكس وخصوصا الهدد..

هو الأسعار الخيالية للفي اكس.. واصبح من السيارات الفخمة..

وهو الشيء الذي اتمنى تلافيه في الموديل الحديث -2008 -..

وهذا راي شخصي يقبل الصواب والخطأ..

[سفاري نجد]

مدور الربيع تقرير رائع ،،،

انا نظريتي اللي يبغى يملك جيب لاندكروزر لا يتعدى vxr وبس ،،،

أما GXR حسافه تدفع فيه فلوس لأن مواصفات السياره سيئه مثل مثبت السرعه سياره تدفع فيها اكثر من 160 الف ريال لا يوجد فيها مثبت سرعه

ولا نظام فرامل ضد الانزلاق استغفال لابعد الحدود ،،، يعني مافيه فرق بينه وبين الهايلوكس الا بسعة المكينه ،،،

كفيت ووفيت بالتقرير اخوي ،،، ولا يزعلون علينا ملاك الجي أكس ،،،

[أبو LAMeS]

اما بالنسبه للقيادة .. فلامجال للمقارنه ابداااااااا

فكس = قوة + تماسك + خفة مناورة + تحكم سلس
جكس = رخاوة + هرقله + ثقل طينه + تحكم مقلق

هاذي أهم الفروق بين الفكس والجكس يعني فعلا فرق السماء عن الأرض

وصحيح أن الفكس خفيف على الخطوط ويعطيك من عمره لكنه ثقيل في النفود وأحيانا يرفع ضغطك

وبالنسبة (للجكس) المناسب له في النفود القير العادي

شكرا

[الهدد...؟]

مع احترامي لك امدور الربيع ثلاث ترباع كلامك خطاء على كلامك صا ر الجيكس ار ددس 70
وراه اسمحلي انا معي الان هدد وانت تقول الصاجات بالمكينه بس انا اقول غلطان بالقير والمكينه
نفس الفي اكس ار بس الهم إذا فتحت الكبوت فيه اباستيكه مكتوب تايوتا بس هذا الفرق
والتبريد الجي اكس تبريد موت خيالي
انا معك بقوت المكبنه بس بختصار قارن بالمعقوال الله يجزاك الف خير

[مدور ربيع]

هلا بالاخوان جميعا" وعذراا للتأخير (( مشغولين باالمزاين ))

::::::


الكاوي

هلا بك وطاب فالك وجزيت خير ولاهنت على المرور



الربذي

تسلم اخوي .. وفعلا الصرفيه نسيتها .. وتقريبا الفكسار يوفر 10% عن صرفيه الجكس
لاهنت على التنبيه وشاكر لك المرور



الاستاذ المحبوب بدوي جنوبي

كلامك بمتمه .. وابو جميل ماسرق غير الهوبات بس !!!! (( الله المستعان ))
لاهنت استاذنا على التوضيح .. وتسلم على رفع المعنويات وعلى التقييم
شاكرين مرورك ولاهنت



الدحبول

هلا باخوي وتسلم ماقصرت .. وصدقت الفكس ار فارض نفسه , بارغم ان الفرق بينه وبين الجكس بسيك مقارنه بالفروقات
لاهنت وشاكر مرورك




لن امل من العطاء

اضحك الله سنك .. طيب خذلك كشته عليه يارجال قبل المعارض وبعه بنفس اليوم على شان تحلل حلفك :)
لاهنت على التعليق .. وشاكر لك مرورك



فتى احد

هلا خوي وتسلم على الاطراء الجميل ورفع المعنويات .. وتستاهلون التعب
شاكر لك المرور الجميل ولاهنت .. تقبل تحياتي



... باقي الاخوان لي عودة .. اذا الله راد

[مدور ربيع]

خالد 99

هلا بك اخوي .. لوتلاحظ انه في المقارنة وضحت نوع الفكسار انه رقم 1 يعني الادنى موصفات بفئات الفكسار .. والجكسار الفل كامل .. يعني الاعلى موصفات
والسبب الرئيسي للمقارنه هو تقارب السعر .. والفرق عام 2005 كان 15000 فقط
ولاتنسى اني ماتكلمت عن الفروقات المكينيكه الغير محصورة (( افتح الكاتلوج وشف الفروقات بين المحركين ))
وبالنسبه للمكيف فالفرق واضح ..(( مابين اجهاد المحرك وضعف دورة التبريد ))
والموضوع كله ملاحظات شخصيه
تسلم ولاهنت على مرورك



سفاري نجد

هلابك اخوي وتعيش وتسلم .. ونظريتك صائبه بلاشك ..
الصراحه حرام الواحد يدفع مبلغ مرتفع .. بعدين يقصر 15000 عن موصفات كبيره وجوهريه
وبصراحة ان الجكسار .. هو عبارة عن هدد صافي .. حطوله جنوط وبعض الاكسسوارت واكلو فيه 50000 الف
تسلم اخوي سفاري ولاهنت على مرورك



ابو لميس

هلا بك اخوي وعزالله صدقت فرق السماء عن الارض بلاشك
وبالنسبه للنفود .. عموما القير التماتيك اضنها ثقيله
واكيد ان الوزن فارق .. المحرك اكبر والقير اكبر والاضافات اكثر
تسلم ابولميس على مرورك ولاهنت



الهدد ..


هلا بك اخوي .. الخطاء وارد .. لكن احب انك تتأكد من فتحة الكبوت اللي اشرت اليها
وصف جكسار فل كامل .. بجنب فكسار رقم واحد
وصدقني .. رايح تتأكد ان كل شيء مختلف مابين الكبوتين .. الا البطاريه:)
حياك والله يجزاك الف خير

[شبح الموت]

مجدر استفسار بسيط يامدور الربيع

طبعا معروف ان Vx-r الجنزير ربل وليس حديد طبعا موديل 98 وفوق

ويتم تغييره كل 100 الى150الف كم كحد اقصى فارجو ذكر كم سعر الجنزير

واجور العمل لدى الوكالة وهل هو نفس جنزير Gx-r ربل اوحديد

[أبوعمر555]

نسيت شيئا مهما أخي:

الوقود
فكس = يشفط البنزين إلى أن تفلس وتتمنى ذيك الساعة لو أن معك دراجة عادية.
جي = اقتصادي للبنزين مقارنة بالجيوب وبالأخص النيسان بأنواعه.

[دفاش]

جزاك الله خير وبارك فيك

[مدور ربيع]

هلا بالاخوان .. وعذرا للتأخير



شبح الموت

هلا اخوي .. صراحة الى الان مابعد طلب الموتر تغيير الجنزير ,, وحاولت ابحث بالنت لك عن سعره ومالقيت احد تكلم عنه
عموما اتوقع انه يكلف بحدود 3000 ريال ..... وحياك




ابوعمر

هلا اخوي وتصدق انه الصرفيه عكس كلامك .. الفكسار صرفيته اقل من الجكس ار بحدود 10 بالميه .. والسبب بكل بساطه قوة المحرك
حياك ولاهنت



دفاش

هلا اخوي والله يجزاك الف خير وتسلم على مرورك وحياك

[KA31]

مجدر استفسار بسيط يامدور الربيع

طبعا معروف ان Vx-r الجنزير ربل وليس حديد طبعا موديل 98 وفوق

ويتم تغييره كل 100 الى150الف كم كحد اقصى فارجو ذكر كم سعر الجنزير

واجور العمل لدى الوكالة وهل هو نفس جنزير Gx-r ربل اوحديد


غيرته عند حسن جميل بالدمام تكلفته 1300 شاملة القطع
بالنسبة للبنزين صرفيته اقل من الجي إكس أر من واقع تجربه



تقديري للجميع

[قاهر الصحرئ]

وشلون 8 سرندل
أقل صرفيه من
الـــ6 سرندل
فـــــهــــمــــونـــــــي

[KA31]

طبعا الهيكل واحد يعني نفس الحجم بس بالـ 8 سلندر الماكينة أكبر وأقوى يعني بتشيل مرتاحه بعكس الـ 6 سلندر مجهود مضاعف يعني أكيد بتسحب بنزين أكثر...


أنا جربت الـ gxr بمشوار لاحظت فرق واضح

[البديوي 2]

تسلم يمينك

وش جاب هذا لذاك

بس الواحد على قد قريشاته

لأنهم طيروا الفكس

[مدور ربيع]

اهلا بالاخوان ..


KA31
اخوي تسلم على المشاركه وعلى التوضيح ولاهنت


قاهر الصحرى
حياك اخوي .. وماقصر اخونا ka31
عطاك االعلم المفيد



البديوي
حياك اخوي وسلمت كلك .. وفعلا وش جاب هذا لهذاك مثل ماقلت
لاهنت على مرورك وحياك