احسن انواع كفرات البالون

[الهدد...؟]

السلام عليكم
بعد التحيه
ابي افظل نوع كفرات البالون وكم عرظهن هن زينات بالخطوط والرمل

[الدبل الثقيل]

وعليكم السلام ورحمة الله وبركاته ....
البالون للرمل مايصلح للخط .... ومقاسه 900 على 16 وفيه 15 ..وايضا 825 على 16 ... وفيه 255 -90 -16....
وأفضل الأنوع سيام تاير تايلندي 8 طبقات ...

[الهدد...؟]

مشكور اخوي والله يعطيك العافيه

[شليويح السر]

انحش عن اللي جربته ماكسس ابو جمل انواع الرجه

[القناص]

غريبه والله يا شليويح السر
عاد يمدحونه مره الماكسس ابوجمل لسيارات البر

[NissaN 1990]

أنا جربت الدنلوب الأندنوسي وهو اللي الآن بالسوق وهو ممتاز بالبر وبالوعر لين كفراته ولا عندك مشكله أنا سيارتي جيب ولا أستخدم غيره وعلى طول بالبر وبالبلد وقعدت معي سنه وشهرين وبعدين قلت بجرب المكسس اللي هو صناعته تايون وطلع قاسي مره ونقشته ماهي زينه ويرج رجه قويه وعموماً كل البالون يرج ما فيه بالون ما يرج إلا إذا دبلت مساعد الدركسون
وإذا جنوط موترك 15 ركب 900 وإذا هي 16 ركب 900 ولا تاخذ ال 950 لأنه كبير مره وخطير ومن غير فايده اللي حجمه 900 بيقوم بنفس الغرض وأحسن وأقلها تلقاله لستك بأي بنشري أما ال950 عله..
وبالخط زين ماهو شين وإذا ضرب كفر لا قدر الله ميزته إنه ما ينسلخ ويلعب بالسياره لا هذا يمسك على الجنط..بس ممكن يدخل هوى مع جلب الأبواب على حسب السياره...
آسف آسف على الإطاله...