ياهل الثريا ادخلو

[خوي النشاما]

السلام عليكم ورحمه الله وبركاتة
اخواني ابغا اعرف اي احسن الثريا القديم او الجديد
وش العيوب والمميزات وبكم وين وش ارخص محل
ودي اشتري مع الشريحه والرقم وشكرآ



خوي النشاما
__________

[راعي الأفلح]

مرحبا فيك ياخي اما الجديد افضل من ناحيه استلا م الرسايل العربي

انا شخصيا معي القديم وصراحه عندي مشاكل بالرسايل مع انها ضروريه جددداااا جدااا وشف باقي الأعضاء يمكن يفيدونك

[وجهة نظر]

والله القديم معي تحس الجهاز قوي ويتحمل الجوع والعطش
ومثل ما قال اخوي راعي الأفلح فيه مشكله بالاسماء والرسائل
العربي ( بعض ) الاجهزه,,,, الجديد مع واحد من الربع يشتكي منه
حساس جدا وناعم لكن فيه تقنيه عاليه.......... وشكرا

[ســـرحـــان]

السلام عليكم ... والله ياخوي ولا يهونون الربع انا ماجربت الجديد ولكن كنت ناوي اشتريه قبل سنة ونصحني راعي المحل وقال اصبر شوي لانه فيه مشاكل وطلبت الشركة الكمية لاخطاء في التصنيع ... كانهم عدلوه الحين الله اعلم :confused: بس بدون شك تراه متطور والمميزات اللي فيه مقاربة للنوكيا N 73 و 95 ويمكن احسن بس فيه نوعين واحد متطور واغلى يعمل على الـ Gsm و الستلايت وفيه Gps وانترنت على الستلايت (كله بحسابه )وعربي وانجليزي وكاميرا والثاني يعمل على الستلايت بس ... ولا فيه كل هالمواصفات ... انا معي القديم ... ماشاء الله يتحمل :good: وبالنسبة للعربي مشيتها احرف انجليزي بلغة عربية .. وعلى فكره القديم فيه خاصية تحديد المواقع وارسالها كرساله ويعمل على الـستلايت و الـ Gsm اتمنى اكونقد افدتك ... وادري طولت كثير وسامحونا ...

[برق الوسم 25]

الاخ العزيز خوي النشاما

مساك الله بالخير انا استخدم الثريا الجديد ممتاز جدا مافيه عيب الا البطارية لازم تاخذ معك شاحن
تقبل تحياتي

[شمالي غير]

الاخوان ما قصروا

ميزه اخرى للجهاز القديم انك ممكن تشغل شريحة شركة الاتصالات السعوديه المدفوعه اذا لزم الامر عليه بعكس الجديد كما اخبرني صاحب المحل ولا اعلم من صحة المعلومه وممكن الاخوان يفتونا ..

طبعا هذه الميزه مفيده لما يخلص رصيدك ويكون الاتصال ضروري ولا تلقى شحن ..

[عاشق برادو]

وين ألقاه بالشرقية وكم سعره؟

[turhob]

هل صحيح بأن الجديد لايعطيك احداثية موقعك بعكس القديم
نأمل من الاخوان افادتنا وشكرا

[Abu-Nawaf]

انا استخدم الثريا الجديد 2510 خفيف وكشخة ومافيه عيب الا البطارية تخلص بسرعة
اخوي turhobغير صحيح - الجديد يعطيك احداثية موقعك مثل القديم
بس الخرائط ما لقيت لة الى الان

[turhob]

جزاك الله الف خير اخوي Abu-Nawaf
على المعلومة

[سابق الصوت]

اسمحولي ياالربع انا من خلال تجربتي انصح بالقديم وللمعلوميه الي جهازه في مشكله التعريب يوديه لاقرب وكيل وبيعرفه لك من انجليزي الى عربي اما بالنسبه للجديد صح شكل افضل واناقه وفي مواصفات جدا روعه بس العيب فيه حساس وليس عملي مثل القديم انا الجهازين عندي موجودات وبوقت واحد جربتهن بالبرابي اشوف الافضل اي واحد بالاخير صفيت على القديم اقوى شبكه من الجديد

وعندي نصيحه لكل واحد يبي يشتري لا يشتري من منتجات دبي او اي محل اتصالات الا الوكيل اومندوب الثريه بالسعوديه عامه
لان تحصل مشاكل معك اول وحده انك تشحن البطاقه مثلا 36دولار تكلم فيها دقيقه او اكثر تقفل وترجع تبي تتصل مره ثانيه تلقى الرصيد متبخر يعني باختصار مسحوووووووووب هذي اول لعبه
الثانيه ان الجهاز بعد مده بيقفل معك واتحدى اي مصلح او فني متخصص بالاجهزه الحساسه مثل النوعيه بيصلحه
اخواني انا اقولكم كلامي من واقع تجربه صار معي ومع بعض المكشاتيه ربعنا ؟
يعني صارلي تقريبا خمس سنوات بستخدم جهاز الثريه واي شي جديد بطلع عليه ومااخذ بالكلام والوصف الا لم بجرب واقتنع
فبعض المراااااات نطيح مطبات واخطاء تجيب الخساير ؟
اسف على الاطاله هذي وجه نظري واذا في اي خطاء بكلامي ارجو التنويه ؟
وسلامتكم........

[gusoon]

الله يعطيك العافيه وعندي كم سؤال
اولا وين مكان الوكيل في الرياض
ثانيا من هو الوكيل
ثالثا كم تكلفة المكالمات
رابعا وين القى ثريا مستعمل
مع شكري وتقديري

[خوي النشاما]

شكرآ اخواني على مروركم اخوي

gusoonواخوي سابق الصوت واخويAbu-Nawaf واخوي شمالي غيرواخوي برق الوسم 25 واخوي ســـرحـــان واخويوجهة نظر ولاكن محد حدد سعر ولا وين

وشكرآ



خوي النشاما

_______

[سابق الصوت]

هلا فيك اخوي
بالنسبه للاسعار والله مو متاكد منه بس الي بعرف ان الجهاز الشكل القديم تقريبا 2300 او الى 2500
اما الجديد غالي 3500 وفوق على حسب علمي سابقا تقريبا هذي الاسعار او حوله
ولكن وين بتلقاها شف محلات الاتصالات واساءل عن وكيل الثريا بالمنطقه الي انت فيها لان كل منطقه اذا مالهم فرع رئيسي بيكون لهم وكيل بمحلات الاتصالات وانتبه لاتاخذ الامن وكيل الشركه او الوكيل لهم
وانشاالله اني فدتك وابشر بالي نقدر عليه اخوي .

[خوي النشاما]

شكرآ على مرورك اخوي سابق الصوت

[فتى احد]

السلام عليكم ...

بالشرقية تلقاه عند القناص بالدمام بس مغليه شوي .