يااهل الخبرة

[الثلج الاسود]

السلام عليكم ياجماعة ودي اركب ونش خلفي مثل الي في الجيوب علما بان موتري الي معي هو جيب فورتشنر والمشكلة هي ان الصدام الخلفي قريب جدا من الاستبنة الي عنده خلفية عن الموضوع يفيدنا وجزاكم الله خير،،،،
اخوكم / ابو روان

[NissaN 1990]

يا أخي الفاضل أبو روان أنا أقول لو تروح لحداد شغله نظيف وتخليه يركب جسر قوي يمتد بين الشاص الأيمن والشاص الأيسر ويركب بالنص الهوك اللي أنت أستفسرت عنه ولو تلاحظ على السيارات الأميريكيه مثل الجموس واليوكن والجيوب الشروكي راح تشوف نفس الفكره اللي قلتلك إنشاء الله إني أفدتك وأتمنى أني ما طولت عليك

[الثلج الاسود]

الله يعطيك العافية يانيسان على الفكرة ترى مامن خبرة ياليت ادلني على ورشة انا في مكة او الرياض لان الاهل والمصدر من الرياض واكرر الله يعطيك العافية ،،،،
اخوك / ابو روان

[NissaN 1990]

أنا أقول رح للمحلات اللي تبيع قطع الغيار حقت الورش ما هي حقت السيارات وقلهم أبغى هوك أو شنكار وخذ صغير لأن فيه أحجام ورح لأي حداد وقله أبيك تركبه لي من غير تخريم للصدام وهو راح يفهم ويسوي مثل ما قلتلك أكيد راح تكون مرت عليه الفكره ولا تقتنع بالأول وتسوي عنده على طول أسأله عن الطريقه ورح لواحد ثاني وشف طريقته كيف بيسويه وأهم شي لا يخرم لك الصدام وشف اللي كلام مقنع وشكله فاهم وسو عنده وقله أبغى جسر قوي مره وإذا بغيت أنا أعرف حدادين كثير بالرياض وأنا من أهل الرياض وإذا بغيت فزعه أرسلي رقمك على الأيميل حقي وأنا راح أدق عليك وأقابلك وأوديك للحداد وأنا مجرد وسيط وأحب عمل الخير ... لا تقول هذا عنده حداد ويبي يستغلني