كفرات البالون على اليوكن 2007

[برق4]

سؤال شباب من المعلوم ان جنوط كفرات اليوكن 2007 مقاسها 17 وهناك كفرات بالون مقاس 17 ...
فهل سبق احد ان ركب كفرات بالون على اليوكن...؟؟
انا ودي حقيقه اركب كفرات بس اذا فيه احد سبق ان جرب فلا يبخل علينا بالمعلومات وهل تتناسب مع السيارة واشكاليت الحساسات اللي بالكفرات ...
الله يوفقكم الى ما يحب ويرضى

[الوعب]

السلام عليكم ورحمه الله و بركاتة

اخوي برق 4 مسيت بالخير

الله يسلمك انا ماجربت بالون 17 على يوكن ولكن ابي انصحك لاني جربت بالون 17 على سياره ثانيه وكان يوجد فيها حساسات للهوى الي في التواير

اولا انسى انك تركب بالون 17 مقاس 900 لعده اسباب انه راح يكون اثقل على السياره و يقل العزم شوي
و الشي الثاني انه راح يكون كبير واحتمال انه يحك في الرفرف من داخل وخصوصا اذا كنت لاف الدركسون

ثانيا يوجد بالون حجم 17 ولكن مقاس 850 وهذا هو الافضل و بالتحديد نوع ( اسمه سايمكس ) وعندنا في الدوحه وكيله هو نفس وكيل تواير بيرلي والفرق عباره عن 50 يعني في الشكل ماتفرق عن اي بالون ثاني
ولكن احتمال انها تحك اقل
وبالنسبه للحساسات عادي اشتغلت بعد تركيب البالون و كانت الحساسات في ابره التاير الي تنفخ هوى التاير منها
اما اليوكن ما ادريولكن اعتقد الحساسات كلها بنفس المكان , يعني تغير التاير ولكن الابره ما تغير
وجوده تواير سايمكس عاليه جدا و ناعمه
وبالتوفيق

[أبو LAMeS]

تحياتي أخوي الكريم برق4
إذا كان ما يهمك الشكل ركب لأن شكل السيارة راح يكون غير متناسق مع الكفرات ( وجهة نظر )

وبالنسبة لحساس هواء الكفرات هي عبارة عن حزام ملفوف على الجنط فيه حساس لمراقبة ضغط الهواء أهم شيء إذا قررت تغيرها عليك تنبيه العامل أنه يوجد حساس علشان ما يخربه عليك
شكرا لك

[برق4]

السلام عليكم ورحمه الله و بركاتة

اخوي برق 4 مسيت بالخير

الله يسلمك انا ماجربت بالون 17 على يوكن ولكن ابي انصحك لاني جربت بالون 17 على سياره ثانيه وكان يوجد فيها حساسات للهوى الي في التواير

اولا انسى انك تركب بالون 17 مقاس 900 لعده اسباب انه راح يكون اثقل على السياره و يقل العزم شوي
و الشي الثاني انه راح يكون كبير واحتمال انه يحك في الرفرف من داخل وخصوصا اذا كنت لاف الدركسون

ثانيا يوجد بالون حجم 17 ولكن مقاس 850 وهذا هو الافضل و بالتحديد نوع ( اسمه سايمكس ) وعندنا في الدوحه وكيله هو نفس وكيل تواير بيرلي والفرق عباره عن 50 يعني في الشكل ماتفرق عن اي بالون ثاني
ولكن احتمال انها تحك اقل
وبالنسبه للحساسات عادي اشتغلت بعد تركيب البالون و كانت الحساسات في ابره التاير الي تنفخ هوى التاير منها
اما اليوكن ما ادريولكن اعتقد الحساسات كلها بنفس المكان , يعني تغير التاير ولكن الابره ما تغير
وجوده تواير سايمكس عاليه جدا و ناعمه
وبالتوفيق

اشكرك اخي العزيز / Aaziz
اسم على مسمى كفيت ووفيت
وانا حقيقه دققت بالسياره وحجم الكفر وتوقعت انه ممكن راح يحك في الرفرف...! بس قلت انه ممكن يكون احد قد سبق وركب نستفيد منه بارك الله فيك اخي الكريم وسلامي على اهلنا بقطر

[برق4]

تحياتي أخوي الكريم برق4
إذا كان ما يهمك الشكل ركب لأن شكل السيارة راح يكون غير متناسق مع الكفرات ( وجهة نظر )

وبالنسبة لحساس هواء الكفرات هي عبارة عن حزام ملفوف على الجنط فيه حساس لمراقبة ضغط الهواء أهم شيء إذا قررت تغيرها عليك تنبيه العامل أنه يوجد حساس علشان ما يخربه عليك
شكرا لك

هلا والله بأخي ابو لميس ...
كلامك سليم ان الشكل راح يكون غير مناسب بس مثلك خابر ما راح اركبها الا اذا نويت الذهاب الى المكشات والبران لأن اليوكن نازل ولا تقدر تنزل فيه من اماكن رمليه مرتفعه لأنه راح يحك وجهه وتروح خشته وطي وهذا مجرب هههههه
بخصوص الحساسات مشكور على المعلومات الطيبه تقبل تحياتي ...

[أبو LAMeS]

لا شكر على واجب

من ناحية نزول اليوكن من الأمام والله أنه مشكلة فعلا نازل أكثر من بعض السيارات الصغيرة

أنا طاحت علي اللوحة مهوب معقولة اللوحة جاية تحت اللحية

لكن في طريقة رغم أني لا أحبها وهي رفع الموتر

تحياتي

[برق4]

والله انا حقيقه كان من ضمن الخيارات هو رفع وجه الموتر بس قلت خلينا نشوف ان كان احد ركب كفرات على العموم ننتظر... لعل الله يسهل الأمور

[برق4]

الله يجيب لنا الي قد ركب وجرب

[غضنفر]

حرام عليك تطامر بيوكن في البران
اليوكن ما صمم للنفود
اقترح عليك
تجمع لك 20 الف
وتشريلك ربع نيسان 91 او هيلوكس غمارة 92 وتخليه للبر فقط وتخلي اليوكن للديره والسفريات

[VTC]

في اعتقادي ان الموتر بيطلع شكله قبيح

[الليث 814]

هلا أخوي برق 4
أنا عارف واحد ركبها حجم 900 والصراحه أنه
مامدحها أشتكى منها على أساس حجمها كبير وثقيله
على الموتر أما من ناحية حجم 850 ماراح ترفع الموتر
ولا راح تنفع بشي وراح يطلع شكله غبي مررررره ههههه
مافيه حل الا انك ترفع الموتر وتطامر بأي مكان وجهة نظر

تحياتي

[الوعب]

السلام عليكم

انا اختلف مع اخوي ليث 814 بخصوص انه حجم 850 ماراح ترفع السياره ؟ ليش ماترفعها حجمها اكبر من تواير اللشركه و هي اقل في الارتفاع بشوي عن حجم ال 900
سبق وذكرت انه تم تركيب حجم 850 على سياره و هي من نوع نيسان تيتان ركبت وشكلها روعه
وقبل لانركبها في المحل جاب حجم 900 وحجم 850 وكان الفرق بسيط جدا يمكن سانتي واحد بس في الارتفاع
وبعد تركيبها صاحب السياره اضظر انه ينزل نور السياره شوي لانه ارتفع بسبب ارتفاع التواير

[الليث 814]

أخوي عزيز يعطيك العافيه

أنا أتكلم بالنسبه لحجم اليوكن حجمه كبير بالمقارنه مع النيسان الي ذكرت يعني حجم السياره مايفيده ال850
أما من ناحية الفرق بين الحجمين للبالون أنت شفتها قبل النفخ بالهواء ولا الفرق واضح لوكانت متقاربه على كلامك مانزلت مقاسين
ولك تحياتي

[غالي]

طيب ياخوي
الجموس من 2000 الى 2006
كانوا يفكون اللحيه الاماميه
هل 2007 تنفك؟ خصوصا عند طلعاتك للبر؟ او حتى لموسم الشتاء كامل

اسأل وشف

[برق4]

حرام عليك تطامر بيوكن في البران
اليوكن ما صمم للنفود
اقترح عليك
تجمع لك 20 الف
وتشريلك ربع نيسان 91 او هيلوكس غمارة 92 وتخليه للبر فقط وتخلي اليوكن للديره والسفريات
عزيزي غضنفر حرام عليك من يوكن 2007 الى هايلوكس غمارة ما تجي ذي اشكر لك حرص واهتمامك والله يوفقك ويبارك فيك ....

[برق4]

في اعتقادي ان الموتر بيطلع شكله قبيح
كلامك سليم بس انت بتروح للبر يعني خل عنك التكشخ والتفشخ الدعوى مطامر وانت تبي اللي يريحك في البر بس بالديره اكيد لا بد انك تركب كفرات شد بلده ... لك مني خالص التحية

[برق4]

هلا أخوي برق 4
أنا عارف واحد ركبها حجم 900 والصراحه أنه
مامدحها أشتكى منها على أساس حجمها كبير وثقيله
على الموتر أما من ناحية حجم 850 ماراح ترفع الموتر
ولا راح تنفع بشي وراح يطلع شكله غبي مررررره ههههه
مافيه حل الا انك ترفع الموتر وتطامر بأي مكان وجهة نظر

تحياتي
اخي العزيز الليث /
اعتز برأيك وكلامك سليم طالما ان خويك جرب تركيبها ولا مدحها ووجهة نظرك في محلها .... مشكور على المرور

[برق4]

السلام عليكم

انا اختلف مع اخوي ليث 814 بخصوص انه حجم 850 ماراح ترفع السياره ؟ ليش ماترفعها حجمها اكبر من تواير اللشركه و هي اقل في الارتفاع بشوي عن حجم ال 900
سبق وذكرت انه تم تركيب حجم 850 على سياره و هي من نوع نيسان تيتان ركبت وشكلها روعه
وقبل لانركبها في المحل جاب حجم 900 وحجم 850 وكان الفرق بسيط جدا يمكن سانتي واحد بس في الارتفاع
وبعد تركيبها صاحب السياره اضظر انه ينزل نور السياره شوي لانه ارتفع بسبب ارتفاع التواير
اهلا" بك اخي Aaziz
مشكور على المرور واضافة هذه المعلومة تقبل تحياتي ....

[برق4]

طيب ياخوي
الجموس من 2000 الى 2006
كانوا يفكون اللحيه الاماميه
هل 2007 تنفك؟ خصوصا عند طلعاتك للبر؟ او حتى لموسم الشتاء كامل

اسأل وشف
اخي العزيز / غالي
اهلا"بك بالنسبة للحية الخاصة باليوكن تنفك بسهوله لاكن هي ما تمثل ذاك الشي الكثير لأنها صغيره جدا"اقصد البلاستيك السفلى اللي لونها اسود وهي بارتفاع حدود 10سم ما تمثل شي لو نزلت من مرتفع كبير راس طعس او خلافه او الشجر اللي بالبر ...
اشكر لك مرورك

[123]

هلا والله اخواني
انا عندي تاهو دفرنسين وإن ماخاب ضني اعتقد ان فيه فريرات

[سليمان911]

بشر اخوي برق4 ركبت كفرات البالون ولا لا

[تاهو2007]

مرحبا أخوي برق

اليوكون مهوب بعيد عن التاهو بس مشكلة الوجة اتفق معك انها شوي معقدة لأنة نازل والصدام كبير على غير سنع وحتى لو ركبت كفرات بترفعه شوي لكن ماراح تحل المشكلة واللحية لو شلتها ايضا ماراح تعطيك فرق واجد

الخيارات يمكن تكون

انك تركب لة كعكات وانت حر تبي تركب كعكات ربل او او العادية وأكيد راح تعطيك الأرتفاع اللي انت تبي وحسب المقاس وراح ترفع وجة الموتر صح ,,

وهذا رائي والخيار لك وعسى الله يوفقك

تحياتي

[سليمان911]

طيب اخوي تاهو 2007
انت رفعت وجه التاهو ...؟؟

[الهاوي.]

مشكووووووووووووووووووووووووووووووووووور

[التلقيمه]

حرام عليك تطامر بيوكن في البران
اليوكن ما صمم للنفود
اقترح عليك
تجمع لك 20 الف
وتشريلك ربع نيسان 91 او هيلوكس غمارة 92 وتخليه للبر فقط وتخلي اليوكن للديره والسفريات


كلام سليم كلام سليم

[ابوقاسم]

اعتقد لو حجم السيارة 25 ما تحتاج ترفيع ولا بالون
ولكن لوكان الحجم 15 راح تحتاج للترفيع
واسئل الوكالة عن الترفيع هل هناك طريقة غير تبديل الكفرات او اضافة كعكات
تحياتي

[برق4]

بشر اخوي برق4 ركبت كفرات البالون ولا لا

لا والله اخي العزيز لم اركب الكفرات لبعض السلبيات التي قد تحدث من تركيبها الشكوى لله ما به ربيع يشجع انك اطامر الله يجيب الخير

[برق4]

مرحبا أخوي برق

اليوكون مهوب بعيد عن التاهو بس مشكلة الوجة اتفق معك انها شوي معقدة لأنة نازل والصدام كبير على غير سنع وحتى لو ركبت كفرات بترفعه شوي لكن ماراح تحل المشكلة واللحية لو شلتها ايضا ماراح تعطيك فرق واجد

الخيارات يمكن تكون

انك تركب لة كعكات وانت حر تبي تركب كعكات ربل او او العادية وأكيد راح تعطيك الأرتفاع اللي انت تبي وحسب المقاس وراح ترفع وجة الموتر صح ,,

وهذا رائي والخيار لك وعسى الله يوفقك

تحياتي

بس مشكلة الكعكات انك بتبلش بها في التركيب وفكها عند عدم الحاجه لها واعتقد ان مالك الا الرفاقه اذا دخلت البر والأبتعاد عن كل ما هو شديد الأنحدار والله الموفق :(

[سليمان911]

لا والله اخي العزيز لم اركب الكفرات لبعض السلبيات التي قد تحدث من تركيبها الشكوى لله ما به ربيع يشجع انك اطامر الله يجيب الخير

هلا والله اخوي برق4 وش سلبياته لاني ناوي اركب على تاهو
طبعن موب دايم وقت طلعات للبر بس

[الركبي]

الاخوة الاعزاء

السلام عليكم ورحمة الله وبركاته

حبيت اشارك بسبب انه بعض الاخوة ذكر ان اليوكون لايصلح للبر وهذا الكلام غير صحيح ويحتاج تفصيل

أولا : انا عندي يوكون 2002 فيه دبل ازرار وشهادة حق ام الموتر جبار ودخلت فيه لاماكن كثيرة من النفود في الشمال ومسافات بعيدة جدا وعزم الموتر ( المحرك ) من أقوى المحركات التي جربت والموتر مريح جدا وراكد وماهو بالنازل كثير فهو مقارب لارتفاع اللاند والسفاري وبالامكان ازالة اللحية كما ذكر الاخوان ولكن لم احتاجها على الرغم من اني طلعت ونزلت من قعوره كثيرة وكنت برفقة اخوان معهم لاند وسفاري والله ماشفت ان فيه فرق كبير
ثانيا : من ناحية المحرك محرك اليوكون هو نفسه محرك الهامر ( حسب ظني لاني كشفت ماكينة الهامر وجدتها طبق الاصل محرك فورتيك ثلاثي- انا أتكلم عن يوكون - 2002
اما بخصوص الدبل فطبعا دبل اللاند والسفاري أقوى ولكن يساعد اليوكون قوة العزم
ثالثا : نصيحة لاصحاب اليوكون وخصوصا من يرغب الذهاب للبر والطعوس نزل الهواء على ضغط 30 أو 25وحط الدبل على أوتو وما راح تواجه اي مشكله باذن الله وأهل البر دايما نزلون هوا الموتر حتى يريح الدبل

وأخيرا انا جربت كفرات البالون بس حج اصغر ولكن غير مريحة على الطريق ويطلع للكفرات صوت بعد سرعة ال 140 كلم واعذروني على الاطالة مع تحياتي

اخوكم الركبي

[AL_3NZI]

يا شباي انا عندي بليزر وابي اركب عليه بالون وكالجنوط 17 وماحصلت بالون 17 وانا بالدمام , وفكرت اركب جنوط 16 6 مسامير وما ادري الجنوط الاستراليه تركب ولا لا

[برق4]

اعتقد لو حجم السيارة 25 ما تحتاج ترفيع ولا بالون
ولكن لوكان الحجم 15 راح تحتاج للترفيع
واسئل الوكالة عن الترفيع هل هناك طريقة غير تبديل الكفرات او اضافة كعكات
تحياتي

حياك ربي على المرور والمعلومه الطيبه

[سليمان911]

اخوي الركبي انت تتكلم عن 2002 المشكله في 2007
نازل الوجه مررره

[سليمان911]

يا شباي انا عندي بليزر وابي اركب عليه بالون وكالجنوط 17 وماحصلت بالون 17 وانا بالدمام , وفكرت اركب جنوط 16 6 مسامير وما ادري الجنوط الاستراليه تركب ولا لا
والله ياخوي ماعندي خلفيه بس ان شاء الله الاخوان يفيدونك

[الركبي]

المعذره ياخوي سليمان 911

تحياتي

[برق4]

وين الشباب محد وجد حل لنزول وجه اليوكن

[سليمان911]

والله انا فكرت فيها يانفك الصدام

ولا اشتري صدام تاهو Z71

بس هل اهو يركب على التاهو

[علي الشهري]

الاخوة الاعزاء

السلام عليكم ورحمة الله وبركاته

حبيت اشارك بسبب انه بعض الاخوة ذكر ان اليوكون لايصلح للبر وهذا الكلام غير صحيح ويحتاج تفصيل

أولا : انا عندي يوكون 2002 فيه دبل ازرار وشهادة حق ام الموتر جبار ودخلت فيه لاماكن كثيرة من النفود في الشمال ومسافات بعيدة جدا وعزم الموتر ( المحرك ) من أقوى المحركات التي جربت والموتر مريح جدا وراكد وماهو بالنازل كثير فهو مقارب لارتفاع اللاند والسفاري وبالامكان ازالة اللحية كما ذكر الاخوان ولكن لم احتاجها على الرغم من اني طلعت ونزلت من قعوره كثيرة وكنت برفقة اخوان معهم لاند وسفاري والله ماشفت ان فيه فرق كبير
ثانيا : من ناحية المحرك محرك اليوكون هو نفسه محرك الهامر ( حسب ظني لاني كشفت ماكينة الهامر وجدتها طبق الاصل محرك فورتيك ثلاثي- انا أتكلم عن يوكون - 2002
اما بخصوص الدبل فطبعا دبل اللاند والسفاري أقوى ولكن يساعد اليوكون قوة العزم
ثالثا : نصيحة لاصحاب اليوكون وخصوصا من يرغب الذهاب للبر والطعوس نزل الهواء على ضغط 30 أو 25وحط الدبل على أوتو وما راح تواجه اي مشكله باذن الله وأهل البر دايما نزلون هوا الموتر حتى يريح الدبل

وأخيرا انا جربت كفرات البالون بس حج اصغر ولكن غير مريحة على الطريق ويطلع للكفرات صوت بعد سرعة ال 140 كلم واعذروني على الاطالة مع تحياتي

اخوكم الركبي

أنا أشهد على صحة رأيك يالغالي
معي مثل موترك ويا ما قطعت فيه النفود وبالذات الدهناء
ولم أشتكي منه في شيء
لكن أخالفك في قضية وضع الدبل على زر Auto
تراه غير جيد مع الزمن للدبل
حطه على Hi وريح نفسك

وبالنسبة للبالون يا أبو ناصر ما أنصحك بها
لأنها ما تتناسق مع موترك 2007
عسى الله يبارك لك فيه

ونسيت أقول لك وش لونك يا أبو ناصر
عساك طيب :D

[برق4]

أنا أشهد على صحة رأيك يالغالي
معي مثل موترك ويا ما قطعت فيه النفود وبالذات الدهناء
ولم أشتكي منه في شيء
لكن أخالفك في قضية وضع الدبل على زر Auto
تراه غير جيد مع الزمن للدبل
حطه على Hi وريح نفسك

وبالنسبة للبالون يا أبو ناصر ما أنصحك بها
لأنها ما تتناسق مع موترك 2007
عسى الله يبارك لك فيه

ونسيت أقول لك وش لونك يا أبو ناصر
عساك طيب :D

هلا والله بنظر عيني ابو احمد
وش هالساعة المباركة اللي شرفتني فيها بمرورك الكريم . اما ان سألت عني فأنا بخير وصحة وعافية اما ان كان السؤال عن اللون الخاص بالبشرة فهو حنطي ... :D .
بالنسبة للبالون ونظرا"لما افادوني به الأخوان فقد تم الغاء الفكرة من جذورها ... والله يبارك بعمرك اخي الغالي
ابو احمد

[راعي هوى]

ياخوي انا مركب ماكسس 900 على تاهو 2002 لاحك في مدقر (الرفرف) ولاهم يحزنون ونظره تبارك الرحمن احلى وبالبر اكبس ولا تحسف الصراحه انصحك وعلى فكره جنوط 17 والرجفه حيل خفيفه ماتذكر ويالله لك الحمد واسمح لي على الاطاله

[برق4]

مشكور اخي العزيز / راعي هوى
على المعلومات الطيبة التي زودتنا بها ولا يمنع انا نجرب بارك الله فيك

[ابوعابد 111]

انا شريت يوكن 2012
وافكر اركب كفرات بالوون ;);)
بس خلنا نسال المجربين

[التعـ King ـديل]

ركب 900 ماكسس 8 غاط وارفع الموتر بكعكات 2 سم وبيطلع اخر تمام ولا تنسى تصوره يشوفونها الاخوان اللي يقولون مايصلح وتعطيني دوره عليه :)

[Ra3e]

انا من مجربين البالون على اليوكن لمده سنه
اول شي لازم تركب كعكات (ربل) وعددهن 6 وانصحك تحط ورا الكفر الخلفي 4 يعني 2 فوق بعض بكل كفر والي قدام كذلك والي بالنص حط 1 يمين ويسار

طبعا لاازم ولا مهب راكب الكفر


والكفر الصدز يثقل العزم لاكن يفرق بالنفود وفي مشكله بسيطه وهي انك للفيت الدركسون وباقي ربع لفه على الكسره تسمع صوت الكفر يحك بالمساعد هههههه وهاذي مشكله

[يالبى الهلا]

عزيزي غضنفر حرام عليك من يوكن 2007 الى هايلوكس غمارة ما تجي ذي اشكر لك حرص واهتمامك والله يوفقك ويبارك فيك ....

والله انه اقتراح ممتاز بدل ماتكد الجديد ويخرب وحساسات وخرابيط مالها داعي؟
اشتر قديم وفل الحجاج والقطع رخيصه ومتوفره وبامكانك انت تصلحه انا معك وبشده اشتر موتر قديم والجديد لايشوف الهواء الاعند السفر والمناسبات

[كم كيلو باقي]

واحد من ربعي معه حوض 2500 2011
رافعه 4 سم من الأمام .. ومن الخلف وكاله

ومع كذا يحك البالون اذاا كسرت الطارة