الوكاله اتصلوا بخصوص fj كروزر

[ولد وايل]

السلام عليكم ورحمة الله وبركاته

اخواني اطلب مشوركتم ومشورة اصحاب الاف جي كروزر

جاءني اتصال من شركة عبداللطيف جميل وقالوا لي اني لي دعوه يوم الخميس بفندق هوليدي ان العليا لاجل الاستفسار عن طريقة الاستخدام وماهي المشاكل التي تتعلق بالاف جي كروزر وقالوا سبب هذا الاتصال انك من اوائل من استخدم السياره واول من دخل صيانة الفرع الذي هو بغرب الرياض

ابي رايكم ياشباب تتوقعون وش يبون تويوتا وما هي اسباب الدعوه

وهل تنصحوني للذهاب اليهم


اخوكم ولد وايل.. ابوفي

[غضنفر]

رح لهم يا رجال
وش بيضرك
ان لقحت ولا ماضرها الجمل

[ولد وايل]

مشكور اخوي غضنفر بس تتوقع وش يبون اعطل اشغالي واروح لهم

[محسن اليامي]

مبروك مقدما ههههههههههه
رح يارجال يمكن فيه هديه ثمينه

[مـدحـدر]

الا رح

و تكلم عن سلبيات السياره وكيلها

وسلامتك

[أصغر زعيم]

اخوي ولد وايل شرايك باالسيارة هل هي تمام ولالا في الخط والبر لاني حاجز وحده ودافع فلوسها ومتخوف انت جبرتها وابي رايك بصراحه؟؟؟؟؟؟؟؟؟

[فتى احد]

السلام عليكم ...


مبروك أخوي وترا الوكالة راح يعملون مؤتمر صحفي خاص بسيارة fj وأحتمال يعطونك ورقة وتقراها أمام الحضور بعدها راح تبدأ الاسئلة العامة وملاحضاتك عن السيارة تجهز من الان وبالتوفيق .

[هاوي البر]

رح وخذ معك خيال نجد تراه شراء السيارة الله يبارك له ولك فيها وحط عنها تقرير مفصل وزي ماقالوا الشباب اكيد فيه تكريم لك او هديه قيمه ان شاء الله

[طحنون]

رح لهم ودق الكبتشينوحقهم واذا في عشاء ماهي بشينه
بس انتبه انك تمدح السياره وتقول ان السياره مافيها شي وانها ممتازه
لا اول شي بري ذمتك منها قول لهم الامور السلبيه والايجابيه اتركها علشان تصير السياره بعينهم
ماهي شي
.................................................. .................................................. .............


(ملاحظه)
ترى الوكاله غصب عليها ان تسوي ذي الامور لان اكيد في زائر من الشركه الام وعلى كذا هم مسوين البرنامج
بس يروح المقرود حقهم تروح الاوراق والاستبيان معه في هباب الريح ولا ينظر لها بس مجرد روتين
للشركه
وهاذا كلام واقعي جدا ومجرب مع كذا شركه ماهو بس تويوتا

[رحال7]

تأكد انك ستحاسب يوم القيامه على كلامك وخصوصا ان هذا الامر قد يستخدم فى عمل دعايه واقناع اخرين بشراء السياره بسبب صوره لك او كلمه بسيطه تقولها ويخلونها فلم هندى!

لا تغريك هديه تافهه منهم او استقبال من اجل شىء فى انفسهم..فى نهايه الامر هذه سياره و ستبيعها زينه او شينه!

قل الحق!

[ولد وايل]

اخواني السياره ولله الحمد جميله بالخط والبر بس فيها عيب التنسيم والعيب الثاني انها مستحيل تفحط الكفرات لان فيها مانع للانزلاق ولله الحمد لم اتحسف بالدفع عليها ولازلت اكرر سياره يابانيه اما العيوم تنسيم الهواء والفرق بين الفل اوبشن عن العادي وهي الدف لوك و A-trk هذا يقولون حق السحب وغطاء الاستبنه والصدر لحماية الكرتير من الاصطدام
والخطاء الذي وقع فيه موظفي وكالة تويوتا نسو ان الارباق للفل ابشن اكثر من العادي العادي ارباقين فقط والفل اكثر من خمسه وما اقول الا الله يسامح الموظفين

[ولد وايل]

اخي الكريم رحال نحن نراقب الله ولا ينقصنا الظهور بالاعلام والحمدلله انني ابحث عن جميع عيوب السياره وانا الان اكتب تذكرت تانكي البنزين صغير وتانكي واحد فقط هذا من العيوب

بارك الله فيكم

[عاشق برادو]

نصيحة شاملة في رايي:

1- اذكر لهم عيوب الموتر كما تذكر الايجابيات
2- اقترح بعض التغييرات المستقبلية
3- مهم جدا أن تتكلم عن تلاعب الوكالة بالسيارات ومن ضمنها اف جي
4- لو تذكر للوكالة بعض

[عاشق برادو]

إكمال
4- لو تذكر للوكالة بعض الأمور التي تفعلها بعض الوكالات الخليجية من إضافات وتزيين ونحوها

[ولد وايل]

اخواني ساعدوني بماهو سلبيات الوكاله لاني راح ادخل عالموضوع هذا وراح اخليهم يطلعون عليه اي شي سيئ عن الوكاله او الاف جي اذكروه تحياتي لكم

[Black VTC]

هم ليسوا بحاجة الى ايجابيات السيارة الا من ناحية دعائية فقط لاغير ..

ركز كثيراً على السلبيات اللي انت ذكرتها تنسيم الهواء و صغر التانكي ... وبما انك غير راضي عن موظف المبيعات اللي ما ذكر لك ان الفل يجي 5 ايربقات فلك الحق انك تعترض عليهم وتوصل المعلومة لهم وتطالبهم بتبديل السيارة و تدفع لهم الفرق , طبعاً اعتقد انك لن تصل لهذا ولكن يكفي ان يعرفوا ان الشاب السعودي قادر على المطالبة بحقه لو كان المشتري امريكياً لاستبدلوا له السيارة فوراً ؟؟؟؟؟؟؟!!!!!!!!!...

[ولد وايل]

بارك الله فيك اخي اما من ناحية انهم سيبدلون لي السياره فهذه مستحيل لانك في مكان لايوجد لك الحق فيه

[بدون لوحات]

من الملاحظات على الجيب هى عدم وجود صاجه على الدبل لحمايته(غيرمصفح ) يعنى اى حصاة اوضربة خفيفه على القير والدبل تجيب العيد

[Avalanche]

بدون تعليق ........

[أبو LAMeS]

يأخي راح وشف وش عندهم ولا تجاملهم بمدح السيارة بل على العكس أذكر عيوبها إذا فيها عيوب
وإذا كانت المسألة دعاية طالبهم بفلوس ولا أحد يهمك
شكرا لك

[ولد وايل]

الغريبه انهم كرروا الاتصال .............

اشكر لكم مشاركتي بالموضوع

[سعد الاحمد]

رح لهم وبالتوفيق ان شاء الله وراقب الله في كل كلمة ستقولها لهم سواءً كانت لصالحك او لصالحهم ...

الله يطعمك من خيرها ويكفيك شرها ان شاء الله ...

[هاوي البر]

توكل على الله ورح وخذ من كلام اخوانا في مكشات
ونبي تفرد لنا موضوع عن ما دار في اللقاء وياليت تاخذ معك كمرة تصور الحفل ان امكن
وموفق ان شاء الله

[ولد وايل]

باذن الله التصوير راح اصور بلجوال ان 73 اتمنى كل من معه اف جي يخبرني عن عيوبه اخواني الاعزاء بيض الله وجيهكم على مساعدتي

ولنا تغطيه بعد اللقاء

اخوكم ابوفي

[myking]

الله لايهينك ياولد وايل ممكن تذكر لهم النقاط التالية:
1- مثل ما اسلفوا الاخوان صغر تانكي البنزين 71 لتر يعني زي الكامري

2- الثلاجة بين المقعدين الاماميين حيث انه جيب بلا ثلاجة مايسوى

3- ونش للسحب

4- مكيف خلفي هذي حط عليها خطين

5- فيش الكهرب 110 وين وداه ابوجميل

هذي خلاصة العيوب بالنسبة لي واتمنى اني وفقت في الاستنتاج

[غالي]

ان جيت للجد
حرام تتكلم بكلمه وحده
وربي محد يستاهل منهم
وفي الموديل الثاني الي ينزل يحطون الاشياء او بعض الاشياء الي سمعوها منكم
ويرفعون ربع سعرها يقالهم اضافوا شيء جديد
وهم يعرفون انكم محتاجينه والا كان مااقترحتوا

وانا عارف كلامي بيزعلكم او اكثركم

بس هل اليابانيين وخصوصا تايوتا الي صنعت الجيب اللكزس او الفي اكس ار او او او او
مايعرفون بالنواقص والسلبيات والايجابيات؟

والله اعلم عاد وموفق

[غضنفر]

سجل عندك هالكم ملاحظة
- ليش التندة بيضاء ؟؟؟؟؟؟؟
ما تتناسب مع بعض الالون مثل الاصفر والبيج يجي شكل الموتر غلط
- انا ما جربت السيارة لكن شفتها في الوكالة ومن ضمن ما رايت
السيارة تاتي بمروحة ميكانيكية واحدة فقط
لا توجد مراوح كهرب
اتساءل في الصيف ومع تشغيل المكيف والدبل كيف ستكون حرارة السيارة ؟؟؟؟؟؟؟؟؟
خذ مثلا الباترول
يأتي بثلاث مراوح تبريد واحدة ميكانيكية و اثنتين كهربائية
واحدة تشتغل بتشغيل المكيف والاخرى عندما تتجاوز الحرارة الربع
- الباب الصغير اذا فتح كاملا يكون مائل ومع الوقت يبدأ الباب في التهرقل
- هل يوجد فئة تاتي بقير عادي ؟؟؟؟؟
اقترح على عبداللطيف جميل ان يوفر فئة
تاتي بمواصفات سياحية
نوافذ و اقفال يدوية وقير عادي ودبل عصى وصدامات سوداء ويلغي فيها الدفلوك والايرباقات وغيرها من الرفاهية
ويكون سعر هذه الفئة من 92-94 الف
- السيارة تحتاج الى رفع اكثر عن مستوى الارض وخاصة شاصية السيارة من الاسفل
- مرتبة الراكب يفترض ان يتوفر فيها عصا او فرار تتيح لمن يركب في الخلف ان يثنيها اذا اراد النزول
مثل الدعاسة التي تتوفر في مرتبة الباترول
- يوجد مساحة كبيرة اسفل السيارة بعد الدفرنس لماذا لا تستخدم لاضافة تانكي بنزين
اضافي من الشركة ؟؟؟؟ خاصة ان تانكي البنزين الاساسي صغير جدا ولا يمكن المخاطرة به وحده
- لماذا سرعة السيارة فقط 180 ؟؟؟؟ رغم ان المكينة نشيطة وبامكانها الذهاب الى ابعد من ذلك
- المكيف الواحد لايكفي للركاب في الخلف ينبغي توفير مكيفين
- مجال الرؤية سيء جدا لقائد السيارة اذا اراد الرؤية الى الاجناب او خاصة الى الخلف
اقترح توفير كاميرا خلفية
- داخلية السيارة ليست بتلك الفخامة التي تناسب المئة الف المدفوعة فيها
اقترح اما ان يخفض سعرها او يوفر فيها فخامة اكثر
والسلام

[ولد وايل]

اخواني اشكركم جزيل الشكر من ناحية السرعه 180كم والله ودي يقللونها
اما صغر التانكي فهذه مشكله
اما السعر مقارنه بدول الخليج ارخص بالسعوديه

المروحه حقت المكينه عيبها انها مكانيكيه مو كهربائيه

بارك الله فيكم وباذن الله احضر معهم واعطيكم ماذا حصل

[الربذي]

بارك الله بك اخي رحال ومبروك لاخونا ابو في ماعليش متاخره الله يعطيك من خيره ويقاك شره

[ولد وايل]

الله يبارك فيك اخوي

ابشركم انتهى الاجتماع ولنا حديث مفصل بالصور عن الاجتماع من الالف الى الياء

[طعمات]

اذا تقدر رح لهم بياخذون معلومات عن الموتر وملاحظات واستبيان وانت بدورك قل الي تلاحظه دون مبالغة
منها يمكن يعطونك خصم ... يصير تستفيد ..

والله يعطيك خيره ويكفيك شره

[أصغر زعيم]

اخوي ولد وايل بأنتظار تقرير كامل

الله يعطيك العافيه

[براااوي]

رح لهم يا سنايدي ... وقل كل اللي تبيه

[ولد وايل]

اخوي طمعات رحت لهم وانتظر التقرير لما اكون رايق انزله بالصور

تحياتي لكم

[عاشق الأطلسي]

رح وسولف لنا عن الي صار باسرع وقت

[ولد وايل]

عاشق الاطلسي رحت لهم وجيت بس باقي السالفه بالصور

[طعمات]

احنا في انتضارك ....

موفق ان شاء الله.

[ولد وايل]

جزاك الله كل خير اخي طمعات

[ابوقاسم]

في انتظارك طال عمرك

[ولد وايل]

ابشر يابوقاااااااااااااااااااااااااااااااااااااااس م

[ولد وايل]

هذا هو رابط التقرير بالصور
http://www.mekshat.com/vb/showthread.php?p=1220456&posted=1#post1220456