المساعد الشخصي الرقمي

مشاهدة النسخة كاملة : أبوجميل والكفرات وش السواة ؟؟؟


عزوز الليل
30/10/2007, 04:21 AM
السلام عليكم ورحمة الله وبركاته ...
حياكم الله جميعاً اما بعد ...
خالي شرا جي اكس ار 2007 الموتر ماتم شهر الا والكفرات محبله يعني فيها توريم من جنوبها
المهم راح للوكالة قالوا له رح اختبرها عند الوكيل الي هو دنلوب مسيكين تحمس وراح اختبروها وعطوه شهادة انه سوء تخزين راح للوكالة قالوا له رح للوكيل الي انت شريت منه الموتر راح للوكيل وهو وكيل معتمد من أبوجميل قال مالي دخل وش السواة ..
للعلم : السالفة طولت لأنها راحت جدة مدري كم مرة وانواع المماطل يالله دنيا ,,,
موفقين احبتي لما يحبه ويرضاه ...
الي عنده حل لايبخل علينا ولا الي يعرف احد في الوكالة يفزع والسلاااااااااااااااااااااااااااااااااااام
ناصح
30/10/2007, 06:38 AM
يا أخي أنا شاري جي أكس أر وكانت الكفرات متأكلة نتيجة التخزين ..

وذهبت لوكالة تايوتا في الرياض طريق العليا وبدولها لي كلها على الضمان ..
عزوز الليل
31/10/2007, 04:31 AM
راح لهم ومافيه فايده
عافاك الله أخوي ناصح << على اسمك
sultan990s
31/10/2007, 04:45 AM
هذا غلطتك لانك تشتري من الي اسمه عبد اللطيف جميل هذا اكبر نصاب يغير مسجل الجكس ار ويعمل تلزيقات ديكور بس في الاخير ضغطو عليه اصحاب الوكالات الخليجية والله نصيحه لله اتركو هذا العبد وفيه سيارات فيها مواصفات جميلة وافضل من مصاص الدماء هذا
عزوز الليل
31/10/2007, 04:48 AM
أرجو من المشرف نقل الموضوع لخيمة للسيارات
لبرتي
31/10/2007, 11:19 AM
معليش فيه طريقة تخليهم يغيرونها غصب عنهم ومجربة مع الجميح

سوينها ونفعت غصب عنهم

مدخل الصيانة سكره بموترك وأدخل على المشرف او مسئول الصيانة وتفاهم معه وقله هذا الموتر وهذا المفتح وقله برجع لكم وأحصل كل شي جديد

مجربه الطريقة
بس يبيلهم واحد ينفضهم ولا يتهاون معهم
عزوز الليل
03/11/2007, 04:49 AM
أخوي المشكلة الحين انهم مااعترفوا بالموزع المعتمد يقولون تفاهم معه !!!
أبو LAMeS
03/11/2007, 08:04 AM
تحياتي أخوي عزوز الليل
أنت خذ شهادة سوء التخزين على الغرفة التجارية وإن شاء الله راح تأخذ حقك
رح ما راح تخسر شيء فقط من باب التجربة وبعدين عطنا النتائج
وشكرا
سهم666
04/11/2007, 01:49 AM
مرحبا اخوي عزوز الليل .....
1\ثبت تاريخ المشكلة والكيلو متر للسيارة عند شركة ابو جميل بتقرير ، وبعدها خذ تقرير من شركة دنلوب.
2\ ارجع لشركة ابوجميل وقابل (مدير الصيانة أو الأفضل مدير الفرع) وأشرح له المشكلة وقدم له تقرير شركة دنلوب.
3\ في حالة عدم الإستجابة من مدير الصيانة أو مدير الفرع توجه الى مدير المنطقه وأشرح له المشكلة وقدم له التقرير .
4\في حالة عدم الإستجابة من مدير المنطقة ارسل ايميل لليابان وأرفق تقرير شركة دنلوب وراح يتجاوبون معك ويتصلون فيك .
هذه الإجراءت تستغرق منك يوم واحد فقط ..... من واقع تجربه لمشكله مشابهه جدا والحمدلله تم تغيير الكفرات واخذ كل ذي حق حقه .... تحياتي لك
ابن طيبة
04/11/2007, 11:17 AM
الله يعين عليهم
حسبي الله ونعم الوكيل
al-khaldi
07/11/2007, 02:38 AM
الاخ عزوز الليل السلام عليكم ورحمة الله وبركاته
الحل عادتا يوجد مسؤل عن الشركات المنتجه للسلع سواء سيارات او غيرها من نفس الشركه الام وهذه الخدمه موجوده في الشركات الامريكيه اللي اعرفه ومادري هل موجوده في الشركات اليابانيه وتحاول تتصل بهذا الشخص اما عن طريق الاميل او الهاتف وهو بدوره يوجهك ويجبر الشركه على تعويضك
وهذه القصه حصلت عندنا والسياره تحت الضمان وبدت الشركه تماطل واي اليوم واي بكره وعلى هذا المنوال
وحصلنا اميل المندوب الخاص بالشرق الاوسط وارسلنا له اميل ورد علينا بعد ثلاث ساعات وقال الوكيل يصلح الاعطال وعلى حساب الشركه وان اقتضى الامر اكثر من يوم يؤمن لك وسيلة مواصلات لحين اصلاح سيارتك وعذرا على الاطاله وشكرا والســــــــــــلام وربنا يوفقك