كيف نحفظ اغراضنا المهمه من الضياع في البر

[راعي الدتسن]

بسم الله الرحمن الرحيم

السلام عليكم ورحمة الله وبركاته

كثيرا مانصادف هذم المشكله

وهي (ضياع بعض الاغراض المهمه مثل المفاتيح او بعض الاوراق المهمه)

وهي كثيرا ما تحصل

اخر مره حصلت معنا امس

حيث طلعنا للبر،ويوم دخلنا الديره بحث صديقي عن مفتاح سيارته فلم يجده

واضطررنا الى ان نرجع الى نفس المكان

وبحثنا.......وبحثنا.......وبحثنا..


لكن بلا جدوى::mad: :mad:


السؤال--كيف نحفظ هذه الاغراض المهمه
من الضياع..خاصة في مثل هذه الاماكن؟؟


بانتظار ردودكم:light: light: :light:


وشكرا لكم

[laith]

وعليكم السلام ويا يامرحبا بك...

افضل طريقه يا طويل العمر انك تفصل تجيب بسحاب .... يكون شراع قوي وثابت في مكان معين .. في الباب او معلق اسفل الدركسون حسب نوع السياره..

كما انه يوجد خرج يباع تحطه على منطقة القير ..عملي وحليل..تحفظ به الجوال والمحفظه والمفاتيح وماشابه..

والسموحه

[ابوياسر 11]

حياك ربي ياأخوي (راعي الدتسن)
إضافة لأخي laith أقول:
أدراج السيارة (صارن شكل جمااااالي)؟؟؟؟!!!!!!!!!!!!!!!!!!!
عدم إحضار الاوراق المهمة إلى البر!
وفيه شيئ مهم وهو لابد إذا جلست بمحل خااااصة للتخييم يفضل
حفظ الاحداثيات في **القارمن** أو الماجلان**..
++++++++++++
وتقبل تحياتي واحترامي،،،،

محبكم : المجرووح

[بليزر]

اخي العزيز راعي الدتسن
السلام عليكم ورحمة الله وبركاته
إ ضافة لما سبق به الإخوة هناك طريقتين لحفظ الأمتعة الشخصية الضرورية وهي .
1 ) لما لايكون هناك ثوب خاص للبر تلبسه حين وصولك المكان وتحفظ ثوبك في مكان أمين
2 ) يمكن تقول هذه شغله مملة نخلع ونلبس كل مرة . طيب فصل ثوب خاص تلبسه للطلعات به مخابي واسعة ولها سحبات علشان كلما نقزة او تطارحة مع ربعك ما تطيح

وبالتوفيق

[أيمن]

رائع .. واصلوا ..

[الزعيم]

السلام عليكم
الاخوة الاعزاء

الاخ راعي الدتسن

بخصوص ضياع الاشياء فان افضل عدم اصطحاب الاوراق المهمة
ووافق كل الاخوة فيما اشاروا اليه .

اما بالنسبة للمفاتيح وخاصة مفتاح السيارة فهناك يوجد علبة بها مغناطيس يوضع بها المفتاح وتوضع في اي مكان بالشاص ولا يمكن لها السقوط توجد عند اصحاب تفصيل المفاتيح

راجي للاخوة السلامة والعافية

:good:

[شاص]

بالنسبة لضياع المفاتيح به طريقة وهي أنك ترفع أريل السيارة وتدحل حلقة المفاتيخ بوسطها وإذا احتجت طلعها وردها مكانها بعد ماتنتهي .. والمفروض يصير مع الواحد سبير من مفاتيح الألمنيوم بالمحفظة لأنه بيحتاجه في وقت ما

[عبدالعزيز الدباسي]

من ناحية الاوراق المهمة المفروض ان الواحد ما يأخذها معه للبر ، اعقتد ان اهم شى هي البطاقة الشخصية ، ومن ناحية المفتاح من المفروض ان كل واحد يضع له نسخة من المفتاح في اي مكان في السيارة سواء يضعه في علبه مغناطيس ويضعها في اسفل السيارة او يضعها داخل اسطب السيارة الخلفي او في احد صدامات السيارات من تحت ،،،،

وهنا اقترح ان كل واحد يعلمنا وين حاط النسخة الاحتياطية للمفتاح ، ويضيف عليها وين ساكن :p

وهذه النسخة يضعها فقط للضرورة عند ضياع المفتاح ،،،، اما المفتاح الاصلي فكل واحد وطريقته في حفظ مفتاحه فالبعض يضعه على انتل السيارة والبعض يضعه على المساحات والبعض يضعه على كفر السيارة والبعض يضعه داخل السيارة ويفتح النوافذ (وهذا يورط اذا كان فيه ذباب) وفي ناس تضعه داخل السيارة وتسكر عليه:p

[عاشق الصقور]

بصراحه موضوع شيق والأشوق هو الردود

نترك التفلسف /// بصراحه أنا أحط المفتاح في الميداليه والميداليه في الأنتل بس من زود الحرص

بعض الأحيان أحطه في الحزام لأنني كني شايب أربط حزام على بطني ثمن أحطه هو والحزام عند النوم

أو عند التملل منهن في مخباه الخيمه أو أربطه بالحنايا ::: وكذلك الإثبات ،،، أما الأوراق فما أتوقع أحد

يظهر بهن ////// وأتاسف على الإطاله ,,, وشكرا

أخوكم عاشق الصقور

[nooh79]

بسيطة يالربع الاشياء الخاصة حطها بالسيارة وقفل السيارة ديما رافع كل زجاج النوافذ وبعدين حط مفتاح السيارة في واحدة من المحلات 1- على المساعد الأمامي ليسار السواق , 2-من الداخل (جهة الموتور) للصدام الامامي ليسار السواق , 3- على الشاسيه من جهة الكفر الأمامي.

[أيمن]

( لقد تم إضافة هذا الموضوع إلى مواضيع المبتكرات والاختراعات (http://www.mekshat.com/vb/showthread.php?s=&threadid=12308) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[ابو مساعد]

والله أحيي فيكم هذا الموضويع الجيدة هناك جفير المسدس لو فصلنا بدل مكان المسدس بوك كبير وله سحاب .
يأخذ الاوراق والمفتاح وهو لا يضيغك في الحركة .

يكون هناك في الرجل وعلى الفخذ وتحت اليد .

تحياتي

[كايد]

حط اغراضك اللي ما تحتاجها داخل الدرج مثل البوك البطايق الخ..........
وشكرا

[العودالازرق]

عندي تجربه مهي رجعنا من الرياض لام المصران عشان واحد ضاعت مفاتيح البيت والسياره والمكتب. افضل شىء ما تاخذها معاك او انك تحطها في المخبا الموجود خلف مرتبت السائق

[GENERAL 3NTAR]

ana ashoof anah a7saan shay

tefasellik jyoob lha sa7aab

wellah alafthal anik tejareb malabis alre7lat ykon feha kether jyoob o laha sa7abat

3shan tegasim kil mokan l7ajaah

o ykonn 3amaly akthar fe alri7laat



o methel ma tefathalo ale'7waan
alawraag alrasmeyah malha da3e


:light:

[أبو فراس]

السلام عليكم ورحمة الله وبركاته

خذ لك مركا خاص بك ولا تخلي احد يستعمله وتراه عادي انك تقول لا احد يستعمل مركاي

اقول خذ هالمركا وحط به مخباة بسحاب وحط جوالك ومفاتيحك واغراضك الشخصية وجر السحاب ونم

والطريقة الثانية فصلك صديرية للبر فقط وحط الجيوب والمخابي اللي تبي بسحابات لان الصديرية سهلة عند اللبس والفسخ

ولا تنسى السبير

[الهمرH2]

السلام عليكم
فعلا ً موضوع قوووي بالمره و أستمروا يا شباب
و الطريقه الي انا أستعملها بالمكشات
أني أحط أغراضي الخاصه بجراب الفراش الخاص فيني بجنب الوساده
( فراش البر الي يطوى )
أو الي يسمونها المخباة السريه ولها سحاب . .

أما إذا كانت الكشته ما تستاهل فراش من يوم و أقل
أحط سروال سنه أو السروال الطويل خاص للطلعات
و أفصل عليه سحابات يمين و يسار
ولا أحد شاف ولا أحد درئ

أخوك / الهمرH2

[محب الشمال]

انا ما اسوي اي شي والبس ثوبي العادي

بالنسبة لي انا لما اروح للبر يكون عندي بعض الاثياب القديمة واقوم واقص كمها واخليها نص كم طبعاً هذي الثياب بها جبوب داخليه حقت بيجر والجوال طبعا هذي الجيوب الداخلية تكون ضيقه شوي وصعب انك تطلع منها الاشياء مثل الفلوس لانها اصغر من الفلوس شوي فتمسك الفلوس فيها وبالحالة هذي احط محفظتي في جيب المحفظة اليسرى من الجيب واحط الجوال في الجيب الصغير الداخلي الايمن واحط بعض الفلوس في الجيب الداخلي الايسر ومفتاح السياره احطه في الجيب الايمن

وكل واحد له طريقته

[القققرش]

أخي صاحب الدتسن 1- كل سياره فيها درج ضع أوراقك فيها بعد نزولك الى البر والدرج السيارة مايفتح الى بعد وصول الى الديره
2- معليش هذي اول مشاركه في المنتدى لي أتمنى أن تكون موفقه وشكرا

[غيانا]

السلام عليكم ورحمة الله
المسألة بسيطة
كيس بلاستيك من البقالة
وحط عفشك واربطه
وحطه بالدرج
والله الحافظ

[ابو نايـف]

السلام عليكم


اتوقع الحزام للي نلبسه في العمره والحج يفي بالغرض


وانا عن نفسي بدرج السياره


والحقيقه اني استفدت كثير من اراء الشباب الله يبارك فيهم


أفكارهم جميله


مغليكم / ابو نايف

[ابو خطاب]

بسيطه متستصعبهاشي...


انا اقترح كل واحد يبيع بالتشليح دروج سيارته الامامي والاوسط بين المرتبتين :p...وكذلك لا تنسى تبيع المخابي الجانبية في الابواب الامامية وكذلك الجيوب خلف المقاعد الامامية.. واذا كانت الجيوب والمخابي ماتنفك وصايره قطعه وحده ضمن ديكور الباب او تلبيسة المرتبة..فالله الله بالسكين.. قصها قص..:D :D :D بعد كيذا....
فصل خرج بسحاب للاغراض والبوك + علبة مغناطيس للمفتاح + اشتر مركى ابو سحاب + خيمة ام عامود عشان اذا كشتوا تطقونها .. مو تجلسون فيها ..... لا تستعجلون ...عشان تحطون اغراضكم الشخصية في جيوب الخيمة .

اشتر لك خزنه (تجوري)واربط او لحم التجوري بالصندوق.. اذا موترك مافيه صندوق...قص التنده (عادي شباب) وقلبه ونيت ..رح لبن مرضاح ..بس عاد ماضن تكفيك دراهم بيعة الدروج والمخابي.. يبيلك طعش الف... تدري..بع موترك حق البر وشتر فيها خزنه (تجوري) بالبيت. ولا عاد تضيع مفاتيحك.

[المشراق]

آراء ماشاء الله جيدة بس كل الموضوع يدور حول صاحب السيارة ومفتاحه وأغراضه وأرى ان الموضوع لجميع من طلع للبر0

بالنسبة لي دائماً آخذ معي شنطة خاصة للبر مجهزة على طول أغراضها لاتنزل منها ( الثياب الكشاف السكين الشاحن المنقاش الدربيل القارمن وخلافه ) وإذاطلعت للبر كيس بلاستك أحط فيه كل أغراضي اللي ما احتاجها في البر وأحطها في الشنطة في السيارة حتى لو كنت خوي وإن كانت طلعة صغيرة ما فيها شنطة أحط الكيس في الدرج وأريح بالي أما سيارتي فيفها مفتاح أحتياطي خارج السيارة واخبر خويي بموقعه , وغالباً يكون معي مفتاح ثالث أعطيه خويي في مخباه ( وقت الفقع ) حتى يتبعني وأتبعه يمكن ما فهمتوها ( إذا جينا للموقع ينزلني ويروح بالسيارة مسافة ويوقف ويقفل السيارة ويتقدم على رجليه وأنا وراه أمشي وإذا وصلت للسيارة ركبت وتعديته بمسافة ونفس الطريقة حتى ننتهي 0
ولا رجعة للسيارة ولارح جبها وهذه الطريقة إذا صرنا غير مخيمين وسلامتكم 0

[سكّين]

ماهنا أزين من سروال الأفغاني الأبيض ( ابو سحابات ) سحاب يمين وسحاب يسار :D

[عبدالرحمن]

فيه شنطه مثل حقت الاجانب الصغيره تلبس على الخصر ( اقدر اقول جراب عشان ما احد يقول وش لنا و للخواجات ) عباره عن حزام ومعلق فيه جراب بسحاب يجي عرضه شبر وطوله نص شبر حط فيه اشيائك للبر او البحر او في السفر .

[آبوعزآم]

السلام عليكم ورحمة الله وبركاته

ابردف مع الشباب بإقتراح بسيط

وهو انك تروح للسنيدي او اي محل يفصل وتقول له يفصل لك مخباة او كيس صغير ويكوف فيه سحاب وخيط

واذا نزلت للبر او نزلت مثلا تساعد احد مغرز بالنفود او مبنشر تحط اغراضك فيه وتعلقه بالخيط بالممسك فوق راسك

والسلام عليكم

^_^

[سيف الظفير]

مشكور على المموضوع يا اخوووي

[جلاد الصحراء]

حط كل شي بدرج السيارة احسن

[ابوسلطان90]

اولا ياشباب عندي كلمه مهمه. عادتا في طلعات البر اشاهد كثير من الناس يشيل معاه بوكه كله بجميع محتوياته من بطاقات فيزا وتامين وعمل وكروت فرسان والمشكله اذا ضاع او تلف تتبهذل كثير عشان بدل فاقد.
ثانيا: بالنسبه لي انا اترك البوك في البيت واحمل معي فقط مبلغ بسيط والرخصه وبطاقه الصراف للحاجه. وبذلك اريح راسي من دوشه البوك. واحفضها بدرج السياره للحاجه واذا انسرقت ما عليها حسوفه. اما الجوال احطه فوق الخيمه عشان الارسال والمفتاح يكون على السياره ووقت النوم اقفل كل شي واخلي المفتاح والجوال تحت المخده.
اما اذا كنت صاحب عمل وتحتاج اوراق العمل او طالب وتحب تذاكر فاعتقد انه لازم يكون معها شنطه دبلوماسيه او شنطه لابتوب لحفضها من التراب وعند عدم الحاجه لها ضعها في السياره.

[راعي الجيوب 1]

موظوع جميل وشيق ،، بنسبه لي اظع جميع اوراقي والبوك في كيس واظعه في درج السياره اما المفاتيح رحت لمحل المسجلات واخذت منه مغناطيس كبير حق سماعه مسجل اظعه علي الكبوت او فوق التنده لانه يمسك بلحديد واظع المفاتيح عليه وتلتصق فيه وبقوه وهذي طريقتي كل ما ذهبت الي البر ،،

[الفتكي]

السلام عليكم
كل عام وانتم بخير
شوفو يا أخوان انا من ناحية حفظ العفش قبل انزل العفش في البر افرش فراش اخضر باكستاني ضد الماء مقاس 4*3 بقيمة 40 ريال ثم انزل عليه العفش احفظ له عن التراب اما من ناحية المفاتيح او البوك او الاوراق والجوالات انا مفصل على مراتب الموتر شراع تنزاني فيه مخابي من الخلف 2 والامام واحده تحت المرتبه لكي الركبا يحفظون فيهن اغراضهم .

[abofassel]

أشوله مخترعين الدروج اللي بالسياره وفيه عندك الفتحه اللي بجنب الباب وش زينه أنا عن نفسي أحط المفاتيح بالدرج والجوال بالفتحه اللي علىا الباب >يتفلسف


وسلاااااااااااام

[yahoo]

انا اقول لو تشتري شنطة صغيرة وتظع المفاتيح
والأوراق المهمه فيها احسن واضمن
وتحط الشنطة خلف الكشن (المراتب)
وشاكر لكم

[ذبذبات]

بارك الله فيكم وتفاعلكم المفيد

[عبدالله العلاج]

عافاك الله عزيزي على هذا الطرح والمشاركات الرائعه

[fox1]

بنسبه للمفتاح حطه في غطاء تانكي البنزم
والغراض

[fox1]

بنسبه للمفتاح حطه في غطاء تانكي البنزم الخارجي
والاغراض الي تستخدمها بستمرارفي الطلعه مثل
سكينه صغيره وكشاف صغير وولاعه وجوالك حطها
في الشنطه الي بحزام تربطه على خصرك شكلها سبورت
للي يلبسون تكاميل رياضيه...

[شاص2007]

شكله انا الي ضيع مفتاحه معك

[_حائل_]

ابد بدرج الموتر ما ضايعن شين انشالله









تقبل مروري وشكراً

[ابولو2]

مشكورين على الافكار الحلوه

[ksd700sa]

بعد فية طريقة اخرى تشتري الحزام الي فية مخابي الي لونة اسود

[Abu Bdraan]

مفتاح السياره في احد الدروج(الطبلون - البآب ..) ..

ومفتاح سيارة الرحله على السويتش .. ووقت النوم تعمل نفس الطريقه الأولى

.
.

[abo sal7]

مشكورين على الحلول الرائعه

[رياض الصمان]

أخوي موضوعك في الحقيقة شدني واحببت ان اشارك ولو بالقليل


طبعا شنطة خاصة بالبر من محلات السنيدي تريحك تحط فيها جميع أغراضك الخاصة


بالبر اذا كنت راعي بر باستمرار يوجد مخابي كثيرة وممتازة انا استخدمها باستمرار


واذا جاء وقت البر ما تنزل من السيارة اضع فيها كل ما احتاجة من اغراض


ولنجعل الصور تتحدث عن هذه الشنطة


1-
http://www.mekshat.com/pix/upload02/images82/mk33990_1.jpg


2-
http://www.mekshat.com/pix/upload02/images82/mk33990_2.jpg


3-
http://www.mekshat.com/pix/upload02/images82/mk33990_3.jpg


4-
http://www.mekshat.com/pix/upload02/images82/mk33990_4.jpg


5-
http://www.mekshat.com/pix/upload02/images82/mk33990_5.jpg




لكم تحياتي / رياض الصمان

[سرهيد]

السلام عليكم

انا عني اذاالرحلة طويلة لازم شنطة خاصة

اما اذا خفافي فالدرج هو اقرب مكان اضع فيه المفاتيح والجوال اذا مافيه ارسال

والغالب ايضا اني اضع الثوب الرسمي في السيارة والبس ثوب ثاني للبر اريح لي

موضوع جميل

[دندشه]

اخوي موضوعك طيب

انا اقترح عليك تخصص ثوب لطلعات يكون في السياره

وركب على المخابي الجانبيه والاماميه سحاب وريح بالك لو تحط احد العيال ماضاع بإذن الله

دندشه

[ابو علي 400]

:) الثمين لاتأخذه معك والاغراض في التلبسه الي على القير وشكرآآآآآآآآآآآآآآآآ

[محمد بن سعيد]

والله الواحد ما يحتاج في البر إلا البوك ومفتاح البيت ومفتاح السيارة فقط غيره اشوف أنه ما له داعي واحرصو على ترك الأغراض في الخرج اللي على القير

[رحال 6]

موضوع جميل ومهم


قاعدة تقول (دع المكان أفضل مما كان وإن لم يكن بالإمكان فدعه كما كان)


وأنا أزيد على هذه العباره


(تفقّد قبل تمشي الغرضان)<<<<< الأغراض


وهذه قاعدة عندي لا يمكن أن أتحرك من موقع الكشته إلا بعد التأكد


من وجود كامل الأغراض والمقتنيات الشخصية لي وللأخوة اللي معي .

[رحال 6]

موضوع جميل ومهم


قاعدة تقول (دع المكان أفضل مما كان وإن لم يكن بالإمكان فدعه كما كان)


وأنا أزيد على هذه العباره


(تفقّد قبل تمشي الغرضان)<<<<< الأغراض


وهذه قاعدة عندي لا يمكن أن أتحرك من موقع الكشته إلا بعد التأكد


من وجود كامل الأغراض والمقتنيات الشخصية لي وللأخوة اللي معي .

[سيف الظفير]

الحل ان يكون الواحد مفتح ولا يكون مهمل لدرجة كبيرة تصل لتضييع الاغراض المهمة

[بن نويشر]

===================

[بن نويشر]

من أهم النقاط الواجب الأخذ بها هي :-
1 - الحرص الشديد والإهتمام أولاً بأول .
2 - الترتيب والتنسيق الجيد . حاول أن تكون مرتب في جميع أمورك .
3 - أحرص على وضع مقتنياتك الهامة في شنطة صغيرة خاصة للرحلات .
4 - عدم المغادرة من المكان المقام فيه إلا بعد تنظيف المكان والسؤال لأعضاء الرحلة بتفقد مقتناياتهم إضافة إلى أخذ مسح ميداني على المكان قبيل المغادرة .
5 - حاول أن تجمع أغراضك وعزبتك بنفسك ولا تتكل على أحد ، وأجعلها بجوار سيارتك وخاصة قبيل المبيت .

وهذا ما لدي وحبيت مشاركتكم فيه وبالله التوفيق ،،

[MNH]

شكرا جزيلا

[العتل]

ياخوان الطرق واجد لكن افضلها
عند طلوعك للبر لاتاخذ معك إلا الاشياء غير المهمة
وإذا لابد منها تجمعها وتحطها في درج السياره وترتاح وعند الرجعه تاخذها

[العتل]

ana ashoof anah a7saan shay

tefasellik jyoob lha sa7aab

wellah alafthal anik tejareb malabis alre7lat ykon feha kether jyoob o laha sa7abat

3shan tegasim kil mokan l7ajaah

o ykonn 3amaly akthar fe alri7laat



o methel ma tefathalo ale'7waan
alawraag alrasmeyah malha da3e


:light:




يالربع انا عندي حب استطلاع ودي اعرف وش يقول الاخ جنرال عنتر احد منكم يفيدنا


واحد من الشباب ترجمها لي يقول انها عربي مكتوبه باللاتينيه
ويقول فيها
تفصل لك جيوب فيها سحاب
وإلا الافضل انك تجرب ملبوس الرحلات يكون فيه كثير جيوب ولها سحاب عشان تقسم كل مكان لحاجه ويكون عملي اكثر في الرحلات
ومثل ما تفضلوا الاخوان الوراق الرسميه مالها داعي

[شنطة عده]

يالربع انا عندي حب استطلاع ودي اعرف وش يقول الاخ جنرال عنتر احد منكم يفيدنا



وهذا ترجمة ما كتبه جنرال ........علماً اني ما اعرف اقراء انجليزي!!؟

ana ashoof anah a7saan shay

tefasellik jyoob lha sa7aab
احسن شي لك ان تفصل جيوب لها سحاب

wellah alafthal anik tejareb malabis alre7lat ykon feha kether jyoob o laha sa7abat
والا الافضل انك تجرب ملابس الرحـلات يكون فيها كثير جيوب لها سحابات


3shan tegasim kil mokan l7ajaah
والاحسن تقسم كل مكان لحاجه
o ykonn 3amaly akthar fe alri7laat
او يكون عملي اكثر في الرحــلات


o methel ma tefathalo ale'7waan
alawraag alrasmeyah malha da3e
او مثل ما تفضلو الاخوان الاوراق الرسمية ما لها داعي

[سابك ذهب]

كل الشكر للأخوان اللي شاركوا عز الله انها معلومات مفيده

[ولد اهلي]

والله يا ااخوي انا اذا وصلت البر
مفتاح الموتر احطه بالانتل والاوراق والبوك ....الخ الخ
بالتكايه او درج الموتر
واهم شي قبل لا احد ينزل من الموتر لازم يحط بوكه مع المفتاح مع الجوال بالدرج
على شان ما يضيع شي
وارجع ومشوره

[قرناس صلا]

من تجربتي :

اول ما انزل البر ,, احط غراضي كلها فى كيس (المحفظة والاوراق) وداخل الدرج او الخرج اللي على القير .
ومفتاح السيارة , دايما احطة فوق تندة السيارة , وعند النوم , تحت المخدة , واذا ابي امشي رجلي ,
مفتاح السيارة له ميدالية جوال حبل طويل اتقلدة (قلادة) والمفتاح بالمخبى اللي فوق.
وما فيه فى جيبي اللي على جنب الا الجوال او الكاميرا.

وسلامتكم