بخصوص الشاص النيسان

[maftoon]

السلام عليكم ورحمة الله وبركاتة
كيفكم اخواني المكشاتيني
ابي منكم خدمة تعبت وانا اطامر في الغرابي ومحلات الرياض
وابي فزعتكم
اللي يخبر لي الفيبر اللي يركب في شاص النيسان في الحوض يدلني الله لا يهينه
لان بصراحه تعبت وانا ادور وحق شاص التويوتا ما يركب عليه
وبرضوه اللمحلات اللي تطبع الخطوط حقت الشاص او تبيع الخطوط
واسفين على الاطاله

[NissaN 1990]

وعليكم السلام ورحمة الله يا أخ مفتون بالنسبه للفيبر ما أتوقع أنه يجي على الشاص النيسان بالسعوديه إلا إذا كان بالخليج ما أدري فلاكن أشوف بعض أهل المواتر الحوض يركبون صاج حديد وهو يجي ستيل وممتاز وقوي ولا يصدي ولا يخرب السياره وهو غالي لأن الحديد مرتفع وإذا كان موترك غالي عندك الشكوى على الله أما بالنسبه للخطوط إذا قصدك حقت الوكاله ما عندي عنها خبر وإذا قصدك خط تبي تزينه على الكمبوتر من تصميمك أنت فمالك إلا الرياض عند محلات الزينه تلقاها بحي الريان أو حي السلام أو الربوه وأغلب أحياء شرق الرياض يطبعون خطوط بأي نقشه تختار. وآسف على الإطاله

[maftoon]

مشكور اخوي نيسان وما قصرت بس بالضبط وين المحلات اللي تزين الخطوط بصراحه ما ادل في شرق الرياض ابي تحدد الشارع والمخرج الله لا يهينك

[NissaN 1990]

أخوي مفتون ياليت لو توضح لي وين مكانك هل أنت من سكان شمال الرياض أو غرب الرياض أو جنوب الرياض لأن الحي اللي فيه محلات الزينه له عدة مداخل عشان للي جاي من الشمال والغرب لهم طريق مثل خريص أو كبري الخليج وللي جايين من الجنوب لهم الدائري الجنوبي
وأنا ما أقدر أوصف لك مع كل المداخل وضح الله لا يهينك وأبشر بسعدك....

[maftoon]

اخوي نيسان مشكور والله يعطيك العافيه خلاص حصلتها في الغرابي