عطونا مرئياتكم بشأن الوجبات الخفيفة التي تصلح للبر

[شاهد عيان]

السلام عليكم ورحمة الله وبركاته

إذا نويت تطلع للبر حبذا أخذ شيء ( تقرضوه بالبر ) يعني تاكله بالبر ...

وأرى أن تأخذ معك أحد هذه الوجبات الخفيفة :

1- جبن مع خبز توست ( الصراحة لا يرخص عليكم يسد الجوع ويفي بالغرض )
2- الشابورة ( أنا أشوف إن أحسن شابورة هي شابورة هرفي وإلا أنا غلطان ؟ ) تصلح مع الحليب ( مممممم )
3- الكعك ( بعضها يجي بتنكه خذها معك إذا جيت تطلع للبر )
4- الفطاير أو المعجنات .
5- كليجا
6- يوسفي ( يوسفاندي )
7- بصل أخضر مع خبز ( أكلة محششين !! )

عاد عطونا مرئياتكم كان عندكم تجارب تصلح لنا ....

[أدقس]

أول شي ترى الموضوع قديم جداً
بس أنا ما غير أقلب في مواضيع هالخيمة و أمسح سعابيلي

رداً على الموضوع

أوصيكم بالشابورة خيراً
فهي تتحمل كافة الظروف الجوية و تقلبات الطقس و لا تتعفن

و سلامتكم

[الجفن .]

عليك والله في التمر مسامير الركب

[سكّين]

اولاه يالقرص خاصة اذا صار معك واحد يظبطه

[kaaaatm]

يا زين الكنافه.................

[أدقس]

اولاه يالقرص خاصة اذا صار معك واحد يظبطه

أنت تقوله :good:

و حلالاه اذا معه سمن بري و يوم تقوم الصبح الا ذاك السوداني سارح في ضأن و يعطيك من حليبها
ثم تفت القرص بالسمن و تحط عليه الحليب
:eek: :eek:

[سداااااح]

عليك بالورقيات والحمضيات

[راعي الهـــدد]

الموظوع قديم ماهوب شوي بل كثير

حتى صاحب الوظوع شاهد عيان لا نعلم اهو من الأحياء فندعو له ام من الأموات فنترحم عليه

الله لايفجعنا في اي حبيب من حبايب مكشات

المهم

من افظل واحسن واعجل وانسب وافود الأكلات خصوصاً للقناص

الي عجل او بيجلس في مكان وبيطول ولا يبي زود حركه وخرفشه

اقول له عليك (( بالشعثه ))

وهي تعتبر اكله ولا احلى منها وتتحمل اي الضروف سواءً مطر حر برد رطوبه كلها تمشي معها ولا تتعفن ولاتخرب

واعظم ميزه فيها انها تطول ما تخرب

يعني تجلس معك شهر شهرين ماتخرب

وانصحك تجهزها بالبيت قبل ماتروح وتآخذها معك مكيسه بأكياس

وأفظل شي خل كل كيلو مثلاً في كيس وغلفها بأكياس اللف التغليف

طريقة أعدادها

اولاً حضر كلاً من

تمر مكنوز وافظل شي استخدام نوع النبت

ثانياً / أقط مطحون او نظير كل ناس يسمونه باسم

ثالثاً / سمن بري

طريقة الإعداد سهله جداً

كب الأقط على التمر المعبوط طبعاً تطلع الفصم او العجم من التمر وترميها وتعبط التمر مع الأقط وتكثر اقط وتكب عليهم سمن بري طبعاً لاتكثر مره من السمن يكون بمقدار متوازن وتعبط الين يختلط ببعض

ثم عليك بالعافيه غلفها وخذها معك

تعتبر مغذيه ومفيده وتكفيك عن وجبات وطبخات كثيره بالبر خصوصاً لمن هو يقنص الجبل او وعر ولا يبي الثقل على نفسه

وهذي الأكله قديمه جداً

فأجدادنا يأكلونها من قديم ويأخذونها معهم بأسفارهم

وهي تسمى

(( الشعثه )) وهي التمر المعبوط مع الأقط والسمن

واذا ماوجد سمن وصار اقط وتمر بس فتسمى (( البعثه )) بالباء

والله الموفق

هذه اكلتي المفظله بالمقناص

محبكم

راعي الهــدد

[كحيلان 11]

اخوي شاهد عيان اذا انت تقصد في الطريق لم البر
نمر اول محطه وحمل منها
العصيرات
وكلش (( توكس , مارس , سنكرس , باونتي , برنجلز , فصفص ,كيك غندور , ................))

[كشته 111]

الاخوة الكرام ودي اضيف للوجبات الخفيفة اعلاة وجبات علي الطاير :

- معجون تمر سكري ( اللي عند الوطنية ممتاز ) او اي تمر تقطعه شرائح سماكة خبز التوست وتحطة في سندوتشه مع جبن كيري ومشي حالك .

- فيه علب مربي صغيرة اصغر من الفنجال شوي غطاها المونيوم تستخدم لسندوتشه واحده حطها في الصامولي مع علبة جبن كرافت زرقاء صغيرة وقطعها بغطاها اسرع لك السندوتشه تاخذ اعداد نص دقيقة با الكثير .

- حنيني تمور الصالحية وجبه سريعه فك وكل مغذية جدا , وحط الشاهي بدون سكر او سكر قليل يا شيخ ما عاد تبي حتي الغداء .

-فيه شابورة عند مخابز التخصصي مقابل ساسكو اول ما تدخل تلقاها في الدرج اللي علي يدك اليمين هذي في البر تفطر علي ثلاث حبات مع الحليب او الشاهي جرب ورايح تدعيلي .

وسلامتكم والسلام عليكم .

[خشكاري]

الخلاص لاغنى لي عنه في البر . .

فيه تونه بيضاء ممتازة وفاخرة إسمها (جيثا) يابانية وغالية شوي يعني العلبة الصغيرة بحدود 4 ريال والكبيرة 8 أو أزود شوي . . وفيه نوع تقليد مايسوى إنتبهوا منه نفس العلبة لاكن الأصلي كتابته بالأزرق والتقليد بالأخضر . . وطبعا بتعرف من سعرها الرخيص إنها مهيب الأصلية . . جربوها مع الكشنة أو الشطة وراح تدعون . .

وإذا مالقيتوا ماركة (جيثا) عليكم بتونة قودي البيضاء برضو ممتازة لاكن مش بجودة جيثا . . زفرها زايد شوي .