أستفسار عن أستبنة الجمس واليوكون ...

[جمس قطعه 10]

السلام عليكم ورحمة الله وبركاته ::

حبيت أسئلكم عن الكفر الاحتياطي بالجمس الموديل 2000 الى 2006 كيف يتم أنزاله والطريقه مع الشرح

وهل هو سريع الكسر لاني سمعت من احد أخوياي ان القطعه البلاستيكيه اللي تدخل فيها المواصير لانزال الكفر

تكون مكسورة
ويمكن تكون مكسوره اللي معي ... هل هذا كلام صحيح وشكرا ...:confused:

[ال شرق]

هلا اخوي على حسب ما فهمت منك

في غطا اسود جنب لوحة السياره تفك الغطا ثم بمفتاح السياره تفك الدقمه

وتوجد مع العفريته مواصير سود تركبها في بعض وتقوم بي ادخالها بنفس مكان فتح الدقمه

عسى اكون افتك

[جمس قطعه 10]

ال شرق :: أخوي انا عارف هالشئ بس الاستبنه مانزلت مدري وش السبب حتى كتيب السياره ما وضح الطريقه بالضبط .. وشكرا

تحياتي : جمس قطعه 10

[باترول للأبد]

وعليكم السلام ورحمة الله وبركاتة

دام الكفر مانزل معك اكيد عندك حاجة مكسورة او ماركبت المواصير عدل

[ابوعزيزm]

السلام عليكم

يمكن ما دخلت الماسورة بنفس مكانه + يمكن تدوووور بوش :)

[لن أمل من العطاء]

جمس قطعه 10
السلام عليكم

حبيبي لا قطعه مكسورة ولا فيه بوووش ولا شيء

كل ما في الامر انك تركب المواصير ببعضها ولكنك تدخلها في الفتحة المخصصه لها بشكل مقلوب اي عكس تركيبها للعفريته
اذا ادخلتها بنفس طريقة العفريته رايح تحس ان فيه بوش بالمسمار حق الرافعه تبع الكفر


انتظر ردك

[G-M-C]

اخوي جمس قطعه 10

انا معي جمس باشرح لك الطريقة من الاول

اول شي علشان تكون في الصورة ترى تكفيك عصاتين فقط

ثانيا العصا الي فيها راس ضعيف اتركها على جنب

ثالثا العصاتين الاخريات اشبكهم في بعض

رابعا ادخل العصا بعد شبك العصاتين و احرص بان يكون الراس المجوف هو الذي في الداخل

خامسا جب مفتاح العجل تلقى فيه فتحة دخلها و سم بالله و فر

و استنى الرد منك

[جمس قطعه 10]

باترول للأبد:: مشكور على مرورك ويعطيك ألف عافيه أخوي .

ابوعزيزm:: أشكرك على التوضيح .. بس انا دخلتها بنفس المكان

المخصص وعلى حسب الكتاب انه تقوم بتدوير المواصير عكس عقارب

الساعه بس مانفعت معي للاسف .

لن أمل من العطاء :: مشكور أخوي على التوضيح وانا راح بجرب ان شاء الله وشكرا على ردك .

G-M-C:: أخوي كفيت ووفيت بس ياليت تفهمني وش المقصود بالراس المجوف لاني اللي اشوفه كل روس نفس شكل بعض الا عصا واحد اللي انت تقصدها الراس الضعيف هي اللي تختلف شكله ... وشكرا على التوضيح الاكثر من رائع .