المساعد الشخصي الرقمي

مشاهدة النسخة كاملة : استفسار عن الgps.v الله لايهينكم؟


سنجار10
02/02/2002, 06:53 PM
السلام عليكم:
ارجو من الأخوه اللي عندهم معلومات عن GPS.V انهم يزودونا .مثل..
1-هل نزل للسوق لأني ناشد عنه من اسبوعن قالوا مانزل..
2-كم سعره اذا كان نزل للسوق.
وجزاكم الله خير والله يعطيكم العافيه..

سنجار10

http://www.garmin.com/graphics/gpsVhpicBig.jpg
الخبير
03/02/2002, 01:20 AM
السلام عليكم
هذا يا الحبيب سألت الشركة عنه قالوا انه حول 2000 ريال سعودي
للاسف إلى الان ما نزل في السوق السعودية .
هذا يا الحبيب مثل ال gps 3 plus اللهم إن فيه ميزه متفوق عليه فيها إلا وهي نظام WAAS هذا يا طويل العمر يعطي تفاصيل ادق عن الموقع المطلوب ، تذكر اول اجهزه نزلت في السوق الامريكي سنه 1995 هذي نسبة الخطأ فيها حول 100 متر ( نكبه و الله )
الاجهزة إلي بعده صارت نسبه الخطأ فيها أقل 15 متر بس ، ثم نزلت اجهزة تستخدم نظام DGPS صارت نسبة الخطأ من 3 إلى 5 متر.
المهم ناصل للجهاز المزود بنظام WAAS نسبة الخطأ فيه 3 متر بس . لانه ما يعتمد بس على الاقمار الصناعية لكنه أيضاًص يعتمد على قواعد على الارض .
للاسف هذا النظام موجود فقط في أمريكا و أعتقد انه يبغاله كم سنه ضوئية عشان يطبق في السعودية .
هذي صورة تبين فيها بشكل ادق كلامي و الدقه المتوقعه من الجهاز.
بالتوفيق
صورة توضيحية (http://www.garmin.com/graphics/WAASaccuracy2.gif)
راعي عنيزة
03/02/2002, 06:13 AM
للمعلومية شفت الجهاز يوم الخميس الماضي عند السنيدي ببريده لكن ما سئلته عن السعر :rolleyes:
سنجار10
03/02/2002, 05:06 PM
السلام عليكم:
اخوي الخبير الله يعطيك الف عافيه على المعلومات الجيده .....كفيت ووفيت الله يبيض وجهك..
لاكن كني سمعت انه نزل من بعض الربع لاكن كله كلام ولاهوب اكيد.....على العموم جزاك الله خير ومشكور يالغالي..


سنجار10
سنجار10
03/02/2002, 05:15 PM
السلام عليكم:
اخوي راعي عنيزه .............عوايدك الاخبار الزينه ولايهون اخوي الخبير...انكانه موجود تراي شاريه شاريه ..
بس ليتك تأكد لي الله لايهينك من سعره انكان ماعليك كلافه والله يبض وجهك ..
راعي عنيزة
03/02/2002, 08:37 PM
سم يا خلفهم الحين انشالله اعطيهم الوووو واسئل عن سعره
راعي عنيزة
03/02/2002, 08:42 PM
اتصلت ويقولون سعره ب 1930 ريال شامل الشاحن والقاعده وسيدي الماب سورس
وميزته ان ذاكرته 19 ميجا
سنجار10
03/02/2002, 11:53 PM
السلام عليكم:
اخوي راعي عنيزه والله مدري وشلون اشكرك ........الله يبيض وجهك يالسنافي ويكثر من امثالك وجزاك الله الف خير.....الله يقدرنا ونردلكم المعروف.


سنجار10
شلفان
05/02/2002, 10:34 AM
ياسنجار10

مرحبا
الجهاز موجود عند دار موجة بالرياض وبالفين ريال ومعه عدته سلك توصيلة البطارية(شاحن)
وقاعدة وسلك الكمبيوتر وبرنامج ماب سورس الخاص بأوروبا .
اشتريت منهم واحد والحقيقة انه رائع ، مثلا اسم الموقع يمكنك من كتابة لغاية 15 حرف كما ان وضوح الشاشة يكاد يكون ضعف جي بي ثري بلص ، وفيه مواصفات كثيرة

ولك السلام

شلفان
سنجار10
05/02/2002, 05:34 PM
السلام عليكم:
اخوي العزيز شــــــــــلــــــــــفــــــــان الله يعطيك العافيه على علومك الغانمه ..هالحين الواحد يشري الجهاز وهو متطمن ..
الله يبيض وجهك يالغالي

سنجار10