تانكي بنزين لــ fj [الأرشيف]

ولد وايل

03/11/2007, 05:16 PM

اخواني الاعزاء

ابي فزعتكم ابي اركب تانكي بنزين اضافي للاف جي لان تانكيه صغير فل بنزين 95 بـ 36ريال

ابي اي طريقه او ورشه سعرها معقول وماهي افضل ماده لصنع التاني

Black VTC

03/11/2007, 07:55 PM

خابر عند الرماية تانكي استرالي بس ما ادري يركب على الــfj ولا لا لو تزرق لهم و تشوف ... واعتقد كاني ما نسيت قبل سنتين سألتهم عن سعره وكان حول 2000 ريال ... وانتبه من ترهيم او تركيب تانكي صناعة محلية الا عند محلل متخصص لان تانكي البنزين حساس و خطير في حالة عدم ضبط بلف تهريب ضغط الغاز ترا يصير ما لا يحمد عقباه ..... وان رهمت عند محل زين فلا تنسى تركب طرمبة مازدا خارجية تشبك بفاصل داخل (كابينة القيادة) لتحويل البنزين من خزان لآخر ... والله يعنيك يبي يطلع التانكي الاضافي مثل حق السفاري عشان تستفيد منه لازم تفضي من تانكي لثاني مهوب مثل الفي اكس ار طرمبتين يحول للمكينة مباشرة - هذا جيد في حالة تعطل طرمبة التانكي الرئيس - ويسعفك اذا كنت بعيد عن الديرة ...

شكلي دوختك :):)

ولد وايل

03/11/2007, 07:57 PM

بارك الله فيك اخي الكريم بالنسبه للرمايه البارح انا عندهم وما لقيت طلبي................

غضنفر

03/11/2007, 07:59 PM

اقترح عليك
تشري تانكي بنزين اصلي من الوكالة مع طرمبته وكل حاجة
ثم تروح لورشة محترمة ومعروفة في تركيب مثل هالامور
وتخليهم يركبونه بعد الدفرنس الخلفي لان المساحة كبيرة جدا ومناسبة ومرتفعة عن الارض
وتضيف عليه برضوه صاجة حديد لحماية التانكي من الحصى وغيره

غضنفر

03/11/2007, 08:02 PM

هذا جيد في حالة تعطل طرمبة التانكي الرئيس - ويسعفك اذا كنت بعيد عن الديرة ...

سلامت راسك يا اخوي
انا كان عندي شاص
نظام الشاص
تانكيين وطرمبة في كل تانكي
ومع ذلك
تعطلت علي طرمبة التانكي الاساسي
حاولت اشغل السيارة باستخدام التانكي الاضافي ولا اشتغلت
مع ان لها طرمبة خاصة

Black VTC

03/11/2007, 08:12 PM

سلامت راسك يا اخوي
انا كان عندي شاص
نظام الشاص
تانكيين وطرمبة في كل تانكي
ومع ذلك
تعطلت علي طرمبة التانكي الاساسي
حاولت اشغل السيارة باستخدام التانكي الاضافي ولا اشتغلت
مع ان لها طرمبة خاصة

يسلم راسك اخوي غضنفر :j ترا المعلومة ذي من واحد راعي في اكس ار و كنت اكلمه عن التانكي الاضافي في السفاري انه يصب من التانكي الاضافي الى التانكي الرئيس فرد علي وقال وين اذنك يا حبشي:p ليش نيسان ما خلوه مباشرة من الاضافي الى الماكينة مباشرة وينفع اذا تعطلت طرمبة التانكي الاساسي وبكذا يسعفك الموتر ... صراحة اعجبت برأيه دون تجربة و بما انك مجرب فانت ابخص واذا كان نظام الشاص مثل الفي اكس ار فابشر برأس الرجال اكسره لك في اقرب لقاء بيني وبينه :cool:

غضنفر

03/11/2007, 08:22 PM

مدري عن الفكسار
لكن الشاص متأكد منه

ولد وايل

04/11/2007, 12:21 AM

الفي اكس ار كل تانكي مستقل مثل الشاص

شاكر لكم تعاونكم معي

تتوقعون حق البرادو بيركب

شبح الموت

04/11/2007, 12:32 AM

ورشة المواهب ان شاء تحصل طلبك

ولد وايل

04/11/2007, 01:04 AM

تتوقع ان المواهب راح يفلحون فيه....................

سعد777

04/11/2007, 01:16 AM

تتوقع ان المواهب راح يفلحون فيه....................

بدينا نخش في العميق ............. نخاف تسويه وينفجر فيك الله لا يقوله

ولد وايل

04/11/2007, 01:40 AM

بارك الله فيك اخوي سعد اظاهر بركب حق برادو بشوف هو يركب او لا او حق الفور تشنر اذا هو كبير....

MyName

26/11/2007, 05:34 AM

أخوي ولد وايل تفضل هذا الموقع فيه اللي طلبته ( إذا حبيت تطلبه من الإنترنت او تأخذ فكرة التانكي )

وهذا التانكي مخصص للـ FJ Cruiser 2007 - 2008

19 جالون = 72 لتر تقريباً ...

FJ CRUISER AUXILIARY TANK

http://www.man-a-fre.com/fjcruiser/images/FJTANKSAMPLE1.jpg

http://www.man-a-fre.com/fjcruiser/images/FJTANKSAMPLE2.jpg

http://www.man-a-fre.com/fjcruiser/images/P0007167.jpg

وهذا الموقع : http://www.man-a-fre.com/fjcruiser/fjcruiserauxiliarytank.htm

وفيه إكسسوارات منوعه وكثيره للـ FJ Cruiser

تحياتي

hdd4004

26/11/2007, 05:51 AM

اذا لقيت شئ باكتب هنا عن التانكي(البحث جاري)

ولد وايل

26/11/2007, 08:11 AM

اخي الكريم طريقة الطلب كم يوم تقعد هل جربت التعامل معهم

بارك الله فيك

الهدد...؟

26/11/2007, 08:17 AM

والله غريبه تانكيه كذا

SAL

27/11/2007, 11:12 AM

سلام عليكم اخوي

اذا ضبط معك الموضوع وركبته
علمني بالطريقه جزاك الله خير
لنستفيد منك

اخوك

sal
الخبر

s3ed

27/11/2007, 12:36 PM

موضوع مهم

شكرا على المناقشة

الخزان الاضافي في الرابط

سعرة مبالغ فية

ولد وايل

27/11/2007, 03:33 PM

ياريت نلقى احد يفيدنا اكثر يابعدهم

راعي الركيات

27/11/2007, 04:27 PM

اعتقد ان تانك الاضافي في البرادو الخليجي بيركب وبكل سهوله اذا حصلته وبالتوفيق للجميع

ولد وايل

27/11/2007, 05:42 PM

تتوقع كم لتر حق البرادو الشد بلد وهل بيركب ب الاف جيه

MyName

27/11/2007, 07:16 PM

اخي الكريم طريقة الطلب كم يوم تقعد هل جربت التعامل معهم

بارك الله فيك

للأسف أخوي ماجربت التعامل معهم والله , بس موجود عندي الموقع بالمفضله وحبيت أضيفه لك للفائده ..

تحياتي

azd

27/11/2007, 08:10 PM

مشكووووووووووووووووووووووووووووووووووووووووووووووو ووووووور

ولد وايل

27/11/2007, 08:18 PM

بيض الله وجيهكم يا شبااااااااااااااااااااااااااااااااااااب

سنجااار

28/11/2007, 10:24 AM

افضل شي الستيل خفيف وقوي يضرب به الحصى ماعليه قوي

شاص

28/11/2007, 10:33 AM

على طاري التانكي ..

وشلون الموتر معك ؟؟
من ناحية القوة والعزم ؟؟
الوزن ؟؟
الراحة؟؟
استهلاك البنزين ؟؟
وكم وصل سعره ؟؟
وهل تنصح به ؟؟

الله يطعمك من خيره ويكفيك شره

ولد وايل

28/11/2007, 06:42 PM

على طاري التانكي ..

وشلون الموتر معك ؟؟
من ناحية القوة والعزم ؟؟
الوزن ؟؟
الراحة؟؟
استهلاك البنزين ؟؟
وكم وصل سعره ؟؟
وهل تنصح به ؟؟

الله يطعمك من خيره ويكفيك شره

اخي الكريم من ناحية القوه والعزم جيب الربع مستحيل يطوف عليه وكذلك الفتك الباترول

وزنه خفيف

الراحه الحمدلله بالبطناج جميل بس فيه تنسيم هوا الابواب
استهلاك البنزيت تعبيه فل بـ35ريال بنزين 95 يمشيك 430 كم بالمداعس
سعره بالوكاله نفس السعر اما بالمعارض ما ادري عنه

اذا عدد افراد استرك شخصين جميل جدا افضل من الربع بالف مره واشخص
جزاك الله خير وبيض الله وجه

بارك الله فيما شاركا معنا بالموضوع ولاخواني الكشاته

MyName

29/11/2007, 12:38 AM

أخوي ولد وايل ياليت تجاوب على هالتساؤل لو تقدر بموضوع أخونا ولد ماجلان ...
http://www.mekshat.com/vb/showthread.php?t=114059

شكراً لك مقدماً

ولد وايل

29/11/2007, 01:36 AM

ابشر بعزك اخووووووووووووووووووووووووي

الوحش أبويوسف

29/11/2007, 07:19 AM

اعتقد ان تانك الاضافي في البرادو الخليجي بيركب وبكل سهوله اذا حصلته وبالتوفيق للجميع

صحيح تانكي البرادو الخليجي يمكن يركب لانة يجي بمكان الستبنة

بينما السعودي تانكية في النص ويشيل 90 لتر ....

باتوفيق اخوي

ولد وايل

29/11/2007, 10:49 AM

اخي الوحش 90 لتر جميل جدا افضل من 65 لتر بارك الله فيك

pharamazar

02/12/2007, 05:28 AM

الخزان الاضافي في الرابط

سعرة مبالغ فية

s3ed

02/12/2007, 08:58 AM

السلام عليكم

مثل ماوعدت الشباب

مريت امس الصناعية عدنا في بوظبي
عشان اشوف خزانات البترول

دورت للمرسدس والبي ام زينات بس المشكلة مقسومات قسمين عشان يكون فية وسع للدفرنس

افضل شي وجدتة تانكي اللاندكروزر من موديل 99 وطالع

لقيت سعرة في التشليح من 100 درهم الي 200 درهم =ريال
وخزان النيسان الباترول جيد

جربتة تحت السيارة مكان الاستبنة المكان واااسع والخزان اذا ظهر منة شي يمكن اقل من 5 سنتم تحت مبين ولا شي يذكر

الفكرة يتم تثبيت الحزام للخزان واستخذام لي الاند كروزر من فتحة البترول

فيها فتحتين +مضخة بترول +عداد يبين معاك من داخل

اتوقع كل المسألة توصل من 1000-1500 ريال بس المشكلة مالقيت احد احسة انة فاهم الشغلة كلهم بنقال
مافية شي مابيقول ماعلاف اسوية

عندكم في السعودية ناس فاهمين اكثر

هذة صور للخزانات

http://www.mekshat.com/pix/upload02/images55/mk11661_vxr.jpg

http://www.mekshat.com/pix/upload02/images55/mk11661_nis1.jpg

http://www.mekshat.com/pix/upload02/images55/mk11661_nis2.jpg

ولد وايل

02/12/2007, 04:11 PM

اخووووووووي سعد بارك الله فيك بس لازم نفك الشد بلد ونحط اي تانكي بداله يكون افضل والا وش رايك

s3ed

02/12/2007, 06:58 PM

اخووووووووي سعد بارك الله فيك بس لازم نفك الشد بلد ونحط اي تانكي بداله يكون افضل والا وش رايك

السلام عليكم

الافضل اتخلية كخزان اضافي

خزان الوكالة كبير لكنة ارتفاعة بسيط ومصنوع من البلاستك :confused:

افضل طريقة يتركب خزان ثاني تحت الدبة مكان الاستبنة اللي تيجي تحت

خزان +مضخة بترول +كت اوت -فاصل كهربة عشان يحول لك البنزين من الوكالة الي الخزان الاضافي

ولد وايل

02/12/2007, 07:24 PM

حبيبي .. سعيد ما ودي اغامر على تركيبه الا اذا لقيت حد مركبنه عموما جتك الوسائط mms وابي رايك

SAL

16/12/2007, 12:53 AM

السلام

ياخوان اذا حد ركب خزان اضافي يفيدنا بارك الله فييكم

اخوي ولد الوايل سؤال

وش سالفه مانع الانزلاق

انا عندي زرين atrac----- diff lock

اول مادخلت للبر على طول تنور العلامه حقت السياره الي تنزلق وتسمع طقه في البريك يقوم يلعب؟
وش السالفه

وحتى مع الماي في الشارع ينور بعد

هل هو شغال على طوول ولا لازم يكون مضغوط الزر لأني ماكنت ضاغط زر ونورت اللمبه؟؟

SAL

ولد وايل

17/12/2007, 08:09 PM

اخوي مشكور عالرساله الحلوه MMS ولي عتب اتصلت وما رديت

عموما مانع الانزلاق السلك اللي تفصله جاب نتيجه جربته

اتصلت فيك بخبرك بالمشكله اللي حصلت معاي

خذ هالرابط
http://www.mekshat.com/vb/showthread.php?t=114970

ولد وايل

17/12/2007, 08:14 PM

اخي الكريم فيه سلك او فيش تحت علبة زيت الفرامل عباره عن سلكين افصلها والسياره طافيه ثم شغل السياره بتلاقي لمبات Vsc مولعه زائد لمبة الانزلاق والجلنط البريك ثم ارجع واشبك الفيش طبعا كذا يكون مفصول امانه لاتفصله الا بالبر لان بالمويه داخل الطرق راح تزحف فيك السياره واذا بغيت يرجع الوضع كما كان طف المحرك ثم شغله يرجع لوضعه الطبيعي

MyName

17/12/2007, 11:58 PM

وعليكم السلام ورحمة الله وبركاته ,,,

أسهل طريقه وأعتقد الطريقه الوحيده لفصله نهائياً .. بس للأسف عواقب هذه العمليه على السياره او كمبيوتر السياره مو معروفه يعني إذا تبي تسويها او اي واحد انت اللي تتحمل المسؤوليه :)

http://i93.photobucket.com/albums/l70/rjr84/vsc002.jpg

http://i93.photobucket.com/albums/l70/rjr84/vsc001.jpg

http://i93.photobucket.com/albums/l70/rjr84/vsc003.jpg

المصدر : http://www.fjcruiserforums.com/forums/4x4-off-road-tech/7462-how-disable-vsc-works.html

وهنا معلومات عن توصيل فاصل للتراكشن كنترول : http://www.fjcruiserforums.com/forums/4x4-off-road-tech/8018-install-vsc-cancel-switch.html

تحياتي

تحياتي ,,,,

ولد وايل

18/12/2007, 12:21 AM

كلام سليم وبارك الله فيك اخوووووووووووووووي

vxr99

24/12/2007, 01:21 AM

اخوي ولد وايل مسيت بالخير
انا رحت امس للرمايه الي بالدائري عند الفهد كراون ولقيت عندهم اعلان عن تانكي اضافي للاندكروزر سعتين واحد حوالي 120 لتر والثاني 145لتر مرهم له طرمبه وجاهز للتركيب وسالتة السوداني اللي بالمحل عن تانكي لل fj قال فيه طلبيه لاي سياره تبي اتمنى تلقى عندهم وتقبل تحياتي

ولد وايل

25/12/2007, 01:16 AM

بيض الله وجهك اخوووووووووي وبارك الله فيك وما قصرت

مزاجي

03/01/2008, 09:27 PM

ابوقاسم

03/01/2008, 09:57 PM

ياليت تتحفنا برقمهم اخوي vxr99

ولد وايل

05/01/2008, 12:45 AM

باذن الله الرجال بيفيدكم

SAL

05/01/2008, 01:25 AM

سلام

اخوي الوكاله تيوتا ماتركب لو اطلب منهم؟

Sal

ولد وايل

05/01/2008, 11:33 AM

ما اظن الوكاله بتركب تانكي

ولك تحياتي

أشيقراوي

05/01/2008, 02:49 PM

اخوي ولد وايل اذا صفيت في شي بالموضوع تكفى علمني او راسلني على الخاص او الايميل

o_3th@hotmail.com

ولد وايل

06/01/2008, 12:14 AM

ابشر ياراعي اوشيقر من عيوني

vxr99

07/01/2008, 01:14 AM

مساء الخير اخوي

التناكي اللي لقيته في الرمايه للاندكروزر كم موديله يركب على الاندكروزر الجديد 2008 وكم قيمته
مسيت بالخير اخوي مزاجي التانكي للموديل الاسبق حتى 2007 وقيمته ان ما اخطيت 3500 مع التركيب ولا تاخذ على كلامي اضاهر اني شيبت انا با26 سنه

vxr99

07/01/2008, 01:15 AM

ياليت تتحفنا برقمهم اخوي vxr99
اخوي ابو قاسم باذن الله اجيب لك رقمهم

ولد وايل

07/01/2008, 03:39 PM

شباب اخبر ان موضوعنا عن الاف جيه كروزر طمرتوا على اللاند كروزر عموما اهم شي انكم انتفعتوا من بعضكم

vxr99

07/01/2008, 09:33 PM

انا اااااااااااسف اخوي ولد وايل واطلب منك السموحه لكن حدوني الشباب ولاودي اسفهم
اكرر اسفي اخوي ولد وايل

ولد وايل

07/01/2008, 11:21 PM

اخوي لاتزعل من كلامي امزح معكم ابد حنا اخوان

SAL

19/01/2008, 11:05 AM

اخوي ولد الوايل
وش صار على موضوع ركبت لك تانكي؟؟؟
اخوك
سالم
sal

ولد وايل

20/01/2008, 03:38 PM

اخونا سعيد من الامارات انا مكلمه اليوم ويقول انه مفصل تانكي بس باقي له التركيب لما يركبه بيعطيني خبر هو مفصله بدون تركيب بـ1200درهم

أشيقراوي

20/01/2008, 03:49 PM

اخوي ولد وايل

فصل لك تانكي مويه تحت تراه افضل واريح وتستفيد منه اكثر ان كنت راعي كشتات

والبنزين كل ما فضى عبه ,, :)

صدقني المساحه اللي تحت استغلها بتانكي المويه

انا مركبه والله ياهو مريح

ما اشيل هم المويه

فصله المنيوم واعزله بصاج حديد

والله بتنتفع منه كثير

وفي النهايه الامر راجع لك

ولد وايل

20/01/2008, 04:04 PM

ياراعي وشيقر وين فصلت التانكي حق الماء وبكم انا اول مفصل للجي اكس ار تانكي ماء من المميز

ظبي

20/01/2008, 07:28 PM

لا تقرب المميز نصيحه
عندك الف ورشه ازين منه

ظبي

20/01/2008, 07:30 PM

اذا تبي راسلني والا ارسل \
بريدك خل اعلمك على الماسنجر
خصصصصصصصصصوصصصصصصصصصصصا اني باشري اف جي
هههههههههههههههههههه

ولد وايل

21/01/2008, 12:42 AM

اخي ظبي اجل وين الارخص ارجوا الاجابه

ظبي

10/02/2008, 10:54 AM

علوم التانكي اخوي سعيد

ولد وايل

13/02/2008, 03:45 AM

مشكووووووريــــن وسعيد ما خبرنا عن التانكي

Last Nomad

13/02/2008, 07:58 AM

مشكووورين والله يعافيكم

ولد وايل

13/02/2008, 02:10 PM

مشكور اخوووووووووي لمرورك الرائع

ظبي

13/02/2008, 03:13 PM

لنل لقول لو يجرب تانكي الاندكروزر الاظافي يمكن يصلح

ww4ss

13/02/2008, 04:40 PM

احترم سؤالك واحترم اختيارك لسيد المواتر Fj كروزر واذا وجدت حل لهذه المعضلة ارجوا افادتي للاستفادة من تجربتك
اخوك الابجر

ولد وايل

15/02/2008, 01:55 AM

باذن الله نلاقي اجابه شااااااااااااافيه

ولد وايل

05/01/2009, 11:00 PM

ان شاء الله تجدون الحل غير ابوسليمان لانه غالي هووسوافي

ولد وايل

03/08/2009, 12:54 PM

شباب بشرو لقيتو رخيص وشغل زين او مازال غالي

مجالس الرجال

03/08/2009, 02:30 PM

ولد وايل مابعد ركبت تانكي
انا انصحك ماتركب وإذا انت جازم مر اليحيى لكن عندي ملاحظات على شغله
يعزل التانكي ويغطيه بالشراع وانا ماادري من عطاه ضمان إنه يتحمل الحراره
ولا يحرق الموتر 0
الثانيه إنه يشد التانكي على الشاصي بدون مايخلي مسافه بين التانكي والغماره او هيكل السياره
وهذا يسبب إحتكاك للتانكي واللي يثبت كلامي إنه الهيكل جالس على الشاصي بجلد وربلات
يعني فيه مرونه وهذا هو اللي يسبب الاحتكاك
الكلام هذا عن تجربه بتانكي ماء كان يطقطق يا بماصورة تانكي البنزين او بنفس الغماره
والحل للمشكلتين بسيط لكن اليحيى ماراقله هالكلام

ظبي

03/08/2009, 04:50 PM

ولد وايل ما لك الا اليحيا
والا شغل اخونا سعيد بالامارات مجرب ومضمون

ولد وايل

15/08/2009, 05:31 PM

طيب كم يكلف شغل اليحيا

والافضل اني اركب تانكي كبير والغي القديم

بو جريس 73

16/08/2009, 08:11 AM

:good: الأخ ولد وايل

في موضوع شايفه قبل شهرين تقريبا لأحد الأعضاء بالمنتدى العزيز منزل موضوع تركيب تانكي برادو VX على

اف جي بالصور وحتى اذكر حاط رقم صاحب الورشه التي تقع بالرياض

وتقبل مروري اخي العزيز :good:

عبيثراني

18/08/2009, 01:49 PM

تحيه طيبه
فيه ورشه بالامارات العربية دبي صناعية القوز متخصص بتركيب تانكي اضافي للاف جي
نوع التانكي حق برادو يركب تحت الشنطه بدون ترهيم او تلحيم اوتخريم كأنه مخصص له قيمته 2500شامل التركيب
احداثيه :n25.10.48.83
e55.21.02.50