هل اقدر ادخل بالقلص للنفود ؟؟

[طخيمان]

بسم الله الرحمن الرحيم

انا يا جماعة الخير عندي قلص بس من حوالي 4 سنوات ما حركته ولا زينت فيه شيء وودي ازينه وارشه من جديد واغير كفراته بس سؤالي هل اذا تعبت وزينته اقدر اعتمد عليه وادخل به نفود ولا لا

حنا بالعادة نطلع به لأماكن ما فيها نفود نتحاشى التغريز ولا قط جربت هل يمشي ولا لا

فأبي الجواب منكم تكفون

للمعلومية

القلص فسه سست ومساعدات وكفراته على ما اظن 215/14 وعرضها حلو وفيه تانكي ماء حوالي 150 لتر

والله يعطيكم العافية

[طحنون]

الاخ العزيز طخيمان
الدخول به الى النفود يمشي الحال اذا كان وزنه خفيف ومصنوع من الالمنيوم ومجلفن
وتحس انه متماسك
والموتر اللي بتقلصه فيه ينشدبه ظهر ومعاك موتر ثاني
يمشي الحال خلاف ذلك لا انصح به
واذا بتروح لنفوذ تشبه الربع الخالي انسى الموضوع لان هناك السياره يالله ان تسحب نفسها

هاذي وجهه نظري للموضوع

[طخيمان]

اخوي طحنون ما قصرت الله يعطيك العافيه

والقلص انا ابيه بس احيانا اذا رحنا للصمان تعرف احيانا ًندخل للدهناء وبالنسبة له هو حديد على ما اظن مهوب

المونيوم ولاهوب ذاك الثقيل مرة والموتر اللي يسحبه لا ندكروزر

[طخيمان]

وان شاء الله بصوره لكم في اقرب وقت

[Black VTC]

على حسب القلص مثل ماقال اخوي طحنون ولا تنسى حسب الموتر اللي يسحب القلص وحسب سواق الموتر :)

[غضنفر]

وش الموتر الي بتشبك القلص فيه ؟؟؟

[طخيمان]

وهذي الصور واعذرونا على قلة الوضوح

http://shaqra2006.jeeran.com/photos/916207_l.jpg

http://shaqra2006.jeeran.com/photos/916206_l.jpg

http://shaqra2006.jeeran.com/photos/916205_l.jpg

وان بغيتوا اصوره في النهار ما عندي مانع :)

[ساقان]

ان شاء الله مامن خلاف لاكن ركب الهوك الامريكي تلاقيه عند السليماني بالغرابي وأسعاره من 120 الى 180 ودور السهل ولاتقص العروق

[غضنفر]

حالته حاله هالقلص
انصحك تنطله
اذا رحت للبر
هههههه
اذا الموتر الي بيسحبه دبل
لا تخاف ادخل النفود وانت مرتاح
بس بشرط
ارخ كفرات الجيب خلها 10 وشغل الدبل
والاهم من ذلك
انك تنسم ايضا كفرات القلص
نعم نسمها
عشان تمشي بالنفود وانت مرتاح

[طخيمان]

مشكور اخوي ساقان بس الهوك اللي في الجيب زين وممتاز ومفصل القلص عليه

اخوي غضنفر



حالته حاله هالقلص


اي والله حالته حاله

اذا رحت للبر
ههههههههههههههههههههههههههه

أنا عشان كذا ودي ارشه وازينه واطلعه جديييييد يلق ولو اني بتخسر عليه شوي لكن ما يخالف ان كانه يستاهل

ومشكور على النصايح والله يعطيك العافية
:)

[طحنون]

اذا كان الموتر اللي بيسحبه بليز من البليزرات القديمه
ومحركاته قويه ونشيطه لا تخاف
اما اذا بيسحبه باترول او كروزر تراه بيسحبه لاكن بيتعب الموتر

[ابوعبدالله 2]

ماعندك مشكله اخوي بس لين الهواء للسياره وله ولا تطامر فيه بقوه ولا عليك اخلاف وانا اخوك وتحياتي لك وللجميع

[سندهم]

زي ماقالو لك الأخوان : نسم للجيب اللي بيسحبه وأنا أقولك ركب له كفرين إإعراااض يفرشن أذا نسمتهن وأن شاءالله يسهل سحبه .

شكراً لك

[مـدحـدر]

لالالالالالا تنسى انك ما تقدر تريوس ( ترجع ) بالسياره والقلص مشبوك



انتبه تنسى




ونتمى لك سلامتك

[mrayman]

88888888888
الرجال مدحدر جابها انسى تراه ما بيخليك تريوس بالنفود يعني ماهوب تدق ريوس يوم يلاقيك هاك القص

وغيره نسم الكفرات وتوكل على الله

[السنع كله]

يبيي الارض السمحة المستوية اما الصعود والارض غير ممطورة ومع هالمقطورة فصعب وانا ابو نورة ولا تنس الخوي المباري والله الموفق

[عقريص]

على حسب القلص مثل ماقال اخوي طحنون ولا تنسى حسب الموتر اللي يسحب القلص وحسب سواق الموتر ,واخم حاجة إن المسافة اللي بين الكفرات في القلص نفس المسافة اللي بين الكفرات في السيارة ,
ونصيحة إذا بتروح للربع الخالي ماينفع القلص أما غيرة فتوكل على الله وماعندك مشكلة

[طخيمان]

مشكووووووووووووورين وما قصرتوا على النصايح والله يعطيكم العافية

[ساقان]

الهوك (المشبك) اللي يركب بالقلص يالطيب انتبه من الصيني لانه بلا مقاييس معتمده

[القناص]

ولو شكله حديد وثقيل

ظبطه وبعه

وشف لك من هالقلوص الالمنيوم الجديده اللي خفيفه على الموتر واامن من الانواع القديمه

صاحبتك السلامه

[رحال نجد123]

اخوي السلام عليكم انا جربت الدخول بالقلص كم مرة ب جي اكس ار ماشي زي الحلاوه بس حط في كفرات الجيب 15 والقلص كذلك لاكن حاول تمشي مع السهال وتجنب العروق والنزول معها واذ حصل وغرزت حاول تفك القلص من الجيب لين يطلع الجيب ويكون معك واير تسحبها قليل وغير اتجاهها وارجع عليها مره ثانيه وركبها بيكون فيه كلفه بس تركب ومافيه مشكله وتوكل عل الله

[طخيمان]

مشكوريييين والله يعطيكم ألف ألف عافية

وبالنسبة للبيع كم يبي يجيب لو بغيت أبيعه هو مكلفني 3000 ريال

[التاكسي]

بلعكس اخوي طخيمان كان عندي واحد مثله الون احمر مصدي
بس غيرت الكفرات جديد وشراع عن المطر(وشوله الخساير) وماشي احسن مايكون لا وبعد اشيل عليه اوزان ثقيله وفي الرمل والطعوس ماشاء الله جيبي نيسان سفار وامشي عليه بالبر وبسرعا ت حلوه
بس انتبه يبيله مسايسه وانتباه

(علي فكره اذا كان مافيه لمبات رهمله لمبات ماتكلف 20ريال رهمله من حقات الزينه )

[ابو_هيا]

والله يا اخوي انا عندي قلص احمله بكل شي ويطلع ثقييييييييييييييل جدا ولكن مايضرة يمشي في الطعوس عادي بس انتبه انك تنسم كفرات القلص ترى معاد يمشي معك

وثاني شي لا ترقى طعس قوي يعني في الطعوس الخفيفه يمشي معك زي الحلاوة

بس بيني وبينك لو تركب سله خلفيه ترى احسن من القلص وماتكلفك السله 400 ريال في الصناعيه القديمه وتشيل عفشك كله في السله