ما رأيكم بالدورانجو؟

[طلحة]

السلام عليكم
انا هذه الايام أدور على سيارة جديدة للعائلة في المقام الأول وللبر ثانيا، شفت اليوكون والتاهو والاكسبيديشن والاكسبلورر والدورانجو
ووجدت سعر الدورانجو من دودج أقل بكثير من باقي السيارات من نفس الفئة.
فمن جرب هالموتر وما هي عيوبه وميزاته من ناحية القوة والرساوة والامان والصيانة وقطع الغيار وتعامل الوكيل وغيرها.

[أبو LAMeS]

تحياتي لك أخي الكريم
بكم لقيت سعر الدورانجو؟
وما هي المواصفات ؟
شكرا لك

[طلحة]

الدورانجو موجود لدى وكيله المتحدة للسيارات
عبارة عن 3 فئات كلها فيها دبل موديل 2007
الفئة الأولى (ليمتد) بـ 107 الف ويتميز بمقاعد جلد، وفتحة علوية، وجنوط كروم لماعة، وشاشة كميوتر صغيرة خلف المرآة العلوية، ودعاسات، وهوك خلفي وأمامي.
الفئة الثانية بـ 97 الف ويتميز بكل ميزات الفئة الاولى ما عدا الفتحة، ومقاعد الجلد، وجنوط الكروم، والهوك الامامي.
الفئة الثالثة بـ 93 الف لايوجد به من الميزات السابقة سوى هوك أمامي فقط.

أما مواصفات المكينة والمواصفات الأساسية فيمكنك الاطلاع عليها على الرابط:
http://www.dodge.com/en/2008/durango/

لكن الكلام على التجربة وقطع الغيار
والذي سيفيدنا هو من جربه أو من يعرف من جربه

[طلحة]

لا زلنا في انتظار آراء الأخوة الأعضاء

[الأسمري 2009]

اولا: صباح الخير
السيارة ممتازة وقوية ومريحة في الطريق


جربت موديل 2002 مشاء الله عليها من احلا واجمل السيارات
لاكن المشكلة في قطع الغيار الي محتكرها العيسائي وناااااااااااااااار
تخيل القزاز الخلفي قيمتة 7300 ريال وفي مشكلة حصلت بدبل
كلف 16000 ريال ولا طلبية من امريكا بعد
السيارة ممتازة لاكن القطع غالية ومبالغ فيها والوكيل جشع وطماع
وانصحك استخير وشوف اول شي ميزانيتك لو تجيب يوكون افضل منة
ولك تحياتي

[أبو LAMeS]

تحياتي أخوي طلحة
إذا الليمتد عندنا يجي شاشة نفقشين وبنفس السعر ( 107) فهو فعلا سعر منافس والسيارة تحتاج لوقفة والتفكير فيها

لكن لي أقتراح إذا كنت تبي تاخذ سيارة من شركة كرايسلر ليش ما تفكر بالجيب الشروكي؟
أتمنى من اللي جرب الدورانقو فقط أنه يفيدك

[طلحة]

أخوي الجراح صباح النور
وكيلها العربية للسيارات وليس العيسائي إلا إذا كان هو نفسه؟ ما ادري والله.
سألت موظف المبيعات عن غلاء أسعار قطع الغيار عندهم وذكر انهم نزلوا من أسعارها كثير وهي الآن تزيد بمقدار بسيط عن أسعار قطع الفورد. طبعا يمكن الموظف يقول هذا الكلام للزبائن عشان يصرف بضاعته، لكن كيف نقدر نتأكد من صحة كلامه؟
والأسعار اللي ذكرتها فعلا ماهيب صاحية واذا كانت على ما هي عليه فانا ما راح آخذه ولو بخمسين الف.
أما اليوكون والتاهو فأقل فئة فيهم 124 ألف ريال وزي ما تلاحظ الفرق كبير جدا بينهم وبين الدورانجو، والواحد وانا أخوك ما ودك يدحدر مع الناس بدون ما يبحث ويسأل ويفكر يمكن يحصل أسعار أقل بجودة أعلى.

أخوي ابولميس مرحبا بك واهلا وسهلا
ما لك لوا أخوي، الليمتد لا يوجد به شاشة ولا نظام ملاحة. كل اللي يفرق ما ذكرت أعلاه، إضافة إلى أن أزرار المكيف الكترونية بدلا من يدوية.
أما الجيب الشيروكي فمع احترامي له، إلا انه لا يصلح للعائلة لصغره وجفاسته وكثرة أعطاله.

[.أبوعبدالرحمن]

وانا اخوك لا تستعجل


تريث وترى في بدلاء منه وافضل منه في بعض النواحي من تويوتا ونيسان

[ي ح ق 517]

اسأل مجرب
2005 اذا كنت راعي ديره فقط فهو موتر
اما البر ماينفع لأن الاديتر نازل مره
لكن مكينته قويه مرررررره ومريح
والسلام ختام.........

[ابو حافظ]

اخي طلحه
السلام عليكم ورحمة الله وبركاته
انصحك بمقاطعة البضائع الامريكيه لوجه الله
(من ترك شيء لله عوضه الله خير منه ) واسئل الله ان يوفقك لما يحب ويرضى

[محب النبى]

نصيحه لله يا تاخذ تا يوتا والا نيسان وغير كذا لا والف لا

والله يوفقك للخير

[طلحة]

أخوي ابوعبدالرحمن الصفيان
بارك الله فيك أكون لك شاكرا لو ذكرت لي بعض البدائل في التويوتا والنيسان والمنافسة في المواصفات والسعر.

أخوي ي ح ق 517
مشكور على ملاحظتك، أنا ابغاه في الأصل للعائلة في الديرة ولكن أريد أن استخدمه في البر بين الحين والآخر استخدام حشمة من غير مطامر ومطاعس.

أخوي ابوحافظ
وعليكم السلام ورحمة الله وبركاته، نصيحة طيبة من رجال طيب. لكن تراهم حدونا على السيارات الأمريكية حد بالمبالغة الغير مبررة في أسعار الياباني والاوروبي. حتى وصل اللاند كروزر الان الى ربع مليون ريال

[طلحة]

أخوي محب النبي
أسأل الله أن يجمعنا وإياك في الفردوس الأعلى بصحبة من أحببت وأن يوردنا حوضه ويرزقنا شفاعته
ما وضحت يالغالي ليش اللاءات الألف؟

[ابوريناد1979]

السلام عليكم
اذا انت رجال تبي موتر يعيش معك مدة لاتقل عن 10 سنين فأنحش عنه
وذا مايهمك وتقول ابي استخدمه 5 سنين ثمن ابيعه بأي سعر خذه , ولاراح يجيب سعر وقتها وبتصير الكوريلا اللي بموديله اغلا منه .
قطع غياره معروف انه غالي ومايحتاج شهادة احد .
السياره البديله :باثفاندر ولا فورتشنر ’ صح انهم اضوق منه لكن ابرك منه
تحياتي

[التاكسي]

اخي طلحه
السلام عليكم ورحمة الله وبركاته
انصحك بمقاطعة البضائع الامريكيه لوجه الله
(من ترك شيء لله عوضه الله خير منه ) واسئل الله ان يوفقك لما يحب ويرضى




ونا معه في الراي

[طلحة]

ابوريناد
التاكسي
بارك الله فيكم ونصائحكم على رأسي

[السارحي]

انا كان عندي واحد ليميتد توني بايعه 2004 دفع رباعي
موتر ممتاز الى ابعد الحدود وصلت فيه الى صلاله جنوبا والى حدود تركيا شمالا
موتر خطوط ولايهمه كم تمشي وصرفيته للبنزين ممتازه وعليه قوه ماشاء الله
على فكره انا فاكه على ايدي من الوكاله وما اشتكيت منه الا شغلتين فقط
الاولى اذا وقفت فتره طويله يحتر شوي فوق النص والكلام هذا من اول ما خذيته وقالولي الوكاله طبيعي
الثاني نزوله الشديد واللي يسبب تعليقه فقط والا هوما يغرز حتى في الشعبان والطعوس لكن لو انه ارفع
كان يا سلام ولا يحتاج تشغيل الدبل لانه دفع رباعي الا في الشديد
واخيرا ارجو اني وفقت يالغالي بتوصيل المعلومه
ملاحظه : اذا انت رجال منت بايعه ما عليه لكن اذا انت من اللي يقولون اشتر تبيع لا تقربه :no2:

http://www.mekshat.com/pix/upload02/images53/mk17628_dodge1.jpg


http://www.mekshat.com/pix/upload02/images53/mk17628_dodge2.jpg

وهذا موتري اللي في الصور

[طلحة]

معلومات قيمة ومفيدة أخوي السارحي فشكرا لك ولاهنت،
لكن عندي بعض الاستفسارات ودي تفيدني فيه لو ما عليك كلافة.
1- ودي أعرف كم يطيح من سعره عند البيع؟ فبكم بعت الموتر؟ وهل بعته في الحراج ولا عن طريق معرض ولا لمعرفة؟ وبكم انت شاريه؟
2- وش رأيك بأسعار قطع غياره مقارنة بالتاهو واليوكون؟ وكيف تعامل الوكيل معك عند الصيانة؟
3- هل هناك أي مشاكل من الدبل؟
4- انا منيب بياع. ودي أشتريه وأخليه عندي على الأقل 10 سنوات، فهل الموتر يتحمل الكرف لعشر سنوات؟
وعلى فكرة حصلت في المعارض على النوع القياسي اظن اسمه Lst ودبل وجديد 86500 ريال فقط

[ابو خطاب]

عيبه وكيله .. من وين ماتجيه الوكيل عوج وردي وجشع.. مافيه حيله.

[طلحة]

السلام عليكم
أشكر كل من شارك برأيه ومشورته وخبرته وأدعو الله أن يثيبكم ويجزيكم خير الجزاء
ابشركم شريت تاهو ال تي من العيسى واليوم أو غدا استلامه

[أبو LAMeS]

السلام عليكم
أشكر كل من شارك برأيه ومشورته وخبرته وأدعو الله أن يثيبكم ويجزيكم خير الجزاء
ابشركم شريت تاهو ال تي من العيسى واليوم أو غدا استلامه

ما شاء الله تبارك الله
الله يطعمك خيره ويكفيك شره لكن لو صبرت على 2008
لازم ترفعه من قدام إذا كنت تبي دخل في البر والطعوس قبل أشهر طلعت يوكن 2007 وطاحت علي اللوحة وأنا أطاعس
وشكرا

[رعد النجدي]

الشركه لا غبار عليها
لكن مصممه لطبيعة امريكا
واهم شي وكيلها ما يسوى قرش
رح اسأل عن اسعال قطع الغيار الخفيفه من بواجي وسيور وفحمات وغيره
ومر على ورشتهم وشف المواتر وحاول تقابل اشخاص مستخدمينها وتعرف عيوبها

[طلحة]

مشكور أخوي ابولميس
انا فعلا اخذت 2008 لكن دفرنس واحد لاني مخصصه للعائلة وطلعات البر الخفيفة، أما المطامر على الطعوس فعندي موتر ثاني اللي هو سووزوكي جراند فيتارا 2004

بيض الله وجهك اخوي رعد النجدي، وفعلا مثل ما تفضلت السبب الرئيسي في صرف النظر عن الدورانجو هو مستوى تعامل الوكيل واسعار قطع الغيار، والا الموتر بحد ذاته ممتاز وما فيه عذروب

[شرقي]

السلام عليكم ورحمه الله وبركاته
سؤالي عنها وشي من سياره في الرمال والنفوذ و هل فيها مشاكل شا ئعه وسلامه الجميع

[طلحة]

أخوي الشارقي وعليكم السلام ورحمة الله وبركاته
رد الاخ السارحي التالي قد يجيبك على سؤالك أما انا فما جربت الموتر.

انا كان عندي واحد ليميتد توني بايعه 2004 دفع رباعي
موتر ممتاز الى ابعد الحدود وصلت فيه الى صلاله جنوبا والى حدود تركيا شمالا
موتر خطوط ولايهمه كم تمشي وصرفيته للبنزين ممتازه وعليه قوه ماشاء الله
على فكره انا فاكه على ايدي من الوكاله وما اشتكيت منه الا شغلتين فقط
الاولى اذا وقفت فتره طويله يحتر شوي فوق النص والكلام هذا من اول ما خذيته وقالولي الوكاله طبيعي
الثاني نزوله الشديد واللي يسبب تعليقه فقط والا هوما يغرز حتى في الشعبان والطعوس لكن لو انه ارفع
كان يا سلام ولا يحتاج تشغيل الدبل لانه دفع رباعي الا في الشديد
واخيرا ارجو اني وفقت يالغالي بتوصيل المعلومه
ملاحظه : اذا انت رجال منت بايعه ما عليه لكن اذا انت من اللي يقولون اشتر تبيع لا تقربه :no2:

http://www.mekshat.com/pix/upload02/images53/mk17628_dodge1.jpg


http://www.mekshat.com/pix/upload02/images53/mk17628_dodge2.jpg

وهذا موتري اللي في الصور

[ابوريناد1979]

السلام عليكم
أشكر كل من شارك برأيه ومشورته وخبرته وأدعو الله أن يثيبكم ويجزيكم خير الجزاء
ابشركم شريت تاهو ال تي من العيسى واليوم أو غدا استلامه

ماشالله اختيار موفق , موتر رزه ووكالته حليوه (له اكثر من وكيل عشان ماتنحد على احد) وسعره مناسب بالنسبه للمواتر الأخرى
الله يطعمك من خيره ويكفيك شره

[السارحي]

ارحب يا طلحه ولا يهونون الربع انا طال عمرك شاريه من الكويت
وما بعته بدلته بجي اكس ار 98 وهو تقريبا نفس القيمه عندنا ارجو اني افدتك بهالمعلومات
واسف على تاخيري بالرد والله يعطيك خير الموتر اللي شريته

[طلحة]

جزى الله خيرا كل من بارك لي،
وأسأل الله ان يعطينا خيرها وخير ما صنعت له ويكفينا شرها وشر ما صنعت له.

[2008]

السلام عليكم
ياشباب أنا اشتريت دورانجو موديل 2002 من واحد خواجه استعماله من الوكاله والحمدلله السيارة نظيفة مره بعد الفحص مافيها اي شي اءلا شوية تهريبات في صوفة عصا القير وغطأ الدبل من تحت ومايحتاج فك القير أو الدبل بس الأغطية اللي من تحت وتغير بواجي وفلاتر هذا اللي فيها كله بس ودي أسال أنا ما شفت في السيارة أي خطاف سحب مقطورة أو سيارة لا من الخلف ولا من الأمام (الخطاف اللي تحط فيه واير السحب اذا تبي تسحب سيارة مغرزة ) ماأدري هي تجي من الوكاله كذا علشان ماتسحب فيها شي واذا أبي أسحب فيه كيف استعمال الدبل مع القير الأتوماتيك يعني أحط الدبل الثقيل وأحط القير علي 2والا علي D وين أقدر أركب خطافات قدام ومن الخلف ( أسم الورشة اذا ممكن ) واذا أحد يعرف ورشة تفهم في الدورانجو يقولي عليها أنا عارف اني ثقلت عليكم بس أنا أعرف انكم ماتقصرون مع زملأكم أعضأ مكشات ودايم أهل فزعات

[فهووودي 7991]

اخوي طلحه


اول شي الله يطعمك من خيره ويكفيك شره


تعليقي من واحد مجرب تاهو والدرانجو


اول شي تاهو في تاريخ 7/11/1428هـ طلعنا للبر معنا تاهو 2007 جديد دفرنسين ماشي تقريبن 4000كم


العيوب الي طلعت معنا


لمبه حقت تنبيه ان الكفر اذا كان الهوى ناقص مولعه على طول عبينا الهوى الين اربعين ولا طفت وراعي السياره يقول من نسمت من قبل فترة والمبه ماطفت


العيب الثاني وحنا نطعس فيه الحراره ترتفع الى ثلاث ارباع ارتفعت معنا يمكن اربع مرات جربناه نطفيى السيارة عشان تبرد ونشغله بعد خمس دقايق نلقاه ثلاث ارباع خليناه على السلف قلنا يمكن تشتغل مرواح الكهرب وماشتغلت افضل طريقه انك توقف السياره لين تنزل الحراره من نفسها علمن ان كانت درجة الحرار 14 برررررررررررد


هاذي العيووب الي صادفت معنا


عزمه لك عليه موذيك الدراجه الي كنا نتوقعها
= = = = = = = =


ثاني شي الدرانجو مره كنا نتمشا فيه بدون تنسيم في البر عشان نوقفه فوق طعس ونتكي وبعدين نمشي الي هو عند الهرم الكبير ارتفعت الحراره ثلاث ارباع


ومره من المرارير تأخرت على العيال في المخيم معي مفتاح الماطور من طفش العيال قامو يطاردون بعض في السيارات هي درانجو وكورلا انا لحقت على آخر المطارده ركبت مع صاحب الدرانجو قلت ابي اشوف تجربة السيارة صراحه السياره سيييييييييييييييييئ من النوع الي يدابج من الوجه انكسرت عليه الحية الربله الي تجي تحت الصدام تخيلو ابي ارمي في الهوى بغيت ارمي على نفسي وعلى الي معي لدرجة اني ذبيت الفرد تحت خفت لايجينا شي طلعت الكورلا انها افضل وارسا من الدرانجو بمليون مره
= = = = = = =


عموما الأمريكي عامه اذا بغيته للبر قبل لا تدخل نسم الكفر الى 15 اذا كان حقين الهوى بعيدين عنك والأفضل 10 اذا كان حقين الي يتفخون الهوى قريبين منك ويبيله مسايس ولاتنسى تفك مانع الأنزلاق اهم شي واذا كنت منتب في حاجة الدبل طفه وحاول انك اذا وقفت السيارة في رمل وقفه على طلعه وخل وجه نازل شوي من الطعس وعيب الأمريكي اذا تكا تكا الله يعينك على تطليعته